Anees Ponnath

15/04/2026

💔 സ്വർഗ്ഗത്തോപ്പിലെ ആ പച്ചക്കിളി... 💔
-------------------------------------------------
മരണമല്ല, മനോഹരമായ മറ്റൊരു ലോകത്തേക്കുള്ള യാത്രയായിരുന്നു അത്. സുബൈർ നമ്മെ വിട്ടുപോയതോർത്ത് നമ്മളിവിടെ വിങ്ങുന്ന ഹൃദയത്തോടെ കണ്ണീർ വാർക്കുമ്പോഴും, അവിടെ അദ്ദേഹം സന്തോഷത്തിലാണ്. ഭൂമിയിലെ സങ്കടങ്ങളിൽ നിന്നും വേദനകളിൽ നിന്നും മുക്തനായി, പരമകാരുണികൻ ഒരുക്കിവെച്ച സ്വർഗ്ഗത്തോപ്പുകളിൽ പച്ചക്കിളിയായി പാറിപ്പറന്ന് നടക്കുകയാവും അദ്ദേഹം.
ഒരു രക്തസാക്ഷിയുടെ (ഷഹീദ്) പദവിയോടെ, അള്ളാഹുവിന്റെ തണലിൽ, അതിനേക്കാൾ വലിയൊരു സന്തോഷം മറ്റെന്തുണ്ട്?
തനിക്ക് ലഭിച്ച ആ വലിയ പദവിയും സ്വർഗ്ഗത്തിലെ അനുഭൂതികളും കണ്ട് അദ്ദേഹം സന്തോഷിക്കുന്നുണ്ടാകാം. നമ്മൾ ഈ വേർപാടിൽ നീറുന്നത് കണ്ട് അദ്ദേഹം സങ്കടപ്പെടുന്നുമുണ്ടാകാം.
"എനിക്ക് ലഭിച്ച ഈ മഹത്തായ പദവിയെക്കുറിച്ച് എന്റെ പ്രിയപ്പെട്ടവർ അറിഞ്ഞിരുന്നെങ്കിൽ..." എന്ന് അദ്ദേഹം കൊതിക്കുന്നുണ്ടാകാം. ആ സന്തോഷം നമ്മളെ അറിയിക്കാൻ ഒരു നിമിഷം ഭൂമിയിലേക്ക് തിരിച്ചു വരാൻ കഴിഞ്ഞിരുന്നെങ്കിൽ എന്ന് അദ്ദേഹം ആഗ്രഹിക്കുന്നുണ്ടാവാം...
പക്ഷേ അല്ലാഹുവിന്റെ വിധി മറ്റൊന്നായിപ്പോയി.
പ്രിയ സുബൈർ, താങ്കൾ ബാക്കിവെച്ചു പോയ ശൂന്യത വലുതാണെങ്കിലും താങ്കൾ എത്തിയ ഇടം അതിനേക്കാൾ സുന്ദരമാണെന്ന വിശ്വാസം മാത്രമാണ് ഞങ്ങൾക്ക് ആശ്വാസം. അല്ലാഹു താങ്കളുടെ രക്തസാക്ഷിത്വം സ്വീകരിക്കുകയും ജന്നാത്തുൽ ഫിർദൗസിൽ ഉന്നതമായ സ്ഥാനം നൽകി അനുഗ്രഹിക്കുകയും ചെയ്യട്ടെ.
കുടുംബത്തിന് ഈ വേർപാട് താങ്ങാനുള്ള കരുത്ത് പടച്ചവൻ നൽകട്ടെ. ആമീൻ. 🤲🌹

Anees Ponnath

11/04/2026

പ്രിയപ്പെട്ട ജനനായകന് വേഗത്തിൽ സുഖമാകട്ടെ...❤️

നമ്മുടെ ആവേശവും കരുത്തുമായ SDPI സംസ്ഥാന ജനറൽ സെക്രട്ടറി റോയ് അറക്കൽ അവർകൾ ബൈപാസ് സർജറിക്ക് വിധേയനാകുകയാണ്. ജനകീയ പോരാട്ടങ്ങളുടെ മുൻനിരയിൽ എന്നും സജീവമായിരുന്ന അദ്ദേഹത്തിന്റെ താൽക്കാലികമായ ഈ അസാന്നിധ്യം നമുക്കേവർക്കും പ്രയാസകരമാണ്.
സമൂഹത്തിന്റെ നീതിക്കും അവകാശങ്ങൾക്കും വേണ്ടി വിശ്രമമില്ലാതെ ഓടിനടന്ന ആ വലിയ പോരാളി, പൂർണ്ണ ആരോഗ്യവാനായി എത്രയും വേഗം നമ്മുടെ ഇടയിലേക്ക് തിരിച്ചുവരാൻ പ്രാർത്ഥനകൾ അനിവാര്യമാണ്.
ശസ്ത്രക്രിയ വിജയകരമായി പൂർത്തിയാകാനും, വേഗത്തിലുള്ള രോഗമുക്തിക്കും വേണ്ടി എല്ലാവരും പ്രാർത്ഥിക്കണമെന്ന് വിനീതമായി അഭ്യർത്ഥിക്കുന്നു. പടച്ചതമ്പുരാൻ അദ്ദേഹത്തിന് ആയുസ്സും ആരോഗ്യവും നൽകി അനുഗ്രഹിക്കട്ടെ.
പ്രാർത്ഥനകളോടെ... 🤲

Anees Ponnath

02/04/2026

വിട്ടുവീഴ്ചയില്ലാത്ത പോരാട്ടവീഥിയിലെ ശാന്തസാന്നിധ്യം: എ. സയീദ് സാഹിബ്
====================================
നീതിക്കും സാമൂഹിക നീതിക്കും വേണ്ടിയുള്ള പോരാട്ടങ്ങളിൽ തളരാത്ത വീര്യമായിരുന്ന എ. സയീദ് സാഹിബ് നമ്മെ വിട്ടുപിരിഞ്ഞിട്ട് ഇന്നേക്ക് 7 വർഷം തികയുന്നു. സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യയുടെ (SDPI) ദേശീയ പ്രസിഡന്റ് എന്ന നിലയിൽ അദ്ദേഹം പകർന്നുനൽകിയ നേതൃപാടവം ഇന്നും പാർശ്വവൽക്കരിക്കപ്പെട്ട ജനവിഭാഗങ്ങൾക്ക് വലിയൊരു കരുത്താണ്.
കേവലം ഒരു രാഷ്ട്രീയ നേതാവ് എന്നതിലുപരി, അടിച്ചമർത്തപ്പെട്ടവരുടെ ശബ്ദം അധികാരികളുടെ കാതുകളിലെത്തിക്കാൻ അഹോരാത്രം പരിശ്രമിച്ച മനുഷ്യസ്നേഹിയായിരുന്നു അദ്ദേഹം. വിദ്വേഷത്തിന്റെയും ഭയത്തിന്റെയും രാഷ്ട്രീയത്തിനെതിരെ സ്നേഹത്തിന്റെയും ധീരതയുടെയും ബദൽ രാഷ്ട്രീയമാണ് സയീദ് സാഹിബ് മുന്നോട്ടുവെച്ചത്. അദ്ദേഹത്തിന്റെ വാക്കുകളിലെ ലാളിത്യവും നിലപാടുകളിലെ ദൃഢതയും എന്നും നമുക്ക് മാതൃകയാണ്. ഫാസിസ്റ്റ് വിരുദ്ധ പോരാട്ടങ്ങളിലും മനുഷ്യാവകാശ സംരക്ഷണത്തിലും അദ്ദേഹം കാട്ടിയ ആർജ്ജവം വരുംതലമുറയ്ക്കും ആവേശമായി നിലനിൽക്കും.
പ്രിയ നേതാവിന്റെ ദീപ്തമായ സ്മരണകൾക്ക് മുന്നിൽ ആദരാഞ്ജലികൾ അർപ്പിക്കുന്നു. നാഥൻ അദ്ദേഹത്തിന്റെ പരലോക ജീവിതം മനോഹരമാക്കട്ടെ എന്ന് പ്രാർത്ഥിക്കുന്നു. 🌹


Anees Ponnath

27/03/2026

"നിങ്ങൾ എല്ലാം നശിപ്പിച്ചു"; ലൈവ് ചർച്ചയിൽ പൊട്ടിക്കരഞ്ഞ് വടക്കൻ ഇസ്രായേലിലെ മേയർ!

വടക്കൻ ഇസ്രായേലിലെ അതിർത്തി ഗ്രാമങ്ങൾ മിസൈൽ ആക്രമണത്തിൽ തകർന്നടിയുന്നതിനിടെ, ഇസ്രായേൽ സർക്കാരിനെതിരെ രൂക്ഷവിമർശനവുമായി മാർഗലിയോട്ട് (Margaliot) മേയർ ഈറ്റൻ ഡേവിഡി. തത്സമയ ടെലിവിഷൻ അഭിമുഖത്തിനിടെ നിയന്ത്രണം വിട്ട് പൊട്ടിക്കരഞ്ഞുകൊണ്ടാണ് അദ്ദേഹം തന്റെ ജനതയുടെ ദുരവസ്ഥ ലോകത്തോട് വിളിച്ചുപറഞ്ഞത്. മിസ്ഗാവ് ആം, തെഷുബ, ഗാദർ തുടങ്ങിയ അതിർത്തി ഗ്രാമങ്ങൾ പൂർണ്ണമായും വാസയോഗ്യമല്ലാത്ത രീതിയിൽ തകർക്കപ്പെട്ടുവെന്ന് അദ്ദേഹം വെളിപ്പെടുത്തി. "നിങ്ങൾ എല്ലാം നശിപ്പിച്ചു കളഞ്ഞു" എന്ന് ഭരണകൂടത്തോട് വിളിച്ചുപറഞ്ഞ മേയർ, ജനങ്ങളുടെ സുരക്ഷ ഉറപ്പാക്കാൻ കഴിയില്ലെങ്കിൽ അത് തുറന്നുപറഞ്ഞ് തങ്ങളെ സ്വതന്ത്രരാക്കണമെന്ന് ആവശ്യപ്പെട്ടു. മാസങ്ങളായി തുടരുന്ന റോക്കറ്റ്, ഡ്രോൺ ആക്രമണങ്ങളെത്തുടർന്ന് പതിനായിരക്കണക്കിന് ആളുകളാണ് വടക്കൻ ഇസ്രായേലിൽ നിന്ന് വീടൊഴിഞ്ഞ് പോകുന്നത്. ജനങ്ങൾക്ക് അടിസ്ഥാന സൗകര്യങ്ങളും സുരക്ഷയും നൽകുന്നതിൽ നെതന്യാഹു സർക്കാർ പരാജയപ്പെട്ടുവെന്നാണ് പ്രാദേശിക നേതാക്കളുടെ പ്രധാന പരാതി.
"ഒന്നുകിൽ ഇത് കൈകാര്യം ചെയ്യാൻ നിങ്ങൾക്ക് കഴിയില്ലെന്ന് സമ്മതിച്ച് ഞങ്ങളെ വിട്ടുതരുക, അല്ലെങ്കിൽ ചെയ്യേണ്ടത് എന്താണോ അത് ഉടൻ ചെയ്യുക!" - ഈറ്റൻ ഡേവിഡി.

04/03/2026

"ഇവിടെ മാറമാടപ്പെടുന്നത് വെറും ശരീരങ്ങളല്ല, ഒരു തലമുറയുടെ സ്വപ്നങ്ങളാണ് "💔💔

കളിചിരികൾ മുഴങ്ങേണ്ടിയിരുന്ന ഒരു പ്രൈമറി സ്കൂൾ മുറ്റം ഇന്ന് നിശബ്ദമാണ്. അറിവ് തേടിപ്പോയ 168 കുരുന്നുകൾക്ക് പകരം അവിടെ ശേഷിക്കുന്നത് ചോരയിൽ കുതിർന്ന പുസ്തകങ്ങളും പാതിവഴിയിൽ നിലച്ചുപോയ സ്വപ്നങ്ങളുമാണ്. ഇറാനിലെ മിനാബിൽ ഇസ്രായേൽ-അമേരിക്കൻ ആക്രമണത്തിൽ പൊലിഞ്ഞുപോയ ആ മാലാഖമാർക്കായി ഒരുങ്ങുന്ന ഈ ഖബറുകൾ കാണുമ്പോൾ മനസ്സ് മരവിക്കുന്നു. അമേരിക്കൻ-ഇസ്രായേൽ ഭീകരതയുടെ നേർക്കാഴ്ചയാണ് നിരപരാധികളായ ഈ കുഞ്ഞുങ്ങൾ. ഇനി ഈ മണ്ണിൽ അവർക്ക് ഓടിക്കളിക്കാൻ കഴിയില്ല, അവരുടെ ചിരികൾ ഇനി ആ വീട്ടുമുറ്റങ്ങളിൽ ഉയരില്ല. ആ മാതാപിതാക്കളുടെ നിലവിളികൾക്ക് മുന്നിൽ ലോകം എന്ത് മറുപടിയാണ് നൽകുക?
മനുഷ്യത്വം മരിച്ചിട്ടില്ലാത്തവരോട് കാലം ചോദിക്കുന്ന ഒരു ചോദ്യമുണ്ട്: "ഈ കുഞ്ഞുങ്ങൾ ചെയ്ത തെറ്റെന്തായിരുന്നു?"
പ്രിയപ്പെട്ട കുഞ്ഞുങ്ങളെ... ലോകം നിങ്ങൾക്ക് നൽകിയ ഈ വലിയ വേദനയിൽ നിന്ന് വിടവാങ്ങി, നിത്യശാന്തിയുടെ ലോകത്ത് നിങ്ങൾ വിശ്രമിക്കട്ടെ.
💔

Anees Ponnath

04/03/2026

🚩 ചരിത്രം 'വാട്സാപ്പ് യൂണിവേഴ്സിറ്റി'യിൽ നിന്നൊ, അണ്ടിമുക്ക് ശാഖയിൽ നിന്നൊ അല്ല പഠിക്കേണ്ടത്!
======================================
ഇറാന്റെ പരമോന്നത നേതാവ് അലി ഖൊമേനിയുടെ വധത്തിൽ ഇന്ത്യൻ സർക്കാരിന്റെ നിലപാടിനെ വിമർശിച്ച സോണിയ ഗാന്ധിയെ പരിഹസിക്കാൻ സംഘപരിവാർ പടച്ചുവിടുന്ന '1965-ലെ ഇറാൻ വിരോധം' വെറും വിവരക്കേടാണെന്ന് പറയാതെ വയ്യ.

സംഘി പ്രൊഫൈലുകൾ പ്രചരിപ്പിക്കുന്ന ഈ വാദത്തിലെ പൊള്ളത്തരങ്ങൾ ഇതാ:

👉 അന്ന് ഇറാൻ ഭരിച്ചത് ആര്?
1965-ലെ ഇന്ത്യ-പാക് യുദ്ധസമയത്ത് ഇറാൻ ഭരിച്ചിരുന്നത് ഇന്നത്തെ ഇസ്‌ലാമിക് റിപ്പബ്ലിക് ഭരണകൂടമല്ല. മറിച്ച്, അമേരിക്കയുടെ അടുത്ത സഖ്യകക്ഷിയായിരുന്ന ഷാ മുഹമ്മദ് റെസ പഹ്‌ലവി ആയിരുന്നു. 1979-ലെ വിപ്ലവത്തിന് ശേഷമാണ് ഖൊമേനിയുടെ നേതൃത്വത്തിലുള്ള ഭരണകൂടം നിലവിൽ വന്നത്.

👉 പഹ്‌ലവിയും സംഘപരിവാറും: രസകരമായ വസ്തുത എന്തെന്നാൽ, ഇതേ പഹ്‌ലവി ഭരണകൂടവുമായി വലിയ സൗഹൃദം സ്ഥാപിക്കാൻ ശ്രമിച്ചവരാണ് ഇവിടുത്തെ തീവ്ര വലതുപക്ഷക്കാർ. അന്ന് പഹ്‌ലവി പാകിസ്ഥാനെ സഹായിച്ചു എന്നത് ശരിയാണ്, പക്ഷേ അതിന്റെ ഉത്തരവാദിത്തം ഇന്നത്തെ ഇറാൻ ഭരണകൂടത്തിന്റെ തലയിൽ കെട്ടിവെക്കുന്നത് ചരിത്രപരമായ അജ്ഞതയാണ്.

👉 ഖൊമേനിയുടെ കാലത്തെ ഇന്ത്യ-ഇറാൻ ബന്ധം: ഷാ ഭരണകൂടത്തിന് ശേഷം വന്ന ഇറാൻ സർക്കാർ പലപ്പോഴും ഇന്ത്യയുമായി തന്ത്രപരമായ നല്ല ബന്ധമാണ് പുലർത്തിയിട്ടുള്ളത്. ചൗബഹാർ തുറമുഖം മുതൽ ഊർജ്ജ മേഖലയിൽ വരെ ആ സഹകരണം നമ്മൾ കണ്ടതാണ്.
ചരിത്രത്തെ വളച്ചൊടിച്ച് രാഷ്ട്രീയ ലാഭം കൊയ്യാൻ നോക്കുന്നവർ ഒരുകാര്യം മനസ്സിലാക്കുക—1965-ലെ പഹ്‌ലവിയും ഇന്നത്തെ ഇറാന്റെ സാഹചര്യവും തമ്മിൽ പുലബന്ധം പോലുമില്ല. വിവരക്കേട് വിളിച്ചുപറയുന്നതിന് മുൻപ് ദയവായി ആധുനിക ലോകചരിത്രം ഒന്ന് മറിച്ചുനോക്കുക.


Anees Ponnath (അനീസ് പൊന്നാത്ത്)

02/03/2026

അമേരിക്കയും, ഇസ്രായേലും ജീവിച്ചിരുന്ന ഗുമൈനിയേക്കാൾ പേടിക്കേണ്ടത് ശഹീദ് ആയ ഗുമൈനിയെ...
------------------------------------------------------------
ഒരു വ്യക്തിയെ ഇല്ലാതാക്കാൻ എളുപ്പമാണ്, എന്നാൽ ആ വ്യക്തി ഉയർത്തിപ്പിടിച്ച ആശയങ്ങളെ ഇല്ലാതാക്കുക അസാധ്യമാണ്. ഖുമൈനി പകർന്നുനൽകിയ ആവേശം ഇന്ന് ഒരു വ്യക്തിയിലല്ല, മറിച്ച് ഒരു ജനതയുടെ പോരാട്ടവീര്യത്തിലാണ് നിലനിൽക്കുന്നത്.
രക്തസാക്ഷിത്വം നൽകുന്ന ഊർജ്ജം
പലപ്പോഴും ഒരു നേതാവ് കൊല്ലപ്പെടുമ്പോഴോ അന്തരിക്കുമ്പോഴോ അവർ ഒരു 'രക്തസാക്ഷി' (Shaheed) ആയി മാറുന്നു. ഇത് അനുയായികൾക്കിടയിൽ വലിയൊരു വൈകാരിക ഐക്യവും പ്രതികാര ബുദ്ധിയും വളർത്തുന്നു. അമേരിക്കയ്ക്കും ഇസ്രായേലിനും എതിരെ ഇന്നും ഇറാൻ പുലർത്തുന്ന കർക്കശ നിലപാടുകൾക്ക് പിന്നിൽ ഖുമൈനി നൽകിയ ഈ ആത്മീയ-രാഷ്ട്രീയ അടിത്തറയാണ്. ജീവിച്ചിരുന്ന കാലത്ത് ഖുമൈനി ഇറാനിൽ മാത്രമായിരുന്നു ശ്രദ്ധാകേന്ദ്രമെങ്കിൽ, അദ്ദേഹത്തിന്റെ മരണശേഷം ആ വിപ്ലവ ചിന്താഗതികൾ ലോകത്തിന്റെ വിവിധ ഭാഗങ്ങളിലെ പ്രതിരോധ പ്രസ്ഥാനങ്ങൾക്ക് പ്രചോദനമായി. ഈയൊരു മാറ്റമാണ് ശത്രുരാജ്യങ്ങൾ കൂടുതൽ ഭയപ്പെടുന്നത്. അദ്ദേഹം ജീവിച്ചിരുന്നപ്പോൾ അദ്ദേഹമായിരുന്നു സെന്റർ പോയിന്റ്, അദ്ദേഹത്തിന്റെ ഒരു വാക്കിൽ എത്ര വലിയ യുദ്ധമാണെങ്കിലും അത് നിൽകുമായിരുന്നു, ഇന്നിപ്പോൾ ആ ഒരു സെന്റർ പോയിന്റ് ആണ് അമേരിക്കയും സഖ്യകക്ഷികളും ഇല്ലാതാക്കിയത്.

Anees Ponnath

02/03/2026

https://youtu.be/HgQZ0u-k648?si=V0BgX5Rghr7JjV93

2026 ഫെബ്രുവരി 17 ന് ആയത്തുള്ള അലി ഗുമൈനി നടത്തിയ പ്രസംഗം

01/03/2026

ഈ വീഡിയോയിൽ ഇറാനിലെ പരമോന്നത നേതാവായ അലി ഗുമൈനി ഒരു ചെറിയ കുട്ടിയും തമ്മിലുള്ള ഹൃദ്യമായ സംഭാഷണമാണ് കാണുന്നത്. തന്റെ ജീവിതത്തെക്കുറിച്ച് വളരെ ഗൗരവമേറിയ ഒരു ആഗ്രഹം പ്രകടിപ്പിക്കുന്ന കുട്ടിയോട് ഗുമൈനി വളരെ സ്നേഹത്തോടും വാത്സല്യത്തോടും കൂടിയാണ് പ്രതികരിക്കുന്നത്.
സംഭാഷണത്തിന്റെ മലയാളം പരിഭാഷ താഴെ നൽകുന്നു:

കുട്ടിയുടെ അപേക്ഷ: ആ കുട്ടി ഗുമൈനിയുടെ അടുത്ത് ചെന്ന് സ്വകാര്യമായി പറഞ്ഞു: "എനിക്ക് വേണ്ടി പ്രാർത്ഥിക്കണം... എനിക്ക് ഒരു രക്തസാക്ഷിയാകണം (Martyr)."
ഗുമൈനിയുടെ മറുപടി: ആ കുട്ടിക്ക് വേണ്ടി പ്രാർത്ഥിക്കാമെന്ന് പറഞ്ഞ ഗുമൈനി പക്ഷെ ഒരു നിബന്ധന വെച്ചു:
"നിനക്ക് വേണ്ടിയോ? ആദ്യം നീ നന്നായി വളരണം, ഇൻഷാ അള്ളാ. നീ ഉയരം വെക്കണം, നന്നായി പഠിക്കണം, ഒരു വലിയ പണ്ഡിതനാകണം, എന്നിട്ട് ഇസ്‌ലാമിന് ഉപകാരപ്രദമായ കാര്യങ്ങൾ ചെയ്യണം."
ചിരിച്ചുകൊണ്ട് അദ്ദേഹം കൂട്ടിച്ചേർത്തു: "ഒരു 80-90 വയസ്സ് വരെ നീ ജീവിക്കണം, അതിന് ശേഷം നിനക്ക് രക്തസാക്ഷിയാകാം."

01/03/2026

ആയത്തുള്ള അലി ഗുമൈനിയുടെ മരണത്തിൽ പ്രതിഷേധിച്ചു കറാച്ചിയിലെ US കോൺസുലേറ്റ് അടിച്ചു തകർത്തു തീയിട്ടു.

01/03/2026

ഇന്നാലില്ലാഹി വ ഇന്നാ ഇലൈഹി റാജിഊൻ...

ഷഹാദത്തിനെ പ്രണയിച്ച വിപ്ലവകാരി...❤️😘
--------------------------------------------------
​"ഞങ്ങളെ അവരോടൊപ്പം ചേർക്കേണമേ, നിൻ്റെ മാർഗ്ഗത്തിൽ രക്തസാക്ഷിത്വം (ഷഹാദത്ത്) ഞങ്ങൾക്ക് നീ നൽകേണമേ എന്റെ നാഥാ... തന്റെ മാർഗ്ഗത്തിൽ രക്തസാക്ഷികളായവരെ ആദരിച്ച അള്ളാഹുവിനാണ് സർവ്വ സ്തുതിയും. തന്റെ മാർഗ്ഗത്തിൽ ഞങ്ങൾക്ക് രക്തസാക്ഷിത്വം നൽകിയ അല്ലാഹുവിനാണ് സർവ്വ സ്തുതിയും. ഇസ്‌ലാമിൻ്റെ മാർഗ്ഗത്തിൽ ഞങ്ങൾക്ക് ജിഹാദ് നൽകിയ അള്ളാഹുവിനാണ് സർവ്വ സ്തുതിയും." (വീഡിയോ ട്രാൻസ്ലേഷൻ)☝️

"അള്ളാഹുവിന്റെ മാർഗ്ഗത്തിൽ കൊല്ലപ്പെട്ടവരെ മരിച്ചവരാണെന്ന് നിങ്ങൾ കരുതരുത്. അവർ തങ്ങളുടെ നാഥന്റെ അടുക്കൽ ജീവിച്ചിരിക്കുന്നവരും ഉപജീവനം നൽകപ്പെടുന്നവരുമാണ്." (ഖുർആൻ)
വാക്കുകളിലും പ്രവൃത്തികളിലും വിശ്വാസത്തിന്റെ തെളിമ സൂക്ഷിച്ച പ്രിയപ്പെട്ട ആയത്തുള്ള അലി ഖമേനി നമ്മോട് വിടപറഞ്ഞിരിക്കുന്നു. കേവലം ഒരു മരണത്തിനപ്പുറം, അദ്ദേഹം എപ്പോഴും ആഗ്രഹിച്ചിരുന്ന, പ്രാർത്ഥിച്ചിരുന്ന ആ ഉന്നതമായ പദവിയിലേക്ക് അള്ളാഹു അദ്ദേഹത്തെ തിരഞ്ഞടുത്തിരിക്കുകയാണ്. പ്രാർത്ഥനകൾ പുലർന്ന നിമിഷം തന്റെ നാഥനോടുള്ള പ്രാർത്ഥനകളിൽ അദ്ദേഹം എപ്പോഴും ഇപ്രകാരം തേടുമായിരുന്നു:
"ഞങ്ങളെ അവരോടൊപ്പം ചേർക്കേണമേ, നിന്റെ മാർഗ്ഗത്തിൽ രക്തസാക്ഷിത്വം ഞങ്ങൾക്ക് നൽകേണമേ എന്റെ നാഥാ..."
ഈ ആഗ്രഹം നെഞ്ചിലേറ്റിക്കൊണ്ട്, അല്ലാഹുവിന്റെ പാതയിലെ ജിഹാദിനെയും ത്യാഗത്തെയും സ്തുതിച്ചുകൊണ്ട് അദ്ദേഹം നടത്തിയ പ്രാർത്ഥനകൾ സ്വീകരിക്കപ്പെട്ടിരിക്കുന്നു.

ഇസ്‌ലാമിക മൂല്യങ്ങൾ മുറുകെപ്പിടിക്കാനും, സത്യത്തിന് വേണ്ടി നിലകൊള്ളാനും അദ്ദേഹം കാണിച്ച ആവേശം നമുക്കേവർക്കും മാതൃകയാണ്. ഷഹാദത്തിനായുള്ള (രക്തസാക്ഷിത്വം) അദ്ദേഹത്തിന്റെ അടങ്ങാത്ത ദാഹം കേവലം വാക്കുകളായിരുന്നില്ല, മറിച്ച് സ്രഷ്ടാവിലേക്കുള്ള തീവ്രമായ അനുരാഗമായിരുന്നു. തന്റെ മാർഗ്ഗത്തിൽ രക്തസാക്ഷികളായവരെ ആദരിച്ച അള്ളാഹുവിനെ സ്തുതിച്ചുകൊണ്ട് അദ്ദേഹം യാത്രയായി. ജിഹാദിന്റെയും ത്യാഗത്തിന്റെയും വഴിയിൽ ജീവിതം ക്രമീകരിക്കാൻ അദ്ദേഹം ദുനിയാവിന്റെ മോഹങ്ങളേക്കാൾ പരലോകത്തെ പദവികൾക്ക് അദ്ദേഹം മുൻഗണന നൽകി.
നാഥന്റെ മാർഗ്ഗത്തിൽ അദ്ദേഹം ആഗ്രഹിച്ച ആ ഉന്നതമായ 'ഷഹീദ്' എന്ന പദവി നൽകി അള്ളാഹു അദ്ദേഹത്തെ അനുഗ്രഹിക്കട്ടെ. അദ്ദേഹത്തിന്റെ പാപങ്ങൾ പൊറുത്തു നൽകുകയും, സ്വർഗ്ഗത്തോപ്പുകളിൽ ഉന്നതസ്ഥാനം നൽകി ആദരിക്കുകയും ചെയ്യട്ടെ. അദ്ദേഹത്തിന്റെ വേർപാടിൽ നീറുന്ന കുടുംബത്തിന് അല്ലാഹു ക്ഷമയും സമാധാനവും നൽകട്ടെ.
ആമീൻ.... യാറബ്ബൽ ആലമീൻ...