Zahida Suleman

10/05/2026

07/05/2026

ਮਧੁਮਿਤਾ ਸ਼ੁਕਲਾ ਨਾਮ ਦੀ ਇਕ ਕਵਿਤਰੀ ਦੀ ਅਧੂਰੀ ਕਵਿਤਾ

ਉਸ ਦਾ ਨਾਮ ਮਧੁਮਿਤਾ ਸ਼ੁਕਲਾ ਸੀ। ਉਹ ਸਿਰਫ਼ 24 ਸਾਲ ਦੀ ਸੀ। ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੀਰੀ ਤੋਂ ਇਕ ਉਭਰਦੀ ਕਵਿਤਰੀ, ਜੋ ਪੂਰੇ ਯੂ.ਪੀ. ਵਿਚ ਬਿਨਾਂ ਨੋਟਿਸ ਦੇ ਅਪਣੀਆਂ ਨਿਡਰ ਕਵਿਤਾਵਾਂ ਸੁਣਾਉਣ ਲਈ ਜਾਣੀ ਜਾਂਦੀ ਸੀ। ਜਦੋਂ ਉਸ ਨੂੰ ਮਾਰਿਆ ਗਿਆ, ਉਹ ਛੇ ਮਹੀਨੇ ਦੀ ਗਰਭਵਤੀ ਸੀ। 9 ਮਈ 2003 ਨੂੰ ਲਖਨਊ ਦੀ ਪੇਪਰ ਮਿਲ ਕਲੋਨੀ ਵਿਚ ਉਸ ਦੇ ਘਰ ਦਾ ਦਰਵਾਜ਼ਾ ਦੋ ਆਦਮੀਆਂ ਨੇ ਖੜਕਾਇਆ। ਉਸ ਨੇ ਉਨ੍ਹਾਂ ਨੂੰ ਪਛਾਣ ਲਿਆ ਅਤੇ ਅੰਦਰ ਆਉਣ ਦਿੱਤਾ। ਕੁਝ ਮਿੰਟਾਂ ਬਾਅਦ ਹੀ ਅਗਲੇ ਕਮਰੇ ਵਿਚੋਂ ਗੋਲੀ ਚੱਲਣ ਦੀ ਆਵਾਜ਼ ਆਈ। ਮਧੁਮਿਤਾ ਦੀ ਮੌਤ ਹੋ ਚੁੱਕੀ ਸੀ, ਗੋਲੀ ਸਿੱਧੀ ਛਾਤੀ ਵਿਚ ਲੱਗੀ ਸੀ।
ਸੱਤਾ ਦਾ ਖ਼ੌਫ਼ਨਾਕ ਚਿਹਰਾ : CBI ਦੀ ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਉਸ ਦੇ ਸਬੰਧ ਅਮਰਮਣੀ ਤਿਪਾਠੀ ਨਾਲ ਸਨ, ਜੋ ਚਾਰ ਵਾਰ ਵਿਧਾਇਕ ਅਤੇ ਤਤਕਾਲੀ ਕੈਬਨਿਟ ਮੰਤਰੀ ਸੀ। ਮਧੁਮਿਤਾ ਤੀਜੀ ਵਾਰ ਗਰਭਵਤੀ ਸੀ ਅਤੇ ਭਾਰੀ ਦਬਾਅ ਦੇ ਬਾਵਜੂਦ ਉਸ ਨੇ ਗਰਭਪਾਤ ਕਰਵਾਉਣ ਤੋਂ ਇਨਕਾਰ ਕਰ ਦਿਤਾ ਸੀ। ਭਰੂਣ ਦੇ DNA ਟੈਸਟ ਨੇ ਪਿਤਾ ਹੋਣ ਦੀ ਪੁਸ਼ਟੀ ਕੀਤੀ। ਉਸ ਦੀ 35 ਪੰਨਿਆਂ ਦੀ ਡਾਇਰੀ ਵਿਚ ਦਰਦ ਦੀ ਪੂਰੀ ਦਾਸਤਾਨ ਲਿਖੀ ਸੀ। ਉਸ ਨੇ ਰੱਬ ਨੂੰ ਲਿਖਿਆ ਸੀ ਕਿ ਅਮਰਮਣੀ ਉਸ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦਾ ਹੈ। CBI ਨੇ ਸਿੱਟਾ ਕੱਢਿਆ ਕਿ ਅਮਰਮਣੀ ਅਤੇ ਉਸ ਦੀ ਪਤਨੀ ਮਧੁਮਣੀ ਨੇ ਮਿਲ ਕੇ ਇਸ ਕਤਲ ਦੀ ਸਾਜ਼ਿਸ਼ ਰਚੀ ਸੀ।
ਸਿਸਟਮ ਨਾਲ ਜੰਗ : ਤਫਤੀਸ਼ ਦੌਰਾਨ ਸੱਤਾ ਦੀ ਖੁੱਲ੍ਹ ਕੇ ਦੁਰਵਰਤੋਂ ਹੋਈ:
• ਮੀਡੀਆ ਵਿਚ ਝੂਠੀਆਂ ਖ਼ਬਰਾਂ ਫੈਲਾਈਆਂ ਗਈਆਂ ।
• ਸਬੂਤਾਂ ਨਾਲ ਛੇੜਛਾੜ ਕੀਤੀ ਗਈ।
• ਪੀੜਤ ਪਰਿਵਾਰ ਨੂੰ ਧਮਕੀਆਂ ਦਿੱਤੀਆਂ ਗਈਆਂ।
• ਈਮਾਨਦਾਰ ਅਫਸਰਾਂ ਨੂੰ ਮੁਅੱਤਲ ਕੀਤਾ ਗਿਆ।
ਰਾਜਨੀਤਿਕ ਦਖ਼ਲਅੰਦਾਜ਼ੀ ਕਾਰਨ ਸੁਪਰੀਮ ਕੋਰਟ ਨੇ ਟ੍ਰਾਇਲ ਨੂੰ ਲਖਨਊ ਤੋਂ ਦੇਹਰਾਦੂਨ ਤਬਦੀਲ ਕਰ ਦਿਤਾ। ਅਕਤੂਬਰ 2007 ਵਿਚ ਦੋਹਾਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ।
ਇਨਸਾਫ਼ ਦੀ ਹਾਰ?
ਸਜ਼ਾ ਦੇ ਬਾਵਜੂਦ ਅਮਰਮਣੀ ਦਾ ਰੁਤਬਾ ਘੱਟ ਨਹੀਂ ਹੋਇਆ:
• ਜੇਲ ਵਿਚ ਰਹਿੰਦਿਆਂ 2007 ਦੀਆਂ ਚੋਣਾਂ ਜਿੱਤ ਲਈਆਂ।
• ਜੇਲ ਵਿਚ ਰਾਕ ਕੰਸਰਟ ਕਰਵਾਏ ਗਏ ।
• ਜ਼ਿਆਦਾਤਰ ਸਮਾਂ ਜੇਲ ਦੀ ਬਜਾਏ ਹਸਪਤਾਲਾਂ ਦੇ ਆਰਾਮਦਾਇਕ ਕਮਰਿਆਂ ਵਿੱਚ ਬਿਤਾਇਆ।
ਅਗਸਤ 2023 ਵਿੱਚ, ਯੂਪੀ ਸਰਕਾਰ ਨੇ 16 ਸਾਲਾਂ ਬਾਅਦ "ਚੰਗੇ ਆਚਰਨ" ਦਾ ਹਵਾਲਾ ਦੇ ਕੇ ਉਨ੍ਹਾਂ ਨੂੰ ਰਿਹਾਅ ਕਰ ਦਿਤਾ। ਮਧੁਮਿਤਾ ਦੀ ਭੈਣ ਨਿਧੀ ਨੇ ਇਸ ਵਿਰੁੱਧ ਸੁਪਰੀਮ ਕੋਰਟ ਵਿੱਚ ਲੜਾਈ ਲੜੀ ਪਰ ਮਾਰਚ 2025 ਵਿੱਚ ਅਦਾਲਤ ਨੇ ਅਰਜ਼ੀ ਖਾਰਜ ਕਰ ਦਿੱਤੀ। ਨਿਧੀ ਦੇ ਸ਼ਬਦ ਅੱਜ ਵੀ ਸਿਸਟਮ 'ਤੇ ਸਵਾਲ ਚੁੱਕਦੇ ਹਨ: "ਮੈਂ ਅਪਣੀ ਅਤੇ ਅਪਣੇ ਪਰਿਵਾਰ ਦੀ ਜਾਨ ਤੋਂ ਡਰਦੀ ਹਾਂ"।
ਮਧੁਮਿਤਾ 24 ਸਾਲ ਦੀ ਸੀ। ਉਹ ਹਿੰਮਤ ਬਾਰੇ ਲਿਖਦੀ ਸੀ... ਪਰ ਅੱਜ ਉਸ ਦੇ ਕਾਤਲ ਆਜ਼ਾਦ ਹਨ।
ਇਹ ਭਾਰਤ ਵਾਸੀਆਂ ਨੂੰ ਯਾਦ ਰੱਖਣ ਵਾਲੀਆਂ ਘਟਨਾਵਾਂ ਵਿਚੋਂ ਇਕ ਘਟਨਾ ਹੈ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

03/05/2026

ਪੰਜਾਬੀਆਂ ਵਰਗਾ ਮੂਰਖ ਕੋਈ ਨਹੀਂ। ਅਪਣੇ ਹੀ ਨੌਜੁਆਨਾਂ ਨੂੰ ਦੂਜਿਆਂ ਹੱਥੋਂ ਮਰਾਉਣ ਲਈ ਨਸ਼ਾ ਨਸ਼ਾ ਕਰਕੇ ਅਜਿਹੇ ਕਾਨੂੰਨ ਬਣਵਾ ਲਏ ਕਿ ਇਕ ਲੰਡੂ ਜਿਹਾ ਪੁਲਿਸੀਆ ਨਿਰਦੋਸ਼ ਨੌਜੁਆਨਾਂ ਦਾ ਐਨਕਾਊਂਟਰ ਕਰਕੇ ਮੁੱਛਾਂ ਨੂੰ ਤਾਓ ਦੇ ਰਿਹਾ ਹੈ। ਪੰਜਾਬੀਆਂ ਦੀ ਮੂਰਖਤਾ ਦਾ ਸਭ ਤੋਂ ਜ਼ਿਆਦਾ ਫ਼ਾਇਦਾ ਕੇਜਰੀਵਾਲ ਅਤੇ ਉਸ ਦੀ ਜੁੰਡਲੀ ਚੁੱਕ ਰਹੀ ਹੈ। ਸੂਬਾ ਸਰਕਾਰਾਂ ਅਕਸਰ ਜਿਹੜੇ ਮੌਤ-ਨੁਮਾ ਕਾਨੂੰਨਾਂ ਅਤੇ ਐਕਟਾਂ ਨੂੰ ਰੱਦ ਕਰਨ ਦੀ ਮੰਗ ਕਰਿਆ ਕਰਦੀਆਂ ਸਨ, ਅੱਜ ਉਹ ਸਰਕਾਰ, ਉਹੀ ਮਾਰੂ ਕਾਨੂੰਨ ਖ਼ੁਦ ਬਣਾ ਕੇ, ਆਤੰਕ ਫੈਲਾਅ ਰਹੀ ਹੈ। ਯੁਧ ਨਸ਼ਿਆਂ ਵਿਰੁਧ ਮੁਹਿੰਮ ਦਾ ਲੁਕਵਾਂ ਮਾਟੋ ਯੁਧ ਅਖਣੀ ਪੰਜਾਬੀ ਨੌਜੁਆਨਾਂ ਵਿਰੁਧ ਹੈ। ਪੰਜਾਬੀ ਨੌਜੁਆਨਾਂ ਲਈ ਬਹੁਤ ਹੀ ਮਾੜਾ ਸਮਾਂ ਚੱਲ ਰਿਹਾ ਹੈ। ਬੇਰੁਜ਼ਗਾਰੀ ਦੀ ਮਾਰ ਦੇ ਨਾਲ ਨਾਲ ਪੁਲਿਸ ਤੰਤਰ ਰਾਹੀਂ ਸਰਕਾਰ ਜ਼ੁਲਮ ਚਰਮਸੀਮਾ ਉਤੇ ਚੱਲ ਰਿਹਾ ਹੈ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

24/04/2026

ਪੰਜਾਬ ਦੀਆਂ ਭੇਡਾਂ ਨੂੰ ਮੁੰਨ ਕੇ ਕਾਲੇ ਅੰਗਰੇਜ਼, ਅੰਗਰੇਜ਼ਾਂ ਵਰਗੀ ਸਰਕਾਰ ਨਾਲ ਜਾ ਰਲੇ
ਇਸ ਤੋਂ ਵੱਡਾ ਧੋਖਾ ਹੋਰ ਕੋਈ ਨਹੀਂ ਹੋ ਸਕਦਾ। ਹਾਲੇ ਵੀ ਪੰਜਾਬੀਆਂ ਨੂੰ ਸਮਝ ਜਾਣਾ ਚਾਹੀਦਾ ਹੈ ਕਿ ਉਨ੍ਹਾਂ ਦਾ ਅਪਣਾ ਕੌਣਾ ਹੈ? ਤੇ ਬੇਗਾਨਾ ਕੌਣ? ਇਸੇ ਤਰ੍ਹਾਂ ਪੰਜਾਬੀਆਂ ਨੂੰ ਚੰਗੀ ਤਰ੍ਹਾਂ ਮੁੰਨ ਕੇ ਅਰਵਿੰਦ ਕੇਜਰੀਵਾਲ, ਮੁਨੀਸ਼ ਸਿਸੋਦੀਆ ਅਤੇ ਪੰਜਾਬ ਸਰਕਾਰ ਵਿਚ ਚੋਟੀ ਦੀਆਂ ਪੋਸਟਾਂ ਦਾ ਆਨੰਦ ਮਾਣ ਰਹੇ ਹੋਰ ਗ਼ੈਰ-ਪੰਜਾਬੀ ਵੀ ਕੌਮੀ ਪਾਰਟੀਆਂ ਵਿਚ ਸ਼ਾਮਲ ਹੋ ਕੇ ਹਮੇਸ਼ਾ-ਹਮੇਸ਼ਾ ਲਈ ਦੇਸ਼-ਭਗਤ ਹੋਣ ਦਾ ਸਰਟੀਫ਼ਿਕੇਟ ਲੈ ਲੈਣਗੇ। ਪੰਜਾਬੀ ਮੂੰਹ ਵੇਖਦੇ ਰਹਿ ਜਾਣਗੇ। ਪੰਜਾਬੀਆਂ ਨੂੰ ਸੁਚੇਤ, ਗੰਭੀਰ ਅਤੇ ਚੌਕਸ ਹੋਣਾ ਚਾਹੀਦਾ ਹੈ ਅਤੇ ਅਪਣਿਆਂ ਦਾ ਸਾਥ ਦੇਣਾ ਚਾਹੀਦਾ ਹੈ। ਇਕ ਗੱਲ ਹੋਰ, ਬਾਕੀਆਂ ਦਾ ਤਾਂ ਠੀਕ ਹੈ ਪਰ ਆਹ ਹਰਭਜਨ ਸਿੰਉਂ ਨੂੰ ਪਤਾ ਨਹੀਂ ਕੀ ਹੋ ਗਿਆ? ਇਹ ਕਿਉਂ ਪਾਰਟੀ ਬਦਲ ਗਿਆ? ਵੈਸ ਇਕ ਪੱਖ ਇਹ ਵੀ ਹੈ ਕਿ ਰਾਘਵ ਚੱਢਾ ਐਂਡ ਪਾਰਟੀ ਨੇ ਪੰਜਾਬ ਨਾਲ ਕੋਈ ਗ਼ੱਦਾਰੀ ਨਹੀਂ ਕੀਤੀ, ਗ਼ੱਦਾਰੀ ਤਾਂ ਆਮ ਆਦਮੀ ਪਾਰਟੀ ਨੇ ਪੰਜਾਬੀਆਂ ਨਾਲ ਕੀਤੀ ਸੀ ਜਦ ਉਸ ਨੇ ਗ਼ੈਰ-ਪੰਜਾਬੀਆਂ ਨੂੰ ਰਾਜ ਸਭਾ ਵਿਚ ਭੇਜਿਆ ਸੀ। ਬੀਜੇਪੀ ਨੂੰ ਬਹੁਤ-ਬਹੁਤ ਵਧਾਈ ਕਿਉਂਕਿ ਇਸਤਿਹਾਸ ਵਿਚ ਪਹਿਲੀ ਬਾਰ ਭਾਜਪਾ ਕੋਲ ਏਨੀ ਵੱਡੀ ਗਿਣਤੀ ਵਿਚ ਪੰਜਾਬ ਕੋਟੇ ਦੇ ਰਾਜ ਸਭਾ ਮੈਂਬਰ ਬਣੇ ਹਨ।
ਕਿੱਕਲੀ ਕਲੀਰ ਦੀ,
ਚੀਕ ਨਿੱਕਲੀ ਪਈ ਹੈ ਝੰਡੇ ਵੀਰ ਦੀ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

05/04/2026

ਸ਼ਾਇਦ ਇਹ ਵੀ 70 ਸਾਲਾਂ ਵਿਚ ਪਹਿਲੀ ਵਾਰ ਹੋਇਆ ਹੈ ਕਿ ਆਮ ਆਦਮੀ ਪਾਰਟੀ ਨੇ ਪੰਜਾਬ ਦੇ ਧਾਰਮਕ ਸਥਾਨਾਂ ਉਤੇ ਅਪਣੇ ਹੋਰਡਿੰਗਜ਼ ਲਗਵਾ ਕੇ ਧਾਰਮਕ ਸਥਾਨਾਂ ਦਾ ਨਿਰਾਦਰ ਕੀਤਾ ਹੈ। ਮਾਲੇਰਕੋਟਲਾ ਦੀ ਈਦਗਾਹ ਦੇ ਮੁੱਖ ਗੇਟ ਉਤੇ ਈਦ ਮੌਕੇ ਹੋਰਡਿੰਗਜ਼ ਲਗਾਏ ਗਏ ਅਤੇ ਹੁਣ ਮੋਗਾ ਵਿਖੇ ਇਕ ਰੈਲੀ ਸਮੇਂ ਗੁਰਦੁਆਰਾ ਸਾਹਿਬ ਉਤੇ ਝਾੜੂ ਦੀਆਂ ਝੰਡੀਆਂ ਲਗਾ ਦਿਤੀਆਂ ਗਈਆਂ। ਕਿੱਕਲੀਆਂ ਸੁਣਾਉਣ ਵਾਲੇ ਸਸਤੇ ਜਿਹੇ ਮੁੱਖ ਮੰਤਰੀ (Cheep Minister) ਨੇ ਸੂਬੇ ਵਿਚ ਮੁੱਖ ਮੰਤਰੀ ਦੀ ਗਰਿਮਾ ਹੀ ਸਮਾਪਤ ਕਰ ਦਿਤੀ। ਸਰਕਾਰੀ ਰਾਜ ਪੱਧਰੀ ਪ੍ਰੋਗਰਾਮਾਂ ਵਿਚ ਰੋਜ਼ਾਨਾ ਚੁਟਕਲੇ, ਕਿੱਕਲੀਆਂ ਅਤੇ ਵਿਰੋਧੀ ਧਿਰ ਦੇ ਨੇਤਾਵਾਂ ਦੀਆਂ ਨਕਲਾਂ ਵੇਖਣ ਅਤੇ ਸੁਣਨ ਨੂੰ ਮਿਲਦੀਆਂ ਹਨ। ਪੰਜਾਬ ਦੇ ਮੁੱਖ ਮੰਤਰੀ ਦੀ ਦੁਨੀਆਂ ਭਰ ਵਿਚ ਜਿਹੜੀ ਠਾਠ ਬਣੀ ਹੋਈ ਸੀ, ਉਸ ਨੂੰ ਨੇਸ਼ਤੋ-ਨਾਬੂਦ ਕਰਨ ਵਿਚ ਵਰਤਮਾਨ ਮੁੱਖ ਮੰਤਰੀ ਦਾ ਸਭ ਤੋਂ ਵੱਡਾ ਯੋਗਦਾਨ ਹੈ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

18/03/2026

ਜੇ ਪੰਜਾਬ ਦੇ ਸਰਕਾਰੀ ਖ਼ਜ਼ਾਨੇ ਨੂੰ ਦਿੱਲੀ ਦੇ ਚਹੇਤਿਆਂ ਨੂੰ ਲੁਟਾਉਣ ਦੀਆਂ ਸਕੀਮਾਂ ਘੜਨ ਤੋਂ ਫ਼ੁਰਸਤ ਮਿਲ ਗਈ ਹੋਵੇ ਤਾਂ ਝਾੜੂ ਸਰਕਾਰ ਨੂੰ ਚੇਤੇ ਕਰਾਇਆ ਜਾਂਦਾ ਹੈ ਕਿ ਚੰਡੀਗੜ੍ਹ ਵਿਚ ਐਸ.ਐਸ.ਪੀ. ਲਾਉਣ ਬਾਰੇ ਅਪਣੀਆਂ ਸਿਫ਼ਾਰਸ਼ਾਂ ਭੇਜ ਦਿਤੀਆਂ ਜਾਣ। ਚੰਡੀਗੜ੍ਹ ਦੇ ਐਸ.ਐਸ.ਪੀ. ਦਾ ਡੈਪੂਟੇਸ਼ਨ ਸਮਾਂ ਮੁਕੰਮਲ ਹੋ ਚੁੱਕਾ ਹੈ, ਨਵੀਂ ਨਿਯੁਕਤੀ ਕੀਤੀ ਜਾਣੀ ਹੈ। ਸਾਰੇ ਵਿਹਲੜ ਪੰਜਾਬ ਦੇ ਖ਼ਜ਼ਾਨੇ ਦੇ ਦੁਆਲੇ ਹੋਏ ਬੈਠੇ ਹਨ, ਚੰਡੀਗੜ੍ਹ ਵੱਲ ਕਿਸੇ ਦਾ ਕੋਈ ਧਿਆਨ ਹੀ ਨਹੀਂ। ਪੰਜਾਬ ਕੋਟੇ ਦੀਆਂ ਹੋਰ ਵੀ ਕਈ ਸਿਵਿਲ ਪ੍ਰਸ਼ਾਸਨ ਵਾਲੀਆਂ ਪੋਸਟਾਂ ਖ਼ਾਲੀ ਪਈਆਂ ਹਨ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

15/03/2026

ਪੰਜਾਬੀਆਂ ਦੀਆਂ ਭਾਵਨਾਵਾਂ ਨੂੰ ਦਰਨਿਕਾਰ ਕਰਕੇ ਵੋਟਾਂ ਨਹੀਂ ਜੇ ਮਿਲਣੀਆਂ ਸ਼ਾਹ ਜੀ
ਕੱਲ 14 ਮਾਰਚ, 2026 ਨੂੰ ਮੋਗਾ ਵਿਖੇ ਭਾਰਤੀ ਜਨਤਾ ਪਾਰਟੀ ਦੇ ਵੱਡੇ ਆਗੂ ਅਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਪੰਜਾਬ ਵਿਚ ਅਪਣੇ ਦਮ ਉਤੇ ਚੋਣ ਲੜਨ ਅਤੇ ਸਰਕਾਰ ਬਣਾਉਣ ਦਾ ਐਲਾਨ ਕੀਤਾ ਹੈ। ਪਰ ਸ਼ਾਹ ਜੀ ਇਹ ਭੁੱਲ ਗਏ ਕਿ ਪੰਜਾਬੀਆਂ ਦੀਆਂ ਭਾਵਨਾਮਾਂ ਨੂੰ ਦਰਕਿਨਾਰ ਕਰਕੇ ਵੋਟਾਂ ਨਹੀਂ ਮਿਲਣੀਆਂ। 2022 ਵਿਚ ਵੀ ਅਜਿਹਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ, ਦੋ ਸੀਟਾਂ ਹੀ ਮਿਲ ਸਕੀਆਂ। ਸਰਕਾਰ ਬਣਾਉਣਾ ਤਾਂ ਬਹੁਤ ਦੂਰ ਦੀ ਗੱਲ ਰਹੀ। ਜੇ ਵੋਟਾਂ ਲੈਣੀਆਂ ਹਨ ਤਾਂ ਚੰਡੀਗੜ੍ਹ ਪੰਜਾਬ ਨੂੰ ਦੇਣਾ ਪਵੇਗਾ, ਕਿਸਾਨਾਂ ਨਾਲ ਕੀਤੀ ਜਾ ਰਹੀ ਦਗ਼ਾਬਾਜ਼ੀ ਬੰਦ ਕਰਨੀ ਪਵੇਗੀ, ਬੰਦੀ ਸਿੰਘ ਰਿਹਾਅ ਕਰਨੇ ਪੈਣਗੇ, ਪਾਣੀ ਲੁੱਟਣ ਦਾ ਗੰਦਾ ਨਜ਼ਰੀਆ ਤਿਆਗਣਾ ਪਵੇਗਾ, ਨੌਕਰੀਆਂ ਪੰਜਾਬੀਆਂ ਲਈ ਰਾਖਵੀਆਂ ਕਰਨਗੀਆਂ ਪੈਣਗੀਆਂ, ਸਿੱਖਾਂ ਅਤੇ ਦਲਿਤਾਂ ਨੂੰ ਸੱਤਾ ਦਾ ਕੇਂਦਰ ਬਣਾਉਣਾ ਪਵੇਗਾ। ਐਵੀਂ ਫੋਕੇ ਦਾਅਵੇ ਕਰਕੇ, ਵੋਟਾਂ ਨਹੀਂ ਮਿਲਣਗੀਆਂ। ਪੰਜਾਬ ਦੇ ਲੋਕ ਅਪਣੀ ਮਿੱਟੀ, ਅਪਣੇ ਸੂਬੇ, ਅਪਣੇ ਸਭਿਆਚਾਰ ਅਤੇ ਅਪਣੀ ਵਖਰੀ ਪਛਾਣ ਬਾਰੇ ਮੁੱਢ ਤੋਂ ਹੀ ਗੰਭੀਰ ਰਹੇ ਹਨ। ਸਿਰਫ਼ ਫੋਕੀਆਂ ਗੱਲਾਂ ਮਾਰਨ ਨਾਲ ਜਾਂ ਲੋਕਾਂ ਨੂੰ ਗੁਮਰਾਹ ਕਰਕੇ ਕੁੱਝ ਪੱਲੇ ਨਹੀਂ ਪੈਣਾ, ਪਹਿਲਾਂ ਇਹ ਸਪੱਸ਼ਟ ਕਰੋ ਕਿ ਤੁਹਾਡੀ ਪਾਰਟੀ ਪੰਜਾਬ-ਹਿਤੈਸ਼ੀ ਹੈ, ਫਿਰ ਵੋਟ ਦੀ ਗੱਲ ਕਰੋ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

15/03/2026

ਇਕ ਦਲੇਰ ਬੀਬੀ ਕੰਚਨਪ੍ਰੀਤ ਕੌਰ ਨੂੰ ਅਕਾਲੀ ਦਲ ਨੇ ਸੌਂਪੀ ਜ਼ਿੰਮੇਦਾਰੀ
ਕੰਚਨਪ੍ਰੀਤ ਕੌਰ ਨੂੰ ਅਕਾਲੀ ਦਲ ਨੇ ਤਰਨਤਾਰਨ ਤੋਂ ਹਲਕਾ ਇੰਚਾਰਜ ਨਿਯੁਕਤ ਕੀਤਾ ਹੈ। ਇਸ ਨਿਯੁਕਤੀ ਨੇ ਮਾਝੇ ਵਿਚ ਕਾਫ਼ੀ ਚਰਚਾ ਛੇੜੀ ਹੈ। ਕੰਚਨਪ੍ਰੀਤ ਕੌਰ ਤਰਨਤਾਰਨ ਦੀ ਜ਼ਿਮਨੀ ਚੋਣ ਸਮੇਂ ਅਚਾਨਕ ਚਰਚਾ ਵਿਚ ਆਈ ਸੀ। ਇਸ ਲੜਕੀ ਦੀ ਲੋਕਪ੍ਰਿਯਤਾ, ਨਵੇਂ ਜਜ਼ਬਾਤ, ਪੰਜਾਬੀਅਤ ਨੂੰ ਕੇਂਦਰਤ ਅਤੇ ਸਿੱਖ ਰਹੁ-ਰੀਤਾਂ ਦੇ ਇਰਦ-ਗਿਰਦ ਘੁੰਮਦੇ ਵਿਚਾਰਾਂ ਕਾਰਨ ਤਰਨਤਾਰਨ ਇਲਾਕੇ ਵਿਚ ਇਸ ਬੀਬੀ ਦਾ ਨਾਮ ਚਮਕਣ ਲੱਗ ਪਿਆ। ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੂੰ ਜ਼ਿਮਨੀ ਚੋਣਾਂ ਤੋਂ 7 ਦਿਨ ਪਹਿਲਾਂ ਹੀ ਪਤਾ ਲੱਗ ਗਿਆ ਸੀ ਕਿ ਤਰਨਤਾਰਨ ਤੋਂ ਉਨ੍ਹਾਂ ਦਾ ਉਮੀਦਵਾਰ ਬੁਰੀ ਤਰ੍ਹਾਂ ਹਾਰ ਰਿਹਾ ਹੈ ਅਤੇ ਕੰਚਨਪ੍ਰੀਤ ਕੌਰ ਦੀ ਮਾਤਾ ਪ੍ਰਿੰਸੀਪਲ ਸੁਖਵਿੰਦਰ ਕੌਰ ਜਿੱਤ ਰਹੀ ਹੈ। ਇਸ ਦੇ ਦੋ ਮੁੱਖ ਕਾਰਨ ਸਨ। ਪਹਿਲਾ ਲੋਕਾਂ ਅੰਦਰ ਸ਼੍ਰੋਮਣੀ ਅਕਾਲੀ ਦਲ ਦਾ ਮੁੜ ਉਤਪੰਨ ਹੋਇਆ ਰੁਝਾਣ ਅਤੇ ਦੂਜਾ ਬੀਬਾ ਕੰਚਨਪ੍ਰੀਤ ਕੌਰ ਦੀ ਸਿੱਧਾ ਸਰਕਾਰ ਨਾਲ ਟੱਕਰ ਲਾਉਣਾ, ਮੰਨਿਆ ਗਿਆ। ਕੰਚਨਪ੍ਰੀਤ ਕੌਰ ਦੀ ਮਿਹਨਤ ਅਤੇ ਲੋਕਾਂ ਨੂੰ ਨਾਲ ਜੋੜਨ ਦੀ ਕਲਾ ਪੂਰੀ ਤਰ੍ਹਾਂ ਚਰਚਾ ਵਿਚ ਸੀ। ਇਸੇ ਕਾਰਨ ਸਰਕਾਰ ਨੇ ਕੰਚਨਪ੍ਰੀਤ ਕੌਰ ਵਿਰੁਧ ਇਕ ਤੋਂ ਬਾਅਦ ਇਕ ਕਈ ਮੁਕੱਦਮੇ ਦਰਜ ਕੀਤੇ। ਇਥੋਂ ਤਕ ਕਿ ਗ੍ਰਿਫ਼ਤਾਰ ਵੀ ਕਰ ਲਿਆ ਗਿਆ। ਕੰਚਨਪ੍ਰੀਤ ਕੌਰ ਦਾ ਸਮਰਥਨ ਕਰ ਰਹੇ ਕਈ ਕੌਂਸਲਰ, ਸਰਪੰਚ ਅਤੇ ਮੋਹਤਬਰ ਆਗੂ ਵੀ ਚੁੱਕ ਲਏ ਗਏ। ਫਿਰ ਵੀ ਇਹ ਬੀਬੀ ਸਰਕਾਰੀ ਨਿਜ਼ਾਮ ਵਿਰੁਧ ਡਟ ਕੇ ਖੜੀ ਰਹੀ। ਅਖ਼ੀਰ ਇਕ ਐਸ.ਐਸ.ਪੀ. ਨੂੰ ਵੀ ਮੁਅੱਤਲ ਕਰਨਾ ਪਿਆ। ਹਾਲਾਂਕਿ ਉਸ ਸਮੇਂ ਕੰਚਨਪ੍ਰੀਤ ਕੌਰ ਦੀ ਮਾਤਾ ਪ੍ਰਿੰਸੀਪਲ ਸੁਖਵਿੰਦਰ ਕੌਰ ਰੰਧਾਵਾ ਉਮੀਦਵਾਰ ਸੀ ਪਰ ਸਾਰੀ ਚੋਣ ਸੁਖਬੀਰ ਸਿੰਘ ਬਾਦਲ ਅਤੇ ਕੰਚਨਪ੍ਰੀਤ ਕੌਰ ਦੇ ਇਰਦ-ਗਿਰਦ ਹੀ ਘੁੰਮਦੀ ਰਹੀ। ਹੁਣ ਕੰਚਨਪ੍ਰੀਤ ਕੌਰ ਨੂੰ ਹਲਕਾ ਇੰਚਾਰਰਜ ਨਿਯੁਕਤ ਕੀਤੇ ਜਾਣ ਦਾ ਸਪੱਸ਼ਟ ਅਰਥ ਹੈ ਕਿ 2027 ਵਿਚ ਬੀਬਾ ਕੰਚਨਪ੍ਰੀਤ ਕੌਰ ਹੀ ਪਾਰਟੀ ਦੀ ਉਮੀਦਵਾਰ ਹੋਵੇਗੀ ਅਤੇ ਮਾਝੇ ਵਿਚ ਤਰਨਤਾਰਨ ਹਲਕਾ ਖਿੱਚ ਦਾ ਕੇਂਦਰ ਰਹੇਗਾ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

13/03/2026

ਝਾੜੂ ਪਾਰਟੀ ਨੇ 14 ਜਨਵਰੀ, 2026 ਨੂੰ ਮੁਕਤਸਰ ਵਿਖੇ ਮਾਘੀ ਮੇਲੇ ਮੌਕੇ ਰਾਜ ਪੱਧਰੀ ਸਮਾਗਮ ਕਰਨ ਲਈ ਖ਼ਜ਼ਾਨੇ ਵਿਚੋਂ ਲੱਗਭਗ 4 ਕਰੋੜ ਰੁਪਏ ਖ਼ਰਚ ਕਰ ਦਿਤੇ। ਦਿੱਲੀ ਦੇ ਸਿਰਫ਼ 300 ਬਾਬੂ ਸਾਢੇ 7 ਲੱਖ ਦਾ ਖਾਣਾ ਖਾ ਗਏ। ਨਾ ਮੁਕਤਸਰ ਨੂੰ ਵਿਕਾਸ ਲਈ ਕੁੱਝ ਮਿਲਿਆ ਅਤੇ ਨਾ ਹੀ ਲੋਕਾਂ ਦਾ ਕੁੱਝ ਭਲਾ ਹੋ ਸਕਿਆ। ਦਿੱਲੀ ਦੇ ਫ਼ੇਲ੍ਹ ਲੀਡਰਾਂ ਦੇ ਵਿਚਾਰ ਲੋਕਾਂ ਨੂੰ ਧੱਕੇ ਨਾਲ ਸੁਣਾਉਣ ਲਈ ਅਜਿਹੇ ਇਕੱਠ ਕੀਤੇ ਜਾ ਰਹੇ ਹਨ। ਪੰਜਾਬੀਆਂ ਦੇ ਪੈਸੇ ਦੀ ਬਰਬਾਦੀ ਹੋ ਰਹੀ ਹੈ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71

09/03/2026

ਸੱਤਾ ਦੇ ਨਸ਼ੇ ਵਿਚ ਇਨਸਾਨ ਨੂੰ ਏਨਾ ਵੀ ਭਗਤ ਨਹੀਂ ਬਣਨਾ ਚਾਹੀਦਾ ਕਿ ਇਕ 19 ਸਾਲਾ ਸਾਫ਼ ਰੂਹ ਉਤੇ ਵੀ ਸੱਤਾ ਦੀਆਂ ਚੱਪਲਾਂ ਚੱਟਣ ਲੱਗ ਜਾਈਏ। ਇਸ ਕੋਲ ਕਿਹੜੀ ਮਸ਼ੀਨ ਹੈ ਕਿ ਇਸ ਨੂੰ ਪਤਾ ਲੱਗ ਗਿਆ ਕਿ ਪੁਲਿਸ ਮੁਕਾਬਲਾ ਫ਼ਰਜ਼ੀ ਨਹੀਂ ਹੈ ਜਦਕਿ ਅਦਾਲਤ ਨੇ ਪੁਲਿਸ ਨੂੰ ਝਾੜਾਂ ਪਾ ਕੇ ਪਸੀਨੇ ਲਿਆਂਦੇ ਹੋਏ ਹਨ।
ਜ਼ਾਹਿਦਾ ਸੁਲੇਮਾਨ
ਅੱਗੇ ਦਿਤੇ ਲਿੰਕ ਉਪਰ ਕਲਿਕ ਕਰਕੇ ਪੇਜ ਫ਼ਾਲੋ ਅਤੇ ਲਾਈਕ ਕਰੋ।
https://www.facebook.com/IndianFirst71