Hind Vaibhav News

02/06/2026

*માળિયામા જુની અદાવતમા થયેલ હત્યા મામલે DYSP જે.એમ. આલ દ્વારા પ્રેસ કોન્ફરન્સ યોજી ગુન્હાની સંપૂર્ણ માહિતી આપી જુઓ વિડિયો*

02/06/2026

*ચેલા 2.દરેડ પાસે ગામના ચારણ નેસમાં પાણી માટે હાહાકાર: રહેવાસીઓએ જિલ્લા પંચાયત કચેરીએ આવેદનપત્ર આપી ઉગ્ર રજૂઆત*

02/06/2026

02/06/2026

જૂના બસ સ્ટેન્ડ પાસે ગોળીઓનો વરસાદ: હૈદરભાઈ મોવરની હત્યા કેસમાં 6 સામે ફરિયાદ

માળિયા મિયાણામાં રવિવારે સાંજે જૂના બસ સ્ટેન્ડ વિસ્તાર ગોળીબારની ઘટનાથી ધ્રૂજી ઉઠ્યો હતો. ધંધાકીય અદાવતને લઈને કારમાં ધસી આવેલા હુમલાખોરોએ હૈદરભાઈ મોવર પર જીવલેણ ફાયરિંગ કરી હત્યા નીપજાવી હોવાનું સામે આવ્યું છે. આ મામલે બે નામજોગ સહિત ચાર અજાણ્યા શખ્સો વિરુદ્ધ પોલીસ ફરિયાદ નોંધાઈ છે અને વધુ તપાસ હાથ ધરવામાં આવી છે.

પ્રાપ્ત માહિતી અનુસાર માળીયા મીયાણામા જુના બસ સ્ટેન્ડ પાસે રહેતા સાઇનાબેન હૈદરભાઈ મોવર (ઉ.વ.૨૬) એ આરોપી ઈલિયાસ મુસાભાઈ મોવર, તથા શફિર મુસાભાઈ મોવર તથા ચાર અજાણ્યા શખ્સો વિરુદ્ધ માળિયા મીયાણા પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીના પતિ મરણ હૈદરભાઈ સુમારભાઈ મોવરને છેલ્લા બે વર્ષથી આરોપીઓ સાથે ધંધા બાબતે મનદુખ ચાલતુ હોય જેનો ખાર રાખી આરોપીઓ શીફ્ટ જેવી કાળા કલરની ગાડીમાં આવી આરોપી શફિર એ બંદુક જેવુ પ્રાણધાતક હથીયાર ધારણ કરી મારી નાખવાના ઇરાદે આવી આરોપીએ ફાયરીંગ કરી ફરીયાદીના પતિ હૈદરભાઇ ને માથા તથા ગળા તથા છાતી તથા પેટના ભાગે સરીરે ગંભીર ઇજા પહોંચાડી મોત(ખૂન) નિપજાવ્યું હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.

02/06/2026

*પુરુષોત્તમ માસમાં માનવતાની શીતળ સેવા : મુસ્કાન વેલફેર સોસાયટી, મોરબી દ્વારા 1000 ગ્લાસ શેરડીનો રસ અને 500 ગ્લાસ છાશનું વિતરણ*

અત્યંત પવિત્ર અને પુણ્યપ્રદ ગણાતા પુરુષોત્તમ માસ દરમિયાન મુસ્કાન વેલફેર સોસાયટી, મોરબી દ્વારા માનવસેવાના ભાવ સાથે સિવિલ હોસ્પિટલ ખાતે શીતળ સેવા પ્રોજેક્ટનું આયોજન કરવામાં આવ્યું હતું.

ઉનાળાની ગરમીમાં હોસ્પિટલમાં આવતા દર્દીઓના સગાં-સંબંધીઓ, રાહદારીઓ તેમજ જરૂરિયાતમંદ લોકો માટે 1000 ગ્લાસ તાજા શેરડીના રસ અને 500 ગ્લાસ છાશનું નિઃશુલ્ક વિતરણ કરવામાં આવ્યું હતું. સેવાના આ કાર્યથી અનેક લોકોએ રાહતનો અનુભવ કર્યો હતો.

હિન્દુ ધર્મમાં પુરુષોત્તમ માસને ભક્તિ, દાન, જપ-તપ અને સેવા માટે વિશેષ મહત્વનો મહિનો માનવામાં આવે છે. આ પવિત્ર માસ દરમિયાન કરવામાં આવતી સેવાઓ અને પરોપકારના કાર્યોનું વિશેષ પુણ્યફળ પ્રાપ્ત થતું હોવાનું શાસ્ત્રોમાં વર્ણવાયું છે. આ જ ભાવનાને કેન્દ્રમાં રાખીને મુસ્કાન વેલફેર સોસાયટી દ્વારા આ માનવતાભર્યો સેવા યજ્ઞ યોજવામાં આવ્યો હતો.

આ પ્રસંગે સંસ્થાના સભ્યોએ ઉત્સાહપૂર્વક સેવા આપી હતી અને હોસ્પિટલમાં ઉપસ્થિત લોકોએ સંસ્થાની આ પહેલને ખૂબ બિરદાવી હતી.

મુસ્કાન વેલફેર સોસાયટી સમાજસેવા, માનવતા અને પરોપકારના કાર્યોમાં સતત સક્રિય રહી છે અને ભવિષ્યમાં પણ આવા લોકકલ્યાણકારી પ્રોજેક્ટો દ્વારા સમાજને ઉપયોગી બનવા પ્રતિબદ્ધ છે.

02/06/2026

પ્રમોશન સાથે મોરબીના ત્રણ ટોચના અધિકારીઓની બદલી, ડેપ્યુટી કમિશનર કે.આર. વાળા ગાંધીનગર મુકાયા

ગુજરાત સરકારના સામાન્ય વહીવટ વિભાગ (GAD) દ્વારા ગુજરાત વહીવટી સેવા (GAS) કેડરના 68 અધિકારીઓની બદલી અને બઢતીના આદેશો જાહેર કરવામાં આવ્યા છે. રાજ્યભરમાં થયેલા આ વહીવટી ફેરફારમાં મોરબી જિલ્લાના ત્રણ મહત્વના અધિકારીઓને પ્રમોશન સાથે નવી જવાબદારીઓ સોંપવામાં આવી છે.

વાંકાનેરના પ્રાંત અધિકારી વી.ડી. સાકરીયાને સિનિયર સ્કેલમાં પ્રમોશન આપી સુરેન્દ્રનગર ખાતે નિવાસી અધિક કલેક્ટર (RAC) તરીકે નિયુક્ત કરવામાં આવ્યા છે. જ્યારે મોરબી કલેક્ટર કચેરીમાં નાયબ કલેક્ટર-1 તરીકે ફરજ બજાવતા યુ.એમ. પટેલને પણ સિનિયર સ્કેલમાં બઢતી આપી વડોદરા ખાતે અન્ન અને નાગરિક પુરવઠા વિભાગના સંયુક્ત નિયામક તરીકે મુકવામાં આવ્યા છે.

તે જ રીતે મોરબી મહાનગરપાલિકાના ડેપ્યુટી મ્યુનિસિપલ કમિશનર કે.આર. વાળાને પ્રમોશન સાથે ગાંધીનગર ખાતે ગુજરાત વોટર ઇન્ફ્રાસ્ટ્રક્ચર લિમિટેડમાં ચીફ એડમિનિસ્ટ્રેટિવ ઓફિસર તરીકે નિયુક્ત કરવામાં આવ્યા છે. રાજ્ય સરકારના આ નિર્ણયથી મોરબી જિલ્લામાં વહીવટી તંત્રમાં મહત્વના ફેરફારો જોવા મળશે અને ખાલી પડનારી જગ્યાઓ પર ટૂંક સમયમાં નવી નિમણૂકો થવાની શક્યતા છે.

02/06/2026

વાંકાનેરમાં દારૂના ગુન્હામાં ફરાર આરોપીને પોલીસે ઝડપી પાડયો

આ અંગે મળતી માહિતી મુજબ મોરબી એલ.સી.બી. પોલીસને સયુક્ત ખાનગી રાહે મળેલ બાતમીના આધારે વાકાનેર તાલુકા પોલીસ સ્ટેશનમાં પ્રોહી કલમ ૬૫એઇ, ૧૧૬બી, ૮૧ મુજબના ગુનામાં આરોપી પ્રવિણભાઇ શીવાભાઈ જોગરાજીયા રહે- ગુંદાળા તા.વીંછીયા જી. રાજકોટ વાળો આજદીન સુધી નાસતો ફરતો હોય અને આ આરોપી પોતાના ગામ ગુંદાળા ખાતે હોવાની બાતમી મળતા ખાનગી બાતમી આધારે આરોપીને ગુંદાળા ગામ તા.વીંછીયા જી.રાજકોટ ખાતેથી આરોપી મળી આવતા આરોપીને પકડી પાડી કાયદેશરની કાર્યવાહી કરવા માટે વાકાનેર તાલુકા પોલીસ સ્ટેશન ખાતે સોંપવામા આવેલ છે.

02/06/2026

મોરબીમાં ગાંજાના ગેરકાયદે વેપારનો ભાંડો ફૂટ્યો: હાઇબ્રિડ ગાંજા સહિત રૂ.1.45 લાખનો મુદ્દામાલ કબજે; એક ઈસમની ધરપકડ

પ્રાપ્ત માહિતી અનુસાર મોરબી એસ.ઓ.જી.ને બાતમી મળેલ કે, દાઉદભાઇ અબ્બાસભાઇ ખુરેશી રહે. સાયન્ટીફીક રોડ, વજેપર, મોરબી-૧ વાળાએ રહેણાંક મકાનની સામે પોતાના કબજા ભોગવટાવાળા વાડામાં ગેરકાયદેસર રીતે વનસ્પતિ જન્ય માદક પદાર્થ ગાંજાનો જથ્થો રાખી વેચાણ કરતો હોવાની બાતમી આધારે બાતમીવાળી જગ્યાએ રેઇડ કરતા સ્થળ પરથી વનસ્પતિ જન્ય માદક પદાર્થ ગાંજાનો જથ્થો ૧ કિલો ૯૯૨ ગ્રામ કિ.રૂ.૯૯,૬૦૦, માદક પદાર્થ હાઇબ્રિડ ગાંજાનો જથ્થો ૧૧ ગ્રામ ૩૭ મીલીગ્રામ કિ.રૂ.૩૮,૬૨૯, ઇલેક્ટ્રીક વજન કાટો મોટો તથા નાનો મળી નંગ ૨ કી.રૂ ૭૦૦, ગાંજોનો વેપાર કરી તેના મેળવેલ રોડક રૂપીયા ૧૬૨૦ તથા એક વીવો કંપનીનો મોબાઇલ ફોન નંગ-૧ કિ.રૂ.૫,૦૦૦/- મળી કુલ મુદ્દામાલ કીમંત રૂપીયા ૧,૪૫,૫૪૯ મુદ્દામાલ સાથે મળી આવતા એન.ડી.પી.એસ. એકટ કલમ-૮(સી), ૨૦(બી) (૨-બી), ૨૯ મુજબની કાર્યવાહી કરી મોરબી સીટી એ ડીવીઝન પો.સ્ટે. ગુન્હો રજીસ્ટર કરાવેલ છે. આગળની કાર્યવાહી માટે મોરબી સીટી એ ડીવીઝન પો.સ્ટે. ને સોપેલ છે.

02/06/2026

મારી પત્ની સાથે કેમ ઝઘડો કરે છે કહી પડોશીએ કર્યો હુમલો, પતિ-પત્નીને ઇજા

પ્રાપ્ત માહિતી અનુસાર વાંકાનેર તાલુકાના અમરસર ગામે રહેતા રંજનબેન જક્શીભાઈ જખાણીયા (ઉ.વ.૪૦) એ આરોપી રૂખડભાઈ મગનભાઈ માણસુરીયા તથા તેજલ બેન રૂખડભાઈ માણસુરીયા રહે બંને અમરસર ગામ વાળા વિરુદ્ધ વાકાનેર સિટી પોલીસ સ્ટેશનમાં ફરિયાદ નોંધાવતા જણાવ્યું હતું કે ફરીયાદી તથા તેમનો દિકરો ખાવાનુ લઈને પોતાના ઘર બાજુ પરત આવતા હોય ત્યારે આરોપીઓએ રસ્તામા વચ્ચે રોકી આરોપીએ ફરીયાદીને કહેલ કે તેમની પત્નિ સાથે કેમ ઝઘડો કરેશ તેમ કહિ ફરીયાદીને ગાળો દેવા લાગતા ફરીયાદીએ ગાળો દેવાની ના પાડતા આરોપીએ ઉશ્કેરાઈ જઈ પોતાના હાથમા રહેલ લોખંડના પાઈપ વડે ફરીયાદીને મારવા જતા ફરીયાદીએ જમણો હાથ આડો નાખતા જમણા હાથે સામાન્ય ઈજા પહોંચાડી તથા આરોપી તેજલબેનએ ફરીયાદીને ઢીકાપાટુનો માર મારી તથા ફરીયાદીના પતિ જક્શીભાઇ આવતા આરોપી રૂખડભાઈએ ફરીયાદીના પતિ ને માથાના ભાગે લોખંડના પાઇપનો એક ઘા મારી માથાના ભાગે સામાન્ય ઇજા પહોંચાડી ટાંટીયા ભાંગી નાખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.

02/06/2026

ક્રેન ઓપરેટરોની બેદરકારી પડી ભારે: મોરબીની ફેક્ટરીમાં વજનદાર પ્લેટફોર્મ નીચે દટાઈ શ્રમિકનું મોત, ત્રણ ઘાયલ

પ્રાપ્ત માહિતી અનુસાર મૂળ ઉત્તર પ્રદેશના વતની અને હાલ મોરબીની ત્રાજપર ચોકડી ડાયમંડ કારખાનાના લેબર ક્વોટરમાં રહેતા વિવેકભાઈ વિજયભાઈ રાજભર (ઉ.વ.૨૦) એ આરોપી સાઈ ક્રેન સર્વિસના બે ક્રેન ઓપરેટરો તથા તપાસમા ખૂલે તે તમામ વિરુદ્ધ મોરબી તાલુકા પોલીસ સ્ટેશનમાં ફરિયાદ નોંધાવતા જણાવ્યું હતું કે ફરીયાદીના ભાઇ સંતોષભાઇ વિજયભાઇ રાજભર (ઉ.વ ૪૦) નાઓ મોરબીની રવિરાજ ચોકડી પાસે રાજકોટ કંડલા બાયપાસ ઉપર આવેલ એ&જે માઈક્રોન્સ નામના કારખાનામા સાયલો પર લોખંડનુ વજનદાર પ્લેટફોર્મ ચઢાવવાના કામમા અન્ય લેબર સાથે મદદમા હાજર હોય ત્યારે કારખાનામા આ કામ માટે આવેલ સાઇ ક્રેન સર્વિસના બે હાઇડ્રો ક્રેનના ઓપરેટરો પ્લેટફોર્મને બે પટ્ટા ક્રેન સાથે બાંધી ઉચકતા હતા ત્યારે ઓપરેટરોની બેદરકારીના કારણે તથા ક્રેન જેવા યાંત્રિક મશીન સાથે નબળા અથવા ખરાબ પટ્ટાથી કામ કરવાના લીધે એક પટ્ટો તુટી જવાથી અકસ્માતે લોખંડનુ વજનદાર પ્લેટફોર્મ નીચે પડવાથી ફરીયાદીના ભાઇ સંતોષભાઇ તથા અન્ય લેબર (૧) ભીમ મહંતો તથા (૨) ઉપેન્દર મહંતો તથા (૩) અસલમ હનીફભાઇ નાઓને માથામા તથા શરીરે નાની મોટી ગંભીર ઇજાઓ કરી તેમજ ફરીયાદીના ભાઇ સંતોષનુ મોત નિપજ્યું હતું જેથી આ બનાવ અંગે ફરિયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.