https://www.instagram.com/thechellanamedia/, https://www.youtube.com/@thechellanammedia3431/videos

The Chellanam Media, St. Antony;s Chapel Road, Kannamaly P. O., Kochi (2026)

14/12/2025

ഓരുവെള്ളം വീണ്ടും വില്ലനാവുന്നു
ഡിസംബർ ആയതോടെ കായലുമായി ബന്ധപ്പെട്ടു കിടക്കുന്ന പ്രദേശങ്ങൾ എല്ലാം ഓരുവെള്ളത്തിൽ മുങ്ങുകയാണ്. ഓരോ വർഷവും ഇത് കൂടിക്കൂടി വരികയാണ്. പുതുതായി നിർമ്മിക്കുന്ന വീടുകൾ വരെ ഉപ്പു പിടിച്ചു തെള്ളി നശിക്കുകയാണ്. വീഡിയോ അയച്ചു തന്നത് ചെല്ലാനം മറുവക്കാട് ലിറ്റിൽ ഫ്ലവർ ചർച്ചിന് സമീപത്തുള്ളവരാണ്. അധികാരികൾ ശ്രദ്ധ പതിപ്പിക്കുക
നിങ്ങളുടെ വാർത്തകൾ ചെല്ലാനം മീഡിയയിലൂടെ അറിയിക്കാം 073065 19662
The Chellanam Media

13/12/2025

ചെല്ലാനം പഞ്ചായത്ത് വലിയൊരു ഇടവേളയ്ക്ക് ശേഷം യുഡിഫ് പിടിച്ചെടുത്തു. 15 - 7 എന്ന വലിയ വ്യത്യാസത്തിൽ ഭരണം തിരിച്ചു പിടിക്കുമ്പോൾ ബ്ളോക്കിലും ജില്ലാ പഞ്ചായത്തിലും സ്ഥിതി വ്യത്യസ്തമല്ല. ഏകദേശം ലോക് സഭ ഇലക്ഷൻ റിസൾട്ടിന് സമാനമായ വോട്ടുകളാണ് കോൺഗ്രസ് നേടിയത്. കഴിഞ്ഞ തവണ ചെല്ലാനം 20 20 നേടിയ 9 വാർഡുകളിൽ എല്ലാം കോൺഗ്രസ് ഇത്തവണ തിരിച്ചു പിടിച്ചു. കൂടാതെ സാധാരണ കോൺഗ്രസിന് തിരഞ്ഞെടുപ്പുകളിൽ ഉണ്ടാവാറുള്ള വിമതശല്യം ഏറ്റവും കുറഞ്ഞ ഒരു തിരഞ്ഞെടുപ്പായിരുന്നു ഇത്. സ്ഥാനാർഥി നിർണ്ണയത്തിൽ കോൺഗ്രസ് പാലിച്ച ശ്രദ്ധ എടുത്തു പറയേണ്ടതാണ്. LDF കോട്ടകളായ വാർഡ് 14 , 5 എന്നിവയടക്കം കോൺഗ്രസ് നേടി. സംസ്ഥാന സർക്കാരിനെതിരെയുള്ള ഭരണ വിരുദ്ധ വികാരം ആളുകളിൽ കൃത്യമായി പ്രതിഫലിക്കാൻ അവർക്ക് കഴിഞ്ഞു. LDF നു തിരിച്ചടിയായത് മിക്കയിടങ്ങളിലും നല്ല സ്ഥാനാർത്ഥികളെ കണ്ടെത്താൻ കഴിയാതെ പോയതാണ്. വാർഡ് കമ്മിറ്റികളുടെ നിർദേശങ്ങൾ വകവയ്ക്കാതെ മുതിർന്ന നേതാക്കൾ നിർദേശിച്ച ആളുകളെ മത്സരിപ്പിച്ചത് പാർട്ടിക്ക് വേണ്ടി പ്രവർത്തിച്ചവർക്ക് ഇത് അവമതിപ്പുണ്ടാക്കി. വർഷങ്ങളായി മോസ്കൊ നഗരം എന്നറിയപ്പെടുന്ന പുത്തൻതോട് പാർട്ടിക്ക് ഒരു ബൂത്ത് പോലും ഉണ്ടായില്ല എന്നത് ഇക്കാര്യത്തിൽ കടൽ കിഴവന്മാരെ പോലെ ഏകപക്ഷീയമായി തീരുമാനങ്ങൾ എടുത്ത നേതാക്കൾ കാരണമാണ് എന്ന് ആരോപണം ഉണ്ട്. കണ്ണമാലി മുതൽ വടക്കോട്ട് 2 സീറ്റുകൾ മാത്രം നേടാൻ മാത്രമാണ് LDF നു കഴിഞ്ഞത്. കടലാക്രമണം അനുഭവിക്കുന്ന ആളുകളുടെ പ്രതികരണമാണ് ഇതെന്നാണ് കരുതുന്നത്. മന്ത്രി റോഷി അഗസ്റ്റിൻ കടൽഭിത്തിയുടെ പണികൾ എത്രയും പെട്ടെന്ന് ആരംഭിക്കും എന്ന് വാക്കു തന്നു പോയിട്ട് മാസങ്ങൾ കഴിഞ്ഞിട്ടും ഒന്നും നടക്കാത്തതിൽ ഉണ്ടായ അമർഷം ഇലക്ഷൻ റിസൾട്ടിനെ നന്നായി ബാധിച്ചിട്ടുണ്ട് . ചെല്ലാനത്തേക്ക് പോയാൽ കടലാക്രമണം ഇല്ലെങ്കിലും ഓരുവെള്ളം ഇപ്പോഴും വില്ലനാണ് . വാടച്ചിറ മുതുകുപുറം അരികുചിറ പോലുള്ള പ്രദേശങ്ങളിൽ ചെളി നിറഞ്ഞ വഴികളാണ് ഇപ്പോഴുണ് ഉള്ളത്. വരമ്പുകളിൽ നാട്ടിയ ഒറ്റത്തടി പാലങ്ങളിലൂടെയാണ് ഇപ്പോഴും നടക്കുന്നത്. റോഡുകളുടെ അവസ്ഥ പലയിടങ്ങളിലും ശോച്യനീയമാണ്. അടിസ്ഥാനപരമായി ഒന്നും ചെയ്യാതെ പോയതാണ് LDF നു തിരിച്ചടിയായത്. ചെല്ലാനം പഞ്ചായത്തിലെ പ്രാഥമിക ആരോഗ്യ കേന്ദ്രങ്ങൾ, വര്ഷങ്ങളായി ആവശ്യപ്പെടുന്ന ബസ് സ്റ്റാൻഡ് , കുട്ടികൾക്കായുള്ള കളിസ്ഥലം ഇതെല്ലം ഇപ്പോഴും ഉത്തരം കിട്ടാത്ത ചോദ്യങ്ങളായി അവശേഷിക്കുന്നു. കഴിഞ്ഞ 5 വർഷങ്ങളായി ചെല്ലാനം പഞ്ചായത്തിൽ ഭരണം പിടിക്കുന്നതിനായി ഇരുമുന്നണികളും നടത്തിയ രാഷ്ട്രീയ കളികൾ ഇതിൽ ഒരു പ്രധാന കാരണമായിട്ടുണ്ട്. സിപിഎം ചെല്ലാനം 2020 മെമ്പറെ കൂട്ട് പിടിച്ചു ഭരണം നേടിയത് പാർട്ടി അണികളിൽ തന്നെ അഭിപ്രായ വ്യത്യാസം ഉണ്ടാക്കി . പാർട്ടിക്ക് വേണ്ടി പണിയെടുത്ത ആളുകളെ അവരുടെ അഭിപ്രായങ്ങളെ മറന്നു സിപിഎം നടത്തിയ അമിതമായ ആത്മവിശ്വാസമാണ് ചെല്ലാനത്തു ഇത്ര വലിയൊരു പതനം ഉണ്ടാക്കിയത്. ഒന്നിച്ചു നിന്നാൽ എന്തും നേടാം എന്ന പാഠം ഉൾക്കൊണ്ടു തിരഞ്ഞെടുപ്പിനെ നേരിട്ട കോൺഗ്രസ് പ്രതീക്ഷിച്ച വിജയം തന്നെ എല്ലായിടത്തും നേടി. കഴിഞ്ഞ തവണ ചെല്ലാനം 20 20 പിടിച്ചെടുത്ത കോൺഗ്രസ് വോട്ടുകളെല്ലാം കോൺഗ്രസ് നേടി. പുതുതായി കടന്നു വരുന്ന ഭരണസമിതിക്ക് മുകളിൽ പറഞ്ഞ കാര്യങ്ങളെല്ലാം കടമ്പകളാണ്

മത്സരിച്ച എല്ലാവർക്കും ചെല്ലാനം മീഡിയയുടെ അഭിനന്ദനങ്ങൾ
വിജയിച്ചവർക്ക് ആശംസകൾ
fans The Chellanam Media

13/12/2025

ചെല്ലാനത്ത്
തകർന്നടി ഞ്ഞു LDF
UDF ഭരണത്തിലേക്ക്
സീറ്റ്‌ നില 15 - 7

09/12/2025

വോട്ട് ചെയ്യുക
അത് നിങ്ങളുടെ അവകാശമാണ്
ഇന്ത്യ എന്ന ജനാധിപത്യ രാജ്യത്തോടുള്ള
ഏറ്റവും മനോഹരമായ നമ്മുടെ ഉത്തരവാദിത്തം
നിങ്ങളുടെ പാർട്ടിയോ വിശ്വാസമോ എന്തുമാകട്ടെ
വോട്ട് ചെയ്യുക
The Chellanam Media Subscribers

08/12/2025

ചെല്ലാനത്തിന്റെ മനസ്സ്
ആർക്കൊപ്പം ?
നിങ്ങൾക്ക് പറയാം
ഡിസംബർ 9 നു തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് നടക്കുമ്പോൾ ചെല്ലാനം പഞ്ചായത്തിന്റെ മനസ്സ് ആർക്കൊപ്പം ? വ്യക്തമായ ഒരു ഉത്തരം നല്കാൻ ഒരു മുന്നണികൾക്കും ഇതുവരെ കഴിഞ്ഞിട്ടില്ല. കാരണം മുൻകാല ഇലക്ഷനിൽ നിന്നും വ്യസ്ത്യസ്തമായി ചെല്ലാനത്തു വലിയ രാഷ്ട്രീയ ചർച്ചകൾ നടക്കാത്ത ഒരു ഇലക്ഷൻ ആണിത്. എല്ലാ സ്ഥാനാർത്ഥികളും വ്യക്തിപരമായി വോട്ടുകൾ ചോദിക്കുന്നതല്ലാതെ നിലവിലെ സംസ്ഥാന രാഷ്ട്രീയ വിഷയങ്ങളോ പ്രാദേശിക വിഷയങ്ങളോ സംവാദത്തിന് എടുത്തിട്ടില്ല. കൂടുതലും സംസാരിക്കുന്നത് വാഗ്ദാനങ്ങളെക്കുറിച്ചാണ്. കഴിഞ്ഞ തവണ മൂന്നാം കക്ഷിയായി ചെല്ലാനം 2020 ഉണ്ടായിരുന്നത് കൊണ്ട് പഞ്ചായത്തിന്റെ വികസന പ്രശ്നങ്ങൾ ഒരു പരിധിവരെ സോഷ്യൽ മീഡിയയിൽ എങ്കിലും ചർച്ച ചെയ്യപ്പെട്ടിരുന്നു. ഇത്തവണ അവരുടെ പൊടി പോലും ഇല്ലാത്തതിനാൽ ഇത്തരം വിഷയങ്ങൾ സോഷ്യൽ മീഡിയയിലും കണ്ടിട്ടില്ല. കൂടാതെ ബിജെപി യും എല്ലായിടത്തും സ്ഥാനാർത്ഥികളെ നിർത്തിയിട്ടില്ല. വിമതന്മാരും സ്വതന്ത്രന്മാരും കഴിഞ്ഞ തവണത്തേക്കാൾ വളരെ കുറവാണു എന്നതും ശ്രദ്ധേയമാണ്. സ്ഥാനാർത്ഥികൾ അതാത് വാർഡുകളിൽ എന്തൊക്കെ ചെയ്യാൻ കഴിയും എന്നതിനെക്കുറിച്ചു അധികം സംസാരിച്ചു കാണുന്നുമില്ല. തീർത്തും വ്യക്തിപരമായ വോട്ടുകൾ നേടി വിജയിക്കാം എന്ന ട്രെൻഡ് ആണ് ഇത്തവണ കാണുന്നത്. ഇക്കാര്യത്തിൽ നിങ്ങൾക്കും നിങ്ങളുടെ അഭിപ്രായങ്ങൾ കമന്റ് ചെയ്യാം. കാരണം വിജയം നേടുന്നത് ആര് തന്നെ ആയാലും അവർക്ക് ചെല്ലാനം പഞ്ചായത്തിൽ ചെയ്യാൻ നിരവധി കാര്യങ്ങൾ ഉണ്ട്. തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പ് തീർത്തും വ്യക്തിഗത വോട്ടുകളെ ആശ്രയിച്ചു ഇരിക്കുന്നതിനാൽ കഴിവുള്ള ആളുകൾ ഈ രംഗത്ത് വരണം എന്നാണ് പൊതുവിലുള്ള അഭിപ്രായം. ചെല്ലാനം മീഡിയ വഴി നിങ്ങൾക്കും അഭിപ്രായപ്പെടാം. ചെല്ലാനം വലത്തേക്കോ ഇടത്തേക്കോ ?
fans
The Chellanam Media

07/12/2025

സ്വന്തമായി
കളിസ്ഥലം ഇല്ലാത്ത
ചെല്ലാനം പഞ്ചായത്ത്
ഒരുപാട് കായിക പ്രതിഭകൾക്ക് ജന്മം നൽകിയ ചെല്ലാനം പഞ്ചായത്തിന് സ്വന്തമായി ഒരു കളിസ്ഥലം ഇന്നും ഒരു സ്വപ്നമായി തുടരുന്നു. സ്കൂൾ-കോളേജ് തലങ്ങളിൽ നിരവധി സമ്മാനങ്ങൾ നേടി വരുന്ന പ്രതിഭകൾ ഇന്നും ആശ്രയിക്കുന്നത് പുറമെയുള്ള ഗ്രൗണ്ടുകളെയാണ്. ചെല്ലാനം കണ്ണമാലി പള്ളികളുടെ മുന്നിൽ ഉള്ള ഗ്രൗണ്ടുകളിൽ ഫുട്ബോൾ അടക്കമുള്ള കളികൾക്ക് അനുവാദം നൽകിയിട്ടുണ്ടെങ്കിലും അവർക്ക് പ്രോത്സാഹനം നൽകുന്ന രീതിയിൽ ഒരു കളിക്കളം ഇല്ലാത്തത് വലിയൊരു കുറവായി ഇന്നും തുടരുന്നു. പുത്തൻതോട് പഞ്ചായത്തിനായി ഒരു കളിക്കളം വളരെ വർഷങ്ങളായി പറഞ്ഞു കൊണ്ടിരിക്കുകയാണ്. മാറിമാറി വന്ന പഞ്ചായത്ത് ഭരണസമിതികൾ ഇക്കാര്യത്തിൽ ഒരു ശാശ്വത പരിഹാരം കണ്ടെത്താൻ ശ്രമിച്ചിട്ടില്ല. ചിലരെങ്കിലും ശ്രമിച്ചെങ്കിലും അതൊന്നും വിജയിപ്പിക്കാൻ കഴിഞ്ഞതുമില്ല. ആ സ്ഥലം ഇടയ്ക്ക് യുവാക്കൾ ഫുട്ബോൾ ക്രിക്കറ്റ് കളിക്കാൻ നന്നാക്കി എടുത്തെങ്കിലും പിന്നീട് അത് കാടുപിടിച്ചു ഉപയോഗ ശൂന്യമായ അവസ്ഥയിലാണ്. ഓരുവെള്ളം കയറുന്ന സ്ഥലമായതിനാൽ നല്ലൊരു പദ്ധതിയിലൂടെ മാത്രമേ ഇതിനു ഫണ്ട് കണ്ടെത്താനും ഉപയോഗപ്രദമാക്കാനും കഴിയുകയുള്ളു. തുടർന്ന് വരുന്ന പഞ്ചായത്ത് ഭരണസമിതികൾ ഇതിനായി ശ്രമിക്കണം എന്നാണ് ജനങ്ങളുടെ അഭിപ്രായം. കഴിഞ്ഞ വർഷത്തെ ക്രൈം റിപ്പോർട്ട് അനുസരിച്ചു കേരളത്തിലെ ഏറ്റവും കൂടുതൽ ലഹരി ഉപയോഗിക്കുന്ന ചെറുപ്പക്കാർ ഉള്ള പഞ്ചായത്തുകളുടെ ലിസ്റ്റിൽ ചെല്ലാനവും ഉണ്ട് എന്നത് ഈ വിഷയം അടിയന്തിരമായി പരിഹരിക്കപ്പെടേണ്ടതാണ് എന്ന സത്യം അനാവരണം ചെയ്യുന്നതാണ്.
പഞ്ചായത്ത് തെരഞ്ഞെടുപ്പ് ആസന്നമായ ഈ സമയം നിങ്ങൾക്കും ചെല്ലാനം മീഡിയയിലൂടെ പ്രതികരിക്കാം
ബന്ധപ്പെടുക 073065 19662
fans The Chellanam Media

06/12/2025

ഈ വരുന്ന തിരഞ്ഞെടുപ്പിൽ പള്ളുരുത്തി ബ്ലോക്ക്‌ പഞ്ചായത്തിൽ മറുവക്കാട് ഡിവിഷൻ (13,14,19,20വാർഡ് )NDA (bjp) സ്ഥാനാർത്ഥിയായി മത്സരിക്കുന്ന ഷൈജു പ്രതികരിക്കുന്നു
ഞാൻ ചെല്ലാനം കമ്പനിപ്പടിയിൽ മാവേലി സ്റ്റോറിന് ഓപ്പോസിറ്റായി താമസിക്കുന്നു, ചെല്ലാനത്ത് ഓട്ടോടാക്സി ഓടിച്ചു ഉപജീവനം നടത്തി പോരുന്നു, സ്ഥാനാർഥി എന്നതിലും ഈ നാട്ടുകാരൻ ഈ പ്രദേശവുമായി ബന്ധപ്പെട്ട് ഉപജീവനം നടത്തുന്ന ഒരു സാധാരണ പൗരൻ എന്ന രീതിയിലും എന്റെ നാടിനെയും പ്രദേശത്തെയും കുറിച്ച് എനിക്ക് വ്യക്തമായ വികസന കാഴ്ചപ്പാട് ഉണ്ട്, പടിഞ്ഞാറു അറബിക്കടലും കിഴക്ക് വിജയൻ കനാൽ (പുത്തെന്തോടു )അതിന് കിഴക്കായി പാടശേഖരങ്ങളാലും ചുറ്റപ്പെട്ട ഒരു വരമ്പ് പോലെ നീണ്ടു കിടക്കുന്ന പ്രദേശം, മാത്‍സ്യ ബന്ധനവും, മറ്റ് സാധാരണ തൊഴിൽ ചെയ്തും ഉപജീവനം നടത്തി പോരുന്ന ആളുകൾ, വാർഡ് 13 നിലവിൽ യാത്ര ദുരിതം ഏറെ അനുഭവിക്കുന്ന പ്രദേശം ഓര് വെള്ളം കയറുന്ന സാഹചര്യം മൂലം ചെളിയും പുല്ലും ചെടികളും നിറഞ്ഞു വഴി ഇല്ലാത്ത സാഹചര്യം മാറണം, കൂടാതെ വാടാച്ചിറയുടെ ഭാഗങ്ങളിലും സഞ്ചാര യോഗ്യമായ വഴികളുടെ അപര്യാപ്തത, വാർഡ് 14 19 മേഖലയിലെ ഉള്ള റോഡുകൾ പോലും നിലവിൽ ഉപയോഗ ശൂന്യമായ സാഹചര്യം മുതുകുപുറം, ദീപ്തി അംഗൻ വാടി റോഡ് എന്നിവ ഉപയോഗപ്രാത്ഥമാക്കേണ്ടത് ഉണ്ട്, മുൻ കാലങ്ങളിൽ തോപ്പും പടി എറണാകുളം മാർക്കറ്റു കളിൽ ഒരു ബ്രാൻഡ് തന്നെ ആയിരുന്ന ചെല്ലാനം പച്ചക്കറി നമുക്ക് തിരികെ കൊണ്ട് വരാൻ സാധിക്കണം അതിലൂടെ വരുമാനം നേടാനും വിഷമുക്തമായ പച്ചക്കറി പ്രാദേശിയ മായി ലഭ്യമാക്കാനും കഴിയണം, അരികു ചിറ പോലെ ഒറ്റപ്പെട്ടു നിൽക്കുന്ന പ്രദേശ ങ്ങളളെ കൂടി ചേർത്തു നിർത്തി അവരുടെ ആവശ്യതകൾ കൂടി പൂർത്തി ആക്കാൻ വേണ്ടുന്ന രീതിയിൽ പ്രവർത്തനം ഉണ്ടാകണം, വിജയൻ കനാൽ നവീകരിച്ചു നികർന്നു പോയ പ്രദേശങ്ങളിലെ മണ്ണും വെയിസ്റ്റും നീക്കം ചെയ്തു കണ്ണമാലി കായലുമായി ബന്ധം സൃഷ്ടിക്കപ്പെടുന്ന സാഹചര്യത്തിൽ ബോട്ടിങ് പോലുള്ള വിനോദ സഞ്ചാര സാധ്യത കൾ സൃഷ്ടിക്കപ്പെടും ഏറ്റവും അടിസ്ഥാനപരമായ ആരോഗ്യ രംഗത്ത് പ്രയോജനം ആവത്തക്ക രീതിയിൽ നമ്മുടെ പ്രാഥമിക ആരോഗ്യ കേന്ദ്ര വും, മൃഗങ്ങൾക്കുള്ള മൃഗാ ശുപത്രിയും ഉയർത്തി കൊണ്ടുവരണം, അറ്റാക്ക് പോലുള്ള അടിയന്തിര സാഹചര്യ ത്തിൽ ഫസ്റ്റ് എയ്ഡ് നൽകാൻ കഴിയുന്ന ആരോഗ്യ രംഗത്തെ അലംഭാവം, നമ്മുടെ ഒത്തിരി സഹോദരങ്ങൾക്കു ജീവൻ വരെ നഷ്ടപ്പെടാൻ ഇടയ്ക്കുന്നു ഇതിനു പരിഹാരം വേണം, ചെല്ലാനത്തിന്റെ തീരപ്രദേശം കിഴക്കും പടിഞ്ഞാറും ടെട്രോ പാടിനാലും, കരിങ്കൽ ഭിത്തിയാലും കടൽ കയറ്റം ഓര് വെള്ളം എന്നീ പ്രതിഭാസങ്ങളിൽ നിന്നും സംരക്ഷിക്കപ്പെടണം...നിലവിൽ കേരളത്തിൽ നിന്നുള്ള രണ്ട് കേന്ദ്ര മന്ത്രിമാർ നമുക്കുണ്ട് നമ്മുടെ പ്രദേശവുമായി ഉപയോഗപ്രദമായ വകുപ്പുകൾ കൈകാര്യം ചെയ്യുന്ന ബഹുമാനപ്പെട്ട മന്ത്രി മാരുടെ സേവനവും പദ്ധതി കളും നമ്മുടെ പ്രദേശത്ത് ഉപയോഗപ്രദമാം വണ്ണം നടപ്പിലാക്കാൻ കഴിയും വിധം പരിശ്രമിക്കും, കേന്ദ്രവിശ്കൃത പദ്ധതികൾ ജനങ്ങളിലേക്ക് എത്തിക്കാനും അവയെക്കുറിച്ച് ജനങ്ങൾക്ക് അറിയുവാനും ഹെല്പ് ഡെസ്ക് സൃഷ്ടിക്കും, കേവലം ആട് കോഴി എന്നിവ ലഭിക്കുന്നതിന് മാത്രം ആണ് ബ്ലോക്ക്‌ പഞ്ചായത്ത് എന്നതിലുപരി അനവധി നിരവധി പദ്ധതി കൾ ഉണ്ടെന്നും അവയൊക്കെ ജനങ്ങൾക്ക്‌ ഉപയോഗ പ്രദമാകും വിധം ജനങ്ങളിൽ എത്തിക്കാനും ഉള്ള ശ്രമം ഉണ്ടാകും
@

06/12/2025

ചെല്ലാനം പഞ്ചായത്തിലെ
റോഡുകൾക്ക്
എത്ര മാർക്ക് ?
ചെല്ലാനം പഞ്ചായത്ത് തെരഞ്ഞെടുപ്പിന് ഏകദേശം അടുത്തുവരെ എത്തി നിൽക്കുമ്പോൾ ചർച്ച ചെയ്യപ്പെടുന്ന വിഷയങ്ങളിൽ ഏറ്റവും പ്രധാനപ്പെട്ട ഒന്നാണ് റോഡുകൾ. ചെല്ലാനം തീരദേശ ഹൈവേ സഞ്ചാര യോഗ്യമാണെങ്കിലും പഞ്ചായത്തുകളുടെ കീഴിലുള്ള ഇടറോഡുകളുടെ അവസ്ഥ ശോച്യമാണ്. ചെല്ലാനം മുതുകുപുറം റോഡ് , കണ്ണമാലി സൈന്റ്റ് ആന്റണീസ് ചാപ്പൽ റോഡ്, പുത്തൻതോട് സ്കൂൾ റോഡ് എന്നിവ തന്നെ ഏറ്റവും വലിയ ഉദാഹരണമാണ്. മുതുകുപുറം റോഡിനു വേണ്ടി പ്രദേശവാസികൾ വളരെ നാളുകളായി പ്രതിഷേധം രേഖപ്പെടുത്തിയിട്ടും ഒന്നും നടന്നില്ല. ചെല്ലാനം ഭാഗത്തു റോഡ് പണി നടന്നാൽ റിങ് റോഡ് ആയി ഉപയോഗിക്കാവുന്ന റോഡ് ആണിത്. പുത്തൻതോട് സ്കൂളിലേക്കുള്ള റോഡ് ശോച്യമെന്ന് മാത്രമല്ല അപകടകരവുമാണ്. പലതവണ ഓട്ടോ പോലുള്ള വാഹനങ്ങൾ അവിടെ അപകടത്തിൽ പെട്ടിട്ടുണ്ട്. ഇപ്പോൾ ഈ റോഡിന്റെ ഇരുവശവും കല്ലുകെട്ടുന്ന പണികൾ ആരംഭിച്ചിട്ടുണ്ട് അതിനേക്കാളേറെ അപകടകരവും മോശവുമാണ് കണ്ണമാലി സെന്റ്റ് ആന്റണീസ് ചാപ്പൽ റോഡ്. കടലാക്രമണത്തിൽ മണ്ണുവന്നു വീണു വാഹന സഞ്ചാരം തടസ്സപ്പെട്ട റോഡാണ് അത്. കണ്ണമാലി മനീക്ക് റോഡ് സെന്റ് ജോസെഫിന്റെ കുരിശടിക്ക് സമീപം അവസാനിക്കുകയാണ്. അവിടെ നിന്ന് പുത്തൻതോട് ബീച്ചിലേക്കുള്ള റോഡ് പ്രദേശവാസികളുടെ നാളുകളായി ഉള്ള ആവശ്യമാണ്. സ്വകാര്യവ്യക്തികളുടെ കയ്യിൽ നിന്ന് ഭൂമി തരപ്പെടുത്തി ഇത് സാധ്യമാക്കാൻ ഒരു ജനപ്രതിനിധികളും രാഷ്ട്രീയപ്പാർട്ടികളും ഇതുവരെ ശ്രമിച്ചിട്ടില്ല. അതുപോലെ തന്നെയാണ് പത്താം വാർഡിലെ മെയിൻ റോഡുമായി കണക്ട് ചെയ്യാൻ നിർമ്മിച്ച പാലം വായുവിൽ തന്നെ നിൽക്കുന്ന വിചിത്രമായ കാഴ്ച. അപ്പ്രോച് റോഡിൻറെ സ്ഥലലഭ്യതയുമായി ഉള്ള തർക്കം മൂലം വർഷങ്ങളായി ഈ കാര്യത്തിൽ തീരുമാനം ആയിട്ടില്ല. ആ പാലം യാഥാർഥ്യമായാൽ തീരദേശത്തു നിന്നും മെയിൻ റോഡിലേക്ക് ഒരു ഓപ്പണിങ് സാധ്യമാകും. രോഗികളെ കൊണ്ടുപോകുന്ന ആംബുലൻസുകളും വീട് നിർമ്മാണത്തിനുള്ള സാമഗ്രികൾ കൊണ്ടുവരുന്ന വണ്ടികളും നിലവിൽ കറങ്ങിയാണ് വരുന്നത്. ഇക്കാര്യങ്ങളെല്ലാം നേരത്തെയും തദ്ദേശ തെരഞ്ഞെടുപ്പുകളിൽ വിഷയങ്ങൾ ആയിട്ടുണ്ടെങ്കിലും അത് കഴിഞ്ഞാൽ അവർ അത് മറന്ന മട്ടാണ്. തീർച്ചയായും ഈ വിഷയം തെരഞ്ഞെടുപ്പിൽ ഇത്തവണയും പ്രതിഫലിക്കും .
fans
The Chellanam Media

04/12/2025

പുത്തൻതോട് ബീച്ച്
പൊളിയാണ്
പക്ഷെ .....
കൊച്ചിയിലെ ഏറ്റവും പ്രധാനപ്പെട്ട ടൂറിസം കേന്ദ്രമായി വളരുന്ന പുത്തൻതോട് ബീച്ചിലേക്ക് ആളുകളുടെ പ്രവാഹം തുടരുകയാണ്. നിരവധി കച്ചവട കേന്ദ്രങ്ങൾ ഇപ്പോൾ ബീച്ചിനരികിൽ തുടങ്ങുന്നുണ്ട്. എറണാകുളം എംപി ശ്രീ ഹൈബി ഈഡൻ നൽകിയ ഹൈമാസ്‌റ് ലൈറ്റ് കൂടി വന്നപ്പോൾ ഒരു ലക്ഷണമൊത്ത വിനോദസഞ്ചാര കേന്ദ്രമായി മാറുകയാണ് പുത്തൻതോട് ഇപ്പോൾ. എന്നാൽ ചില പ്രശ്നനങ്ങൾ അവിടം സഞ്ചരിക്കുന്ന വിനോദസഞ്ചാരികൾ ചൂണ്ടിക്കാണിക്കുന്നുണ്ട്. ബീച്ചിന്റെ ഇരുവശവും ഇപ്പോഴും മലവിസർജ്ജനം നടത്തുന്ന ആളുകൾ നമ്മുടെ നാടിനു തന്നെ നാണക്കേടായി മാറുകയാണ്. സഞ്ചാരികൾ ഉള്ളപ്പോഴും ഒരു നാണവുമില്ലാതെ മലവിസർജ്ജനം നടത്താൻ ഇവർ എത്തുകയാണ്. പുരോഗമിച്ചു കൊണ്ടിരിക്കുന്ന പുത്തൻതോട് ബീച്ചിൽ ഇത്തരം പരിപാടികൾ നടത്തുന്നത് വിനോദസഞ്ചാരികൾക്ക് നല്ല രീതിയിൽ ബുദ്ധിമുട്ട് ഉണ്ടാക്കുന്നുണ്ട്. ഈ വിഷയം മുൻപൊരിക്കൽ ചെല്ലാനം മീഡിയ തന്നെ ചൂണ്ടിക്കാണിച്ചപ്പോൾ കുറച്ചു നാൾ നിയന്ത്രണങ്ങൾ ഉണ്ടായിരുന്നതാണ്. എന്നാൽ ഇപ്പോൾ വീണ്ടും ഈ പരിപാടികൾ ആരംഭിച്ചിരിക്കുന്നു. ഇതിനു തടയിടാൻ അധികാരികളുടെ ശ്രദ്ധയുണ്ടാവണം എന്നാണ് ബീച്ച് സന്ദർശിക്കുന്നവരുടെ ആവശ്യം. അത് കൂടാതെ ചെറുപ്പക്കാർ യാതൊരു മര്യാദയും പാലിക്കാതെ ആളുകളുടെ ഇടയിൽ വന്നു പുകവലിക്കുന്നത് പരാതിയായി ഉയരുന്നുണ്ട്. ഫാമിലി ആയി എത്തുന്നവർക്ക് ഇത് വലിയ അരോചകമാണ് ഉണ്ടാക്കി കൊണ്ടിരിക്കുന്നത്. ക്രിസ്മസ് പുതുവത്സര സീസൺ തുടങ്ങുന്നതോടെ ബീച്ചിലേക്ക് ആളുകളുടെ ഒഴുക്ക് വർദ്ധിക്കും. അതിനിടയിൽ ഇത്തരം പ്രവർത്തികൾ തീർച്ചയായും ബീച്ചിന്റെ യശസ്സിനെ ബാധിക്കും. രാത്രി സമയങ്ങളിലും സന്ദർശകർ എത്തുന്നതിനാൽ കുറച്ചധികം സമയം പോലീസിന്റെ കണ്ണും ഉള്ളത് ഇങ്ങനെയുള്ളവരെ നിയന്ത്രിക്കാൻ സഹായിക്കും. അധികാരികളുടെ ശ്രദ്ധ ഈ വിഷയങ്ങളിൽ ഉണ്ടാവണം എന്ന് പല വിനോദ സഞ്ചാരികൾ ആവശ്യപ്പെടുന്നു. fans
The Chellanam Media

03/12/2025

സ്ഥാനാർത്ഥികളെ
നിങ്ങള് പറ
ചെല്ലാനം പഞ്ചായത്തിൽ വിവിധ വാർഡുകളിൽ നിന്ന്
മത്സരിക്കുന്ന സ്ഥാനാർഥികളോട് 5 ചോദ്യങ്ങൾ
1 ) നിങ്ങളുടെ വാർഡിന്റെ പ്രധാന പ്രശ്നങ്ങൾ എന്തെല്ലാമാണ് ?
2 ) ഇതിൽ ഏതു പ്രശ്നമാണ് നിങ്ങൾ ആദ്യമായി പരിഹരിക്കാൻ ശ്രമിക്കുക ?
3 ) ചെല്ലാനം പഞ്ചായത്തിന്റെ വികസന സാധ്യതകളെ കുറിച്ച് നിങ്ങൾക്ക് എന്താണ് പറയാൻ ഉള്ളത് ?
4 ) യുവാക്കൾക്ക് വേണ്ടി നിങ്ങൾ മുന്നിൽ കാണുന്ന പദ്ധതികൾ എന്തെല്ലാമാണ് ?
5 ) പൊതുപ്രശ്നങ്ങളിൽ കക്ഷി രാഷ്ട്രീയ വ്യത്യാസമില്ലാതെ നിങ്ങൾ നിലപാട് എടുക്കുമോ ?
ഈ ചോദ്യങ്ങൾ ചെല്ലാനം മീഡിയ ചോദിക്കുന്നത് നമ്മുടെ പ്രേക്ഷകർക്ക് വേണ്ടിയാണ്. നിങ്ങളുടെ മറുപടികൾ വീഡിയോ ആയോ ലേഖനം ആയോ അയച്ചു തന്നാൽ അത് ചെല്ലാനം മീഡിയ വഴി പ്രസിദ്ധീകരിക്കുന്നതാണ്. ഇത് നിങ്ങളുടെ നിലപാടുകൾ നിങ്ങൾക്ക് വോട്ട് ചെയ്യുന്നവർക്ക് കൂടി അറിയാൻ വേണ്ടിയാണ്. നിലപാട് ഉള്ളവരാണ് നിങ്ങൾ എന്ന് അവർ അറിയുന്നത് നിങ്ങളെ തെരഞ്ഞെടുക്കുന്നതിനുള്ള ഒരു മാനദണ്ഡം ആവട്ടെ.
വിശദവിവരങ്ങൾക്ക് ബന്ധപ്പെടുക
073065 19662
fans The Chellanam Media

02/12/2025

ചെല്ലാനം പഞ്ചായത്തിലെ ആരോഗ്യ കേന്ദ്രങ്ങൾ തുറന്നു പ്രവർത്തിക്കണം | ബൈക്ക് റാലിയുമായി ബ്ലൂ സ്റ്റാർ
The Chellanam Media

01/12/2025

സ്ഥാനാർഥി
നിങ്ങള് പറ
സ്ഥാനാർത്ഥികൾ ചെല്ലാനം മീഡിയയുടെ
5 ചോദ്യങ്ങളോട് പ്രതികരിക്കുന്നു
******************************************************
എ എൽ ക്ളീറ്റസ്
ചെല്ലാനം കണ്ണമാലി വാർഡ് 10
സ്വതന്ത്ര സ്ഥാനാർഥി
The Chellanam Media

The Chellanam Media

14/12/2025

13/12/2025

13/12/2025

09/12/2025

08/12/2025

07/12/2025

06/12/2025

06/12/2025

04/12/2025

03/12/2025

02/12/2025

01/12/2025

Address

Telephone

Website

Alerts

Contact The Business

Shortcuts

Share

Category