Lal Media News

19/09/2025

വാഹന പ്രചാരണ യാത്ര സെപ്റ്റംബർ 22 ന്


ഒക്ടോബർ മൂന്ന് മുതൽ 18 വരെ ജില്ലയിലെ വിവിധ സ്ഥലങ്ങളിലായി കേരള മോട്ടോർ തൊഴിലാളി ക്ഷേമനിധി ബോർഡ് കുടിശ്ശിക നിവാരണ ക്യാമ്പ് സംഘടിപ്പിക്കുന്നു. ഇതിനോടനുബന്ധിച്ച് സെപ്റ്റംബർ 22, 23 തിയ്യതികളിലായി ജില്ലയിൽ വാഹന പ്രചാരണ യാത്ര നടത്തും. സെപ്റ്റംബർ 22 ന് രാവിലെ 9 ന് കൽപ്പറ്റ പുതിയ ബസ്സ്റ്റാൻഡ് പരിസരത്ത് കൽപ്പറ്റ മുൻസിപ്പൽ ചെയർമാൻ ടി ജെ ഐസക്ക് ഫ്ലാഗ് ഓഫ് ചെയ്യും. കൽപ്പറ്റ പുതിയ ബസ് സ്റ്റാൻഡ് മുതൽ മുൻസിപ്പൽ ഓഫീസ് വരെ വാഹന റാലി ഉണ്ടായിരിക്കും.
September 19, 2025

ഒക്ടോബർ മൂന്ന് മുതൽ 18 വരെ ജില്ലയിലെ വിവിധ സ്ഥലങ്ങളിലായി കേരള മോട്ടോർ തൊഴിലാളി ക്ഷേമനിധി ബോർഡ് കുടിശ്ശിക നിവാര.....

19/09/2025

റേഷൻ കാർഡുകൾ മുൻഗണന വിഭാഗത്തിലേക്ക് മാറ്റാൻ അപേക്ഷിക്കാം


പൊതുവിഭാഗം റേഷൻ കാർഡുകൾ മുൻഗണന വിഭാഗത്തിലേക്ക് മാറ്റാൻ അപേക്ഷ നൽകാം. ഒഴിവാക്കൽ മാനദണ്ഡങ്ങളിൽ ഉൾപ്പെടാത്ത കുടുംബങ്ങൾക്കാണ് അവസരം. ബന്ധപ്പെട്ട രേഖകൾ സഹിതം സെപ്റ്റംബർ 22 മുതൽ ഒക്ടോബർ 20 വരെ അക്ഷയ കേന്ദ്രങ്ങൾ, സി എസ് സി മുഖേന അപേക്ഷ നൽകാം. കൂടുതൽ വിവരങ്ങൾ താലൂക്ക് സപ്ലൈ ഓഫീസിൽ ലഭ്യമാണ്. ഫോൺ: വൈത്തിരി - 04936 255222, സുൽത്താൻ ബത്തേരി - 04936 220213, മാനന്തവാടി- 04935 240252.
September 19, 2025

പൊതുവിഭാഗം റേഷൻ കാർഡുകൾ മുൻഗണന വിഭാഗത്തിലേക്ക് മാറ്റാൻ അപേക്ഷ നൽകാം. ഒഴിവാക്കൽ മാനദണ്ഡങ്ങളിൽ ഉൾപ്പെടാത്ത കുട...

19/09/2025

കാരാപ്പുഴ മെഗാ ടൂറിസം ഫെസ്റ്റ്; ജില്ല കളക്ടർ ലോഗോ പ്രകാശനം ചെയ്തു




വയനാട് വിനോദ സഞ്ചാര മേഖലയുടെ വികസനം ലക്ഷ്യമിട്ട് ജില്ലാ ഭരണകൂടത്തിന്റെ ആഭിമുഖ്യത്തിൽ സംഘടിപ്പിക്കുന്ന കാരാപ്പുഴ മെഗാ ടൂറിസം ഫെസ്റ്റിന്റെ ലോഗോ ജില്ലാ കളക്ടർ ഡി ആർ മേഘശ്രീ പ്രകാശനം ചെയ്തു. സെപ്റ്റംബർ 29 മുതൽ ഒക്ടോബർ ഏഴ് വരെ കാരാപ്പുഴ ഡാം ഗാർഡനിൽ നടക്കുന്ന പരിപാടിയിൽ സംസ്ഥാനത്തെയും കർണ്ണാടകത്തിലെയും വിവിധ കലാകാരന്മാരുടെയും ട്രൂപുകളുടെയും പരിപാടികൾ അരങ്ങേറും. വയനാട് ഉത്സവം 2025 ഭാഗമായാണ് ഫെസ്റ്റ് സംഘടിപ്പിക്കുന്നത്.
September 19, 2025

വയനാട് വിനോദ സഞ്ചാര മേഖലയുടെ വികസനം ലക്ഷ്യമിട്ട് ജില്ലാ ഭരണകൂടത്തിന്റെ ആഭിമുഖ്യത്തിൽ സംഘടിപ്പിക്കുന്ന കാരാ.....

19/09/2025

പനമരം–ചെറുപുഴ പാലം ഡിസംബറോടെ പൂർത്തീകരിക്കണമെന്ന് മന്ത്രി കേളു നിർമാണം അതിവേഗം പുരോഗമിക്കുന്നു


പനമരം–ചെറുപുഴ പാലം ഡിസംബറോടെ പൂർത്തീകരിക്കാൻ പട്ടികജാതി പട്ടികവർഗ പിന്നാക്ക ക്ഷേമ വകുപ്പ് മന്ത്രി ഒ ആർ കേളു ഉദ്യോഗസ്ഥർക്ക് നിർദ്ദേശം നൽകി.മാനന്തവാടി പൊതുമരാമത്ത് വിശ്രമ മന്ദിരം കോൺഫറൻസ് ഹാളിൽ വിളിച്ചു ചേർത്ത പൊതുമരാമത്ത് വകുപ്പ് ഉദ്യോഗസ്ഥരുടെ യോഗത്തിലാണ് മന്ത്രി നിർദ്ദേശം നൽകിയത്.
നബാർഡ് ധനസഹായമായ 10 കോടി രൂപയാണ് ചെറുപുഴ പാലം നിർമ്മാണത്തിന് വകയിരുത്തിയത്. 44 മീറ്റർ നീളവും 11 മീറ്റർ വീതിയും ഉള്ള പാലത്തിൽ 7.5 മീറ്റർ ടാറിങ് ഭാഗവും ഇരുവശങ്ങളിൽ നടപ്പാതയും ഉണ്ടായിരിക്കും.
രണ്ട് ചുറ്റുമതിൽ കിണർ രൂപത്തിലുള്ള അടിത്തറയോട് കൂടിയും മദ്ധ്യത്തിൽ പിയർ ഓപ്പൺ അടിത്തറയോട് കൂടിയുമാണ് നിർമ്മാണം. സ്ലാബ് പ്രവൃത്തി പൂർത്തിയായി. ഹാൻഡ് റെയിൽ സ്ഥാപിക്കൽ പുരോഗമിച്ചുകൊണ്ടിരിക്കുന്നു.
പാലത്തിന്റെ ഇരുവശങ്ങളിലും- ബീനാച്ചി ഭാഗത്തേക്കും പനമരം ഭാഗത്തേക്കും- 100 മീറ്റർ വീതം അപ്രോച്ച് റോഡ് ഉൾപ്പെടുത്തി നിർമ്മാണം നടക്കുന്നു. ഇതിനോടൊപ്പം കോൺക്രീറ്റ് ഭിത്തി, ഗാബ്യോൺ മതിൽ, ഡിആർ (ഡ്രൈ റബ്ബിൾ) സംരക്ഷണ ഭിത്തി എന്നിവയുടെ നിർമാണ പ്രവർത്തനങ്ങളും പുരോഗമിക്കുന്നു.

പനമരം–ബീനാച്ചി റോഡിൽ വർഷങ്ങൾക്കുമുമ്പ് നിർമ്മിച്ച ചെറുപുഴ പാലം തകർച്ച നേരിട്ടതിനെ തുടർന്ന്, പുതിയ പാലം നിർമ്മിക്കാൻ മാനന്തവാടി നിയോജകമണ്ഡലം എംഎൽഎ ആയ ഒ ആർ കേളു സർക്കാരിൽ പദ്ധതി തുക അനുവദിക്കുന്നതിന് ഇടപെടലുകൾ നടത്തുകയും സർക്കാർ നബാർഡ് ധനസഹായം അനുവദിക്കുകയും ചെയ്തതോടെയാണ് പാലം യാഥാർഥ്യമാകുന്നത്.പാലം തകർച്ചാ ഭീഷണിയെ തുടർന്ന് വലിയ വാഹനങ്ങളുടെ ഗതാഗതം തടസ്സപ്പെട്ടിരുന്നു. മഴ ശക്തമായപ്പോൾ ഗതാഗതം പൂർണ്ണമായി നിർത്തിവെച്ച് മീനങ്ങാടി വഴി തിരിച്ചു വിടുകയും ചെയ്തു. പുതിയ പാലം പൂർത്തിയാകുന്നതോടെ പനമരം, നടവയൽ, കേണിച്ചിറ, സുൽത്താൻ ബത്തേരി എന്നിവിടങ്ങളിലേക്കുള്ള ഗതാഗതം സുഗമമാകും.

ചെറുപുഴ പാലത്തിന്റെ അപ്രോച്ച് റോഡ് മുമ്പ് വെള്ളം കയറി മൂടുന്ന അവസ്ഥ ഉണ്ടായിരുന്നെങ്കിലും, പുതിയ പാലം നിർമ്മാണത്തിൽ റോഡ് ഉയർത്തിപ്പണിയുന്നതിനാൽ വെള്ളപ്പൊക്ക ഭീഷണിയും ഒഴിവാകും.
പനമരം-ബീനാച്ചി റോഡിന്റെ നിർമ്മാണവും ഇതോടൊപ്പം പുരോഗമിക്കുന്നുണ്ട്.മാനന്തവാടി, സുൽത്താൻ ബത്തേരി താലൂക്കുകളുടെ സമഗ്ര വികസനം ഈ പദ്ധതികളുടെ പൂർത്തീകരണത്തോടെ സാധ്യമാകും.
September 19, 2025

പനമരം–ചെറുപുഴ പാലം ഡിസംബറോടെ പൂർത്തീകരിക്കാൻ പട്ടികജാതി പട്ടികവർഗ പിന്നാക്ക ക്ഷേമ വകുപ്പ് മന്ത്രി ഒ ആർ കേളു .....

19/09/2025

'ദ്യുതി' കലോത്സവം സമാപിച്ചു


വെള്ളമുണ്ട:എയുപിഎസ് വെള്ളമുണ്ട സംഘടിപ്പിച്ച സ്കൂൾ കലോത്സവം 'ദ്യുതി 2025' സമാപിച്ചു.വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ജുനൈദ് കൈപ്പാണി ഉദ്ഘാടനം ചെയ്തു.പി. ടി. എ പ്രസിഡന്റ്‌ കെ. കെ മുഹമ്മദലി അഹ്സനി അധ്യക്ഷത വഹിച്ചു.ഹെഡ്മിസ്ട്രിസ് ഷൈല പുത്തൻപുരയ്ക്കൽ, വി. എം റോഷ്നി തുടങ്ങിയവർ പ്രസംഗിച്ചു.
September 19, 2025

19/09/2025

വന്യമൃഗ സംഘർഷ പ്രതിരോധ പദ്ധതികൾ വിജയം കാണുന്നു; മാതൃകയായി മാനന്തവാടി




-ക്രാഷ് ഗാർഡ് റോപ് ഫെൻസിങ് സംസ്ഥാനത്ത് ആദ്യം

ജില്ലയിൽ മനുഷ്യ- വന്യമൃഗ സംഘർഷ പ്രതിരോധ പദ്ധതി വിജയം കാണുന്നു. ജനവാസ മേഖലകളിലിറങ്ങുന്ന വന്യജീവികളെ പ്രതിരോധിക്കാൻ മാനന്തവാടിയിലെ വിവിധ പ്രദേശങ്ങളിൽ 10 കോടിയിലധികം രൂപയുടെ വിവിധ പദ്ധതികളാണ് നടപ്പാക്കിയത്. നിയോജക മണ്ഡലം എംഎൽഎയും പട്ടികജാതി പട്ടികവർഗ പിന്നാക്കക്ഷേമ വകുപ്പ് മന്ത്രിയുമായ ഒ ആർ കേളുവിന്റെ ആസ്തി വികസന ഫണ്ടിൽ നിന്ന് രണ്ട് കോടി രൂപയും കിഫ്ബി ധനസഹായമായി എട്ട് കോടി രൂപയുമാണ് ഇതിനായി അനുവദിച്ചത്.കൂടാതെ രാഷ്ട്രീയ കൃഷി വികാസ് യോജനയിൽ നിന്നുള്ള സാമ്പത്തിക സഹായത്തോടെയും പദ്ധതികൾ നടപ്പാക്കി.

വന്യജീവി ആക്രമണം പ്രതിരോധിക്കുന്നതിനായി വിവിധ പ്രദേശങ്ങളിൽ ഇതിനോടകം തന്നെ സോളാർ തൂക്ക് വേലി നിർമാണം പൂർത്തിയായിട്ടുണ്ട്. എംഎൽഎ ആസ്തി വികസന ഫണ്ടിൽ നിന്നും രണ്ട് കോടി രൂപ വിനിയോഗിച്ചാണ് തിരുനെല്ലി ഗ്രാമ പഞ്ചായത്തിലെ അരണപ്പാറ റേഷൻ കട മുതൽ തോൽപ്പെട്ടി വരെയും, മുത്തുമാരി മുതൽ ചാത്തനാട് വരെയും ഓലഞ്ചേരി മുതൽ കാപ്പിക്കണ്ടി വരെയും, ഇരുമ്പുപാലം മുതൽ കാപ്പിക്കണ്ടി വരെയും, കാപ്പിക്കണ്ടി കാളിന്ദി ഉന്നതി വരെയും, പാൽ വെളിച്ചം മുതൽ ബാവലി വരെയും തവിഞ്ഞാൽ ഗ്രാമപഞ്ചായത്തിലെ മേലെ വരയാൽ മുതൽ താരാബായി വരെയും, പനമരം ഗ്രാമപഞ്ചായത്തിലെ ദാസനക്കര മുതൽ കൂടൽ കടവ് വരെയും സോളാർ തൂക്ക് വേലി നിർമിച്ചത്.
കിഫ്ബി ധനസഹായമായ എട്ട് കോടി രൂപ വിനിയോഗിച്ച് പനമരം ഗ്രാമപഞ്ചായത്തിലെ ദാസനക്കര മുതൽ നീർവാരം വരെയും മാനന്തവാടി നഗരസഭയിലെ കൂടൽക്കടവ് മുതൽ പാൽവെളിച്ചം വരെയും വന്യമൃഗ പ്രതിരോധ പ്രവർത്തികൾക്കായി ക്രാഷ് ഗാർഡ് റോപ് ഫെൻസിങ് സംവിധാനവും ഒരുക്കി.

സംസ്ഥാനത്തു തന്നെ ആദ്യമായി നടപ്പിലാക്കുന്ന പദ്ധതിയായതിനാൽ കിഫ്ബി നിർദ്ദേശ പ്രകാരം സാങ്കേതിക വിദഗ്ദരുടെ കമ്മിറ്റി രൂപീകരിച്ചാണ് ഈ പദ്ധതിക്ക് അനുമതി നൽകിയത്. വന്യമൃഗ സംഘർഷം നേരിടുന്ന തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളുടേയും എംഎൽഎമാരുടേയും യോഗത്തിലെടുത്ത തീരുമാന പ്രകാരമാണ് ആദ്യഘട്ടത്തിൽ പാൽവെളിച്ചം മുതൽ കൂടൽക്കടവ് വരെ പദ്ധതി നടപ്പിലാക്കിയത്.

രാഷ്ട്രീയ കൃഷി വികാസ് യോജന പദ്ധതി പ്രകാരം വടക്കേ വയനാട്ടിലെ തച്ചറക്കൊല്ലി-മുത്തുമാരി, അമ്പലക്കണ്ടി രണ്ടാംപുഴ, പാണ്ടുരംഗ പ്രദേശങ്ങളിൽ സോളാർ തൂക്കുവേലി നിർമാണം അവസാന ഘട്ടത്തിലാണ്. ഭർഗരി-തോൽപ്പെട്ടിയിൽ സോളാർ തൂക്കുവേലി നിർമാണം പൂർത്തിയാക്കിയിട്ടുണ്ട്. പായിമൂല- ബാവലി ചെക്ക് പോസ്റ്റ്, 43-ാം മൈൽ - 44-ാം മൈൽ, റസ്സൽക്കുന്ന് കോളനിക്ക് ചുറ്റും, താരഭായി വിവേക് എസ്റ്റേറ്റ് എന്നിവിടങ്ങളിലും സോളാർ തൂക്കുവേലി നിർമ്മാണം പൂർത്തിയായി.
മാനന്തവാടിയിൽ വനം വകുപ്പിന്റെ ദ്രുതകർമ സേനയ്ക്ക് വാഹനം വാങ്ങുന്നതിന് എംഎൽഎയുടെ ആസ്തി വികസന ഫണ്ടിൽ നിന്ന് 20 ലക്ഷം രൂപയും അനുവദിച്ചിട്ടുണ്ട്.വനപ്രദേശങ്ങൾക്ക് സമീപമുള്ള മേഖലകളിൽ താമസിക്കുന്നവരുടെയും കൃഷി ചെയ്യുന്നവരുടെയും ജീവിതത്തിനും തൊഴിലിനും കൃഷിക്കും വന്യജീവി ആക്രമണങ്ങൾ വലിയ വെല്ലുവിളിയായി മാറിയിരുന്നു. നിരവധി പേർക്ക് ജീവൻ നഷ്ടപ്പെടുകയും വളർത്തു മൃഗങ്ങൾ, സ്വത്തുവകകൾ എന്നിവയ്ക്ക് നിരന്തരം നഷ്ടമുണ്ടാവുകയും ചെയ്ത സാഹചര്യത്തിലാണ് എംഎൽഎയുടെ ഇടപെടലിലൂടെ കഴിഞ്ഞ ഒന്നരവർഷമായി വിവിധ പദ്ധതികൾ നടപ്പാക്കിയത്.

വന്യജീവി ശല്യം രൂക്ഷമായ പ്രദേശങ്ങളിലെ ജനങ്ങൾക്കും പ്രദേശവാസികൾക്കും ഏറെ ആശ്വാസകരമാണ് ഇപ്പോഴത്തെ നടപടികളെന്ന് ചാലിഗദ്ദ പ്രദേശവാസിയും കർഷകനുമായ സണ്ണി ജോർജ് പറഞ്ഞു. വന്യമൃഗ ശല്യം പാടേ കുറഞ്ഞ സാഹചര്യത്തിൽ കർഷകർക്കും ഏറെ ആശ്വാസമാണ്.
സാധാരണയായി സോളാർ ഫെൻസിങ്, എലിഫന്റ് പ്രൂഫ് വാൾ, റെയിൽ ഫെൻസ്, സ്റ്റോൺ പിച്ച്ഡ് ഫെൻസ്, സ്റ്റീൽ ഫെൻസിങ് എന്നിവയാണ് വന്യജീവി ആക്രമണം തടയാനായി വനാതിർത്തികളിൽ വനംവകുപ്പ് സ്ഥാപിച്ചിരുന്നത്. എന്നാൽ ഇത്തരം ക്രമീകരണങ്ങൾ കാര്യമായ പ്രയോജനം ചെയ്യുന്നില്ലെന്ന് കണ്ടെത്തിയതിനെ തുടർന്നാണ് ക്രാഷ് ഗാർഡ് റോപ് ഫെൻസിങ് സ്ഥാപിക്കുന്നതിന് ഇപ്പോൾ മുൻഗണന നൽകുന്നത്. സംസ്ഥാനത്ത് ആദ്യമായാണ് മനുഷ്യ-വന്യജീവി സംഘർഷം പ്രതിരോധിക്കാനുള്ള പദ്ധതികൾക്കായി മാനന്തവാടിയിൽ എംഎൽഎ ഫണ്ട് അനുവദിച്ചത്. ഇതിന്റെ ചുവടുപിടിച്ച് ഇപ്പോൾ സംസ്ഥാനത്ത് പലയിടത്തും ഇത്തരം പദ്ധതികൾ നടപ്പാക്കിവരികയാണ്
September 19, 2025

-ക്രാഷ് ഗാർഡ് റോപ് ഫെൻസിങ് സംസ്ഥാനത്ത് ആദ്യം ജില്ലയിൽ മനുഷ്യ- വന്യമൃഗ സംഘർഷ പ്രതിരോധ പദ്ധതി വിജയം കാണുന്നു. ജനവ....

19/09/2025

യൂണിയൻ ബാങ്ക് ഓഫ് ഇന്ത്യ മീനങ്ങാടി ശാഖ ഉദ്ഘാടനം


മീനങ്ങാടി:യൂണിയൻ ബാങ്ക് ഓഫ് ഇന്ത്യ മീനങ്ങാടി ശാഖ ഉദ്ഘാടനം ജനറൽ മാനേജർ & സോണൽ ഹെഡ് എറണാകുളം എസ്.ശക്തിവേൽ നിർവഹിച്ചു. കോഴിക്കോട് റീജിയണൽ ഹെഡ് എ.സി.ഉഷ അധ്യക്ഷത വഹിച്ചു. ബ്രാഞ്ച് മാനേജർ അശ്വിൻലാൽ സ്വാഗതം പറഞ്ഞു. ബത്തേരി ബ്ലോക്ക്‌ പഞ്ചായത്ത് പ്രസിഡന്റ്‌ സി.അസ്സൈനാർ, മീനങ്ങാടി പഞ്ചായത്ത്‌ പ്രസിഡന്റ്‌ കെ.ഇ. വിനയൻ, വാർഡ് മെമ്പർ വേണുഗോപാലൻ എന്നിവർ ആശംസകൾ അറിയിച്ചു. നാട്ടുകാരും വ്യാപാരികളും പങ്കെടുത്ത ചടങ്ങിൽ സന്ദീപ് നന്ദി രേഖപ്പെടുത്തി.


September 19, 2025

മീനങ്ങാടി:യൂണിയൻ ബാങ്ക് ഓഫ് ഇന്ത്യ മീനങ്ങാടി ശാഖ ഉദ്ഘാടനം ജനറൽ മാനേജർ & സോണൽ ഹെഡ് എറണാകുളം എസ്.ശക്തിവേൽ നിർവഹിച....

19/09/2025

കാപ്പുംചാൽ ഡബ്ല്യു.എം.ഒ. ഇമാം ഗസ്സാലി ആർട്സ് ആൻ്റ് സയൻസ് കോളേജിലെ എൻ.എസ്.എസ്. വൊളൻ്റിയമാർ ശേഖരിച്ച വസ്ത്രങ്ങൾ പെയിൻ ആൻഡ് പാലിയേറ്റീവ് കെയറിന് കൈമാറി
പനമരം:കാപ്പുംചാൽ ഡബ്ല്യു.എം.ഒ. ഇമാം ഗസ്സാലി ആർട്സ് ആൻ്റ് സയൻസ് കോളേജിലെ വിദ്യാർഥികളിൽ നിന്നും അധ്യാപകരിൽ നിന്നും എൻ.എസ്.എസ്. വൊളൻ്റിയമാർ ശേഖരിച്ച വസ്ത്രങ്ങൾ പെയിൻ ആൻഡ് പാലിയേറ്റീവ് കെയറിന് കൈമാറി. കോളേജ് വൈസ് പ്രിൻസിപ്പൽ സുബ്‌ന എം. പിയിൽ നിന്നു സാമൂഹിക-ജീവകാരുണ്യ പ്രവർത്തക സിസ്റ്റർ അമൃത ഏറ്റുവാങ്ങി. ചടങ്ങിൽ എൻ.എസ്.എസ്. പ്രോഗ്രാം ഓഫിസർ മുഹമ്മദ് ആഷിഫ് എം, വിദ്യാർഥി പ്രതിനിധി ശ്രീദേവ് ജയ്ൻ, പാലിയേറ്റീവ് പ്രവർത്തകരായ രാജീവ്, സഫീർ , റുഖിയ, എൻ എസ് എസ് വൊളൻ്റിയർമാർ എന്നിവർ പങ്കെടുത്തു.
September 19, 2025

പനമരം:കാപ്പുംചാൽ ഡബ്ല്യു.എം.ഒ. ഇമാം ഗസ്സാലി ആർട്സ് ആൻ്റ് സയൻസ് കോളേജിലെ വിദ്യാർഥികളിൽ നിന്നും അധ്യാപകരിൽ നിന്ന...

19/09/2025

ചീരാൽ മേഖലയിലെ കരടിശല്യം: കർഷകർ പ്രക്ഷോഭത്തിലേക്ക്


ചീരാൽ: രണ്ടാഴ്ചയിലധികമായി ഈസ്റ്റ് ചീരാൽ, വരിക്കേരി, പാട്ടത്തുകുന്ന്, കളന്നൂർകുന്ന് പ്രദേശങ്ങളിൽ അനുഭവപ്പെടുന്ന കരടിശല്യത്തിനു പരിഹാരം ആവശ്യപ്പെട്ട് കർഷകർ സമരത്തിലേക്ക്. ഇതിന്റെ ഭാഗമായി ചേർന്ന യോഗം 17 അംഗ കമ്മിറ്റി രൂപീകരിച്ചു. വന്യമൃഗങ്ങൾ ജനവാസകേന്ദ്രങ്ങളിൽ എത്തുന്നതു തടയുന്നതിൽ വനം വകുപ്പ് അനാസ്ഥ കാട്ടുകയാണെന്ന് യോഗം കുറ്റപ്പെടുത്തി. മുഴുവൻ അംഗങ്ങളെയും അറിയിക്കാതെയാണ് വനം അധികൃതർ ജനജാഗ്രതാസമിതി യോഗം വിളിക്കുന്നതെന്ന് ആരോപിച്ചു. വാർഡ് അംഗം വി.എ. അഫ്‌സൽ അധ്യക്ഷത വഹിച്ചു. ബത്തേരി ബ്ലോക്ക് പഞ്ചായത്ത് മുൻ പ്രസിഡന്റ് പി.എം. ജോയ്, എം.പി. രാജൻ, കെ. മുനീബ്, അനീഷ് ചീരാൽ, സുധീർ പണ്ടാരത്തിൽ, മണി പൊന്നോത്ത്, കെ. ജലീൽ, കെ.ഒ. ഷിബു, സൈനുദ്ദീൻ അരിപ്രാവൻ, ജമീല ചോലയ്ക്കൽ, സുന്ദരൻ അരായിക്കൽ എന്നിവർ പ്രസംഗിച്ചു.
അതിനിടെ, ചീരാൽ സാംസ്‌കാരിക നിലയത്തിൽ വനം അധികൃതർ വിളിച്ച ജനജാഗ്രതാസമിതി യോഗത്തിൽ കർഷക പ്രതിനിധികൾ പ്രതിഷേധിച്ചു. ഈസ്റ്റ് ചീരാൽ, പാട്ടത്തുകുന്ന്, കളന്നൂർ കുന്ന്, കരിങ്കാളിക്കുന്ന്, നമ്പ്യാർകുന്ന് പ്രദേശങ്ങളിലെ കർഷക പ്രതിനിധികളാണ് യോഗത്തിൽ പങ്കെടുത്തത്. വന്യജീവി പ്രശ്‌നത്തിന് പരിഹാരം ആവശ്യപ്പെട്ടായിരുന്നു പ്രതിഷേധം. കരടിയെ ഉടൻ പിടികൂടി ഉൾവനത്തിൽ വിടുമെന്നും വനാതിർത്തിയിലെ ട്രഞ്ചുകൾ ഒരുമാസത്തിനകം വൃത്തിയാക്കുമെന്നും വനം ഉദ്യോഗസ്ഥർ ഉറപ്പുനൽകിയതിനെത്തുടർന്നാണ് പ്രതിഷേധം അവസാനിപ്പിച്ചത്.
September 19, 2025

ചീരാൽ: രണ്ടാഴ്ചയിലധികമായി ഈസ്റ്റ് ചീരാൽ, വരിക്കേരി, പാട്ടത്തുകുന്ന്, കളന്നൂർകുന്ന് പ്രദേശങ്ങളിൽ അനുഭവപ്പെടുന...

19/09/2025

നിർമ്മാണത്തിലിരിക്കുന്ന വീട്ടിൽ നിന്നും സാധന സാമഗ്രികൾ മോഷ്ടിച്ചു;മൂന്ന് പേർ പിടിയിൽ


വരയാൽ പേരിയ വരയാൽ സ്വദേശി ദിലീപ് എന്നയാളുടെ നിർമ്മണത്തിലിരിക്കുന്ന വീട്ടിൽ നിർമ്മാണ ആവശ്യത്തിനായി വാങ്ങി സുക്ഷിച്ചിരുന്ന ഒന്നര ലക്ഷത്തോളം വില വരുന്ന ഇലക്ട്രിക്ക് ഉപകരണങ്ങളും പ്ലമ്പിങ്ങ് സാധനങ്ങളും ഇൻവെർട്ടറും സിസിടിവി ക്യാമറകളും, വില നിശ്ചയിക്കാൻ കഴിയാത്ത ചെമ്പ് പാത്രങ്ങളും വിളക്കുകളും മോഷ്ടിച്ച കേസിൽ മൂന്ന് പേരെ തലപ്പുഴ പോലീസ് അറസ്റ്റ് ചെയ്തു. ഓട്ടോ െ്രെഡവറായ പനമരം ചുണ്ടക്കുന്ന് തേക്കാത്ത കുഴിയിൽ സലീം ടി.കെ (52), പനമരം ചെറുകാട്ടൂർ പാറക്കുനി ഉന്നതിയിലെ തങ്കമണി (28), ഇരിട്ടി ശ്രീകണ്ഠാപുരം മണികണ്ഠ വീട്ടിൽ സെൽവി (27) എന്നിവരാണ് അറസ്റ്റിലായത്. കേസിൽ ഉൾപ്പെട്ട കെ.എൽ 72ഡി 8291 നമ്പർ ഓട്ടോറിക്ഷയും കസ്റ്റഡിയിലെടുത്തിട്ടുണ്ട്. മോഷണസാമഗ്രികളുമായി കടന്നുകളയുന്നതിനിടെ രണ്ട് തവണ മോഷ്ടാക്കളെ തടയാൻ നാട്ടുകാർ ശ്രമിച്ചെങ്കിലും ഓട്ടോ ഡ്രൈവർ സലീം വിദഗ്ധമായി കടന്നു കളയുകയായിരുന്നു.
September 19, 2025

വരയാൽ പേരിയ വരയാൽ സ്വദേശി ദിലീപ് എന്നയാളുടെ നിർമ്മണത്തിലിരിക്കുന്ന വീട്ടിൽ നിർമ്മാണ ആവശ്യത്തിനായി വാങ്ങി സു....

19/09/2025

സി.പി.ഐ എം ജനകീയ പ്രതിഷേധം നടത്തി


പുൽപ്പള്ളി: അഴിമതിയും അക്രമവും, നേതാക്കളുടെ ആത്മഹത്യ പരമ്പര, കൊലയാളി കോൺഗ്രസിനെ ഒറ്റപ്പെടുത്തുക’ എന്ന മുദ്രാവാക്യവുമായി സി.പി.ഐഎം വയനാട് ജില്ലാ കമ്മിറ്റിയുടെ നേതൃത്വത്തിൽ പുൽപ്പള്ളിയിൽ ജനകീയ പ്രതിഷേധം സംഘടിപ്പിക്കും.പ്രകടനവും തുടർന്ന് പൊതുസമ്മേളനവും നടത്തി. പൊതുസമ്മേളന സംസഥാന സെക്രട്ടറിയേറ്റംഗം എം വി ജയരാജൻ ഉദ്ഘാടനം ചെയ്തു.രുഗ്മിണി സുബ്രമണ്യൻ അദ്ധ്യക്ഷയായി. സിപിഐഎം ജില്ലാ സെക്രട്ടറി കെ.റഫീഖ്, സംസ്ഥാന കമ്മിറ്റിയംഗം സി.കെ ശശീന്ദ്രൻ, എ.എൻ പ്രഭാകരൻ, എം.മധു, എം.എസ് സുരേഷ് ബാബു, ബൈജു നമ്പിക്കൊല്ലി, സജി മാത്യു എന്നിവർ സംസാരിച്ചു.
September 19, 2025

പുൽപ്പള്ളി: അഴിമതിയും അക്രമവും, നേതാക്കളുടെ ആത്മഹത്യ പരമ്പര, കൊലയാളി കോൺഗ്രസിനെ ഒറ്റപ്പെടുത്തുക’ എന്ന മുദ്രാ.....

19/09/2025

പി.ടി.ബി. സ്മാരക ബാലശാസ്ത്ര പരീക്ഷ ആരംഭിച്ചു


കൽപറ്റ:സോഷ്യൽ ആക്ഷൻ ഗ്രൂപ്പ്-ശാസ്ത്രയുടെ നേതൃത്വത്തിൽ കാൻഫെഡും പിടിബി സ്മാരക ട്രസ്റ്റും പൊതു വിദ്യാഭ്യാസ വകുപ്പും ചേർന്ന് നടത്തുന്ന പി.ടി.ബി. സ്മാരക ആഗോള ബാലശാസ്ത്ര പരീക്ഷയുടെ ജില്ലാതല ഉദ്ഘാടനം കൽപറ്റ മുണ്ടേരി ഗവ. വോക്കേഷനൽ ഹയർ സെക്കൻഡറി സ്കൂളിൽ എസ്.എസ്.കെ.ജില്ലാ പ്രോജക്ട് കോഡിനേറ്റർ വി. അനിൽകുമാർ നിർവഹിച്ചു. പ്രിൻസിപ്പൽ പി.ടി. സജീവൻ, പ്രധാനാധ്യാപിക എം. സൽമ, സുമേഷ് പി., ടി.ഐ. ജയിംസ് എന്നിവർ പ്രസംഗിച്ചു.
September 19, 2025

കൽപറ്റ:സോഷ്യൽ ആക്ഷൻ ഗ്രൂപ്പ്-ശാസ്ത്രയുടെ നേതൃത്വത്തിൽ കാൻഫെഡും പിടിബി സ്മാരക ട്രസ്റ്റും പൊതു വിദ്യാഭ്യാസ വകു...