14/04/2026
കുണ്ടറയിൽ കാറും ബൈക്കും കൂട്ടിയിടിച്ച് രണ്ടു യുവാക്കൾക്ക് ദാരുണാന്ത്യം
കുണ്ടറ 14.04.2026: കുണ്ടറ നാന്തിരിക്കൽ പള്ളിയുടെ സമീപം ഇന്ന് പുലർച്ചെ 12.15 ഒടുകൂടി ആയിരുന്നു അപകടം. കുണ്ടറ ഭാഗത്തു നിന്നും വെള്ളിമൺ ഭാഗത്തേക്ക് പോവുകയായിരുന്ന ബൈക്ക് അഞ്ചാലുമൂട് ഭാഗത്തു നിന്നും കുണ്ടറയിലേക്ക് വന്ന കാറുമായിട്ടാണ് ഇടിച്ചത്.
വെള്ളിമൺ സ്വദേശി അമൽ (23) കൈതക്കോടി സ്വദേശി അജീഷ് (21) എന്നിവരാണ് അപകടത്തിൽ മരണപ്പെട്ടത്.
അപകടത്തിൽ പരുക്കേറ്റ അമലിനെ കുണ്ടറയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. അജീഷിനെ കൊല്ലത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും പുലർച്ചയോടുകൂടി മരണപ്പെട്ടു.
