13/08/2025
ഹാപ്പിനസ് കൂട്ടായ്മയായ "ഫെലിസിറ്റ"യുടെ ലോഗോ പ്രകാശനം ചെയ്തു.
കൊച്ചി:
മാറിയ കാലഘട്ടത്തിൽ സന്തോഷകരമായ നിമിഷങ്ങൾ പങ്കിടാൻ കലൂരിലെ പ്രായഭേദമന്യേ ഒരുപറ്റം ആളുകൾ ചേർന്ന് ആരംഭിച്ച ഹാപ്പിനസ് എന്നർത്ഥം വരുന്ന ഇറ്റാലിയൻ പദമായ felicità എന്ന കൂട്ടായ്മയുടെ ലോഗോ പ്രകാശനം ആശിർഭവൻ ഡയറക്ടർ റവ. ഡോ. വിൻസെൻറ് വാരിയത്ത് നിർവഹിച്ചു. സന്തോഷം പങ്കിടുന്നത് പോലെ തന്നെ എപ്പോഴും ഒത്തുകൂടലുകൾ ഉണ്ടാകണമെന്ന് പ്രകാശന വേളയിൽ അച്ഛൻ ഓർമിപ്പിച്ചു.
കോവിഡ് കാലത്ത് മാനസിക പിരിമുറുക്കങ്ങൾ അനുഭവിക്കുന്നവർക്ക് ആശ്വാസമേകാൻ വേണ്ടി അനുദിന ആത്മീയ ചിന്തകൾ എന്ന പേരിൽ തയ്യാറാക്കിയ എപ്പിസോഡുകൾക്ക് കെ സി ബി സിയുടെ അംഗീകാരം നേടിയിട്ടുള്ള വ്യക്തിയാണ് ഫാദർ വിൻസെൻറ് വാരിയത്ത്.
ഫിലിപ്പീൻസിലെ മനിലയിൽനിന്ന് ഡോക്ടറേറ്റ് നേടിയ ഫാ. വിൻസെന്റ് മൈനർ സെമിനാരിയുടെ റെക്ടർ ആയും സേവനം അനുഷ്‌ടിച്ചിട്ടുണ്ട്.
കൂട്ടായ്മക്ക് ഫെലിസിറ്റ എന്ന പേര് നിർദ്ദേശിച്ചത് ഇറ്റലിയിൽ സേവനമനുഷ്ഠിക്കുന്ന ഫാദർ എൽവിസ് മംഗലപ്പിള്ളിയും, ലോഗോ ഡിസൈൻ ചെയ്തത് നോബിൻ തോമസും ആണ്.
വോയിസ് ഓഫ് കലൂർ ചീഫ് എഡിറ്റർ ബാബു ഇല്ലത്ത്,മാനേജിങ്ങ് ഡയറക്ടർ ശ്രീ ജോർജ് വിക്ടർ,ഡയറക്ടർ ബോർഡ് അംഗങ്ങളായ ശ്രീ ജോണി എം ജോസഫ്,ശ്രീ . നോബിൻ തോമസ് ഫെലിസിറ്റ അംഗങ്ങളായ ശ്രീ ആൻറണി കറുകപ്പിള്ളി,ശ്രീ ഷാജു സേവ്യർ എന്നിവർ സന്നിഹിതരായിരുന്നു.
