01/04/2026
കൊല്ലത്ത് രാസലഹരിയുമായി യുവാവ് പിടിയിൽ.
മാരക രാസ ലഹരിമരുന്നായ എം.ഡി.എം.എ യുമായി യുവാവ് കൊല്ലം ഈസ്റ്റ് പോലീസിന്റെ പിടിയിൽ. ചവറ പരിമണം പുലിമുഖത്ത് വീട്ടിൽ ഗിരീഷ് (44) ആണ് പോലീസ് സംഘത്തിന്റെ പിടിയിലായത്.
രാത്രികാല പെട്രോളിങ്ങ് ഡ്യൂട്ടിയിൽ ഏർപ്പെട്ടിരുന്ന കൊല്ലം ഈസ്റ്റ് പോലീസ് സംഘമാണ് ഇയാളെ പിടികൂടിയത്. 30.03.2026 വെളുപ്പിന് 2.00 മണിയോടെ ആണ്ടാമുക്കം പ്രൈവറ്റ് ബസ് സ്റ്റാന്റ് ഭാഗത്ത് നടത്തിയ പരിശോധനയിൽ ഗിരീഷ് സംശയാസ്പദമായ സാഹചര്യത്തിൽ ചുറ്റിത്തിരിയുന്നത് ശ്രദ്ധയിൽപ്പെട്ടു. തുടർന്ന് ഇയാളെ തടഞ്ഞ് നിർത്തി ദേഹപരിശോധന നടത്തിയപ്പോഴാണ് 3.258 ഗ്രാം എം.ഡി.എം.എ കണ്ടെടുത്തത്. ജി.എസ്.ഐ ഷൈജുവിന്റെ നേതൃത്വത്തിൽ എസ്.സി.പി.ഓ മാരായ ജയകൃഷ്ണൻ, ജോൺ, മുരുകേശ് എന്നിവരടങ്ങിയ പെട്രോളിങ്ങ് സംഘത്തിന്റെ സമയോചിതമായ ഇടപെടലാണ് പ്രതിയെ പിടികൂടാൻ സഹായകമായത്.
