22/06/2025
✨Yeast - -Salt -Sugar အကြောင်း✨ Crd
မုန့်ဖုတ်သမား (Baker) တစ်ဦးသည် Yeast အကြောင်း နားလည်ထားရန်အရေးကြီးသည်။ အဘယ့်ကြောင့်ဆိုသော် Yeast သည် ပေါင်မုန့်အတွက် မရှိမဖြစ်အရေးပါသည်။ ပေါင်မုန့်အရည်အသွေးနှင့်အရသာသည် Yeast လှုပ်ရှားမှုပေါ်တွင်မူတည်ပါသည်။ အပွကြာခြင်း၊ ပေါင်မုန့်အချဉ်နံ့ ရခြင်း ၊ မုန့်ရေဓါတ်ဆုံးရှုံးပြီး အခြောက်မြန်ခြင်းတို့သည် Yeast ကိုသေချာစွာအသုံးမပြုတတ်သောကြောင့်ဖြစ်သည်။
Yeast ကို Baker yeast သို့မဟုတ် Dry Yeast ဟုလည်း လူသိများသည်။
Dry Yeast ဆိုတာ ဘာလဲ။
Dry yeast သည် ရေခဲသေတ္တာ မလိုအပ်ဘဲ ရေဓာတ်ခန်းခြောက်သော ပုံစံဖြစ်ပြီး တာရှည်ခံသော သက်တမ်းဖြင့် ထူးခြားချက်ဖြစ်သည်။ပေါင်မုန့်အတွက် အသွင်အပြင်ကိုမြှင့်တင်ရန်နှင့် နှစ်လိုဖွယ်အရသာကိုပေးစွမ်းရန် မုန့်ဖုတ်ဖော်မြူလာအမျိုးမျိုးတွင် အသုံးပြုသည်။
Yeast သည် ပေါင်မုန့်များတွင် အရေးကြီးသော လုပ်ဆောင်ချက်များစွာ ပါဝင်သည်-
Yeast သည် ကာဗွန်ဒိုင်အောက်ဆိုဒ် ထုတ်လုပ်သောကြောင့်ဒိုးသားကိုပွစေသည်။
ကာဗွန်ဒိုင်အောက်ဆိုဒ်နှင့် အော်ဂဲနစ်အက်ဆစ်များ ထုတ်လုပ်စဉ်အတွင်း ဒိုးသား pH ကို လျှော့ချပေးသည်။ အရသာဒြပ်ပေါင်းများကို အချဉ်ဖောက်ချိန်တွင် ထုတ်လုပ်ထားသောကြောင့် ဖုတ်ထားသော ကုန်ပစ္စည်းများ၏ အရသာနှင့် အနံ့ကို ပံ့ပိုးပေးပါသည်။
Dry Yeast 100 ဂရမ်လျှင် အာဟာရတန်ဖိုး မှာ ( g )
1. Carbohydrate 40
2. Protein 40
3. Fat 5
4. Water 15
Yeastသည် ဗီတာမင် D နှင့် B တို့အပြင် ပိုတက်စီယမ်နှင့် ဇင့်ကဲ့သို့သော သတ္တုဓာတ်များ၏ အရင်းအမြစ်ကောင်းတစ်ခုဖြစ်သည်။ ဤအာဟာရများသည် ကိုလက်စထရောကို လျှော့ချခြင်းနှင့် အာရုံကြောဆိုင်ရာနှင့် နှလုံးသွေးကြောဆိုင်ရာ ချို့ယွင်းမှုများကို စီမံခန့်ခွဲခြင်းကဲ့သို့သော ကျန်းမာရေးအကျိုးကျေးဇူးအချို့နှင့် ဆက်စပ်နေသည်။
Yeast များ ၏ မုန့်အတွင်း ရှင်သန်စွမ်းဆောင် နိုင်စွမ်းသည် အောက်ပါ အချက်များစွာကြောင့် ထိခိုက်နိုင်သည်-
1. အပူချိန်
Yeast အတွက် အကောင်းဆုံးစွမ်းဆောင်နိုင်ခြင်းသည် အပူချိန် 25 မှ 28 C (778 မှ 82 oF) အကြားတွင် ဖြစ်ပေါ်ပြီး 50 C (120oF) နှင့်အထက်တွင် Yeast ဆဲလ်များသေဆုံးခြင်းကြောင့် ကာဗွန်ဒိုင်အောက်ဆိုဒ် ထုတ်လုပ်မှုနှုန်းကျဆင်းသွားပြီးမုန့်အပွကြာနိုင်သည်။ ထို့ကြောင့် ဒိုးသားအတွင်းအပူချိန်များခြင်း ၊ အပွခံခန်းအပူချိန်များခြင်းသည် Yeast ဆဲလ်များသေဆုံးခြင်းကြောင့် ပေါင်မုန့်အပွခံချိန်ကိုကြာစေပါသည်။
2. ဆား
ဆား သည် Yeast အချဉ်ဖောက်ခြင်းကို နှေးကွေးစေနိုင်သည်။ ထို့ကြောင့် မုန့်နယ်ရာတွင် မမွှေသေးဘဲ ဆားနှင့် Yeast ကို ကြာရှည်စွာအတူရောထည့်ထားခြင်းကိုရှောင်ရမည်။ နှစ်ဆင့်နယ် ဒိုးသားများအတွက် ပထမအဆင့် ဆားကိုထည့်ပြီးအပွခံလေ့မရှိပါ။ လျင်မြန်စွာ ပွရန်အတွက် ဆားအဆင့်ကို သင့်တော်သည်ထက်ပိုမထည့်သင့်ပါ ။
3. သကြား
မုန့်အချိုးအစားတွင် သကြားပါဝင်မှု 5-10% တွင်၎င်းသည်တဆေးလှုပ်ရှားမှုကိုတိုးစေသည်။(ဥပမာ ဂျုံ 1000 g လျင် သကြား 50g မှ 100 g ကြားကိုဆိုလိုသည်။)
10% ထက်များသော သကြားအချိုးအစားသည် yeast လှုပ်ရှားမှု လျော့နည်းသွားသည်။
pH
ဒိုးသားအတွက် pH အဆင့် 4-6 သည် Yeast အတွက်အသင့်တော်ဆုံး ဖြစ်သည်။Yeast သည် သင့်လျော်သော pH ကို ဖြစ်ပေါ်စေရန် အက်ဆစ်၏ အစိတ်အပိုင်းကို ထောက်ပံ့ပေးသည်။ ထို့ကြောင့် pH အဆင့်ကိုနှိမ့်ချပေးသော Calcium propionate ကဲ့သို့သော ကြာရှည်ခံဆေးများကို သင့်လျော်သောမုန့်နယ်သည့်အဆင့်နှင့် သတ်မှတ်ထားသော အရည်အတွက်သာ ထည့်သွင်းရပါမည်။
သတ်မှတ်ထားသည်ထက် Yeast ပိုထည့်ခြင်း သည် အချဉ်ဖောက်ခြင်းကို ပိုမိုမြန်ဆန်စေသော်လည်း ပေါင်မုန့်ဖုတ်ပြီးချိန်အထိ Yeast လုပ်ငန်းစဉ် မကုန်သောကြောင့် မလိုလားအပ်သော Yeast အနံ့နှင့် ချဉ်စုပ်စုပ် အရသာကို ပေးစွမ်းနိုင်သည်။သို့သော်လည်း Yeast ပါဝင်မှုနည်းပြီး အပွခံချိန် ကြာရှည်ခြင်းသည်လည်းမုန့်အရည်အသွေးကိုထိခိုက်နိုင်ပါသည်။
Sweet Dough များတွင် Yeast ကို နှစ်ဆ သို့မဟုတ် သုံးဆတိုးခြင်းသည် မုန့်ပွချိန်ကို တိုတောင်းစေပါသည်။
🍀🍀🍀
အခုဆိုရင် Yeastအကြောင်းလေး အခြေခံလောက်သိသွားကြပြီပေါ့နော်🤗
💓အားလုံးကိုအဆင်ပြေစေချင်သည့်စေတနာဖြင့်သာ
https://www.facebook.com/share/p/15XZYHv1Hr/
Sharing is Caring 💁
By ..
Tsu /တီဆု
16.12. 2023
Athena community
Athena Community Vocational College
Pastry School (RPS)
:google photo
