18/09/2025
"എന്നെ ഇത്രയും അപമാനിക്കേണ്ട കാര്യം അയാൾക്കില്ലായിരുന്നു , ഭാര്യയും ഭർത്താവും ആണെന്ന് പറഞ്ഞാൽ മതിയായിരുന്നു, എനിക്ക് ഇപ്പോൾ നാട്ടിൽ ഇറങ്ങാൻ പറ്റുന്നില്ല " : സദാചാര വീഡിയോയുടെ സത്യാവസ്ഥ വെളിപ്പെടുത്തി പെൺകുട്ടി - ഇവർക്ക് പറയാൻ ഉള്ളതും കേൾക്കണം
കഴിഞ്ഞ ദിവസം സോഷ്യൽ മീഡിയയിൽ ജൻ സി സദാചാരക്കാരി എന്ന പേരിൽ ഒരു വീഡിയോ വൈറൽ ആയിരുന്നു.
ഈ വീഡിയോ പുറത്ത് വന്നതിനു പിന്നാലെ ആ പെൺകുട്ടി വലിയ രീതിയിൽ സൈബർ ആക്രമണം നേരിട്ടിരുന്നു.
ഇപ്പോഴിതാ ആ വീഡിയോയുടെ സത്യാവസ്ഥ പറഞ്ഞു രംഗത്ത് വന്നിരിക്കുകയാണ് ആ പെൺകുട്ടി.
കാണാൻ പാടില്ലാത്ത ഒരു കാഴ്ച ഞാൻ കാറിനുള്ളിൽ കണ്ടു എന്ന് തന്നെ ഉറപ്പിച്ച് പറയുകയാണ് പെൺകുട്ടി.
പെൺകുട്ടിയുടെ വാക്കുകൾ.-
ഞാൻ ഡ്യൂട്ടി കഴിഞ്ഞു വരുമ്പോഴാണ് വീടിനു മുന്നിൽ ഒരു കാർ കിടക്കുന്നത് കണ്ടത് , കാറിനുള്ളിൽ കാണാൻ പാടില്ലാത്ത ഒരു കാഴ്ച ഞാൻ കാറിനുള്ളിൽ കണ്ടു .
ഉടൻ തന്നെ വീട്ടിലേക്ക് പോയി അമ്മയോട് ഞാൻ ഈ കാര്യം പറയുകയായിരുന്നു . അമ്മയെയും കൂട്ടി ഞാൻ കാറിനടുത്തുവന്നു.
തുടർന്ന് ഞാൻ അവരോട് ചോദിച്ചു, കാർ എന്താണ് ഇവിടെ ഇട്ടിരിക്കുന്നത് എന്ന്.
ഉടനെ തന്നെ അയാൾ വീഡിയോ ഓൺ ആക്കി, എന്നിട്ട് എന്നോട് ചോദിച്ചു എന്താണ് കാറിൽ കണ്ടത് എന്ന്.
എന്നാൽ കണ്ട കാഴ്ച അത്രെയും മോശമായത് കൊണ്ട് എനിക്കത് പറയാൻ സാധിച്ചില്ല .
അയാൾ എന്റെ അനുവാദം ഇല്ലാതെ വീഡിയോ എടുത്തു എനിക്ക് സൈബർ അക്രമവും മാനഹാനിയും ഉണ്ടാക്കി തന്നു.
വീഡിയോ ഓൺ ആക്കി എന്നെ ഇത്രയും അപമാനിക്കേണ്ട കാര്യം അയാൾക്കില്ലായിരുന്നു . ഭാര്യയും ഭർത്താവുമാണ് എന്ന് പറഞ്ഞാൽ മതിയായിരുന്നു ഞാൻ കാറെടുത്തുമാറ്റാൻ പറഞ്ഞിട്ട് പോയേനെ . എന്നാൽ അങ്ങനെയല്ല അയാൾ ചെയ്തത് എന്നും പെൺകുട്ടി പറഞ്ഞു.
ഈ ഭാഗങ്ങളിലൊക്കെ മോശപ്പെട്ട കാര്യങ്ങൾ ഇങ്ങനെ നടക്കുകയും അത് പിടിക്കപ്പെടുകയും നാട്ടുകർ പറഞ്ഞുവിടുകയും ചെയ്തിട്ടുണ്ട് എന്നും പെൺകുട്ടി പറയുന്നു .
അയാൾ വീഡിയോ എടുത്തതിനു ശേഷം എനിക്കിപ്പോൾ നാട്ടുകാരുടെ മുന്നിൽ ഇറങ്ങാൻ പോലും പറ്റാത്ത അവസ്ഥ ആയിരിക്കുകയാണ് എന്നാണ് പെൺകുട്ടി പ്രതികരിക്കുന്നത്.
ഒരു യൂട്യൂബ് ചാനലിനോട് സംസാരിക്കുമ്പോൾ ആയിരുന്നു പെൺകുട്ടി ഇക്കാര്യം പറഞ്ഞത്.
