21/06/2026
ഭക്ഷണ വിതരണത്തിന്റെ മറവിലെ ലഹരിക്കടത്ത്; കർശന മുന്നറിയിപ്പുമായി ആഭ്യന്തര മന്ത്രി! 🚨
ഓൺലൈൻ ഫുഡ് ഡെലിവറി സംവിധാനങ്ങളെ മറയാക്കി സംസ്ഥാനത്ത് നടക്കുന്ന ലഹരി വിതരണത്തിനെതിരെ ശക്തമായ താക്കീതുമായി ആഭ്യന്തര മന്ത്രി രമേശ് ചെന്നിത്തല. സാധാരണ രീതിയിൽ പരിശോധനകൾ ഉണ്ടാകാറില്ല എന്ന ലൂപ്ഹോൾ മുതലെടുത്താണ് ചിലർ ഈ വഴിയിലൂടെ മയക്കുമരുന്ന് എത്തിക്കുന്നത്.
മന്ത്രിയുടെ വാക്കുകളിൽ നിന്ന്:
"ഇത് അവസാന മുന്നറിയിപ്പാണ്. ഓൺലൈൻ ഡെലിവറി ജീവനക്കാരുടെ മറവിൽ ലഹരി പലയിടത്തും എത്തിക്കുന്നതായി വലിയ പരാതികൾ ഉയരുന്നുണ്ട്. ഈ പരിപാടി ഉടനടി അവസാനിപ്പിക്കണം. നിയമത്തിന് മുന്നിൽ കൊണ്ടുവരേണ്ട അവസ്ഥ ഉണ്ടാക്കരുത്."
കേരള പൊലീസിന്റെ ലഹരിവിരുദ്ധ സ്പെഷ്യൽ ഡ്രൈവ് ആയ 'ഓപ്പറേഷൻ തൂഫാൻ' (Operation Toofan) കൂടുതൽ ശക്തമായി മുന്നോട്ട് പോവുകയാണ്. ഇതിനകം തന്നെ കോടിക്കണക്കിന് രൂപയുടെ ലഹരിവസ്തുക്കൾ പിടികൂടുകയും മൂവായിരത്തിലധികം പേരെ അറസ്റ്റ് ചെയ്യുകയും ചെയ്തിട്ടുണ്ട്.
ഇനിമുതൽ ഇത്തരം ഫുഡ് ഡെലിവറി സർവീസുകൾക്ക് നേരെയും ആംബുലൻസുകൾക്ക് നേരെയും പൊലീസിന്റെ കടുത്ത നിരീക്ഷണവും പരിശോധനയും ഉണ്ടായിരിക്കുന്നതാണ്.
നമ്മുടെ നാടിനെയും തലമുറകളെയും നശിപ്പിക്കുന്ന ഈ ലഹരി മാഫിയക്കെതിരെ നമ്മൾ ഒന്നിച്ച് നിൽക്കണം. ലഹരിമുക്ത കേരളത്തിനായി കൈകോർക്കാം.🤝
