Marathi Asmita Cultural Foundation

01/05/2026

नमस्कार.
महाराष्ट्र दिनाच्या तुम्हा सर्वांना शुभेच्छा! महाराष्ट्राच्या मंगल कलशाची स्थापना झाली तो आजचा दिवस! मुंबईसह संयुक्त महाराष्ट्र निर्माण झाला. ती नुसती चळवळ नव्हती; तो अस्तित्वाचा, अस्मितेचा लढा होता. छत्रपती शिवरायांनी जे स्वराज्य निर्माण केलं त्या स्वराज्य, स्वभाषा आणि संस्कृतीची पुनर्स्थापना होती.
आजच्या दिवशी त्याचं स्मरण करतांना मराठी भाषेच्या सन्मानाचा जो वसा हाती घेतला आहे - त्या प्रकल्पाने जे पुढे पाऊल टाकलं आहे त्याविषयीचं हे सांगणं! मराठी अस्मिता कल्चरल फाऊंडेशनने ‘अमृताचा वसा - मराठीचे विश्वरूप दर्शन’ हा प्रकल्प सुरू केला. केशवसुत ते नारायण सुर्वे असा अभिजात मराठी कवितेचा संगीतमय आविष्कार करायचं योजलं. नव्या पिढीपर्यंत मराठी भाषेचं तेज आणि ओज पोहोचावं, आपल्या भाषेचं महत्त्व अनुभवता यावं, तिचा संस्कार झालाच पाहिजे, ही सजगता निर्माण व्हावी याचा हा वसा आहे. या प्रकल्पातली पहिली कविता गीतरूपात आपल्यासमोर येत आहे. पहिलं गीत प्रकाशनाच्या मार्गावर आहे.

09/03/2025

#मराठीअस्मिता
#गर्जतोमराठी
#माझामराठीचाबोल

09/03/2025

#गर्जतोमराठी
#मराठीअस्मिता
#अनादीमीअनंतमी

08/03/2025

#गर्जतोमराठी

21/02/2025

14/02/2025

जगता जगता मधेच कधि जर
वाटेवर मी थकून बसले
नभातल्या नवकिरणांनी मज
स्मरते गतीचे गीत गायिले ||

हसता हसता मधेच कधि जर
अश्रू ओघळले नयनांतून
झुळूक निळ्यातून, लहर जळातून
उठली गेली मजला हसवून ||

देता देता मधेच कधि जर
कर माझा माघारी वळला
बीजाचा हुंकार भुईतून
प्रेम मज जागवून गेला ||

जगता जगता मधेच कधि जर
चैतन्य मन मुकून बसले
प्रत्ययांतूनी अशाच ते मम
मनात पुनरपि झरले - भरले ||

- संजीवनी रामचंद्र मराठे
जन्म - १४ फेब्रुवारी, १९१६

28/01/2025

#विश्वमराठीसंमेलन२०२५
#मराठीअभिमानगीत
#कविवर्यसुरेशभट

लाभले आम्हास भाग्य बोलतो मराठी
जाहलो खरेच धन्य ऐकतो मराठी
धर्म , पंथ , जात एक जाणतो मराठी
एवढ्या जगात माय मानतो मराठी

कवीवर्य सुरेश भटांच्या लेखणीतून अजरामर झालेले आणि संगीतकार कौशल इनामदार यांनी संगीतबद्ध केलेले मराठी अभिमान गीत गाऊया, विश्व मराठी संमेलनात सहभागी होऊया.

#विश्वमराठीसंमेलन

17/06/2024

सोलापूरच्या गायकवाड हायस्कूलच्या मयूर दंतकाळे सरांनी २०१९मध्ये त्यांच्या वर्गातल्या मुलांना मराठी भाषा दिनानिमित्त वर्गपाठ म्हणून मला पत्र लिहिण्यास सांगितलं. विषय होता ‘मराठी अभिमानगीत’. त्या सर्व मुलांनी मला पत्राद्वारे त्यांना मराठी अभिमानगीताबद्दल काय वाटतं हे कळवलं. आज माझा डिजिटल पत्रव्यवहार आवरताना मला मी त्यांना दिलेलं उत्तर सापडलं. इतक्या सगळ्या मुलांना वेगवेगळं उत्तर देणं शक्य नव्हतं म्हणून सर्वांना मिळून एकच पत्र लिहिलं होतं.
कुणी आपल्याला हस्तलिखित पत्र लिहावं आणि आपण आपल्या हाताने त्याला उत्तर द्यावं ही कल्पनाच आता स्मरणरंजन वाटावी इतकी दुर्मिळ झाली आहे.
- कौशल इनामदार

06/06/2024

#जागतिकपर्यावरणदिवस
#कवीनलेशपाटील
#निसर्गावधान

Support this activity; Support Original Independent Music - UPI - ksinamdar@okhdfcbank ; Follow and interact with Kaushal on his social media channels - Face...

10/03/2024

श्वासात मोगऱ्याच्या गेले मिटून कोणी
फुलपाकळ्याच आता गेले खुडून कोणी

हे फूल काळजाच्या पंखात तोलताना
देठातुनी दिठीच्या गेले तुटून कोणी

स्पर्शाहुनी सुखाचे इथले मृदू शहारे
अंगात गोंदतांना गेले सुटून कोणी

स्वर काळजात खोल गिरवून सांगतांना
मी गावयास बसता गेले उठून कोणी

- अशोक बागवे

सर, वाढदिवसाच्या खूप शुभेच्छा!