02/11/2025
TSOMGO XCM 2.0 रेस सम्पन्न
गान्तोक: साइकिलिस्ट एसोसिएसन अफ सिक्किमको आयोजनामा आज TSOMGO XCM 2.0 साइकल रेस सम्पन्न भयो।
आज बिहान गान्तोकको टासिभ्यू पोइन्टबाट रेस शुरू भएको थियो भने रेस Tsomgo Lake मा समापन भएको थियो।
आजको रेसमा सिलगडी, गान्तोक, भारती सेना, अरूणाचल प्रदेश आदिबाट साइकिलिस्टहरूले भाग लिएका थिए।
इलिट र मास्टर क्याटोगरिमा सम्पन्न भएको रेसमा इलिट क्याटोगरिमा खुसीमन गर्ती प्रथम भएका थिए, सौरव सिंह दोस्रो, तेस्रो मोहित सिंह भएको थियो भने रंगटङ पाइडलर ग्रुपका दर्जी थोकजुर नवौँ भएका थिए।
यता मास्टर क्याटोगरिमा दिभ्यन राई प्रथम, सोनाम तोपदेन भोटिया दोस्रो, निङ्दो लोप्चा तेस्रो भएका थिए भने रंगटङ पाइडलर ग्रुपका भवेश सुब्बा छैटौ भएका थिए।
साइकलिङ एसोसिएसन अफ सिक्किमले विगत वर्षदेखि यस प्रकारको साइकल रेसको आयोजन गर्दै आइरहेको थियो भने यो वर्षको दोस्रो TSOMGO XCM रेसमा आज पुलिस अध्यक्षक अक्ष्य सजदेवा मुख्य अतिथिको रूपमा उपस्थित थिए।
