Kottayam Pushpanath Publications

10/10/2026

10/10/2026

പാശ്ചാത്യ ലോകത്തിൻ്റെ പ്രാചീന ചരിത്രത്തിലും ഗ്രീക്ക് പുരാണങ്ങളിലും പ്രതിപാദിക്കപ്പെടുന്ന അധോലോക വിശ്വാസങ്ങളെ ആസ്‌പദമാക്കി രൂപം കൊണ്ട നോവലാണ് പ്ലൂട്ടോയുടെ കൊട്ടാരം. ഓർഫിയൂസിന്റെയും യൂറിഡീസി ന്റെയും പ്രണയകഥയും അധോലോക അധിപനായ പ്ലൂട്ടോയുമായി ബന്ധപ്പെട്ട ഐതീഹ്യങ്ങളും മനുഷ്യരുടെ മനസ്സിൽ നൂറ്റാണ്ടുകളായി നിലനിന്നുവരുന്ന വിശ്വാസങ്ങളാണ് ഈ കൃതിയുടെ പശ്ചാത്തലം. ഗ്രീക്ക് ഇതിഹാസങ്ങളിലെ വിശ്വാസലോകവും അന്വേഷണകഥയുടെ ചടുലതയും സമന്വയിക്കുന്ന ഈ കൃതി, മലയാള സാഹിത്യത്തിൽ കൈകാര്യം ചെയ്തിരുന്ന പുരാണപരമായ പ്രമേയങ്ങളെ അവതരിപ്പിച്ച വ്യത്യസ്ത‌ നോവലായി കണക്കാക്കപ്പെടുന്നു.

09/10/2026

ട്രാൻസിൽവേനിയയും കാർപാത്യൻ മലനിരകളും ചുറ്റിപ്പറ്റി മനുഷ്യമനസ്സിൽ നൂറ്റാണ്ടുകളായി നിലനിന്നുവരുന്ന അന്ധവിശ്വാസങ്ങൾ ആസ്‌പദമാക്കി രൂപം കൊണ്ട ശ്രദ്ധേയ മായ നോവലാണ് മരണമില്ലാത്തവൻ. ഭീകരതയുടെ പ്രതീകമായ ഡ്രാക്കുള പ്രഭുവിനെ ചുറ്റിപ്പറ്റിയുള്ള നിഗൂഢ രഹസ്യങ്ങളുടെ ചുരുളഴിയിക്കുവാൻ ഡിറ്റക്ടീവ് മാർക്‌സിൻ നടത്തുന്ന സാഹസിക യാത്ര, മലയാള സാഹിത്യത്തിൽ അപൂർവ്വമായി കണ്ടിരുന്ന ഒരു പ്രമേയലോകം തുറന്നു കാട്ടുന്നു. ഡിറ്റക്ടീവ് മാർക്‌സിൻ പരമ്പരയിലെ പ്രധാന കൃതികളിൽ ഒന്നായ ഈ നോവൽ, പ്രസിദ്ധീകരിക്കപ്പെട്ട കാലഘട്ടത്തിൽ തന്നെ വായനക്കാർക്കിടയിൽ വലിയ സ്വീകാര്യത നേടി.

08/10/2026

വായ്മൊഴിയായാണ് യക്ഷിക്കഥകൾ ആദ്യകാലത്ത് പ്രചരിച്ചിരുന്നത്. തലമുറ തലമുറകളായി പകർന്നു കിട്ടിയവയാണീ കഥകളൊക്കെയും. ആയതിനാൽ ഇവയുടെ ഉത്ഭവത്തെപ്പറ്റിയുള്ള ചരിത്രം സ്‌പഷ്ടമല്ല. ഈ കഥകൾക്കെല്ലാം മാന്ത്രിക പരിവേഷമുണ്ട്. മനുഷ്യസാധ്യമല്ലാത്ത കാര്യങ്ങൾ ചെയ്യാൻ ഈ യക്ഷികൾ പ്രാപ്‌തരത്രെ. യക്ഷിക്കഥകൾ ഐതിഹ്യങ്ങളിൽ നിന്നും വ്യത്യസ്‌തമാണ്.

കേരളത്തിലെ ഒരു ക്ഷേത്രത്തിൽ കുടിയിരിക്കുന്ന നാഗയക്ഷി അവിടെ നിന്നും മനുഷ്യരൂപം കൈക്കൊണ്ട് ഒരു സീരിയൽ ചിത്രീകരണത്തിൽ വന്നെത്തുന്ന ഒരു വ്യത്യസ്‌ത കഥപറയുന്ന നോവലാണ് കോട്ടയം പുഷ്‌പനാഥിൻ്റെ നാലാം വളവിലെ നാഗസുന്ദരി.

07/10/2026

മലയാള സാഹിത്യത്തിൽ അപൂർവ്വമായി കാണപ്പെട്ട ആഗോള രാഷ്ട്രീയ പശ്ചാത്തലത്തെ സ്പർശിക്കുന്ന ശ്രദ്ധേയമായ കൃതിയാണ് ഹിറ്റ്ലറുടെ തലയോട്. ഈ നോവൽ, രണ്ടാം ലോകമഹായുദ്ധത്തിനു ശേഷമുള്ള ലോക ലോക രാഷ്ട്രീയത്തിലെ ഭീഷണികളും അതിൻ്റെ മറവിലുള്ള ഗൂഢശക്തികളും അവതരിപ്പിക്കുന്ന വ്യത്യസ്‌തമായ വായനാനുഭവം സമ്മാനിക്കുന്നു. ദേശാതിർത്തികൾ കടന്നുപോകുന്ന പ്രമേയങ്ങളും വിദേശ രാഷ്ട്രീയ സംഭവവികാസങ്ങളും മലയാള സാഹിത്യത്തിൽ വിരളമായിരുന്ന കാലഘട്ടത്തിൽ, ആഗോള രാഷ്ട്രീയത്തെ പശ്ചാത്തലമാക്കി രൂപം കൊണ്ട് ആദ്യകാല മലയാള നോവലുകളിൽ ഒന്നായി കണക്കാക്കപ്പെടുന്ന ഹിറ്റ്ലറുടെ തലയോട്, ശ്രദ്ധേയ സൃഷ്ടിയായി ഇന്നും വായിക്കപ്പെടുന്നു

06/10/2026

മലയാള സാഹിത്യചരിത്രത്തിൽ പ്രത്യേക സ്‌ഥാനമുറപ്പിച്ച കൃതിയാണ് ചുവന്ന മനുഷ്യൻ. ശ്രീ കോട്ടയം പുഷ്‌പനാഥിന്റെ സാഹിത്യജീവിതത്തിൻ്റെ ആരംഭഘട്ടത്തിൽ, 1968-ൽ ആദ്യമായി പ്രസിദ്ധീകരിക്കപ്പെട്ട ഈ നോവൽ വായനയുടെ ലോകത്ത് പുതിയൊരു ആവേശം സൃഷ്ടിച്ചു. ഫ്രാൻസിനെ പശ്ചാത്തലമാക്കി പുരോഗമിക്കുന്ന കഥയിൽ പ്രത്യക്ഷപ്പെടുന്ന ഡിറ്റക്ടീവ് മാർക്‌സിൻ എന്ന കഥാപാത്രം മലയാളികളുടെ മനസ്സിൽ സ്‌ഥിരപ്രതിഷ്ഠ നേടാൻ കാരണമായത് ഈ നോവലാണ്. പതിറ്റാണ്ടുകൾ പിന്നിട്ടിട്ടും വിവിധ സർവകലാശാലകളിൽ പഠനവിഷയമായി ഉൾപ്പെടുത്തിയിട്ടുള്ള ഈ നോവൽ, കോട്ടയം പുഷ്‌പനാഥ് എന്ന എഴുത്തുകാരൻ സാഹിത്യ പ്രാധാന്യത്തിൻ്റെ തെളിവായി നിലകൊള്ളുന്നു.