Chapters of My Handbook

12/03/2025

ഒരുപാട് ഓർമകളെ തൊട്ടുണർത്തി കൊണ്ടു, ഭൂമിയുടെയും മനുഷ്യന്റെയും നെഞ്ചിലേക് ആദ്യത്തെ ആ മഴതുള്ളി കടന്നു വന്നു...

ചൂടായി വീശിയ കാറ്റും ഇന്നു ഒന്നു തണുത്തു.. പ്രകൃതി മുഴുവൻ എന്തെന്നില്ലാത്ത... ഒരു കുളിർമ..ഒരു തണുപ്പ്..

ചിന്നി ചാറി പെയ്യുന്ന മഴത്തുള്ളികൾ..കാറ്റിലെ ഒരു പായ്കപ്പൽ പോലെ, മനസിനെ എങ്ങോട്ടേയ്ക്ക് എക്കെയോ പായ്ക്കുന്നു...

കുറേ ഏറെ മധുര മനോഹരമായ ഓർമ്മകൾ...
പുതിയ പുസ്തകത്തിന്റെ ഗന്ധം... പൊടിമണ്ണിന്റെ മണം... പുതിയ യൂണിഫോം, ഷൂസ്, ഇഷ്ടമുള്ള ബാഗും പുതിയ കുടയുമായി വഴിയോരത്തെ വെള്ളത്തിലൊക്കെ ചവിട്ടി മഴ ആസ്വദിച്ചു മഴ നനഞ്ഞു നടന്നിരുന്ന...ബാല്യം.. ഒരു നറു പുഞ്ചിരിക്കൊപ്പം ഓർമയിലേക് കടന്നു വന്നു...

കൈനീട്ടിയാൽ ഇനി എത്തിപെടില്ലാത്തതാണെങ്കിലും എന്തോ ഒരു കൊതിയാണിന്നും തിരിച്ചൊന്നു നടക്കാൻ.....

ഈ മഴയ്ക്കും പറയാൻ എന്തെല്ലാമോ ഉണ്ട്..എന്തൊക്കെയോ പറയാതെ പറയും പോലെ...

ഒരു യാത്ര പോകാൻ തോന്നുന്നു... ഭൂമിയുടെ ഒരറ്റം തേടി... ഒറ്റക്കു പോണം,,..ദൂരെ ദൂരെ...
കാറ്റിനെയും മഴയെയും..പ്രണയിച്ചു...എന്നിലെ എന്നെ തേടി, എന്റെ ഇഷ്ടങ്ങളെ തേടി... എന്നെ തന്നെ ഒന്നു കണ്ടെത്താൻ....

ഒരു ലക്ഷ്യമില്ലാത്ത യാത്ര, എന്തു ഭംഗി ആയിരിക്കുമല്ലേ..
ഇന്ന് വരെ കാണാത്ത, ഇനി കാണുമോ എന്നു അറിയാത്ത പുതിയ കുറേ മുഖങ്ങൾ, പുഞ്ചിരികൾ, ഒരുപാട് ജീവിതങ്ങളെ കണ്ടു മുട്ടാൻ....പ്രകൃതിയുടെ കൂട്ടുകാരിയായ്..ഓരോ മനോഹരിതയും ആസ്വദിച്ചു...അങ്ങനൊരു മനോഹരമായ യാത്ര...എന്റെ യാത്ര!!
.. പ്രണയം മാത്രം! എന്നിലേകൊഴുകി എത്തിയ മഴയോടും എന്നെ തലോടി കടന്നു പോകുന്ന ഇളം കാറ്റിനോടും എനിക്ക് ചിറക്കടിച്ചു ഉയരനായി എന്റേതായി നിൽക്കുന്ന അതിരുകളില്ലാതെ ഈ ആകാശത്തിനോടും... എല്ലാം എനിക്ക് പ്രണയമാണ്..

Christeena Saibin

03/03/2025

03/03/2025

സഹിക്കാൻ പറ്റുന്നില്ല ... വല്ലാതെ മനസ്സ് വിങ്ങുവാണ് ! ഒരമ്മ തന്റെ മക്കളെയും കൊണ്ടു ഇങ്ങനൊരു കടും കൈ ചെയ്യാൻ തീരുമാനിക്കണമെങ്കിൽ എത്രത്തോളം അവർ തീ തിന്നിരിക്കണം ... എത്രത്തോളം ഉരുകിയിട്ടുണ്ടാകും ...

എല്ലാം മറന്നു ജീവിക്കാൻ ശ്രമിച്ചപ്പോളും വീണ്ടും തുടങ്ങാൻ ശ്രമിച്ചപ്പോളും തട്ടി വീഴ്ത്താനും പുറകെന്നു കുത്താനും ചുറ്റും നിന്ന കുറേ ബന്ധങ്ങൾ ... അത് അവർക്കു ബന്ധനമായിട്ടുണ്ടാവാം....

മനുഷ്യൻ മനുഷ്യനെ മറന്നു സ്വന്തം വാശികും വൈരാഗ്യത്തിനും പരദൂഷണത്തിനും കുറ്റപ്പെടുത്തലിനും പ്രാധാന്യം കൊടുക്കുമ്പോൾ ഓർത്തില്ലേ ആരും ... എതിരെ നില്കുന്നവന്റെ ജീവിതം ആണിട്ട് കളിക്കുന്നത് എന്ന് ??..
😏എന്നിട്ട് എല്ലാം കഴിഞ്ഞു ഒരു പറച്ചിലും ... "ഇങ്ങനെ ആകുമെന്ന് വിചാരിച്ചില്ല "
പിന്നെ എങ്ങനെ ആകണമെന്നാണ് ആഗ്രഹിച്ചത് ? എന്തിനു വേണ്ടിയാ ശ്രമിച്ചേ ??

മറ്റുള്ളവരുടെ കൂടെ കൂടി ഒരാളുടെ ജീവിതത്തിനു നേരെ കണ്ണും പൂട്ടി കല്ലെറിയുമ്പോൾ നിങ്ങൾ അറിഞ്ഞോണ്ട് മറന്നുകളയുന്ന ഒരു കാര്യമുണ്ട് .. നീ ചെയ്യുന്നത് ഒരുവന്റെ നന്മക്കും സന്തോഷത്തിനും അല്ലെങ്കിൽ പിന്നെ,, അതൊക്കെ അവന്റെ വേദനയുടെ തീപൊരിയിലേക്ക് മണ്ണെണ്ണ ഒഴിക്കുന്നതിനു തുല്യാണ്. ... നാളെ ആ തീയിൽ അവൾ ദഹിക്കുമ്പോൾ ഞാനോർത്തില്ല അവൾ ഇത്ര വേദനിച്ചിരുന്നു എന്ന് പറയുന്നതിൽ എന്ത് അർത്ഥമാണ് ഉള്ളത് ??

ഇന്ന് നിങ്ങളുടെ മുന്നിൽ വന്നു ,, അടുത്ത വീട്ടിൽ കെട്ടി വന്ന പെണ്ണിനെയോ / മാറ്റാരേലും കുറിച്ച് കുറ്റം പറയാൻ ആരെങ്കിലും വരുമ്പോൾ നിങ്ങൾ ബോധ്യത്തോടെ തന്നെ പറയണം ..വേണ്ട!! നിർത്തു,, അത് അവരുടെ ജീവിതമാണ് , വിധിക്കാണോ പരിഹരിക്കാനോ അളന്നു നോക്കാനോ കഥ മുഴുവൻ നമുക്ക് അറിയില്ല .. അറിഞ്ഞാലും നമുക്കതിൽ ഒരു നന്മയും ചെയ്യാൻ കഴിയില്ലല്ലോ .. പിന്നെന്തിനാ മാറി നിന്ന് ഈ നാക്കു കൊണ്ടു അവരെ കൊല്ലുന്നത് !!!

പുറമെ ചിരിച്ചും ഉള്ളിൽ കടലായി നടക്കുന്ന ഒരുപാട് പേരുണ്ട് നമുക്ക് ചുറ്റും..തൊട്ടു അടുത്ത് തന്നെ ..പുറമെ കാണിച്ചില്ലേലും വേദനിക്കുന്നുണ്ട്, വിഷമിക്കുന്നുണ്ട്....പ്രേശ്നങ്ങൾ എന്തൊക്കെയോ ഉണ്ട് - എന്നറിയാവുന്ന ഒരാളോട് പറ്റുമെങ്കിൽ മനസ് തുറന്നു സംസാരിക്കാനും ചിരിക്കാനും ശ്രമിക്കുക. . അവർക്കു നല്ലൊരു സുഹൃത്താവുക .. അവരെ കേൾക്കാൻ കുറച്ചു സമയം കൊടുക്കുക .. കരയാൻ ഒരു തോളു കൊടുക്കുക ...
.. അവളും എന്നെപോലൊരു ഒരു സ്ത്രീ ആണ് / ഒരു മനുഷ്യനാണ് എന്ന പരിഗണയിൽ ഒന്നു ചേർത്ത് പിടിക്കുക,സപ്പോർട്ട് ചെയ്യുക..ധൈര്യം കൊടുക്കുക..

ഒന്നു കേൾക്കാൻ , ഒന്നു മനസിലാക്കാൻ ഒരാളെങ്കിലും ഉണ്ടായിരുന്നെങ്കിൽ ഇന്നാ അമ്മക്കും ആ 2 കുഞ്ഞുങ്ങൾക്കും ഈ അവസ്ഥ വരില്ലാരുന്നു ....ആ ഒരമ്മ ഏതൊക്കെ അവസ്ഥയിലൂടെ കടന്നു പോയിട്ടാവും അവസാനം ഇങ്ങനൊരു തീരുമാനത്തിൽ എത്തിയത്... ഞാൻ ഒരിക്കലും അവരെ കുറ്റം പറയില്ല ... പക്ഷേ വല്ലാത്തൊരു വേദന ... വല്ലാത്തൊരു കുറ്റബോധം .... ഞാൻ അടങ്ങുന്ന ഈ സമൂഹത്തിനു ഒന്നിനും പറ്റിയില്ലല്ലോ എന്ന് ഓർത്തു ....ഒപ്പം ഇനിയും നമ്മുടെ ഇടയിൽ ചിരിക്കുന്ന മുഖവുമായി ഒരുപാട് ഷൈനി മാരും മക്കളും ഒളിഞ്ഞു കിടപ്പുണ്ടെന്ന സത്യം ഓർത്തു !!

27/02/2025

📖 27/02/25 : "എന്റെ കുറിപ്പുകൾ"🖋️

2 ദിവസത്തെ അവധിക്കു ശേഷം വീണ്ടും ഇന്ന് തൊട്ടു ഡ്യൂട്ടി ക്കു പോകാൻ ആരംഭിച്ചു..
ആശുപത്രിയിൽ ഒരറ്റം തൊട്ട് മറ്റേ അറ്റം വരെ ഉള്ള കസേരകളിൽ ഇരിക്കുന്ന ഓരോരുത്തർക്കും പറയാൻ ഓരോ കഥയുണ്ട്... പതിവ് പോലെ ഓരോരുത്തരോടും കുശലം അന്വേഷിച്ചു ഞാൻ നടന്നു നീങ്ങി...

രാവിലെ തന്നെ എല്ലാരോടും ഒരു GOOD MORNING പാസ്സ് ആക്കുന്ന ശീലം ഞാൻ മറന്നില്ല.. രാവിലെ തന്നെ എല്ലാരുടെയും ഒരു നറുപുഞ്ചിരി കിട്ടുന്ന നിമിഷമാണ് അത്...

പലരുടെയും മുഖത്തു ടെൻഷൻ കാണാം...ചിലര് പത്രം വായനയും മറ്റു ചിലര് മൊബൈൽ നോക്കി സമയം കൊല്ലുമ്പോൾ, മറ്റു ചിലർ സമയം മുന്നോട്ട് പോകുന്നില്ലല്ലോ ഇന്ന വിഷമത്തിലും ദേഷ്യത്തിലും ഒക്കെ ആണ്...

എന്നാൽ ഈ പുറമെ കാണുന്നതല്ല ഇവർ ആരും.. ഇവരുടെ ഫീലിങ്‌സും...

അടുത്ത് ചെന്ന് ഒരു പുഞ്ചിരി സമ്മാനിച്ചു സംസാരിച്ചു തുടങ്ങുമ്പോൾ, നമ്മുടെ തന്നെ ആരൊക്കെയോ ആയിട്ട് തോന്നും പലരും ❤️

26/02/2025

Just💞listen

26/07/2024

Coimbatore വരെ ഒന്നു പോയാലോ 😝

07/07/2024

Helloooo......
ഞങ്ങളുടെ ഒരു കുഞ്ഞു കേറിതാമസം കണ്ടാലോ... 😍tnk god🙏🏻

https://youtu.be/umb9iM42YLQ?si=wYVAV32IYHksH0WU
*Plz SUBSCRIBE & SHARE🥰*
_THANKS❤️FOR UR SUPPORT_

#കേറിതാമസം