17/06/2025
( सिताराम कळंबे - मी 24 तास प्रतिनिधी )शिवमुद्राने प्रतिष्ठानच्या वतीने शालेय शैक्षणिक साहित्य वाटप
शैक्षणिक वर्षाचे औचित्य साधून प्रतिवर्षाप्रमाणे शिवमुद्रा प्रतिष्ठान पोलादपूरच्या माध्यमातून प्रतापगड च्या पायथ्याशी दुर्गम भागात वसलेली चिरेखिंड प्राथमिक शाळा येथे संस्थेच्या वतीने शैक्षणिक साहित्याचे वाटप करण्यात आले. यावेळी प्रमुख पाहुणे म्हणून रायगड जिल्हा परिषद उपाध्यक्ष चंद्रकांत कळंबे, तालुकाप्रमुख निलेश अहिरे, शिवमुद्रा प्रतिष्ठानचे अध्यक्ष प्रकाश कदम, सामाजिक कार्यकर्ते अनिल दळवी, तानाजी निकम, शिवमुद्राचे उपाध्यक्ष सतीश शिंदे, गणेश कदम, सचिव ज्ञानेश्वर बावलेकर, मुख्याध्यापक सिताराम जाधव, ज्ञानेश्वर उतेकर, व ग्रामस्थ उपस्थित होते. पहिल्याच दिवशी शालेय साहित्य मिळाल्याबद्दल विद्यार्थ्यांचा आनंद द्विगुणीत झालेला चेहऱ्यावर दिसत होता. यावेळी उपाध्यक्ष चंद्रकांत कळंबे यांनी मार्गदर्शन करताना शिवमुद्रा प्रतिष्ठान ही संस्था गेली २५ वर्ष सातत्याने चिरेखिंड शाळेला साहित्य वाटप करत असते. शिवमुद्रा प्रतिष्ठान या संस्थेकडे पाहिली जाते, असे ते म्हणाले गेले अनेक वर्ष ही शाळा गुणवंत विद्यार्थी घडवत आहे. दर्जेदार शिक्षण कस असावं याचे उत्तम उदाहरण म्हणजे चिरेखिंड शाळा दुर्गम भागात असूनही शिक्षक इथे चांगले मेहनत घेत आहेत त्यामुळे नवोदय सारख्या परीक्षेतही येथील विद्यार्थी उत्तीर्ण होत आहेत या शाळेला लागणारी मदत सर्वात परी करण्याचे त्यांनी आश्वासन दिले पहिल्याच दिवशी शालेय साहित्य मिळाल्याबद्दल विद्यार्थ्यांचा आनंद द्विगुणीत झालेला चेहऱ्यावर दिसत होता.
