https://youtube.com/@BehindThings-ch6cl?si=6TSXnwJ5w8wNI7kz

BehindThings Malayalam, kochi, Kochi (2025)

15/09/2025

ഒളിമ്പിക്സ് ലോകത്തിലെ ഏറ്റവും വലിയ അന്താരാഷ്ട്ര കായികമേളയാണ്. ഇതിന്റെ ഔദ്യോഗിക ചിഹ്നമായ ഒളിമ്പിക്സ് വളയം (Olympic Rings), കായികരംഗത്തിന്റെ അതിരുകളെ മറികടന്ന് ലോകസൗഹൃദത്തിന്റെയും ഐക്യത്തിന്റെയും പ്രതീകമായി മാറിയിരിക്കുന്നു. 1913-ൽ ആധുനിക ഒളിമ്പിക്‌സ് സ്ഥാപകനായ ബാരോൺ പിയർ ഡി കുബർട്ടിൻ രൂപകല്പന ചെയ്ത ഈ ചിഹ്നം1920-ലെ ആൻറ് വെർപ് ഒളിമ്പിക്‌സിൽ (Antwerp Olympics) ആണ് ഔദ്യോഗികമായി പ്രദർശിപ്പിക്കപ്പെട്ടത്‌ . വെളുത്ത പശ്ചാത്തലത്തിൽ നീല, മഞ്ഞ, കറുപ്പ്, പച്ച, ചുവപ്പ് എന്നീ നിറങ്ങളിൽ ആണ് ഈ അഞ്ചു വളയങ്ങൾ . ഈ അഞ്ചു വളയങ്ങൾ അഞ്ചു ഭൂഖണ്ഡങ്ങളെ (ആഫ്രിക്ക, വടക്കേ + തെക്കേ അമേരിക്ക, ഏഷ്യ , യൂറോപ്പ്, ഓഷ്യാനിയ) ആണ് പ്രതിനിധാനം ചെയ്യുന്നത് .

കാലക്രമേണ പല പുസ്തകങ്ങളിലും ചില മാധ്യമങ്ങളിലും നിറങ്ങളെ ഭൂഖണ്ഡങ്ങളുമായി ബന്ധിപ്പിക്കുന്ന രീതികൾ പ്രചരിച്ചിട്ടുണ്ട്. അതായത് 🔵 നീല – യൂറോപ്പ്, 🟡 മഞ്ഞ – ഏഷ്യ, ⚫ കറുപ്പ് – ആഫ്രിക്ക, 🔴 ചുവപ്പ് – അമേരിക്ക,🟢 പച്ച – ഓഷ്യാനിയ എന്നിങ്ങനെ , എന്നാൽ ഓരോ നിറവും ഒരുപ്രത്യേക ഭൂഖണ്ഡത്തെ പ്രതിനിധാനം ചെയ്യുന്നില്ല എന്നതാണ് ശരിയായ കാര്യം . രൂപകൽപ്പന ചെയ്തപ്പോൾ ലോകത്തിലെ എല്ലാ രാജ്യങ്ങളുടെയും പതാകകളിൽ പൊതുവായുണ്ടായിരുന്ന ഈ അഞ്ചു നിറങ്ങളെ എടുത്ത് ലോകത്തിന്റെ അഞ്ച് ഭൂഖണ്ഡങ്ങളെയും, സൗഹൃദത്തെയും, ഐക്യത്തെയും, സമാധാനത്തെയും പ്രതിനിധീകരിക്കുന്ന ശക്തമായ ഒരു ആഗോള ചിഹ്നമായാണ് ഇത് തെരെഞ്ഞെടുത്തത് എന്നാണ് ഒളിമ്പിക് കമ്മിറ്റി (IOC) വ്യക്തമാക്കിയിരിക്കുന്നത് .

15/09/2025

ഇതാണ് ലോകത്തിലെ ഏറ്റവും നീളം കൂടിയ ബസ് എന്ന ഗിന്നസ് റെക്കോർഡ് ലഭിച്ച DAF സൂപ്പർ സിറ്റി ട്രെയിൻ എന്ന DAF കമ്പനി നിർമ്മിച്ച് പുറത്തിറക്കിയ FT 2805 മോഡൽ ബസ് . ഡെമോക്രാറ്റിക് റിപ്പബ്ലിക്ക് ഓഫ് കോംഗോയിലെ കിൻഷാസിൽ 1989 മുതൽ ആണ് ഈ വിധമുള്ള ബസുകൾ സർവീസ് നടത്തിയിരുന്നത്. 32 .2 മീറ്റർ നീളവും ഏതാണ്ട് 28 ടൺ ഭാരവുമുള്ള ഈ നീളൻ ബസിൽ 350 ആളുകൾക്ക് യാത്ര ചെയ്യാൻ സാധിക്കുമായിരുന്നു . നഗരത്തിലെ യാത്രക്കാരുടെ എണ്ണം കൂടുകയും പൊതുഗതാഗത ബസുകൾ തകരാറിലാകുകയും ചെയ്‌തപ്പോൾ യാത്ര സംവിധാനം മെച്ചപ്പെടുത്തുവാനും യാത്രാ നിരക്കുകളെയും നിയന്ത്രണ ചെലവുകളെയും കുറയ്ക്കാനും വേണ്ടിയാണ് കോംഗോ സർക്കാർ ഈ വിധം നീളമുള്ള ബസുകൾ ആരംഭിച്ചത് . ലഭ്യമായ വിവരങ്ങൾ പ്രകാരം DAF സൂപ്പർ സിറ്റി ട്രെയിൻ ഇന്ന് സ്ഥിരമായി ( പൂർണ്ണമായും ) സർവീസ് നടത്തുന്നില്ല എന്നതാണ് അറിയാനിടയായ കാര്യം .

14/09/2025

ഐസ്‌ലാൻഡിലെ ഹെയ്മേയി (Heimaey) ദ്വീപിനു സമീപം സ്ഥിതി ചെയ്യുന്ന പ്രസിദ്ധമായ ഒരു പ്രകൃതിദത്ത ശിലാരൂപമാണ് എലിഫന്റ് റോക്ക് .ഒരു വലിയ ആനയുടെ തലയും തുമ്പിക്കയ്യും കടലിലേക്ക് നീണ്ടുനിൽക്കുന്ന തരത്തിലുള്ള രൂപത്തിലാണ് ഇതുള്ളത് . അഗ്നിപർവ്വത ശിലയായ ബസാൾട്ട് കൊണ്ടാണ് ഈ എലിഫന്റ് റോക്ക് രൂപം കൊണ്ടിരിക്കുന്നത് .1973-ലെ എൽഡ്‌ഫെൽ (Eldfell) അഗ്നിപർവ്വത സ്ഫോടനവും ഭൂവൈജ്ഞാനിക പ്രവർത്തനങ്ങളും ചേർന്നാണ് ശിലയ്ക്ക് ഇന്നത്തെ ഈ രൂപം ലഭിച്ചതെന്ന് ഭൗമശാസ്ത്രജ്ഞർ കരുതുന്നു. കടൽവഴി നടത്തുന്ന ബോട്ട് ടൂറുകൾ നടത്തിയാൽ ഏറ്റവും വ്യക്തമായി ഈ ശിലാരൂപം കാണാൻ കഴിയും. ഐസ്‌ലാൻഡിലെ പ്രകൃതി സഞ്ചാരകേന്ദ്രങ്ങളുടെ പട്ടികയിൽ വളരെ പ്രധാനപ്പെട്ട ഒരു സ്മാരകമായാണ് ഇത് കണക്കാക്കപ്പെടുന്നത്.

14/09/2025

ഇതാണ് ഡിയേല്ല” (Diella) . അൽബേനിയ സർക്കാർ ലോകത്തിൽ തന്നെ ആദ്യമായി നിയമിച്ച കൃത്രിമ ബുദ്ധിയുള്ള (AI) മന്ത്രി. അൽബേനിയൻ പ്രധാനമന്ത്രി എഡ്വിൻ ക്രിസ്റ്റാക് റാമ 2025 സെപ്തംബർ 11-ന് ആണ് ഈ AI-ബോട്ട് നെ മന്ത്രിയായി നിയമിച്ചത്. ഈ AI-മന്ത്രിയുടെ പ്രധാന ചുമതല സർക്കാർ നടത്തുന്ന ടെണ്ടറുകളും കരാറുകളും നിയന്ത്രിക്കുക എന്നതാണ്. ഇതിലൂടെ ലക്ഷ്യമിടുന്നത് അഴിമതി കുറയ്ക്കുക, കാര്യങ്ങൾക്ക് കൂടുതൽ വ്യക്തത ഉറപ്പാക്കുക, പൊതുസേവനങ്ങൾ ജനങ്ങൾക്ക് കൂടുതൽ എളുപ്പത്തിൽ ലഭ്യമാക്കുക എന്നിവയൊക്കെയാണ് . ഡിയേല്ലയുടെ സേവനങ്ങൾ “e-Albania” എന്ന ഡിജിറ്റൽ പബ്ലിക് സേവന പ്ലാറ്റ്ഫോം വഴി ആണ് ലഭ്യമാക്കിയിട്ടുള്ളത് . ജനങ്ങൾക്ക് രേഖകൾ, സേവനങ്ങൾ, അപേക്ഷകൾ തുടങ്ങിയവ ഇതിലൂടെ കൈകാര്യം ചെയ്യാം .

13/09/2025

ഹിമാലയം — ലോകത്തിലെ ഏറ്റവും ഉയരം കൂടിയ പർവ്വതനിര ഇന്നും ദിവസംതോറും അല്പം അല്പമായി ഉയരുകയാണ് എന്നറിയുമോ . ഇത് സംഭവിക്കുന്നത് ഭൂമിയുടെ അടിയിലുള്ള ടെക്റ്റോണിക് പ്ലേറ്റുകളുടെ സാവധാനത്തിലുള്ള ശക്തമായ ചലനത്തിന്റെ ഫലമായാണ്. കോടിക്കണക്കിന് വർഷങ്ങൾക്ക് മുൻപ് ഇന്ത്യ ഒരു പ്രത്യേക ഭൂഖണ്ഡം ആയിരുന്നു. അത് വളരെ സാവധാനം വടക്കോട്ടു നീങ്ങി ഏഷ്യൻ ഭൂഖണ്ഡത്തോട് ഇടിച്ചു ചേരുകയായിരുന്നു .ലക്ഷക്കണക്കിന് വർഷങ്ങളായി നടന്നുവരുന്ന ഈ സ്വാഭാവിക പ്രക്രിയയാണ് ഇന്ന് നമ്മൾ കാണുന്ന ഭംഗിയാർന്ന ഹിമാലയശിഖരങ്ങളെ രൂപപ്പെടുത്തിയത്. അവ ഉറച്ചതും മാറ്റമില്ലാത്തതുമെന്ന പോലെ തോന്നുന്നുവെങ്കിലും യാഥാർത്ഥത്തിൽ ഇന്ത്യയുടെയും ഏഷ്യയുടെയും ഭൂഖണ്ഡങ്ങൾ തമ്മിൽ അങ്ങോട്ടും ഇങ്ങോട്ടും ഇപ്പോഴും തള്ളുന്നുണ്ട്. അതുകൊണ്ടുതന്നെ ഓരോ വർഷവും ശരാശരി 5 മില്ലിമീറ്റർ വരെ ഹിമാലയ പർവ്വതനിരകൾ ഉയരുന്നുണ്ട് എന്നാണ് വിദഗ്ധർ പറയുന്നത് .

12/09/2025

നിങ്ങൾ കടൽ കുതിരകളെ കണ്ടിട്ടുണ്ടോ? ആള് ചെറുതാണെങ്കിലും ഉടലിന്റെ പകുതിയോളം ഭാഗം കുതിരയ്ക്ക് സമാനമാണ്. ഇത് തന്നെയാണ് ഇവയ്ക്ക് കടൽകുതിരകൾ എന്ന് പേര് വരാനുള്ള കാരണവും. അതെ സമയം കടൽകുതിരകൾക്ക് മറ്റൊരു പ്രത്യേകത കൂടിയുണ്ട്. വയറ്റിനകത്തെ ഉറയിൽ മുട്ടകൾ സൂക്ഷിക്കുന്നതും കുഞ്ഞുങ്ങളെ സുരക്ഷിതമായി പുറത്തുവിടുന്നതും പെൺ കടൽകുതിരകൾ അല്ല മറിച്ച് ആൺ കടൽകുതിരകൾ ആണ്. പ്രജനന കാലമായാൽ പെൺ കടൽകുതിര കൾ ഏകദേശം 1500നടുത്ത് മുട്ടകളാണ് ആൺ കടൽകുതിരയുടെ വയറിനകത്ത് നിക്ഷേപിക്കുക. ഒൻപതു മുതൽ 45 ദിവസം വരെ ഈ മുട്ടകൾ ആൺ കടൽകുതിരകൾ വയറ്റിനകത്ത് കൊണ്ടുനടക്കും. ഒരു സമയമെത്തിയാൽ പിന്നെ മുട്ടവിരിഞ്ഞു പുറത്തുവന്ന കടൽകുതിരക്കുട്ടികളെ ആൺ കടൽകുതിര വയറ്റിൽ നിന്നും പുറന്തള്ളുന്നു. ആയിരത്തിലധികം കുട്ടികളെയാണ് ഇത്തരത്തിൽ ഒറ്റ പ്രസവത്തിൽ ആൺ കടൽകുതിരകൾ പുറന്തള്ളുന്നത്. ഇത്രയധികം കുഞ്ഞുങ്ങളെ പ്രസവിച്ചിട്ടും കടൽ കുതിരകളെ അധികം കാണാൻ സാധിക്കാറില്ല എന്നതിന് കാരണം കടൽ കുതിരകൾ മക്കളെ വളർത്താറില്ല എന്നതുകൊണ്ടാണ് . ആൺ കടൽകുതിരയുടെ വയറ്റിൽ നിന്നും പുറത്തായാൽ കടൽകുതിരകുട്ടികൾ തീർത്തും സ്വാതന്ത്രരാണ്. സ്വന്തം കാലിൽ നിൽക്കണം എന്ന് ചുരുക്കം. സംരക്ഷണം ഇല്ലാത്തതുകൊണ്ടുതന്നെ പലപ്പോഴും ഈ കുട്ടികൾക്ക് അധികം നാൾ മുന്നോട്ട് പോകാൻ സാധിക്കാറില്ല. ഏറിയപങ്കും അധികം താമസമില്ലാതെ ചത്തുപോകും.

11/09/2025

1945-ൽ, അമേരിക്കയിലെ കൊളറാഡോ സംസ്ഥാനത്ത് ഫ്രൂയിറ്റ (Fruita) എന്ന ഗ്രാമത്തിലെ ഒരു കർഷകനായ ലോയിഡ് ഓൾസൺ ഭക്ഷണത്തിനായി ഒരു കോഴിയെ അറുക്കാൻ തീരുമാനിച്ചു. അദ്ദേഹം തെരഞ്ഞെടുത്ത കോഴിക്ക് അപ്പോൾ 5 മാസം ആയിരുന്നു പ്രായം . അദ്ദേഹം അതിന്റെ തലവെട്ടി . സാധാരണ പോലെ കോഴി ഉടൻ മരിക്കുമെന്ന് കരുതിയെങ്കിലും, അതുണ്ടായില്ല എന്നുമാത്രമല്ല , കോഴി ഇടയ്ക്കിടെ ഓടുകയും, ചിറകുകൾ വീശുകയും, ചെയ്തു. പിന്നീടാണ് ലോയിഡിന് മനസ്സിലായത്, താൻ കോഴിയുടെ തല വെട്ടിയത് ശരിയായില്ലെന്നും കോഴിയുടെ jugular vein (മസ്തിഷ്ക്കത്തിലേക്കു പോകുന്ന പ്രധാന രക്തക്കുഴൽ) പൂർണമായി മുറിഞ്ഞു മാറിയില്ല എന്നതും . കൂടാതെ തലയുടെ ഭൂരിഭാഗവും പോയെങ്കിലും, മസ്തിഷ്കത്തിന്റെ stem ഭാഗവും (brain stem) അവിടെ തന്നെ ഉണ്ടായിരുന്നു. അതുകൊണ്ട് ഈ കോഴിക്ക് ശ്വസനവും, ഹൃദയമിടിപ്പും, അടിസ്ഥാന ചലനങ്ങളും തുടരാൻ കഴിഞ്ഞു.

ലോയിഡും ഭാര്യയും അത്ഭുതപ്പെട്ടെങ്കിലും, അവർ കോഴിയെ പരിചരിക്കാൻ തുടങ്ങി . അതിന് "മൈക്ക്" എന്ന് പേരിട്ടു.അവർ ഐഡ്രോപ്പർ ഉപയോഗിച്ച് ഭക്ഷണം നേരിട്ട് മൈക്കിന്റെ തൊണ്ടയിൽ ഒഴിക്കുകയും, വെള്ളം കൊടുക്കുകയും ചെയ്തു.അങ്ങനെ, മൈക്ക് ശാരീരികമായി ആരോഗ്യമുള്ള കോഴിയായി വളരാൻ തുടങ്ങി. ഈ വാർത്ത പ്രചരിച്ചതോടെ, മൈക്ക് വലിയ പ്രശസ്തനാകാൻ തുടങ്ങി .ന്യൂസ്‌പേപ്പറുകളും മാസികകളും അവനെപ്പറ്റിയുള്ള വാർത്തകൾ എഴുതുകയും, ധാരാളം ആളുകൾ അതിനെ കാണാൻ വരികയും ചെയ്തു. അങ്ങനെ അവർ മൈക്കിനെ അമേരിക്ക മുഴുവൻ കൊണ്ടുപോയി പ്രദർശിപ്പിക്കുകയും, “Headless Wonder Chicken” എന്ന പേരിൽ ഷോകൾ സംഘടിപ്പിക്കുകയും ചെയ്തു , മാസങ്ങളോളം നീണ്ടുനിന്ന ഈ പ്രദർശനത്തിലൂടെ ലോയിഡ് നല്ലൊരു വരുമാനവും നേടി.

ഏതായാലും , 18 മാസം കഴിഞ്ഞ്, 1947-ൽ, മൈക്കിന്റെ ജീവിതം അവസാനിച്ചു. ഒരു രാത്രിയിൽ, ശ്വാസനാളത്തിൽ ഭക്ഷണം കുടുങ്ങി ശ്വാസം മുട്ടിയാണ് മൈക്ക് മരിച്ചത് .ഇന്നും, കൊളറാഡോയിലെ ഫ്രൂയിറ്റ പട്ടണത്തിൽ, "Mike the Headless Chicken Festival" എന്ന പേരിൽ വാർഷിക ആഘോഷം നടത്തുന്നുണ്ട് .

09/09/2025

സമയം ആരെയും കാത്തു നിൽക്കാറില്ല. സമയം കൃത്യമായി ഉപയോഗിച്ചില്ലെങ്കിൽ അത് നഷ്ടപ്പെട്ട് പോകുമെന്ന് എല്ലാവർക്കും അറിയാം. എന്നാൽ ഈ സമയം നിക്ഷേപിക്കാൻ കഴിയുന്ന ഒരു രാജ്യമുണ്ട്. സ്വിറ്റ്‌സർലാൻഡിലാണ് സമയം ഡെപ്പോസിറ്റ് ചെയ്യാൻ സാധിക്കുന്നത് . വർദ്ധക്യസഹായ പദ്ധതിയായിട്ട് ആണ്‌ ടൈം ഡെപ്പോസിറ്റ് ഫൌണ്ടേഷൻ ആരംഭിച്ചത്. സഹായം ആവശ്യമായ പ്രായമായവരെ പരിപാലിക്കാൻ വ്യക്തികൾക്ക് സ്വമേധയ കടന്ന് വരാം. മുതിർന്നവർക്കായി ഇവർ ചെലവഴിക്കുന്ന മണിക്കൂറുകളുടെ കണക്ക് അവരുവരുടെ വ്യക്തിഗത സാമൂഹ്യ സുരക്ഷ അക്കൗണ്ടിൽ നിക്ഷേപിക്കുന്നു. ഈ വ്യക്തികൾ വാർദ്ധക്യത്തിൽ എത്തുമ്പോൾ ഈ ടൈം ഡെപ്പോസിറ്റ് ഫൗണ്ടേഷൻ അവരെ സഹായിക്കും. ഒരു സന്നദ്ധ പ്രവർത്തകനെയും അവർക്ക് നൽകും.

08/09/2025

ഓസ്ട്രേലിയ എപ്പോഴും ചലിച്ചുകൊണ്ടിരിക്കുകയാണ് . ഓരോ വർഷവും ഏകദേശം 7 സെന്റീമീറ്റർ (2.7 ഇഞ്ച്) വടക്കോട്ട് ആണ് ഈ ഭൂഖണ്ഡം നീങ്ങിക്കൊണ്ടിരിക്കുന്നത്.ഭൂമിയുടെ ഉപരിതലത്തിന് താഴെയുള്ള ടെക്റ്റോണിക് പ്ലേറ്റുകളുടെ മന്ദഗതിയിലുള്ളതും എന്നാൽ ശക്തവുമായ ചലനത്താൽ ആണ് ഈ പ്രക്രിയ നടക്കുന്നത് . ഭൂമിയിലെ ഏറ്റവും വേഗത്തിൽ മാറിക്കൊണ്ടിരിക്കുന്ന ഭൂഖണ്ഡവും ഓസ്ട്രേലിയ ആണ് . ഈ ക്രമാനുഗതമായ ചലനം കൊണ്ട് കാലക്രമേണ, ഓസ്ട്രേലിയയുടെ സ്ഥാനം മാറുകയും, ശാസ്ത്രജ്ഞർ അതിനനുസരിച്ച് ആഗോള ഭൂപടങ്ങൾ അപ്ഡേറ്റ് ചെയ്യേണ്ടതായും വരും . നമ്മുടെ ഭൂമി എത്രത്തോളം ചലനാത്മകമാണെന്നത്തിനു ഉത്തമ ഉദാഹരണം ആണ് ഇത് .

07/09/2025

വരണ്ടുണങ്ങി കിടക്കുന്ന തടാകത്തിൽ അങ്ങിങ്ങായി ചിതറിക്കിടക്കുന്ന കൂറ്റൻ പാറക്കഷ്ണങ്ങൾ. കണ്ടാൽ അടുത്ത മലകളിൽ നിന്നും ഉരുൾപൊട്ടലിനൊപ്പം തടാകത്തിൽ വന്നു പതിച്ചതാണെണെന്നേ തോന്നൂ. എന്നാൽ യാഥാർത്ഥ്യം അതല്ല. അര കിലോമീറ്ററോളം ദൂരം തനിയെ നിരങ്ങിനീങ്ങിയെത്തിയവയാണ് അതെല്ലാം.

അമേരിക്കയിലെ ഡെത്ത് വാലി നാഷനൽ പാർക്കിലാണ് ശാസ്ത്രജ്ഞന്മാരെ വരെ ഏറെ കുഴക്കിയ ഈ അദ്ഭുത പ്രതിഭാസം നടക്കുന്നത്. മനുഷ്യന്റെയോ മറ്റു ബാഹ്യശക്തികളുടെയോ ഇടപെടലില്ലാതെയാണ് പാറക്കല്ലുകൾ ചലിക്കുന്നത്. ചെറിയ പാറക്കഷ്ണങ്ങൾ മുതൽ 300 കിലോയിലധികം ഭാരമുള്ള പാറക്കല്ലുകൾ വരെ ഇങ്ങനെ തനിയെ സഞ്ചരിക്കുന്നു.

വരണ്ട മണ്ണിൽ കൂടി നിരങ്ങി നീങ്ങുന്ന ഇവ നെടുനീളൻ വഴിത്താരയും അവശേഷിപ്പിച്ചാണ് നീങ്ങുന്നത്. എന്നാൽ ഇവ ചലിക്കുന്നത് ആരും നേരിൽ കാണാൻ സാധിക്കാത്തതിനാൽ ഈ പ്രതിഭാസത്തിനു പിന്നിലെ രഹസ്യം നിഗൂഢമായി തുടർന്നു. അതിശക്തമായ കാറ്റു മൂലമാകാം പാറക്കൂട്ടങ്ങൾ നീങ്ങുന്നതെന്ന് ചില ശാസ്ത്രജ്ഞൻമാർ വിശ്വസിച്ചെങ്കിലും അത് ശരിവയ്ക്കത്തക്ക തെളിവുകളൊന്നും ലഭിച്ചില്ല.

ഒടുവിൽ ജിപിഎസ് സംവിധാനങ്ങളുടെ സഹായത്തോടെയാണ് ഒരുകൂട്ടം ശാസ്ത്രജ്ഞന്മാർക്ക് ഈ രഹസ്യത്തിന്റെ ചുരുളഴിക്കാൻ സാധിച്ചത്‌. ജിപിഎസ് ഘടിപ്പിച്ച പാറക്കല്ലുകൾ വരണ്ടുണങ്ങിയ തടാകത്തിൽ സ്ഥാപിച്ചാണ് ഗവേഷകർ നിരീക്ഷണം നടത്തിയത്. എന്നാൽ വർഷങ്ങളോളം ഈ പരീക്ഷണത്തിനു കാര്യമായ ഫലം കണ്ടില്ല. 2013 ഡിസംബർ മാസമായതോടെ ജിപിഎസ് ഘടിപ്പിച്ച പാറക്കല്ലുകൾ പതിയെ ചലിക്കാൻ തുടങ്ങി. മിറ്റിൽ 9 മുതൽ 16 അടി വരെ ദൂരം പാറക്കൂട്ടങ്ങൾ നിരങ്ങി നീങ്ങുന്നതായാണ് കണ്ടെത്തിയത്. ഇതിന്റെ ദൃശ്യങ്ങൾ പകർത്താനും ഗവേഷകർക്കായി.

ശൈത്യകാലത്തു തടാകത്തിൽ രൂപപ്പെടുന്ന മഞ്ഞുപാളികൾ പകൽസമയത്ത് സൂര്യതാപമേറ്റ് ഉരുകുകയും മില്ലിമീറ്ററുകൾ മാത്രം കനമുള്ള മഞ്ഞുപാളികളായി മാറുകയും ചെയ്യുന്നു. ഇവ പൂർണമായി അലിഞ്ഞു ജലം ആകുന്നതിനു മുൻപ് കാറ്റടിച്ചാൽ ഈ പാളികൾ ചലിക്കും. ഈ ചലനത്തോടൊപ്പം മഞ്ഞുപാളികൾക്കു സമീപമുള്ള പാറക്കല്ലുകളും തെന്നി നീങ്ങും. ഭാരമുള്ള പാറക്കല്ലുകൾ തനിയെ നീങ്ങുന്നതോടെ അവ മണ്ണിൽ നീങ്ങുന്ന പാടും അവശേഷിക്കും. മഞ്ഞും ജലാംശവും സൂര്യതാപവും കാറ്റും എല്ലാം കൃത്യമായി ഒത്തുചേരുമ്പോൾ മാത്രമാണ് ഈ പാറക്കല്ലുകൾ ചലിക്കുന്നത്. മഞ്ഞുപാളികളുടെ ചലനഗതിയാണ് നേരെയോ വശങ്ങളിലേക്കു ചെരിഞ്ഞോ ഇവ നീങ്ങാൻ കാരണമാകുന്നത്. അനേകം വർഷങ്ങൾക്കിടയിൽ ഏതാനും നിമിഷങ്ങളിലേക്കു മാത്രമാവും മിക്ക പാറക്കല്ലുകളും ചലിക്കുക.

എന്തായാലും ഈ അദ്തഭു പ്രതിഭാസം കാണാനായി അനേകം സന്ദർശകരാണ് ഡെത്ത് വാലി നാഷണൽ പാർക്കിലേക്കു പ്രതിവർഷമെത്തുന്നത്.

06/09/2025

അതിവേഗതയുടെ ജർമൻ ഓട്ടോബാൻ

ജർമൻ ഓട്ടോബാനിലൂടെ വണ്ടിയോടിക്കുക എന്നത് എല്ലാ വാഹനപ്രേമികളുടെയും ഒരു സ്വപ്നം ആണെന്നാണ് പറയുന്നത് .എന്നാൽ എന്താണ് ഈ ഓട്ടോബാൻ എന്നറിയുമോ ? ജർമ്മനിയിലെ ഹൈ സ്പീഡ് മോട്ടോർവേ സംവിധാനത്തിനെ വിളിക്കുന്ന പേരാണ് Autobahn .രാജ്യത്തുടനീളം ഉള്ള 13,0000 കിലോമീറ്ററുകളിലധികം നീളമുള്ള ലോകത്തിലെ തന്നെ ഏറ്റവും വലിയ ഹൈസ്പീഡ് റോഡ് നെറ്റ്‌വർക്കുകളിൽ ഒന്നാണ് ജർമൻ ഓട്ടോബാൻ .ഇതിൽ പല ഭാഗങ്ങളിലും നിയമപരമായ വേഗപരിധി ഇല്ല എങ്കിലും ചില മേഖലകളിൽ 120–130 km/h എന്ന വേഗപരിധി നിർബന്ധമായും ഉണ്ട്. “no speed limit zones” സ്ഥലത്തൂടെ മാത്രമേ വേഗപരിധികൾ ഇല്ലാതെ വണ്ടിയോടിക്കാൻ സാധിക്കൂ . ഉയർന്ന നിലവാരമുള്ള റോഡ് നിർമ്മാണം, വിശാലമായ ലെയിനുകൾ, കടുത്ത ഡ്രൈവിംഗ് നിയമങ്ങൾ ഇതെല്ലം ഓട്ടോബാനെ വേറിട്ട് നിർത്തുന്ന ഘടകങ്ങൾ ആണ് . അതുകൊണ്ടുതന്നെ ട്രാഫിക് അപകടങ്ങൾ യൂറോപ്പിലെ മറ്റ് രാജ്യങ്ങളെ അപേക്ഷിച്ച് ഇവിടെ കുറവാണ്, ആദ്യ ഓട്ടോബാൻ 1930-കളിൽ ആണ് നിർമ്മിച്ചത് . പിന്നീട് രണ്ടാം ലോക മഹായുദ്ധത്തിന് ശേഷം വലിയ തോതിൽ ഇത് വികസിപ്പിച്ചു.ഇന്ന് ജർമ്മനിയുടെ വ്യവസായത്തിനും ചരക്കുനീക്കത്തിനും മുഖ്യധാരയായി പ്രവർത്തിക്കുന്നത്തിൽ ഓട്ടോബാന് വലിയ പങ്കാണുള്ളത് .

05/09/2025

ലോകത്തിലെ ഏറ്റവും കൂടുതൽ ദൂരം സർവീസ് നടത്തുന്ന ബസിൽ യാത്ര ചെയ്യണം എങ്കിൽ നിങ്ങൾ ലാറ്റിൻ അമേരിക്കയിലേക്ക് പോകേണ്ടി വരും . ബ്രസീലിലെ അറ്റ്ലാന്റിക് തീരനഗരമായ റിയോ ഡി ജനീറോയിൽ നിന്ന് പസിഫിക് സമുദ്രതീരനഗരമായ പെറുവിലെ ലിമയിലേക്കു സർവീസ് നടത്തുന്ന ബസ് ആണ് ലോകത്തിലെ ഏറ്റവും കൂടുതൽ ദൂരം ഓടുന്ന ബസ് എന്നറിയപ്പെടുന്നത് .2016-ൽ ആരംഭിച്ച ഈ മഹത്തായ സർവീസ് ഇപ്പോൾ നടത്തുന്നത് ട്രാൻസ് അക്രിയാന എന്ന ബ്രസീലിയൻ കമ്പനി ആണ് . ആഴ്ചയിൽ ഒരു ട്രിപ്പ് ആണ് ഇവർ നടത്തുന്നത് . Volvo ചേസിസിനു മുകളിൽ നിർമ്മിച്ച Marcopolo Paradiso G7 1800 DD ഡബിൾ ഡക്കർ ബസുകൾ ആണ് ഇതിനായി ഇവർ ഉപയോഗിക്കുന്നത്. ഈ യാത്ര പൂർത്തിയാക്കാൻ ഏകദേശം 6,300 കിലോമീറ്റർ (ഏകദേശം 3,920 മൈൽ) യാത്ര ചെയ്യണം . റിയോ ഡി ജനീറോയിൽ നിന്ന് തുടങ്ങി ആമസോൺ വനത്തിലൂടെ യാത്ര ചെയ്ത് , മഹത്തായ ആന്റീസ് പർവ്വതനിര കടന്ന് പെറുവിലേക്ക് കടന്ന് ലിമയിൽ അവസാനിക്കുന്ന ഈ യാത്രക്ക് ഏകദേശം അഞ്ച് ദിവസം (ഏകദേശം 102 മണിക്കൂർ) വേണ്ടിവരും.

BehindThings Malayalam

15/09/2025

15/09/2025

14/09/2025

14/09/2025

13/09/2025

12/09/2025

11/09/2025

09/09/2025

08/09/2025

07/09/2025

06/09/2025

05/09/2025

Address

Telephone

Website

Alerts

Contact The Business

Shortcuts

Share

Category