Police Patra

24/02/2026

पाथरीतील साईबाबा जन्मस्थान मंदिरात पत्रकार सौ.रेखाताई मनेरे,उद्धव इंगळे यांचा व प्रकाश लालझरे यांचा संयुक्त सत्कार

पत्रकार संरक्षण समितीच्या पाथरी तालुका अध्यक्ष पदी निवड, झाल्या बद्दल भव्य सत्कार समारंभ

प्रतिनिधी अहमद अन्सारी (पाथरी परभणी)

पाथरी - सविस्तर वृत्त असे की पत्रकार संरक्षण समितीच्या पाथरी तालुका अध्यक्षपदी निवड झाल्याबद्दल दैनिक कलमवीरच्या तालुका प्रतिनिधी सौ. रेखाताई मनेरे यांचा भव्य सत्कार सोहळा साईबाबा जन्मस्थान मंदिर येथे उत्साहात संपन्न झाला. या सोहळ्यात पत्रकार मा. प्रकाश लालझरे (BPL न्यूज चॅनल, मुख्य संपादक परभणी जिल्हा व मा. उद्धव इंगळे (नवराष्ट्र दैनिक, पाथरी तालुका प्रतिनिधी) यांचाही संयुक्त सत्कार करण्यात आला.

दिनांक २० फेब्रुवारी २०२६ रोजी मंदिर परिसरात आयोजित या कार्यक्रमाला साईबाबा ट्रस्टचे सचिव तथा व्यवस्थापकीय विश्वस्त मा. अॅड अतुल
दिनकरराव चौधरी, संभाजीनगर येथील विश्वस्त मा. संजय दत्त भूसारी व त्यांच्या सुविद्य पत्नी सौ. नीलिमा भूसारी यांची प्रमुख उपस्थिती लाभली.

यावेळी पाथरी शहर व परिसरातील विकासकामांच्या प्रगतीबाबत पत्रकार व ट्रस्ट पदाधिकाऱ्यांमध्ये सविस्तर चर्चा करण्यात आली. सामाजिक बांधिलकी जपत पत्रकारितेद्वारे सकारात्मक भूमिका बजावणाऱ्या पत्रकारांचा गौरव व्हावा, या उद्देशाने व्यवस्थापन मंडळाच्या वतीने हा सत्कार सोहळा आयोजित करण्यात आला.

मुख्य कार्यकारी अधिकारी एन. के. कुलकर्णी तसेच मंदिर अधीक्षिका सौ. छाया कुलकर्णी यांच्या शिफारशीवरून या तिघा पत्रकारांचा शाल, श्रीफळ,
नारळ व साईबाबा जन्मस्थान मंदिराची प्रतिमा देऊन सन्मान करण्यात आला. साई प्रसादाच्या स्वरूपात सर्व मान्यवरांचा यथोचित करण्यात आला.

सत्कारप्रसंगी उपस्थित मान्यवरांनी पत्रकारितेचे समाजजीवनातील महत्त्व अधोरेखित करताना, निर्भीड व विधायक पत्रकारितेची आज अधिक गरज
असल्याचे मत व्यक्त केले. पत्रकारांनी विकासकामांवर लक्ष ठेवून सकारात्मक टीका व विधायक सूचनांद्वारे प्रशासनाला दिशा द्यावी, असे आवाहनही करण्यात आले.

कार्यक्रमाच्या शेवटी पत्रकार संरक्षण समितीच्या पाथरी तालुका अध्यक्षा सौ. रेखा मनेरे यांनी सर्व मान्यवर, ट्रस्ट पदाधिकारी व उपस्थितांचे मनःपूर्वक आभार मानले. समाजहितासाठी प्रामाणिक व निडर पत्रकारिता करण्याचा संकल्प यावेळी व्यक्त करण्यात आला. दैनिक कलमवीरच्या लेखणीतून सामाजिक कार्यात पुढाकार घेणाऱ्या पत्रकारांचा सन्मान हा केवळ औपचारिक नसून समाजातील जबाबदार माध्यमांची ताकद अधोरेखित करणारा ठरला.

06/02/2026

पाथरी ग्रामीण रुग्णालयात सोनोग्राफी सेंटर चे उद्घाटन वैद्यकीय अधिकारी डॉ राजेंद्र जाधव यांच्या हस्ते करण्यात आले यावेळी वैद्यकीय अधीक्षक डॉ जनार्दन गोळेगावकर ,वैद्यकीय अधिकारी डॉ संदीप धबाले, वैद्यकीय अधिकारी डॉ.महाजन, डॉ पामे मॅडम,मुख्य अधिपरिचारीका शिलाताई पाटील, कार्यालयीन अधीक्षक विक्रम धायजे, फार्मासिस्ट सलीम सर,इन्चार्ज शोभा गुडमे सिस्टर, ब्रदर अरुनराव गव्हाणे यांच्यासह आरोग्य कर्मचारी उपस्थित होते

02/02/2026

लोणी .बु.येथे महिलेला शिवीगाळ करून जिवे मारण्याची धमकि देऊन महिलेच्या शेतात गैर कायदेशीर अतिक्रमण

पाथरी तालुका प्रतिनिधी . अहमद अन्सारी पाथरी परभणी

पाथरी तालुक्यातील लोणी बुद्रुक येथील रहिवाशी ज्ञानेश्वरी रामेश्वर धर्मे रा. लोणी बुद्रुक ता. पाथरी जिल्हा परभणी येथील रहिवासी असून त्यांचे गट नंबर 184 185 186 मध्ये मालकीचे शेत जमीन असून व त्यांच्या ताब्याचे क्षेत्रफळ 2 हेक्टर 20आर असे शेतजमीन आहे सदर शेताची वहिती स्वतः करत असून 2024 मध्ये त्यांच्या शेतात गुणाजी सुखदेवअवचार, व त्यांचे नातेवाईक तसेच गावातील रामा भीमा धर्मे व लखन भीमा धर्मे यांनी शेतात अतिक्रम केले आहे व लोणी ते गोंडगाव जाणारा रस्ता व शेतात जाणारा रस्ता अडविल्यामुळे ज्ञानेश्वरी धर्मे यांनी सदर लोकाविरुद्ध विद्यमान दिवाणी न्यायालय पाथरी येथे दावा क्रमांक 119 2024 ला दाखल केले आहे सदर दावा न्यायालयात प्रलंबित आहे व मागील एक महिन्यापासून गुणाजी अवचार यांनी त्यांचे नातेवाईक उत्तम गायकवाड व त्यांची पत्नी कुशावर्ता उत्तम गायकवाड राहणार लोणी बुद्रुक तालुका पाथरी जिल्हा परभणी हे दोघे संगणकमत करून त्यांच्या मालकी व ताब्यातील शेत गट क्रमांक 186 लोणी बु. मधील शेतामध्ये रस्त्याच्या कडेला गैर कायदेशीर रित्या अतिक्रम करण्याच्या हेतूने काट्याकुपाठ्या व मोठमोठी लाकडे पत्रे लावण्याचे प्रयत्न करत आहेत तरी दिनांक 22 12 2025 रोजी उपरोक्त दोन्ही ही उत्तम गायकवाड व कृषीवर्ता उत्तम गायकवाड त्यांच्या शेतात अतिक्रम करत असताना त्यांनी त्यांना सांगितले की शेत माझ्या मालकीचे ताब्यात आहे तुम्ही काठ्या कुपाट्या पत्रे प्रारवतात रवतात तेव्हा त्या दोघांनी गलिच्छ भाषेत शिव्या दिल्या व जीवे मारण्याची धमकी दिली तसेच ॲट्रॉसिटी चे खोटे केसेस करण्याचे धमकी दिली सदर भांडण मारुती सूर्यवंशी यांनी प्रत्यक्ष पाहून सोडवले दिनांक 1901 २०२6 रोजी पुन्हा हे दोघे त्यांच्या शेतात अतिक्रम करत असताना त्यांनी ते थांबवले असतात त्यांना शिवीगाळ केली व धमकवले की पोलिसांकडे गेलीस तर काहीही वाकड करू शकत नाही तुला कुठे जायचे तिथे जा आम्ही इथे अतिक्रम करणार सदर जागेशी त्या दोघांचा कोणताही संबंध नाही सदर दोन्ही पती-पत्नी विरुद्ध माझी तक्रार आहे तरी या सर्वांवर कायदेशीर कार्यवाही करण्यात यावी व त्यांच्या कुटुंबाला संरक्षण देण्यात यावे अशी तक्रार ज्ञानेश्वरी धर्मे यांनी पोलीस स्टेशन पाथरी येथे दिले आहे.

27/01/2026

नॅशनल फाॅर्मसी वेलफेअर असोशिएशनच्या मराठवाडा विभागीय अध्यक्षपदी प्राचार्य डाॅ.रमेश ईंगोले यांची निवड


पाथरी (प्रतिनिधी) अहमद अन्सारी पाथरी परभणी

नॅशनल फार्मसी वेलफेअर असोसिएशन च्या मराठवाडा विभागीय अध्यक्षपदी डी जे पी एस फार्मसी महाविद्यालय पाथरी चे प्राचार्य डॉ. रमेश इंगोले यांची निवड झाली. फार्मसी शैक्षणिक क्षेत्र, शंशोधन, व्यावसायिक विकास, व विद्यार्थी कल्यान व सामाजिक क्षेत्रात केलेल्या उल्लेखनीय कार्याची दखल घेऊन संघटनेचे राष्ट्रीय अध्यक्ष डॉ.सचिन कोतवाल सर प्राचार्य डॉ.शाह सर आणि प्राचार्य डॉ संपत नवले यांनी ही महत्वाची जबाबदारी सोपवण्यात आली आहे.
नॅशनल फार्मसी वेलफेअर असोसिएशन पुणे. विभागीय अध्यक्ष म्हणून डॉ. रमेश इंगोले यांच्या कडे मराठवाडा विभागतील सर्व आठ जिल्ह्यांची जबादारी असेन. डॉ. इंगोले सरांच्या नियुक्तीमुळे विभागातील फार्मसी शिक्षण त्याच बरोबर विद्यार्थ्यांचा सर्वांगीण विकास होण्यास मदत होईल. असोसिएशन उदिष्ट्ये तळागाळापर्यंत पोहचून फार्मसी क्षेत्रातील व्यवसायिकता वाढवने, तसेच विदयार्थ्यांना रोजगाराच्या संधी उपल्पध करून देणे यावर आपला भर असेन असा विश्वास डॉ इंगोले सर यांनी या वेळी व्यक्त केला.

26/01/2026

*पोलीस मित्र परिवार समन्वय समिती , परभणी जिल्हा व मराठवाडा विभागाच्या वतीने मकरसंक्रांत निमित्त मुकबधीर निवासी शाळा मानवत येथे शालेय साहित्य वही ,पेन व पतंग वाटप

प्रतिनिधी अहमद अन्सारी पाथरी परभणी

मानवत येथे सुमनांजली मुकबधीर निवासी शाळेतील विद्यार्थ्यांना, मुली व मुलांना तिळ गुळ देऊन सुरूवात
मकरसंक्रांत निमित्त तिळ गुळ घ्या गोड गोड बोला हा कार्यक्रम संस्थापक अध्यक्ष डॉ.संघपाल उमरे महाराष्ट्र राज्य, व महाराष्ट्र उपाध्यक्षा सौ.रेखाताई मनेरे व इतर सर्व वरिष्ठ पदाधिकारी यांच्या नेतृत्वाखाली दिनांक 22/01/2026 रोजी मानवत येथे मुकबधीर निवासी शाळा पहिली ते आठवीच्या विद्यार्थ्यांसाठी वही,पेन,पतंग व तिळ गुळ वाटप करण्यात आले दरवर्षी प्रमाणे या वर्षी पण विविध ठिकाणी मकरसंक्रांत निमित्त उपक्रम राबविण्यात आले कार्यक्रमाचे अध्यक्ष मंगल बचाटे मॅडम ( विशेष शिक्षक ) यांची प्रमुख उपस्थिती होती तर उद्घाटक म्हणून प्रगती महिला बचत गटाच्या अध्यक्षा सौ.भारती किशोर कुमार वर्मा यांच्या हस्ते करण्यात आले कार्यक्रमाचे प्रास्ताविक व सूत्रसंचालन पोलीस मित्र परिवार समन्वय समिती महाराष्ट्र राज्य उपाध्यक्षा मा.सौ.रेखाताई मनेरे यांनी केले तर कार्यक्रमाचे आभार प्रदर्शन मुकबधीर निवासी शाळेचे सेवक आश्रोबा ढगे यांनी आभार मानले व समितीच्या पदाधिकारी व कार्यकर्त्यांचे कौतुक केले अशा प्रकारे इतर सर्व वरिष्ठ पदाधिकारी सौ.रेखा मनेरे, सौ. जयश्री शाम पुंडगे,अंतिका सिताराम वाघमारे,सौ.मीरा भारत नाईक, श्रीमती छाया प्रकाश अंभोरे,सौ. शेख शमिना, अहेमद अन्सारी, शेख अजहर हादगावकर, शेख इफ्तेखार बेलदार, रईस कुरेशी, व इतर सर्व वरिष्ठ पदाधिकारी यांच्या नेतृत्वाखाली मानवत येथे मकर संक्रांतीच्या निमित्ताने मुलांना शालेय साहित्य वही , पेन व पतंग वाटप करण्यात आले तिळ गुळ घ्या गोड बोला या कार्यक्रमा अंतर्गत मोठ्या उत्साहात मुलांनी व मुलींनी अपला सहभाग नोंदविला,

23/01/2026

मुंब्रा पोलीस स्टेशन, ठाणे शहर जुना मुंबई पुणे रोड, आनंद कोळीवाडा मुंब्रा, ठाणे...

मुंब्रा पोलीस स्टेशन एन.डी.पी. एस पथकाची आज पर्यंत सर्वात मोठी कारवाई एम.डी अंमली पदार्थ विक्री करणारे आंतरराज्यीय रॅकेट उघड

आरोपी यांच्याकडून एकुण रू. २७,२१,७७,७५०/-(सत्तावीस करोड एकवीस लाख सत्याहत्तर हजार सातशे पन्नास ) किंमतीचा १३ किलो ६२९ ग्रॅम वजनाचा मोफेड्रीन (एम.डी) अंमली पदार्थ जप्त

मुंब्रा पोलीस स्टेशन, ठाणे शहर च्या हद्दीत अंमली पदार्थाची विक्री व सेवन करणा-यांवर कठोर कारवाई करणेबाबत वरिष्ठ. पो. निरी. श्री. अनिल शिंदे यांनी मुंब्रा पोलीस स्टेशनचे एन.डी.पी.एस पथकातील अधिकारी व अंमलदार यांना आदेशीत केले होते. त्याअनुषंगाने मुंब्रा पोलीस स्टेशनकडील सपोनि/केदार, सपोनि/जाधव यांना प्राप्त माहितीनुसार बिलाल हॉस्पिटलजवळ करण्यात आलेल्या सापळा कारवाईदरम्यान आरोपी बासु उमरदीन सय्यद रा. मुंब्रा याच्या ताब्यात २३.५ ग्रॅम वजनाचा मोफेड्रीम (एम.डी) पदार्थ मिळुन आल्याने आरोपी विरोधात गु.र. क. ॥ ४६/२०२६ एन.डी.पी.एस अॅक्ट कलम ८ (क), २२ (ब), २९ प्रमाणे गुन्हा नोंद करण्यात येवुन लागलीच पुढील तपासाची सुत्रे फिरवुन मध्यप्रदेश येथुन एम.डी अंमली पदार्थ विक्री करिता दोन इसम येणार असल्याची खात्रीशीर माहिती अटक आरोपीताने तपासादरम्यान दिल्याने त्याअनषंगाने करण्यात आलेल्या कारवाईत आरोपीत नामे रामसिंग अमरसिंग गुन्जर वय-४० वर्षे रा. मध्यप्रदेश व ३) कैलास शंभुलालगी बलई वय-३६ वर्षे, रा. मध्यप्रदेश यांना अटक करण्यात आली असुन आरोपीतांचे ताब्यातुन ०३ किलो ५१५ ग्रॅम वजनाचा रू. ७,३०,५७, ७५०/- एकुण किंमतीचा मोफेड्रीन (एम.डी) नप्त करण्यात आला आहे.

नमुद आरोपीतांकडे पोलीस कोठडीदरम्यान करण्यात आलेल्या चौकशीमध्ये सदरचा अंमली पदार्थ आरोपीत यांनी मध्यप्रदेश राज्य येथुन पाहिजे आरोपीतांनी विक्रीकरिता दिला असलेबाबत सांगितल्याने लागलीच सपोनि/केदार, सपोनि/जाधव, पोउपनि/दळवी व पथकाने जि. रतलाम, राज्य-मध्यप्रदेश येथे जावुन केलेल्या कारवाईमध्ये आरोपीत नामे मनोहर लाल रंगलाल गुर्जर व रानु उर्फ रियानमोहम्मद सुलतानमोहम्मद मंसुरी यांना शिताफीने ताब्यात घेवुन त्यांचे कब्नातुन एकुण ०९ किलो ९५६ ग्रॅम वजनाचा रू. १९,९१,२०,०००/- किंमतीचा मेफेड्रॉन (एम. डी) हा अंमली जप्त करण्यात आला असुन नमुद आरोपीतांना अटक करण्यात आली आहे. तसेच पाहिजे आरोपी चा शोध घेण्यात येत आहे.

मुंबा पोलीस स्टेशन येथे वरीलप्रमाणे दाखल गुन्हयात आज पर्यंत ०५ आरोपीना अटक करण्यात आली असुन त्यांच्या ताब्यातुन एकूण १३ किलो ६२९.५ ग्रॅम वजनाचा एकुण
रु.२७,२१,७७,७५०/- (सत्तावीस करोड एकवीस लाख सत्याहत्तर हजार सातशे पन्नास ) रक्कमेचा मेफेडॉन (एमडी) हा व्यापारी मात्रा असलेला अंमली पदार्थ जप्त करण्यात आला आहे. मुंब्रा पोलीस स्टेशन एन.डी.पी.एस पथकाने अंमली पदार्थ विरोधात कारवाईचा धडाका कायम ठेवत ठाणे पोलीस आयुक्तालयातंर्गत पोलीस स्टेशन स्तरावर आजपर्यंतची सर्वांत मोठी व उल्लेखनीय कारवाई केलेली आहे.

नमुद दाखल गुन्हयातील अटक आरो यांचेवर यापुर्वी देखील एन.डी.पी.एस कायदयांतर्गत तसेच भा.द.वि ३०२ प्रमाणे व आर्म्स अॅक्ट प्रमाणे गंभीर स्वरूपाचे गुन्हे दाखल असल्याची माहिती तपासादरम्यान प्राप्त आहे. नमुद अटक आरोपी हे मध्यप्रदेश राज्यातुन मोठ्या प्रमाणात अंमली पदार्थ विक्रीकरिता घेवुन येत असल्याचे तपासात निष्पन्न झाले असुन आरोपी ठाणे परिसरात अंमली पदार्थाची विक्री करीत होते.

मा. पोलीस आयुक्त श्री. आशुतोष डुंबरे यांचे नेतृत्वाखाली मुंब्रा पोलीस स्टेशन एन.डी.पी.एस पथकाने जानेवारी-२०२४ ते आजपर्यंत ९५४ सेवन कारवाई व ५८ ताबा कारवाई करण्यात आलेल्या आहेत तसेच ताबा कारवाईदरम्यान एकुण रू.४८,५०,००,०००/- (एद्वेचाळीस करोड पंचास लाख रूपये) किंमतीचा अंमली पदार्थ जप्त करण्यात यश आलेले आहे. मुंब्रा पोलीस स्टेशन, ठाणे शहर एन.डी.पी.एस पथकामार्फत अंमली पदार्थांची विक्री व सेवन करणा-या इसमांवर यापुढे देखील अशाचप्रकारे कठोर कारवाई करण्यात येणार आहे.

नमुद कारवाई मा. पोलिस आयुक्त ठाणे शहर श्री. आशुतोष डुंबरे, मा. पोलिस सह आयुक्त श्री. ज्ञानेश्वर चव्हाण, मा. अप्पर पोलिस आयुक्त, पश्चिम प्रादेशीक विभाग श्री. विनायक देशमुख, मा. पोलिस उप आयुक्त परिमंडळ-०१ श्री. सुभाष बुरसे, सहा. पोलिस आयुक्त साो, कळवा विभाग श्रीमती प्रिया डमाले, वरिष्ठ पोलिस निरीक्षक श्री. अनिल शिंदे यांचे मार्गदर्शनाखाली पोलीस निरीक्षक (गुन्हे) श्री. शरद कुंभार, पोलीस निरीक्षक (कायदा व सुव्यवस्था) श्री. राजु पाचोरकर, पोलीस निरीक्षक (प्रशासन) श्री. नितीन पगार, सपोनि/रोहीत केदार, सपोनि/गणेश जाधव, पोउपनि/राम दळवी, पोहवा / ३७३५ राजाराम शेगर, पोशि/२५७१ सागर महांगडे, पोशि/४६१९ निलेश वर्षे, पोशि/८२५८ नवनाथ तेलंगे, पोशि/७६५५ सचिन पाटील, पोशि/८२११ वसीम तडवी, पोशि/५९७४ सागर सपकाळे, पोशि/७६८० प्रवीण पाटील, पोशि/७७२५ नवनाथ थोरवे यांनी केलेली आहे.

23/01/2026

विद्यार्थ्यांचे आरोग्य धोक्यात टाकणाऱ्या हातगाडीवर होणार का कारवाई ??

प्रतिनिधी (पोलिस मदत पत्र) गोरेगाव (प) - एकदाची नगरसेवक निवडणूक झाली आणि त्या निमित्ताने गेल्या कित्येक वर्षांपासून प्रलंबित असणाऱ्या पदपथावरील अतिक्रमण करून स्थापित झालेले अनेक खाद्य पदार्थांचे स्टॉल, पानटपरी,आणि तत्सम फेरीवाल्यांवर मुंबई महानगर पालिकेच्या पि/दक्षिण वॉर्ड तर्फे कारवाई सुरू झालेली सध्या पहायला मिळत आहे.पश्चिम येथील एम.जी.रोड/एस. व्ही .रोड.तसेच आजुबाजूला अतिक्रमणविरोधी कारवाई होत आहे.पण ही कारवाई फक्त मुख्य रस्त्यांवर केली जात आहे मुख्य ठिकाणी कारवाई करताना दिसत नाही आहे.बेस्ट कॉलनी रोड वर अनेक गाड्या दुरुस्तीचे काम केले जात आहे,परिणामी रहदारी जाम होत असते,विवेक विद्यालय आणि महाविद्यालय येथे जाणाऱ्या रोड वर नेहमी पदपथावरील अतिक्रमणामुळे वाहतूक जाम होत असते,प्रबोधन येथील रेडवुड इंटरनॅशनल शाळेच्या बाहेर तर चक्क विद्यार्थ्यांच्या आरोग्यास बाधक असे खाद्यपदार्थ बिनधास्तपणे विकले जात आहे.यावर कारवाई कधी होणार ? हे प्रश्नचिन्ह सध्या निर्माण झाले आहे.तसेच हे कमी की काय येथे चहा आणि सिगरेट,गुटखा देखील विक्री बिनधास्तपणे केली जात असते.येथे आदर्श शाळा देखील आहे,या दोन शाळांमधील विद्यार्थी येथून आरोग्यास हानिकारक पदार्थ खातात तसेच येथील शेजारील चहावल्याकडील उभे राहून धूम्रपान करणाऱ्यामुळे देखील त्यांचे आरोग्य धोक्यात येत असते.पालिकेच्या अधिकाऱ्यांना यावर देखील कारवाई करायला हवी पण ते होताना दिसत नाही.संबंधित नवनिर्वाचित नगरसेवकांनी या ठिकाणी तसेच गोरेगाव पश्चिम येथे अनेक शाळा आहेत त्यांच्या बाहेर देखील अशाच प्रकारचे खाद्य पदार्थ विकणाऱ्या आणि पानटपरी चालवणाऱ्यांवर कारवाई करून देशाच्या भावी पिढीला एक आरोग्यदायी जीवनाची सुविधा उपलब्ध करून दिलीतर स्थानिक नागरिक देखील त्यांचे स्वागत करतील बाकीची विकासकामे तर होतच राहतील.

14/01/2026

12/11/2025

हजारोंचा चुना लावून भामटा सिक्युरिटी गार्ड फरार !!

सोनल शिंदे ( क्राइम रिपोर्टर ) - मुंबई - अंधेरी पश्चिम येथील उच्चभ्रू परिसर लोखंडवाला येथील एका टॉवर मधे काम करणारा भामटा सिक्युरिटी गार्ड तेथीलच काम करणाऱ्या सहकाऱ्यांना हजारोंचा चुना लावून फरार झाला असून यानिमित्ताने अनेक प्रश्न देखील उपस्थित होत आहेत.
प्राप्त माहितीनुसार यमुना नगर येथील RNA NG ECL या टॉवर मधे DFMS सिक्युरिटी कंपनी त्यांची सिक्युरिटी सेवा पुरवत असून कार्यालय मुलुंड येथे आहे.ज्याप्रकारे ब्रिजेश उर्फ निहाल सिंग हा सिक्युरिटी गार्ड येथील सहकाऱ्यांचे रोख रक्कम आणि दोन जणांकडून दोन मोबाईल घेऊन पोबारा केला आहे,त्याप्रकारे यापूर्वीही त्याने अशा प्रकारची भामटेगिरी दुसरीकडे देखील केले असल्याची शक्यता नाकारता येत नाही.
पगार होण्याच्या पूर्वी दोन तास आधीच ब्रिजेश उर्फ निहाल सिंग हा कामावरूनच कोणालाही न सांगता निघून गेला आहे.आणि त्याचा मोबाईल बंद केला आहे त्यावरून यापूर्वीही अनेक जणांना फसवले असल्याची शक्यता नाकारता येत नाही.बातमी प्रसिद्ध होईपर्यंत अजूनतरी DFMS सिक्युरिटी कंपनीकडून ( मुलुंड ) त्याचे पोलिस व्हेरिफिकेशन कामावर लागण्यापूर्वी किंवा कामावर रुजू झाल्यावर केले गेले आहे की नाही याची माहिती अजून मिळाली नसून लवकरच भामटा सिक्युरिटी गार्ड ने अजून काही लोकांना गंडा घातला आहे का याचे चित्र स्पष्ट होईल.RNA NG ECL या टॉवर मधे अनेक उच्चभ्रू नागरिक राहतात,अभिनेते,अभिनेत्री पासून मोठमोठे व्यावसायिक तसेच मोठमोठे नेते मंडळी देखील या टॉवर मधे वास्तव्यास आहेत.त्यामुळे सिक्युरिटी कंपनीकडून प्रत्येक कामगाराचे पोलिस व्हेरिफिकेशन करणे गरजेचे आहे.कारण विना पोलिस व्हेरिफिकेशन केलेल्या कामगारांना कामावर ठेवणे धोकादायक ठरू शकते.

01/08/2025

विद्यार्थी गौरव सन्मान २०२५
लोकशाहीर अण्णा भाऊ साठे जयंती विशेष

गोरेगाव पश्चिम येथे भाकर फाऊंडेशनच्या वतीने लोकशाहीर अण्णाभाऊ साठे यांच्या जयंतीनिमित्त एक विशेष कार्यक्रम आयोजित करण्यात आला.
या कार्यक्रमात दहावी उत्तीर्ण झालेल्या विद्यार्थ्यांना "विद्यार्थी गौरव सन्मान २०२५" देऊन गौरविण्यात आले. शिक्षणात यश मिळवलेल्या विद्यार्थ्यांना सन्मान देत त्यांचा उत्साह वाढवण्याचा उद्देश या उपक्रमामागे होता.
यावेळी भाकर फाऊंडेशन संस्थापक अध्यक्ष ॲड. दिपक सोनावणे, मंगला कुमठे, आकाश क्षिरसागर, मयूर जाधव, करूणा सोनावळे उपस्थित होते

01/02/2025

२९ जानेवारी ते ०४ फेब्रुवारी

06/12/2024

नशामुक्त दिंडोशी अभियानात सर्व पक्षांचा पाठिंबा !!