All Bodo Student Union, Bhakatpara Anchalik Committee. Estd-1967

07/07/2025

बेसेन नाङै सोलोंथाइ माव बादा
जायगा : भकतपारा गेजेर फरायसालि
खालार: 07/07/2025

भकतपारा दख'रा एबसुआ गोलोम बोथोर बन्धनि बेसेन नाङै फोरोंथायखौ दिनै बेखेवनाय जाबाय। हाबाफारिखौ बेखेवना होयो भकतपारा मुदैबारि गुदि बर'थुनलाइ आफादनि आफादगिरि धरमेन चन्द्र बर' आरो हाबाफारियाव बाहागो लाफायो अदालगुरि जिला एबसुनि लोगो आफादगिरि बिकास बड'सा, भकतपारा गेजेर फरायसालिनि गाहाइ फोरोंगिरि रनजित कुमार बसुमातारि,दख'रानि आफादगिरि सानसुमा बर',गाहाइ नेहाथारि पंकज बर', बोसोनगिरि रबिनद्र नारायन बसुमातारि, लोगो गाहाय नेहाथारि रंजालु बर', लोगो सोलोंथाइ नेहाथारि पिंकु दैमारि, लोगो आफादगिरि मन'रनजन बर', बाध्रा दान्थे नेहाथारि महन चन्द्र बर', सुबुं फोनांजाब नेहाथारि फोजोंसा बर' सुदेमसा बर बिथांमोना।

थाखो: VI,VII,VIII,IX &X
आयदा: G.Science, Maths & English Grammar

14/05/2025

दुखु फोरमायनाय रुंसारि खुंफ्लाय खुगुंर बैसोमुथियारि

13/05/2025

भकतपारा दख'रा दुलाराय बर' फरायसा आफादनि बारग आफादगिरि, हालामनि गागि थुनलाइगिरि, भकतपारा बियाब बाथौ गौथुम नि आफादगिरि, दरं जिल्ला बर सेंग्रा हारिमायारि आफादनि गाहाइ नेहाथारि, भकतपारा एबसुनि भलुनटियार फरस नि सेयारमेन, भकतपारा गेजेर आरो गोजौ जिनजाव फरायसालिनि आफादगिरि, भकतपारा त्रायबेल संघनि आफादगिरि, दरं जिला एबसुनि भलुनटियार फरस नि क अरदिनेतर, भकतपारा त्रायबेल लेनद प्रटेक्सन एकसन कमिटिनि नेहाथारि, मंगलदै महकुमा elementary education advisory board नि मासिगिरि, मंगलदै बिफान Tribal Welfare Advisory Board नि सोद्रोमा, भकतपारा हादोरसा डिसपेनसारि आरो थांखि गोबां देहा फाहामसालिनि सोद्रोमा, भकतपारा सुनालि दौदिनि देंखो सोलोंसालि गायसनगिरि, न2 झारगामि गुदि फरायसालि SMC नि आफादगिरि, भकतपारा जौगाखां आफाद, भकतपारा गुदि बर थुनलाइ आफाद, भकतपारा हारिमु आफाद, जोलै थुनलाइनि आद्दा भकतपारा, भकतपारा बर रेबग्रा आफाद, आरो गोबां लाइसि, बिसम्बि नि सुजुगिरि, आरो गेदेमा भकतपारा नि जेस्त नागरिक खनथा, गुबुन गुबुन माखासे आफाद फोराव जिउवै माहामै खामानि मावनाय जोमोरनि आगोमा गोदान भकतपारा नि सासे हेरू समाज अनफावरि रुंसारि खुंफ्लाय खुंगुर बैसोमुथियारी बिथाङा बे बुहुमनिफ्राय अरायनि थाखाय 12मे 2025 खालार समबारनि 6.00 pm बिदाय लाबाय। बिथांनि रुंसारि जानाया भकतपारा हालामनि थाखाय बेसेबा गिदिर खहा। दख'रा आफादनिफ्राय गेदेमा बिथां बिदायनि समाव बिबार बावना बिदाय होनायजों लोगोसे दुखुनि समाव बिथां नि नखरनि फोरजों समान बाहागो लाफायो।
गेदेमा बिथांनि जिउमाया सोरगो रायजोआव आलो गोजोन जायगा मोनथों, बेखौनो इसोरनि सेराव आरज गाबबाय🙏🙏🙏🙏

04/05/2025

6 थि रंजालि बैसागु
जायगा : भकतपारा गेजेर फरायसालि गेलेग्रा फोथार
खालार : , 04/05/2025

भकतपारा मुदैबारि गुदि बर' थुनलाइ आफाद आरो भकतपारा दख'रा दुलाराय बर' फरायसा बानजायनायाव 6थि रंजालि बैसागु फोरबोआ दिनै गाजा गोमजायै जानानै थाङो। हाबाफारि बाहागो लायो थुनलाइ आफादनि नेहाथारि मुस्रि कामेश्वर बर' आरो दुलाराय बर' फरायसा आफादनि लोगो गाहाइ नेहाथारि मुस्रि दिनेस ब्रह्म आरो जिला एबसुनि लोगो आफादगिरि मुस्रि बिकास बड'सा भेरगाव जिला थुनलाइ आफादनि आफादगिरि मुस्रि बाबुल अखाफोर बर' आरो ओनसोलनि बैसोगोरा आरो मेलेमजिबि बिथांमोना बाहागो लायो।

04/05/2025

18/04/2025

खालार : 17/04/2025
जायगा : भकतपारा दख'रा दुलाराय बर' फरायसा आफाद, भकतपारा।

गोदान बोसोर रंजालि बैसागुजों लोब्बा लाखिनानै भकतपारा दख'रा दुलाराय बर' फरायसा आफादनि बिबानगिरि बिथां मोना गामियाव हाबना बर' नि गाननाय जोमनाय आरो दामग्रा आगजु फोरखौ लाना दानदिसे रंजा होनाय जायो।।

15/04/2025

खालार : 15/04/2025
जायगा : भकतपारा दख'रा एबसु,

गोदान बोसोर रंजालि बैसागुजों लोब्बा लाखिनानै 2 नं झारगामि गामि सामलाय आफादनि बानजायनायाव गेवलां मेलनि गाहाय आलासि अदालगुरि जिला एबसुनि लोगो आफादगिरि मुस्रि बिकास बड'सा भकतपारा दख'रा एबसुनि आफादगिरि मुस्रि सानसुमा बर , लोगो आफादगिरि मुस्रि मनरन्जन बर आरो गाहाइ नेहाथारि मुस्रि पंकज बर।
बे गेवलां मेलाव सोलोंथाइ ,समाज आरो आथिखालनि थासारिनि सायाव बेसेन गोसो बिबुंथि लाखियो।

14/04/2025

खालार : 14/04/2025
जायगा : भकतपारा दख'रा ABSU मावख

गोदान बोसोर रंजालि बैसागुजों लोब्बा लाखिना भकतपारा दख'रा दुलाराय बर' फरायसा आफादा भकतपारा हालामनि दख'रा आफादनि बारग बिबानगिरि, मेलेमजिबि,समाज सिबियारि आरो बैसोगोरा गेदेमा बिथांमोनखौ न'खराव हाबना बरायनायजों लोगोसे हामग्लाय बिलाय होयनाय जायो।

22/12/2024

खालार 22/12/2024
जायगा : मावखुलि भकतपारा दख'रा एबसु

भकतपारा दख'रा दुलाराय बर' फरायसा आफादजों खुंजानाय थाखो ब्रै आरो थाखो बा नि 3थि रोंगौथि सायख' आनजादनि फिथाइखौ दिनै फोसावना होनाय जाबाय।।

05/11/2024

5/11/2026
जायगा : भकतपारा दख'रा एबसु
भकतपारा दख'रा दुलाराय बर' फरायसा आफादनि बानजायनायाव दिनै ओनसोलनि सुबुं आरो फरायसा फोरखौ लाना गोगो समाज दानो साइकेल हान्जा सुरनाय हाबाफारि लानाय जायो। बे हान्जा सुरनाय हाबाफारिखौ बेखेवना होयो मिरु एबसुनि लोगो सोलोंथाइ नेहाथारि रमिय कुमार बसुमतारि, जिला एबसुनि लोगो गाहाय नेहाथारि बिकास बडसा, गेलेमु नेहाथारि जिगिर बर, बाथ्रा दानथे नेहाथारि सोमबा ब्रह्म आरो दख'रानि सिङाव थानाय मोनफ्रोमबो गामिनि आफादगिरि/नेहाथारि बिथांमोना।