04/08/2026
મોરબી એસપીનો કડક સંદેશ: દારૂ પીધેલી હાલતમાં સરકારી વાહનથી અકસ્માત સર્જનાર પોલીસકર્મી સસ્પેન્ડ
મોરબી જિલ્લા પોલીસમાં શિસ્ત અને જવાબદારી જાળવવા માટે જિલ્લા પોલીસ વડા મુકેશ પટેલે કડક કાર્યવાહી કરી છે. છ માસ પૂર્વે સરકારી વાહન ચલાવતી વખતે દારૂના નશામાં અકસ્માત સર્જનાર પોલીસકર્મી અજય લાવડીયાને સસ્પેન્ડ કરવામાં આવ્યા છે.
પ્રાપ્ત માહિતી અનુસાર અકસ્માત બાદ લેવામાં આવેલા સેમ્પલનો રિપોર્ટ હવે પોઝિટિવ આવતા વિભાગીય કાર્યવાહી હાથ ધરવામાં આવી હતી. તેના આધારે એસપી મુકેશ પટેલે પોલીસકર્મી અજય લાવડીયાને સસ્પેન્ડ કરવાનો નિર્ણય લીધો છે.
આ કાર્યવાહીથી સ્પષ્ટ સંદેશ આપવામાં આવ્યો છે કે કાયદાનું પાલન કરાવતી પોલીસમાં પણ કોઈ કર્મચારી કાયદા કે શિસ્તનો ભંગ કરશે તો તેની સામે કોઈપણ પ્રકારની ઢીલાશ રાખવામાં આવશે નહીં. કાયદો અને વ્યવસ્થાની સ્થિતિ જળવાઈ રહે તેમજ પોલીસ વિભાગની વિશ્વસનીયતા અખંડિત રહે તે માટે એસપી દ્વારા લેવામાં આવેલો આ નિર્ણય પ્રશંસનીય માનવામાં આવી રહ્યો છે. પોલીસ વિભાગમાં જવાબદારી, પારદર્શિતા અને શિસ્ત જળવાઈ રહે તે માટે આવી કડક કાર્યવાહી અન્ય કર્મચારીઓ માટે પણ ચેતવણીરૂપ બની છે.
