20/09/2025
اسلامیات ، ماحولیاتی آلودگی ، اور موسیقی کی حُرمت:
(تین سال پہلے، انہی دنوں کی ایک پوسٹ)
کچھ دوست شکایت کرتے ہیں کہ بڑھتی ہوئی ماحولیاتی آلودگی کے حوالے سے شعور پیدا کرنے کے لئے ہماری نصابی کتب میں مضامین کی کمی ہے۔ خیبر پختون خوا کی حکومت نے اسی ضرورت کو مدنظر رکھتے ہوئے ساتویں جماعت کی اسلامیات کی کتاب میں ماحولیاتی آلودگی کے بارے میں آگاہی پھیلانے کی غرض سے ایک مضمون شامل کر رکھا ہے ۔
اِس مضمون کے مطابق چونکہ قرآنِ پاک میں آیا ہے کہ اپنی آواز کو پست رکھو اور موسیقی بھی شور کی ایک قسم ہے، لہٰذا ثابت ہوا کہ موسیقی حرام ہے۔ مزید تقویت کے لئے مضمون میں حدیث کا حوالہ بھی دیا گیا ہے تاکہ سند رہے اور بوقتِ ضرورت کام آوے۔
گویا ماحولیاتی آلودگی کے حوالے سے لکھے جانے والے مضمون میں بھی موسیقی کے خلاف ساڑ نکالنا ضروری ہے۔
کیا ہماری ریاست نے قسم کھا رکھی ہے کہ وہ ہمارے بچّوں کو غلطی سے بھی انسان بننے نہیں دیں گے ؟
اسی لیے میں اس معاشرے میں کسی بھی قسم کی تبدیلی کے امکان سے مایوس ہو چکا ہوں۔
البتہ جب تک ممکن ہے ، اپنے کتھارسس کے لئے لکھتے رہیں گے۔
