Gadchiroli Dastak News

07/02/2026

🚨 BREAKING NEWS | Gadchiroli Dastak News

एटापल्ली–येलचील मार्गावर भीषण अपघात; मोटारसायकलस्वार जागीच ठार

एटापल्ली | दिनांक : ७ फेब्रुवारी २०२६
एटापल्ली तालुक्यातील तुमरगुंडा परिसरात, एटापल्ली ते येलचील या मुख्य रस्त्यावर नाग मंदिराजवळ कार व मोटारसायकलचा भीषण अपघात झाला. या अपघातात मोटारसायकलस्वाराचा जागीच मृत्यू झाल्याची दुर्दैवी घटना आज सायंकाळच्या सुमारास घडली.
या अपघातात ठार झालेल्या इसमाचे नाव बबलू गोटा, राहणार नागेपल्ली असे असून तो लायस मेटल, सुरजगड या कंपनीत काम करणारा कामगार होता. कामानिमित्त तो सध्या तुमरगुंडा येथे वास्तव्यास होता.
अपघात इतका भीषण होता की कारच्या जोरदार धडकेत मोटारसायकलस्वार जागीच ठार झाला. अपघात करणारी कार चंद्रपूर जिल्हा पासिंगची (MH-34-CJ-7403) असल्याची माहिती मिळाली आहे.
मृत बबलू गोटा हे आपल्या आई-वडिलांचे एकमेव पुत्र होते. त्यांना बहिणी असून त्यांच्या अचानक निधनामुळे कुटुंबावर दुःखाचा मोठा आघात झाला आहे.
या प्रकरणात संबंधित दोषींवर कठोर कारवाई करून मृत बबलू गोटा यांना योग्य व त्वरित न्याय मिळावा, अशी मागणी कुटुंबीयांकडून करण्यात येत आहे. घटनेचा पुढील तपास पोलीस प्रशासनाकडून सुरू आहे.
— Gadchiroli Dastak News