14/08/2025
ਪੰਜਾਬ ਸਰਕਾਰ ਅਤੇ ਪਾਵਰਕਾਮ ਦੀ ਮੈਨੇਜਮੈਂਟ ਖਿਲਾਫ ਲਗਾਤਾਰ ਚੋਥੇ ਦਿਨ ਬਿਜਲੀ ਮੁਲਾਜ਼ਮ ਵੱਲੋ ਰੋਸ ਪ੍ਰਦਰਸ਼ਨ।
ਪੰਜਾਬ ਦੇ ਪ੍ਰਮੁੱਖ ਬਿਜਲੀ ਮੁਲਾਜ਼ਮ ਅਤੇ ਪੈਨਸ਼ਨਰ ਜਥੇਬੰਦੀਆਂ — ਪੀਐਸਈਬੀ ਇੰਪਲਾਈਜ਼ ਜੁਆਇੰਟ ਫੋਰਮ, ਬਿਜਲੀ ਮੁਲਾਜ਼ਮ ਏਕਤਾ ਮੰਚ ਪੰਜਾਬ ਦੇ ਸੱਦੇ ਤੇ ਅੱਜ 14-08-2025 ਨੂੰ ਲਗਾਤਾਰ ਚੋਥੇ ਦਿਨ ਵੀ ਬਿਜਲੀ ਦਫ਼ਤਰ ਮੋਰਿੰਡਾ ਵਿਖੇ ਸਾਮੂਹਿਕ ਛੁੱਟੀ ਭਰਕੇ ਰੋਸ ਪ੍ਰਦਸ਼ਨ ਕੀਤਾ ਗਿਆ।
ਇਸ ਮਾਰਚ ਦੀ ਅਗਵਾਈ ਬਲਵਿੰਦਰ ਰਡਿਆਲਾ (ਪ੍ਰਧਾਨ ਟੀਐਸਯੂ ਡਿਵੀਜ਼ਨ ਖਰੜ) ਅਤੇ ਸਿਮਰਪ੍ਰੀਤ ਸਿੰਘ (ਪ੍ਰਧਾਨ ਐਮਐਸਯੂ ਡਿਵੀਜ਼ਨ ਖਰੜ) ਨੇ ਕੀਤੀ। ਇਸ ਮੌਕੇ ਸੰਬੋਧਨ ਕਰਦੇ ਹੋਏ ਸੁਖਵਿੰਦਰ ਸਿੰਘ ਦੁੱਮਣਾ ਨੇ ਦੱਸਿਆ ਕਿ 10 ਅਗਸਤ ਨੂੰ ਬਿਜਲੀ ਮੰਤਰੀ, ਵਿੱਤ ਮੰਤਰੀ ਅਤੇ ਮੈਨੇਜਮੈਂਟ ਨਾਲ ਹੋਈ ਮੀਟਿੰਗ ਬੇਸਿੱਟਾ ਰਹੀ ਅਤੇ 2 ਜੂਨ ਨੂੰ ਹੋਈ ਮੀਟਿੰਗ ਵਿੱਚ ਮੰਨੀਆਂ ਗਈਆਂ ਮੰਗਾਂ ਅਜੇ ਤੱਕ ਲਾਗੂ ਨਹੀਂ ਕੀਤੀਆਂ ਗਈਆਂ।
ਮੁੱਖ ਮੰਗਾਂ ਵਿੱਚ 13% ਮਹਿੰਗਾਈ ਭੱਤਾ ਜਾਰੀ ਕਰਨਾ, ਪੁਰਾਣੀ ਪੈਨਸ਼ਨ ਸਕੀਮ ਬਹਾਲੀ, ਤਨਖਾਹ/ਪੈਨਸ਼ਨ ਤਰੁਟੀਆਂ ਦੂਰ ਕਰਨਾ, ਬਕਾਏ ਦੇਣਾ, ਨਿੱਜੀਕਰਨ ਨੀਤੀ ਵਾਪਸ ਲੈਣਾ ਅਤੇ ਖਾਲੀ ਅਸਾਮੀਆਂ ‘ਤੇ ਰੈਗੂਲਰ ਭਰਤੀ ਸ਼ਾਮਲ ਹਨ। ਆਗੂਆਂ ਨੇ ਦੋਸ਼ ਲਾਇਆ ਕਿ ਹਾਦਸਿਆਂ ਵਿੱਚ ਜਾਨ ਗੁਆਉਣ ਵਾਲੇ ਜਾਂ ਜਖਮੀ ਕਰਮਚਾਰੀਆਂ ਦੇ ਪਰਿਵਾਰਾਂ ਨੂੰ ਹੱਕੀ ਮੁਆਵਜ਼ਾ ਅਤੇ ਕੈਸ਼ਲੈਸ ਇਲਾਜ ਨਹੀਂ ਦਿੱਤਾ ਜਾ ਰਿਹਾ।
ਜਿਸ ਦੇ ਰੋਸ ਵਜੋਂ ਅੱਜ 14 ਅਗਸਤ ਨੂੰ ਲਗਾਤਾਰ ਚੋਥੇ ਦਿਨ ਵੀ ਸਮੂਹਿਕ ਛੁੱਟੀ ਭਰ ਕੇ ਤੱਕ ਸੂਬੇ ਭਰ ਵਿੱਚ ਦਫ਼ਤਰਾਂ ਸਾਹਮਣੇ ਪ੍ਰਦਰਸ਼ਨ ਹੋ ਰਹੇ ਹਨ ਅਤੇ 15 ਅਗਸਤ ਨੂੰ ਜ਼ਿਲ੍ਹਾ ਹੈੱਡਕੁਆਟਰਾਂ ‘ਤੇ ਰੋਸ ਮਾਰਚ ਕੀਤਾ ਜਾਵੇਗਾ।
ਇਸ ਰੋਸ ਰੈਲੀ ਨੂੰ ਬਰਿੰਦਰ ਸਿੰਘ ਸੀਨੀਅਰ ਮੀਤ ਪ੍ਰਧਾਨ ਐਮ ਐਸ ਯੂ ਪੰਜਾਬ, ਰੰਜੂ ਬਾਲਾ ਸਟੇਟ ਆਗੂ ਐਮ ਐਸ ਯੂ, ਪਰਮਜੀਤ ਸਿੰਘ ਸਰਕਲ ਸਕੱਤਰ ਟੀ ਐਸ ਯੂ, ਭੁਪਿੰਦਰ ਮਦਨਹੇੜੀ ਆਗੂ ਵਿਗਿਆਨਿਕ ਗਰੁੱਪ, ਮਨਦੀਪ ਸਿੰਘ ਜੁਆਇੰਟ ਸਕੱਤਰ ਟੀਐਸਯੂ ਡਿਵੀਜ਼ਨ ਖਰੜ, ਸਤਵੀਰ ਸਿੰਘ ਕੈਸ਼ੀਅਰ ਟੀ ਐਸ ਯੂ ਡਿਵੀਜ਼ਨ ਖਰੜ, ਸ਼ੇਰ ਸਿੰਘ ਪ੍ਰਧਾਨ ਸਿਟੀ 2 ਖਰੜ, ਜਰਨੈਲ ਸਿੰਘ ਪ੍ਰਧਾਨ ਸਬ ਅਰਬਨ ਖਰੜ, ਯੋਗਰਾਜ ਸਿੰਘ ਪ੍ਰਧਾਨ ਸਿਟੀ 1 ਖਰੜ, ਗੁਲਜ਼ਾਰ ਸਿੰਘ ਪ੍ਰਧਾਨ ਮੋਰਿੰਡਾ, ਬਲਜਿੰਦਰ ਸਿੰਘ ਡਿਵੀਜ਼ਨ ਸਕੱਤਰ ਖਰੜ ਅਤੇ ਆਦਿ ਨੇ ਸੰਬੋਧਨ ਕੀਤਾ।
ਇਸ ਰੋਸ ਰੈਲੀ ਵਿੱਚ ਮੈਡਮ ਹਰਮਨਪ੍ਰੀਤ ਕੌਰ,ਮੈਡਮ ਪ੍ਰੀਤੀ ਸ਼ਰਮਾ, ਗੁਰਚਰਨਜੀਤ ਸਿੰਘ,ਮਦਨ ਲਾਲ,ਅਵਤਾਰ ਸਿੰਘ,ਰਵਿੰਦਰ ਸਿੰਘ, ਭਗਵੰਤ ਸਿੰਘ, ਗੁਰਤੇਜ ਸਿੰਘ,ਮਨਦੀਪ ਸਿੰਘ, ਕੇਵਲ ਸਿੰਘ, ਅਮਰੀਕ ਸਿੰਘ ਸਾਦਕਪੁਰ, ਗੁਰਪ੍ਰੀਤ ਸਿੰਘ, ਗੁਰਬਚਨ ਸਿੰਘ,ਸ਼ਮਸ਼ੇਰ ਸਿੰਘ,ਸੋਹਣ ਸਿੰਘ,ਕਾਕਾ ਸਿੰਘ, ਪਰਮਿੰਦਰ ਸਿੰਘ,ਜਸਬੀਰ ਸਿੰਘ ਮੈਡਮ ਪਰਮਿੰਦਰ ਕੌਰ ਸਮੇਤ ਵੱਡੀ ਗਿਣਤੀ ਵਿੱਚ ਬਿਜਲੀ ਕਾਮੇ ਸ਼ਾਮਿਲ ਹੋਏ।
