REAL TIME Kerala, kollam, Kollam (2026)

10/03/2026

Crime, Kerala മോട്ടിവേഷന്റെ മറവില്‍ പീഡനം; റിട്ട. പ്രിൻസിപ്പല്‍ കെ.സി. ഷാജുവിനെതിരെ വീണ്ടും പോക്സോ കേസ് Spread the loveകണ്ണൂർ സബ് ...

10/03/2026

Crime, Kerala ചവറയിൽ പോക്സോ കേസിലെ പ്രതിക്ക് 20 വർഷം തടവും 25000 രൂപ പിഴയും Spread the loveചവറ പോലീസ് സ്റ്റേഷനിൽ 2024 വർഷം രജിസ്റ്റർ ചെയ്....

06/03/2026

ശക്തികുളങ്ങര മരുത്തടി ക്ഷേത്രത്തിൽ വെച്ച് നടന്ന ആൾക്കൂട്ടആക്രമണത്തിൽ പരിക്ക് പറ്റി തിരുവനന്തപുരം മെഡിക്കൽ കോളേജ് ആശുപത്രി ചികിത്സയിൽ കഴിഞ്ഞിരുന്ന ഹരികൃഷ്ണൻ എന്നയാൾ മരണപെട്ട കേസിൽ ഉൾപ്പെട്ട 6 പ്രതികളെയും പ്രതികളെ ഒളിവിൽ നിൽക്കാൻ സഹായിച്ച സുനിൽ കുമാർ എന്നയാളെയും അറസ്റ്റ് ചെയ്തു .

04/03/2026

സ്റ്റുഡൻസ് പോലീസ് കേഡറ്റ് പാസിംഗ് ഔട്ട് പരേഡ് നടത്തി

ചവറ : കോവിൽത്തോട്ടം ലൂർദ് മാതാ ഹയർ സെക്കൻഡറി സ്കൂളിലെ 2024- 26 ബാച്ചിലെ സ്റ്റുഡൻസ് പോലീസ് കേഡറ്റിൻ്റെ പാസിംഗ് ഔട്ട് സെറിമേണിയൽ പരേഡ് നടത്തി.

സ്ക്കൂളിൽ 2014 വർഷം ആരംഭിച്ച സ്റ്റുഡന്റ് പോലീസ് കേഡറ്റ്‌ പദ്ധതിയിലെ 12-ാം മത്തെ ബാച്ചിൻ്റെപാസ്സിങ് ഔട്ട്‌ പരേഡാണ് നടന്നത്. കൊല്ലം സിറ്റി അസിസ്റ്റൻൻ്റ് സുപ്രണ്ട് ഓഫ് പോലീസ് അമൃതാ സതീപൻ ഗാർഡ് ഓഫ് ഓണർ സ്വീകരിച്ചു സന്ദേശം നൽകി.

കൊല്ലം സിറ്റി എഡിഎൻഒ രാജേഷ് , ചവറ പോലീസ് സ്റ്റേഷൻ എസ് എച്ച് ഒ നിസർ എ , വിമലഹൃദയ സന്യാസ സഭയുടെ കേരള പ്രൊവിൻഷ്യൽ സുപ്പീരിയർ സിസ്റ്റർ സെൽമാ മേരി, പ്രിൻസിപ്പൽ സിസ്റ്റർ സിന്ധ്യ മേരി , വൈസ് പ്രിൻസിപ്പൽ സിസ്റ്റർ നിസീറ്റാ മേരി, പിടിഎ പ്രസിഡണ്ട് സി ഉണ്ണികൃഷ്ണൻ , മുൻ എസ് പി സി അഡ്വസറി അംഗം ശ്രീ. യോഹന്നാൻ ഡ്രിൽ ഇൻസ്രക്ടർമാരായ രജീഷ്, ഷീജ എന്നിവരുംകമ്മ്യൂണിറ്റി പോലീസ് ഓഫീസർമാരായ അയോണ അജിമോൻ, മിഥുൻ എസ് എന്നിവർ പങ്കെടുത്തു.

പരേഡ് കമാൻഡർ കേഡറ്റ് നിള.വി. ഗിരീഷ്, സെക്കൻഡ് കമാൻഡർ കേഡറ്റ് ഗോകുൽ കൃഷ്ണ, പ്ലറ്റൂൺ കമാൻഡർമാരായ കേഡറ്റ് ആരോമൽ ദാസ്, കേഡറ്റ് ശിവാനി അനിൽ എന്നിവർ പരേഡിന് നേതൃത്വം നൽകി.
കൊല്ലം ജില്ലാതല റിപ്പബ്ലിക് ദിന പരേഡിൽ പങ്കെടുത്ത കേഡറ്റുകളെ ചടങ്ങിൽ ആദരിച്ചു.

19/02/2026

കരുനാഗപ്പള്ളിയിൽ സ്ഥിരംകുറ്റവാളിയെ കാപ്പ ചുമത്തി നാടുകടത്തി

കരുനാഗപ്പള്ളി പോലീസ് സ്റ്റേഷൻ പരിധിയിൽ സ്ഥിരമായി ക്രിമിനൽ കേസുകളിൽ ഉൾപ്പെട്ട കുറ്റവാളിയെ കാപ്പ ചുമത്തി നാടുകടത്തി. കരുനാഗപ്പള്ളി, തൊടിയൂർ വില്ലേജിൽ മുഴങ്ങോടി നിഷാദ് മൻസിലിൽ കൊച്ചുകുഞ്ഞ് മകൻ പൊടി എന്ന് വിളിക്കുന്ന നിസ്സാം(29)നെ ആണ് കാപ്പ നിയമം ചുമത്തി കൊല്ലം സിറ്റി പോലീസ് ജില്ലയിൽ നിന്നും പുറത്താക്കിയത്. 2020 കാലയളവ് മുതൽ കരുനാഗപ്പള്ളി പോലീസ് സ്റ്റേഷൻ പരിധികളിലുൾപ്പെട്ട സ്ഥലങ്ങളിൽ വ്യക്തികൾക്ക് നേരെയുള്ള കയ്യേറ്റം, അതിക്രമം, നാശനഷ്ടം വരുത്തൽ, നരഹത്യശ്രമം തുടങ്ങിയ കുറ്റകൃത്യങ്ങൾക്ക് മൂന്ന് ക്രിമിനൽ കേസുകളാണ്. കൊല്ലം സിറ്റി പോലീസ് മേധാവി ഹേമലത ഐ.പി.എസ് സമർപ്പിച്ച റിപ്പോർട്ടിൻ പ്രകാരം തിരുവനന്തപുരം റേഞ്ച് ഡി.ഐ.ജി ഹിമേന്ദ്രനാദ് ഐപിഎസ് ആണ് ജില്ലയിൽ നിന്നും നാട് കടത്തി ഉത്തരവിറക്കിയത്. നിരോധന ഉത്തരവ് ലംഘിച്ച് ഇയാൾ കൊല്ലം സിറ്റി പോലീസ് ജില്ലയിൽ പ്രവേശിച്ചതായി ശ്രദ്ധയിൽപ്പെട്ടാൽ പൊതുജനങ്ങൾ 1090, 0476-2620233, 0474-2742265, 9497987035 എന്നീ നമ്പരുകളിൽ അറിയിക്കണമെന്ന് ജില്ലാ പോലീസ് മേധാവി അറിയിച്ചു.

18/02/2026

കരുനാഗപ്പള്ളി യിൽ ഉത്സവാഘോഷത്തിനിടയിലെ സംഘർഷം പ്രതികൾ പിടിയിൽ

കരുനാഗപ്പള്ളി:ഉത്സവാഘോഷത്തിനിടയിലെ സംഘർഷം പ്രതികൾ പിടിയിൽ.കരുനാഗപ്പള്ളി ആലുംകടവ് കിഴവൂർ വീട്ടിൽ രാജു മകൻ റജിൽ 21, മരു സൗത്ത് കുളക്കട കിഴക്കതിൽ അബ്ദുൽ സലീം മകൻ അൻസൽ 20 എന്നിവരാണ് കരുനാഗപ്പള്ളി പോലീസിന്റെ പിടിയിലായത്.ആദിനാട് ഘണ്ടകർണൻകാവ് ക്ഷേത്രത്തിലെ ഉത്സവത്തിനിടയിൽ നടന്ന സംഘർഷത്തിൽ പ്രതികൾ കരുനാഗപ്പള്ളി സ്വദേശിയായ അനന്തനെ കമ്പി വടി കൊണ്ട് തലയ്ക്കടിച്ച് പരിക്കേൽപ്പിക്കുകയായിരുന്നു.ഇത് തടയാൻ ശ്രമിച്ച അനന്തന്റെ സുഹൃത്തിനെയും പ്രതികൾ തലക്കടിച്ചും മറ്റും പരിക്കേൽപ്പിക്കുകയായിരുന്നു. ആക്രമണത്തിൽ പരിക്കേറ്റ ഇരുവരും ചികിത്സയിലാണ്. പരിക്കേറ്റ അനന്തൻ്റെ മൊഴിയിൽ കരുനാഗപ്പള്ളി പോലീസ് വധശ്രമത്തിന് കേസെടുക്കുകയായിരുന്നു.
തുടർന്ന് നടത്തിയ അന്വേഷണത്തിലാണ് പ്രതികളെ പിടികൂടിയത്.
മറ്റ് പ്രതിക്കായി അന്വേഷണം തുടരുകയാണെന്നും വരും ദിവസങ്ങളിൽ അറസ്റ്റ് ഉണ്ടാകുമെന്നും കരുനാഗപ്പള്ളി പോലീസ് അറിയിച്ചു. കരുനാഗപ്പള്ളി എസി പി ജോണിന്റെ മേൽനോട്ടത്തിൽ കരുനാഗപ്പള്ളി എസ് എച്ച് ഓ അനൂപിന്റെ നേതൃത്വത്തിൽ എസ്ഐമാരായ ജയേഷ്, ആഷിഖ്
എ എസ് ഐ സനീഷ് കുമാരി
എസ് സി പി ഓ മാരായ ഹാഷിം, മനോജ് എന്നിവരടങ്ങിയ സംഘമാണ് പ്രതികളെ പിടികൂടിയത്.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു

14/02/2026

മഞ്ചേശ്വരത്ത് കന്നുകാലി തൊഴിലാളികളെ മര്‍ദിച്ചവശയാക്കിയ സംഭവം; നാല് പേര്‍ അറസ്റ്റില്‍

കന്നുകാലികളെ ലോറിയില്‍ നിന്ന് ഇറക്കുന്നതിനിടെ തൊഴിലാളികളെ ക്രൂരമായി അക്രമിച്ച സംഭവത്തില്‍ നാല് പേരെ മഞ്ചേശ്വരം പൊലിസ് അറസ്റ്റ് ചെയ്തു.

കുഞ്ചത്തൂർ സ്വദേശി അനില്‍കുമാർ (23), പെർമുദ സ്വദേശി ഭരത് രാജ് (19), ഇച്ചിലങ്കോട് സ്വദേശികളായ ഭരത് (19), രക്ഷിത് (21) എന്നിവരാണ് പിടിയിലായത്. അക്രമികളിലൊരാള്‍ സംഭവസ്ഥലത്ത് മറന്നുവെച്ച മൊബൈല്‍ ഫോണാണ് പ്രതികളെ വേഗത്തില്‍ വലയിലാക്കാൻ പൊലിസിനെ സഹായിച്ചത്.

ഇന്ന് പുലർച്ചെ മഞ്ചേശ്വരം ഉദ്യാവർ അണ്ടർപാസിനടുത്ത് വെച്ചായിരുന്നു അക്രമം. പാലക്കാട് നിന്ന് ലോറിയില്‍ കൊണ്ടുവന്ന പോത്തുകളെ ഇറച്ചി കടയ്ക്ക് സമീപം ഇറക്കുന്നതിനിടെ ഓട്ടോറിക്ഷയിലും ബൈക്കിലുമായെത്തിയ സംഘം തൊഴിലാളികളെ വളഞ്ഞിട്ട് അക്രമിക്കുകയായിരുന്നു. ഉത്തർപ്രദേശ് സ്വദേശികളും പാലക്കാട് താമസക്കാരുമായ ഫുർക്കാൻ, ദാവൂദ്, കാസർകോട് സ്വദേശി അബ്ബാസ് എന്നിവരെയാണ് സംഘം ക്രൂരമായി മർദിച്ച്‌ അവശയാക്കിയത്.

ഇരുമ്പുവടി ഉള്‍പ്പെടെയുള്ള മാരകായുധങ്ങള്‍ ഉപയോഗിച്ചായിരുന്നു അക്രമം. വധശ്രമത്തിനാണ് പ്രതികള്‍ക്കെതിരെ കേസെടുത്തിരിക്കുന്നത്. ആറംഗ സംഘമാണ് അക്രമത്തിന് പിന്നിലെന്ന് പൊലിസ് തിരിച്ചറിഞ്ഞു. ഇതില്‍ രണ്ട് പേർക്കായി തിരച്ചില്‍ ഊർജ്ജിതമാക്കിയിട്ടുണ്ട്.

02/02/2026

ചവറ തെക്കുംഭാഗത്തെ പ്രീമിയം മദ്യശാലയില്‍ നിന്ന് 40 കുപ്പി മദ്യം മോഷ്ടിച്ചു; യുവാവ് പിടിയില്‍

സര്‍ക്കാര്‍ മദ്യ വിതരണ ശാലയില്‍ നിന്ന് 40 കുപ്പി മദ്യം മോഷ്ടിച്ച യുവാവ് അറസ്റ്റില്‍. തേവലക്കര സ്വദേശിയായ ശരത്തിനെയാണ് ചവറ തെക്കുംഭാഗം പൊലീസ് പിടികൂടിയത്.

തെക്കുംഭാഗത്തെ പ്രീമിയം ബിവറേജസ് ഔട്ട്ലെറ്റിലായിരുന്നു മോഷണം നടന്നത്. ദിവസേനയുള്ള കണക്കെടുപ്പില്‍ മദ്യക്കുപ്പികള്‍ കുറയുന്നത് ശ്രദ്ധയില്‍പ്പെട്ട ജീവനക്കാര്‍ സിസിടിവി ദൃശ്യങ്ങള്‍ പരിശോധിച്ചപ്പോഴാണ് ആളെ പിടികിട്ടിയത്.

ഉപഭോക്താക്കള്‍ക്ക് നേരിട്ട് മദ്യം തിരഞ്ഞെടുക്കാന്‍ സൗകര്യമുള്ള പ്രീമിയം കൗണ്ടറായതിനാല്‍, ഇത് മുതലെടുത്ത് ഓരോ ദിവസവും കുപ്പികള്‍ വസ്ത്രത്തിനുള്ളില്‍ ഒളിപ്പിച്ച്‌ കടത്തുകയായിരുന്നു ഇയാളുടെ രീതി. ഇത്തരത്തില്‍ പലപ്പോഴായി 40 കുപ്പികളാണ് ശരത്ത് മോഷ്ടിച്ചത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

27/01/2026

കതിര്‍മണ്ഡപത്തിലേക്ക് കയറി താലികെട്ട് കഴിഞ്ഞതും നവവധുവിന് ദേഹാസ്വാസ്ഥ്യം, ചികിത്സയ്‌ക്കിടെ വധു പ്രസവിച്ചു...

ലക്നൗ വിവാഹ ദിവസം തന്നെ യുവതി കുഞ്ഞിന് ജന്മം നല്‍കി. റാംപുർ ജില്ലയിലെ കുംഹാരിയ ഗ്രാമത്തിലാണ് സംഭവം. വിവാഹ ചടങ്ങുകള്‍ കഴിഞ്ഞ് വരനും സംഘവും മടങ്ങുന്നതിന് മുമ്ബ് തന്നെ നവവധു പ്രസവിക്കുകയായിരുന്നു.

കുംഹാരിയയില്‍ താമസിക്കുന്ന റിസ്വാനും അയല്‍ഗ്രാമത്തെ യുവതിയു തമ്മിലുള്ള വിവാഹത്തിനിടെയാണ് സംഭവം.

നാളുകള്‍ നീണ്ട പ്രണയത്തിനുശേഷമാണ് ഇരുവരും വിവാഹിതരായത്. വിവാഹത്തിന് മുമ്പ് ഇരുവരും അടുത്ത ബന്ധത്തിലുണ്ടായിരുന്നെന്നും, തുടർന്ന് കുടുംബങ്ങള്‍ ഇടപെട്ട് ആചാരപ്രകാരം വിവാഹം നടപ്പാക്കപ്പെട്ടതായും റിപ്പോർട്ടുകളുണ്ട്. യുവതിയുടെ ബന്ധുക്കള്‍ പൊലീസിനെ സമീപിച്ചതിനുശേഷം ഗ്രാമമുഖ്യന്റെ ഇടപെടലിലൂടെ വിവാഹം നിശ്ചയിക്കപ്പെട്ടുവെന്നും വിവരം പറയുന്നു.

വിവാഹ ആഘോഷങ്ങള്‍ക്കായി റിസ്വാനും ബന്ധുക്കളും വധുവിന്റെ ഗ്രാമമായ ബഹാദൂർഗഞ്ചിലേക്ക് എത്തുകയായിരുന്നു. ആചാരപ്രകാരം ചടങ്ങുകള്‍ പൂർത്തിയാക്കിയ ശേഷം വധുവിനൊപ്പം വരന്റെ വീട്ടിലേക്ക് മടങ്ങിയപ്പോഴാണ് യുവതിക്ക് പ്രസവവേദന ആരംഭിച്ചത്. തുടർന്ന് ആശുപത്രിയില്‍ ചികിത്സ തേടി. ആശുപത്രിയില്‍വെച്ച്‌ യുവതിക്ക് ഒരു പെണ്‍കുഞ്ഞ് ജനിച്ചു.

20/01/2026

കേരള രാഷ്ട്രീയത്തിൽ ചുവടുറപ്പിക്കാൻ രാഷ്ട്രീയ ലോക്ദൾ; പുതിയ ഭാരവാഹികളെ പ്രഖ്യാപിച്ചു

തിരുവനന്തപുരം: ഉത്തരേന്ത്യൻ രാഷ്ട്രീയത്തിലെ കർഷകശബ്ദവും നിർണ്ണായക ശക്തിയുമായ രാഷ്ട്രീയ ലോക്ദൾ (ആർ.എൽ.ഡി) കേരളത്തിൽ സ്വാധീനം വർദ്ധിപ്പിക്കുന്നു. സംഘടനാ സംവിധാനം അടിമുടി പരിഷ്കരിക്കുന്നതിന്റെ ഭാഗമായി സംസ്ഥാന സമിതിയിലേക്ക് പുതിയ ഭാരവാഹികളെ തിരഞ്ഞെടുത്തതായി കേരളത്തിന്റെ ചുമതലയുള്ള (State Incharge) ഡോ. സുമീത് സുശീലൻ അറിയിച്ചു.

ദേശീയ ജനറൽ സെക്രട്ടറി ത്രിലോക് ത്യാഗിയുടെ നേരിട്ടുള്ള മേൽനോട്ടത്തിൽ നടക്കുന്ന വിപുലമായ പുനഃസംഘടനയിലൂടെ സംസ്ഥാന പ്രസിഡന്റ് *ഷഹീദ് അഹമ്മദിന്റെ* നേതൃത്വത്തിൽ കേരളത്തിൽ അജയ്യമായ ഒരു രാഷ്ട്രീയ ബദൽ പടുത്തുയർത്താനാണ് പാർട്ടി ലക്ഷ്യമിടുന്നത്.
കർഷകപക്ഷ രാഷ്ട്രീയത്തിലൂടെ ഉത്തരേന്ത്യയിൽ തരംഗമായ പാർട്ടി, ദക്ഷിണേന്ത്യയിലേക്കും വേരുകൾ വ്യാപിപ്പിക്കുന്നതിന്റെ ഭാഗമായാണ് കേരളത്തിൽ സജീവമാകുന്നത്. യുവജനങ്ങളെ അണിനിരത്തി താഴെത്തട്ടുമുതൽ പാർട്ടി സംവിധാനം ശക്തിപ്പെടുത്താൻ ഡോ. സുമീത് സുശീലൻ നേരിട്ടാണ് മേൽനോട്ടം വഹിക്കുന്നത്. ദേശീയ അധ്യക്ഷൻ ജയന്ത് ചൗധരിയുടെ വികസന കാഴ്ചപ്പാടുകളും ജനകീയ നയങ്ങളും മുൻനിർത്തി വരുംദിവസങ്ങളിൽ എല്ലാ ജില്ലകളിലും കൺവെൻഷനുകൾ വിളിച്ചുകൂട്ടും. ജനകീയ പ്രശ്നങ്ങളിൽ ഇടപെട്ടുകൊണ്ട് സജീവമായ പ്രക്ഷോഭ പരിപാടികളുമായി മുന്നോട്ട് പോകാനാണ് ആർ.എൽ.ഡി കേരള ഘടകത്തിന്റെ തീരുമാനം

10/01/2026

കരുനാഗപ്പള്ളിയിൽ മകളെ ഉപദ്രവിച്ചത് ചോദ്യം ചെയ്തതിന്റെ വിരോധത്താൽ ഭാര്യ മാതാവിന് മർദ്ദനം പ്രതി പിടിയിൽ

കരുനാഗപ്പള്ളി: മകളെ ഉപദ്രവിച്ചത് ചോദ്യം ചെയ്തതിന്റെ വിരോധത്താൽ ഭാര്യ മാതാവിന് മർദ്ദനം പ്രതി പിടിയിൽ. കുലശേഖരപുരം കോട്ടക്ക്പുറം പന്നയ്ക്കാട്ടിൽ തെക്കതിൽ സ്റ്റീഫൻ മകൻ ജെയിംസ് 46 ആണ് കരുനാഗപ്പള്ളി പോലീസിന്റെ പിടിയിലായത്.

ഇക്കഴിഞ്ഞ വെള്ളിയാഴ്ച ആയിരുന്നു കേസിനാസ്പദമായ സംഭവം നടന്നത്. വള്ളിക്കാവ് സ്വദേശിനിയായ ശ്യാമളയുടെ മകളെ മർദ്ദിക്കുന്നത് ചോദ്യം ചെയ്തതിന്റെ വിരോധത്താൽ മരുമകനായ ജെയിംസ് ശ്യാമളയെ തള്ളിയിട്ടു ഒരു കമ്പ് കൊണ്ട് തലയടിച്ചു പൊട്ടിക്കുകയായിരുന്നു. ശ്യാമളയുടെ മൊഴിയിൽ കേസെടുത്ത പോലീസ് പ്രതിയെ പിടികൂടുകയായിരുന്നു. പരിക്കേറ്റ ശ്യാമള വണ്ടാനം മെഡിക്കൽ കോളേജിൽ ചികിത്സയിലാണ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കരുനാഗപ്പള്ളി പോലീസ് സ്റ്റേഷൻ എസ് എച്ച് ഓ അനൂപിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.

REAL TIME Kerala

10/03/2026

10/03/2026

06/03/2026

04/03/2026

19/02/2026

18/02/2026

14/02/2026

02/02/2026

27/01/2026

20/01/2026

10/01/2026

Address

Telephone

Website

Alerts

Shortcuts

Share

Category