02/03/2026
എസ്എഫ്ഐ കാർത്തികപ്പള്ളി ഏരിയ സമ്മേളനം
മുതുകുളം : എസ്എഫ്ഐ കാർത്തികപ്പള്ളി ഏരിയ സമ്മേളനം ആറാട്ടുപുഴ കിഴക്ക് കനകക്കുന്ന് 210-നമ്പർ കയർ വ്യവസായ സഹകരണ സംഘം ഹാളിൽ എസ്എഫ്ഐ സംസ്ഥാന സെക്രട്ടറിയേറ്റംഗം ആർ. ഗോപീകൃഷ്ണൻ ഉദ്ഘാടനം ചെയ്തു. ഏരിയ പ്രസിഡന്റ് യു. അഭിജിത്ത് അധ്യക്ഷനായി. ഏരിയ സെക്രട്ടറി എസ്.ആഷിക്ക് പ്രവർത്തന റിപ്പോർട്ടും ജില്ലാ സെക്രട്ടറിയേറ്റംഗം എസ്.മഹേഷ് സംഘടനാ റിപ്പോർട്ടും അവതരിപ്പിച്ചു. എസ്എഫ്ഐ ജില്ലാ വൈസ് പ്രസിഡന്റ് എ. അനന്തു, ജില്ലാ കമ്മിറ്റിയംഗങ്ങളായ അജിൻ അനിയൻകുഞ്ഞ്, ആതിര സത്യൻ, സിപിഐഎം കാർത്തികപ്പള്ളി ഏരിയ സെക്രട്ടറി കെ. വിജയകുമാർ, ഏരിയ കമ്മിറ്റിയംഗങ്ങളായ അഡ്വ.ടി.എസ്.താഹ, ബി. കൃഷ്ണകുമാർ, ജി. ബിജുകുമാർ, സ്വാഗതസംഘം ചെയർമാൻ വി.ബേബി എന്നിവർ സംസാരിച്ചു. ഭാരവാഹികളായി ആതിര സത്യൻ (പ്രസിഡന്റ്), വി. അഖിൽ, സാന്ദ്ര സന്തോഷ് (വൈസ് പ്രസിഡന്റുമാർ), എസ്. ആഷിക്ക് (സെക്രട്ടറി), നീരജ് രാജു, അശ്വനി കൃഷ്ണ (ജോയിന്റ് സെക്രട്ടറിമാർ) എന്നിവരെ തെരഞ്ഞെടുത്തു.
