11/07/2025
🙏 *श्री गुरवे नमः* 🔱
*श्रीरुद्रद्वादशनामस्तोत्रं*
*सावन में पाठ कीजियेऔर शिव कृपा प्राप्त कीजिये।*
प्रथमं तु महादेवं द्वितीयं तु महेश्वरम्।
तृतीयं शङ्करं प्रोक्तं चतुर्थं वृषभध्वजम्॥१॥
पञ्चमं कृत्तिवासं च षष्ठं कामाङ्गनाशनम्।
सप्तमं देवदेवेशं श्रीकण्ठं चाष्टमं तथा॥२॥
नवमं तु हरं देवं दशमं पार्वतीपतिम् ।
रुद्रमेकादशं प्रोक्तं द्वादशं शिवमुच्यते॥३॥
एतद्वादशनामानि त्रिसन्ध्यं यः पठेन्नरः।
गोघ्नश्चैव कृतघ्नश्च भ्रूणहा गुरुतल्पगः॥४॥
स्त्रीबालघातकश्चैव सुरापो वृषलीपतिः।
सर्वं नाशयते पापं शिवलोकं स गच्छति॥५॥
शुद्धस्फटिकसङ्काशं त्रिनेत्रं चन्द्रशेखरम्।
इन्दुमण्डलमध्यस्थं वन्दे देवं सदाशिवम्॥६॥
॥इति श्रीरुद्रद्वादशनामस्तोत्रं समाप्तम्॥
*🪷।।श्री हरिहराय नमस्तुभ्यं।।🦚*
सावन के प्रथम दिन की आप सभी को बहुत बहुत बधाई भगवान भोलेनाथ की कृपा बनी रहे
