ام درمان الالكترونية

ام درمان الالكترونية Contact information, map and directions, contact form, opening hours, services, ratings, photos, videos and announcements from ام درمان الالكترونية, Delhi.
(1)

صحيفة تتابع اخبار السودان والعالم وتنقل الاحداث من مواقعها بمهنية وشفافية

A newspaper that follows the news of Sudan and the world and reports events from its sites with professionalism and transparency.

رئيس الوزراء يوجّه بتمديد فترة التقديم للجامعاتبورتسودان 15-7-2025 (سونا) حرصاً من رئيس الوزراء الدكتور كامل إدريس على ض...
15/07/2025

رئيس الوزراء يوجّه بتمديد فترة التقديم للجامعات

بورتسودان 15-7-2025 (سونا) حرصاً من رئيس الوزراء الدكتور كامل إدريس على ضمان حق جميع الطلاب في التعليم الجامعي، وعلى إتاحة الفرصة للطلاب الذين لم يتمكنوا من استكمال إجراءات التقديم في الموعد المحدد، وجه رئيس الوزراء الجامعات الحكومية والخاصة إلى تمديد فترة التقديم للقبول الجامعي لفترة إضافية مناسبة، بما يتيح لجميع الطلاب استدراك الفرصة والتقديم في البرامج التي تناسب طموحاتهم.

وفي هذا السياق، وجه سيادته وزير التعليم العالي والبحث العلمي بمتابعة هذا الملف مع إدارات الجامعات لضمان تنفيذ ال
تمديد بسلاسة وعدالة.

كما حث وزارة التربية والتعليم على الإسراع في إصدار الشهادات الثانوية، تيسيراً للطلاب وتمكيناً لهم من استكمال إجراءات التقديم في الوقت المناسب.

وأكد أن التعليم حق أصيل، وأن الحكومة ملتزمة بدعم الطلاب وتمكينهم من بناء مستقبلهم على أسس من العلم والمعرفة.

#سونا #السودان

القبض علي المواطن المعز الأمين البشير الذي ظهر في فيديو قبل أيام منتحلا شخصية ضابط في الجيش
15/07/2025

القبض علي المواطن المعز الأمين البشير الذي ظهر في فيديو قبل أيام منتحلا شخصية ضابط في الجيش

ايمان الشريف تكتسح بجديد أغانيها متابعي قنوات اليوتيوب
15/07/2025

ايمان الشريف تكتسح بجديد أغانيها متابعي قنوات اليوتيوب

مناشدة …عالقون بين محتال الاسكندرية والعودة الطوعية الطيب عبدالماجدتتناقل السوشيال ميديا تعرض مئات السودانيين في الاسكن...
15/07/2025

مناشدة …

عالقون بين محتال الاسكندرية
والعودة الطوعية

الطيب عبدالماجد

تتناقل السوشيال ميديا تعرض مئات السودانيين في الاسكندرية لعملية إحتيال ممنهجة من أحدهم حيث جمع منهم مبالغ مالية
للعودة الى السودان في إطار ما أسماه بمبادرة العودةُ الطوعية بأسعار تشجيعية واختفى ليتركهم في العراء بعد ان قاموا بإخلاء الشقق التي كانوا يستأجرونها وتركهم وتلاشى …
بغض النظر عن طبيعة الاجراءات التي ستتخذ في مواجهته
والقبض عليه
فهؤلاء سودانيون وهاهم يفترشون الأرض
ويلتحفون السماء في منظر بائس وتصرف مشين
نناشد ونرجو من السفارة السودانيه بجمهورية مصر أن تتحرك على وجه السرعة وتجد حلول لهذه الأزمة
هؤلاء مواطنون سودانيون عالقون وهذا المنظر يعكس
صورة بائسة للوطن وإنسانه ويعكس تصور محير
لدى من يشاهده أما هذا المحتال فقد زاد من أوجاعنا
وهو المحسوب فينا

الدول تتحرك وقت الحروب والأزمات لإجلاء رعاياها
وتكون تلك أولوية قصوى تتصدر أجندتها وعليه نحن لا نناشد فحسب هذا حق أصيل وأقل ما يمكن تقديمه في هذه الظروف …
إذا أردتم مواطنًا عائد الى الوطن وقادر على العطاء من جديد امنحوه إحساساً بالمواطنة ولتكن البدايات مختلفة
يكفيهم ماعانوه من نزوح وتشرد
هناك شيوخ ونساء وأطفال يجب ان تكون هناك أولوية قصوى في نقلهم أو توفير إيواء عاجل لهم …

أبنتَ الدهر عندي كلُّ بنت
فكيف وصلتِ انت من الزِّحام؟
جرحتِ مجرَّحًا لم يبقَ فيه
مكانٌ للسيوف ولا السهام

أكد وزير الثقافة والإعلام والسياحة، خالد الإعيسر، في أول تصريح له بعد إعادة تكليفه رسميا بالوزارة أنه ملتزم بخدمة الوط...
15/07/2025

أكد وزير الثقافة والإعلام والسياحة، خالد الإعيسر، في أول تصريح له بعد إعادة تكليفه رسميا بالوزارة أنه ملتزم بخدمة الوطن والشعب،وقال الاعيسر أن الأمانة الملقاة على عاتقه “جسيمة”، وأنه سيؤديها بما يليق بثقة الحكومة وكرامة الشعب السوداني.

واضاف الاعيسر في تدوينه علي حسابه بالفيس بوك اليوم :

“نذرت نفسي لهذا الوطن العزيز، وأعاهد الله وضميري أن أواصل خدمته بكل صدق وتجرد، لا أبتغي جزاءً ولا شكوراً، بل رضا الله ورضا شعبه”.

وقال أن المرحلة المقبلة ستشهد تركيزاً كبيراً على الملفات الحيوية، بما في ذلك إعادة المدنيين إلى منازلهم، وتقديم الخدمات الأساسية، وإعمار المؤسسات الإعلامية والثقافية والسياحية، مؤكداً أن العمل سينطلق بالتنسيق التام مع الوزراء المعنيين لتحقيق تطلعات الأمة.

رئيس الوزراء د. كامل ادريس يصدر قراراً بإعادة تعيين الأستاذ خالد إسماعيل أحمد علي الإعيسر وزيراً للثقافة والإعلام والسيا...
15/07/2025

رئيس الوزراء د. كامل ادريس يصدر قراراً بإعادة تعيين الأستاذ خالد إسماعيل أحمد علي الإعيسر وزيراً للثقافة والإعلام والسياحة،اضافة الي تعيين وزراء جدد هم :
– البروفيسور أحمد التجاني عبد الرحيم المنصوري وزيراً للثروة الحيوانية والسمكية.
–
– الأستاذ نور الدائم محمد أحمد طه وزيراً للمعادن.
– الأستاذ معتصم أحمد صالح آدم وزيراً للموارد البشرية والرعاية الاجتماعية.
– الأستاذ سيف النصر التجاني هارون جابر وزيراً للبنية التحتية والنقل.

نفذ مواطن #ألماني يمني مطرف هجوما ارهابيا استهدف الجزائرية رحمة عياط في مدينة #هانوفر الألمانية #المانيا #الرباط
15/07/2025

نفذ مواطن #ألماني يمني مطرف هجوما ارهابيا استهدف الجزائرية رحمة عياط في مدينة #هانوفر الألمانية

#المانيا
#الرباط

وزارة المالية والبنك المركزي في وجه العاصفة: من يتحمل مسؤولية تدهور العملة السودانية؟عزمي عبد الرازقشهد الجنيه السوداني ...
15/07/2025

وزارة المالية والبنك المركزي في وجه العاصفة: من يتحمل مسؤولية تدهور العملة السودانية؟
عزمي عبد الرازق
شهد الجنيه السوداني تدهورًا غير مسبوق خلال المرحلة ما بين (2019 - 2025)، والتي تُعد الأكثر دراماتيكية وانهيارًا. فقد وصل سعر الدولار خلال العام الحالي 2025 إلى نحو 2,770,000 جنيه، وهي، بلا مبالغة، وطأة كارثية تستدعي قرع جرس الإنذار.
لا شك أن سعر الصرف مؤشر أساسي لحالة الاقتصاد عمومًا. ولذلك، تُظهر الأرقام الأخيرة لتدهور العملة السودانية مقابل الدولار أن الجنيه فقد فعليًا معظم قوته الشرائية تقريبًا على مدار العقود الماضية، خاصة منذ عام 2019. ويعكس هذا التدهور أزمات اقتصادية وسياسية عميقة ومتفاقمة، إلى جانب الحرب، وسوء الإدارة الاقتصادية والفساد، والعجز المستمر في تحقيق إيرادات كافية من الصادرات لتغطية الواردات، والاعتماد المفرط على تصدير الذهب دون تنويع الصادرات.
بالضرورة، كلما تدهورت الأوضاع، زادت رغبة الأفراد والشركات في الاحتفاظ بالدولار أو الأصول الثابتة كملجأ آمن، مما يزيد الضغط على العملة الوطنية.
لا شك أن العوامل الكامنة وراء هذا الانهيار متعددة ومتشابكة، وتتطلب معالجة شاملة تتجاوز السياسات النقدية وحدها.
يُعد البنك المركزي السوداني، بحكم القانون، مسؤولًا عن استقرار سعر الصرف والتحكم في معدل التضخّم. غير أن واقع الحرب المفروضة على البلاد فرض عليه أولوية قصوى، وهي الحفاظ على بقاء الدولة. هذا لا يعني بالطبع تخليه الكامل عن مهامه الأساسية؛ فالدليل الأكبر على ذلك هو محافظته، في ظل العدوان المدعوم خارجياً، على قدر معقول من استقرار قيمة العملة الوطنية.
لقد اضطلع البنك بمسؤوليات جسيمة لسد الفراغ الذي خلفته وزارة المالية، التي عجزت حتى الآن، وبعد مرور أكثر من عامين على اندلاع الحرب، عن توفيق أوضاعها واستعادة فاعليتها. اعتمدت الوزارة بشكل شبه كامل على البنك المركزي في تغطية الرواتب وتوفير النقد الأجنبي لتلبية احتياجات المجهود الحربي، دون أن تسدد حتى المقابل المحلي لهذه الالتزامات. وهذا الوضع أدى إلى الإفراط في طباعة النقود، وما تبعه من تراجع نسبي في قيمة العملة الوطنية.
لا يمكن للبنك المركزي، مهما بذل من جهود، أن يضطلع بدوره ودور وزارة المالية في آنٍ واحد دون أن تنعكس هذه المعادلة المختلة سلبًا على مؤشرات الاقتصاد الكلي، مثل سعر الصرف والتضخم وغيرها. فالموازنة بين دعم المجهود الحربي والحفاظ على الاستقرار الاقتصادي مهمة تفوق إمكانيات أي مؤسسة بمفردها.
إن الحل يبدأ بتحمل وزارة المالية والحكومة الجديدة لمسؤولياتهما كاملة، بعيدًا عن الاعتماد الكلي على البنك المركزي. كما يجب على مؤسسات الدولة الأخرى الالتزام بالضوابط المنظمة للاستيراد، خاصة أن الجزء الأكبر من الواردات يُمول عبر السوق الموازي من خلال الموانئ والمعابر المفتوحة أمام السلع "الهامشية".
علاوة على ذلك، يتطلب الأمر من الجهات المختصة ضبط تهريب الذهب إلى الخارج، وهو ما يستنزف جزءًا كبيرًا من احتياطيات البلاد. ولا بد أن تتحرك الحكومة، بجميع مؤسساتها، للحصول على دعم خارجي يسهم في تعزيز احتياطيات البنك المركزي من النقد الأجنبي وسد فجوة العجز في الحساب الجاري، لتعزيز قدرته على دعم الاقتصاد الوطني.
إذا استمرت هذه الجهات في تقاعسها عن أداء دورها - وهو ما نراه ماثلًا في الوقت الراهن - فإن النتيجة الحتمية ستكون المزيد من التدهور، ليس فقط في قيمة العملة الوطنية مقابل العملات الأجنبية، بل في مختلف جوانب الاقتصاد الوطني ومؤشراته الكلية.
لقد اضطلع البنك المركزي، دون أي دعم خارجي أو استدانة، بأدوار مهمة انعكست آثارها بشكل مباشر في ميدان المعركة. ورغم فقدانه أطنانًا من الذهب ومئات الملايين من الدولارات من مقره الرئيسي بالخرطوم وفرعه الرئيس بشارع البرلمان، تمكن من إعادة بناء جزء من احتياطياته وتحمل مسؤولياته، بل ومسؤوليات غيره. ومع ذلك، كان هذا بالتأكيد على حساب استقرار مؤشرات الاقتصاد الكلي، التي كافح وحيدًا للحفاظ عليها ضمن حدود "المعقول" نسبيًا لأكثر من عامين.
مؤكد أن صمود البنك المركزي السوداني في هذه الظروف الاستثنائية يبرز مرونته وقدرته على التكيف، لكن استدامة هذا الصمود تتطلب تضافر جهود جميع مؤسسات الدولة والدعم الدولي لضمان مستقبل اقتصادي أكثر استقرارًا للسودان.

تسويات تحت الطاولة ..د.صبوح بشير بلاشك لن تنجح محاولات تمرير أجندة الاستسلام التي يرتب لها تحت الطاولة منذ هزيمة الجنجوي...
15/07/2025

تسويات تحت الطاولة ..

د.صبوح بشير

بلاشك لن تنجح محاولات تمرير أجندة الاستسلام التي يرتب لها تحت الطاولة منذ هزيمة الجنجويد في كل الولايات التي احتلوها ، ويقودها جنرالات يرغبون في مواصلة البقاء في سدة السلطة علي جثث الشهداء والجرحي ودموع النازحين تحت مسمي ( التسويات السياسية ) مع المليشيا بجناحيها العسكري المتمثل في (الجنجويد) وكفلائهم من الخارج والداخل والجناح السياسي المتمثل في نظار وعمد وقيادات ادارات اهلية ومثقفين واعلاميين وسياسيي حواضن الجنجويد المجتمعية و( قحت ) بكافة مكوناتها القديمة والجديدة بدعم ومساندة من أطياف مجتمع انتهازية مختلفة( عسكرية وسياسية وثقافية واعلامية واجتماعية ومهنية ورجال أعمال ) تستند علي مبدا ( عفاء الله عن ماسلف) وإغلاق باب محاسبة كل من تسبب في هذه الحرب والخراب الذي لحق بالوطن والمواطن.
علي كل ارشيف التاريخ يحفظ تماما لكل عمله ودوره في التخطيط والتمهيد والننفيذ لمشروع تدمير السودان وطن وشعب ،وكذا يحفظ للمتخازلين والهاربين من أرض المعركة ( الذين تولوا يوم الزحف) رغم مهاراتهم في التصدي وحمل السلاح التي دفع المواطن لاكسابهم لها من حر ماله .
الشرفاء الذين ثبتوا في الميدان ونافحوا ودافعوا عن الوطن طيلة العامين وثلاث شهور من عمر الغدر ومازالوا قابضين علي الزناد والقلم وكذا النازحون داخل وخارج الوطن هم من يحق لهم ان يحددوا مصير ومستقبل البلاد وليس مجموعة الخونة(عسكر وسياسيين) الذين يتفاوضون بإسم الشعب الان متناسين انهم هم سلم الجنجويد زمام الأمر في البلاد حتي قبل فجر الغدر ووفروا لهم القوة المادية والعسكرية مقابل حفنة دولارات.




#قحت
#صمود




#يامولاي



#البرارؤون

#عاجل | #تل ابيب قالت القناة ١٤ الإسرائيلية أن الاتجاه الحالي لرئيس وزراء الاحتلال الإسرائيلي بنيامين نتنياهو هو تقد...
14/07/2025

#عاجل | #تل ابيب
قالت القناة ١٤ الإسرائيلية أن الاتجاه الحالي لرئيس وزراء الاحتلال الإسرائيلي بنيامين نتنياهو هو تقديم عرض آخر محسن لحماس، وهناك شك كبير في ما إذا كانت حماس سترد بشكل إيجابي على هذا العرض

#واشنطن
#الدوحة

#غزة

حكايتي مع طه سليمان وقصة التلاتة بلاغات .. المفروض اليوم أحكي كواليس قصة (صاحبي) وأنشر (رسالة العروس) .بعتذر ح أخليها بك...
14/07/2025

حكايتي مع طه سليمان وقصة التلاتة بلاغات ..

المفروض اليوم أحكي كواليس قصة (صاحبي) وأنشر (رسالة العروس) .
بعتذر ح أخليها بكرة إن شاء الله.
بخصص مساحة اليوم لطه سليمان.
وح أحكي أربعة مواقف حصلت لي مع الأخ الحبيب طه سليمان.
ح أختار أربعة مواقف من جملة (ألف) موقف.
هذه المواقف الصغيرة بمناسبة نجاح طه سليمان في حفله الأخير بدولة مصر الشقيقة.
بختار مواقف مختلفة عشان أقرب الصورة.
المهم ..
قبل سنوات (أحمد البنا) اللهو (أحمد الجقر) فتح فيني بلاغ.
بلاغ عديل وطلب تعويض ملبغ (500) مليون بالقديم ، يعني (500) ألف بالجديد (نص مليار) .
وال(500) ألف كانت بتشتري عربية (برادو) .
سبب البلاغ .. أنا لقيت تصريح في جريدة تانية فيها كلام منسوب لأحمد البنا قال فيهو إنو هو (خليفة محمود عبد العزيز) .
شلت التصريح دا وكتبت فيهو (عمود).
الزمان داك أنا شغال في صحيفة (الرأي لعام) وصحيفة تانية .
محرر في قسم الفنون والمنوعات بصحيفة (الرأي العام) ، وكاتب عمود في صحيفة تانية.
وكل جريدة براها .
الكلام الفتح فيهو أحمد البنا البلاغ كتبتو عنو في صحيفة (الرأي العام).
نص الكلام الكتبتو ، قلت ليهو : (يا أحمد البنا أنت قلت إنك خليفة الحوت ، وأنت كدا كترت المحلبية ووصلت مرحلة البيقن عديل).
وكمان قلت ليهو : (أنت صوتك زي صوت المفتاح في الكيلون أو زي صوت السِتارة الشايلها الهوا) .
مشى فتح البلاغ في الكلام دا.
وقال ليهم في البلاغ : الزول دا شبهني بالنساء وقال لي (محلبية وبقين) ، وقال ليهم أيضاً : أنا ما قلت إني خليفة محمود.
ثم قال : الزول دا قال صوتي زي صوت (المفتاح في الكيلون) لازم يوريني كيف صوت المفتاح في الكيلون.
المهم .. البلاغ مشى المحكمة وبدت الجلسات فعلاً.
وكانت جلسات قمة في المسخرة والسخف.
طبعاً يا جماعة لما تفتح بلاغ في (كاتب عمود أو محرر صحفي) المحكمة بتستدعي صاحب المقال ومعاهو رئيس التحرير.
ورئيس تحريرنا كان الأستاذ الحبيب عادل الباز (حي يرزق الآن).
أحمد البنا جاب لينا (حنانة بتاعت كوفير) في المحكمة ك(شاهد) عشان تثبت للمحكمة إنو (البيقن) هو إستخدام نسائي.
عوارة كدا تحير.
المهم .. المحكمة مدورة جلسات في جلسات.
يوم العصر إتصل علي طه سليمان ، قال لي : أنا شغال حفلة في صالة الخليل بخلص وبجيك إنتظرني ما تمشي.
إننظرتو جاني في الجريدة يمكن الساعة (أطناشر إلا) بالليل.
والزمن داك طه كان بيستعد يدشن إلبوم (بريدك يلا غني معاي).
والإلبوم دا كان فيهو (14) أغنية ونزل يوم (14/2) اللهو يوم (عيد الحب) .
وكان لي الشرف إني (من على المنصة قدمت حفل تدشين الإلبوم من خلال مؤتمر صحفي بفندق هيلتون بالخرطوم) .
وكنا في الأيام ديك بنرتب كيف تكون الحملة الإعلانية للإلبوم وكيف نخلي المؤتمر الصحفي يطلع جميل وكدا.
طه جاني بعد الحفلة ومشينا بيت ناس الأخ الصديق الحبيب خالد الوزير في الخرطوم العمارات.
وأصلاً كانت إجتماعاتنا بتكون في بيت ناس خالد الوزير أو بيت ناس طه أو داخل عربية طه.
في بيت ناس خالد الوزير لو ما خانتني الذاكرة كان قاعد الأخ الحبيب محمد ديكور (شاعر أغنية أم در يا حبيبة) والأخ العزيز مجاهد سيمت الملحن المعروف.
المهم .. أخدنا ونسة وضحك وكدا.
طه قال لي : أسمعني أنا عايز أقعدكم أنت وأحمد البنا ، عشان أنت تعتذر ليهو وهو يمشي يشطب البلاغ في المحكمة وأنت تنسى البلاغ العايز تفتحو فيهو.
أنا كنت ناوي أفتح فيهو بلاغ بعد نهاية بلاغو فيني.
قلت لطه : هل هو طلب منك كدا ؟
قال لي : لالا ما طلب مني ولا كلمتو لكن في النهاية أنت زولي وهو زولي.
قلت ليهو : البلاغ بتاعو دا ما ح يلقى من وراهو حاجة حتى لو ما شطبو.
قال لي : برضو ما صاح الأمور تصل المحاكم.
طبعاً طه ذاتو كان فاتح بلاغ في الصحيفة التانية الشغال فيها أنا.
كان عندو مشكلة مع صحيفتنا التانية وفاتح فيهم بلاغ.
والبلاغ كان ح (يدين) الصحيفة بدون شك لأنو أحد الزملاء أساء لطه إساءات شخصية صعبة.
ورئيس تحرير (صحيفتنا التانية) دي إتكلم معاي كم مرة قال لي : خلي زولك دا يشطب بلاغو ونحن بنعتذر ليهو.
المهم .. طه لما قال لي موضوع أحمد البنا دا طوالي إستغليت الفرصة وقلت ليهو : طيب أنا موافق بقعد معاهو لكن عندي شرطين.
قال لي : شنو ؟
قلت ليهو : أول حاجة البنا يمشي المحكمة يشطب البلاغ بعد داك أنا بعتذر ليهو.
والتاني ؟
قلت ليهو التاني : أنت تشطب بلاغك في صحيفتنا التانية.
قال لي : أنت بلاغي دا مؤثر معاك في شنو ؟
قلت ليهو : في النهاية هو بلاغ ضد زميلي.
قال لي : دا براهو وداك براهو.
قلت ليهو : مش أنت داير صلح ؟ يبقى أشطب بلاغك برضو.
المهم .. طلع تلفونو في نفس اللحظة إتصل على المحامي بتاعو.
ما رد.
قال لي بكرة ح أشطب البلاغ.
المهم ..
ما قعدت مع أحمد البنا وحصلت حاجات كدا في الخرطوم وأحمد البنا بقى يسافر وما يجي المحكمة فقام القاضي شطب القضية.
وطه بهناك شطب بلاغو في صحيفتنا.
دا موقف أثبت من خلالو طه (العفو عند المقدرة).
كان ممكن يواصل بلاغو في الصحيفة ويكسب تعويض كمان.
وأنا أشهد إن صحيفتنا في الوقت داك هاجمت طه بصورة غير أخلاقية لدرجة إني قررت أنسحب من الصحيفة عديل.
دا موقف.
الموقف التاني عندو علاقة بالغناء.
مرة طه كان صائم رمضان كلو بره السودان.
ورابع يوم في العيد كان عندو حفلة في (إسبارك سيتي).
قال لي : أنا برجع السودان أول يوم في العيد أو تاني يوم ما عارف.
بنتونس بالتلفون قلت ليهو : ياخ في أغنية حقو تشيلها معاك في الفترة الجاية.
قال لي : أغنية شنو ؟
قلت ليهو : أغنية (العيون النوم فارقا والقلوب الشوق حارقا).
قام طوالي أثناء المكالمة ردد اللحن بتاع الأغنية ، قال لي دي؟
قلت ليهو : أي.
قال لي : فعلاً أغنية سمحة رسل لي كلماتها نص.
رسلت ليهو الكلمات نص .
رجع السودان أظن أول يوم في العيد بالمساء.
عمل بروفة واحدة ومشى حفلة إسبارك سيتي.
في الفاصل الأول غنى أغنية (العيون النوم فارقا).
غناها بدون ورقة.
حفظها متين ؟ وعمل ليها بروفة متين ؟؟ الله أعلم.
الأغنية حالياً موجودة في اليوتيوب بصوت طه في إسبارك ستي لو دخلت شفتها هسه بتجيك ناطة.
وطبعاً مرة كنت عملت حوار مع أستاذنا الراحل السر قدور قال لي : طه سليمان بخوفني.
قلت ليهو : كيف؟
قال لي : بديهو الأغنية اليوم بكرة بجي حافظها.
دا موقف بيأكد (حب طه لشغلو وتواضعه أمام المقترحات الداعمة ليهو.
وبيأكد ذكاء طه.
الفنانين الأيام دي الواحد لو عايز يغني أغنية (يا عديلة يا بيضاء) إلا يقراها من الورق أو من التلفون.
مع إنو أغنية (يا عديلة بيضاء) الشعب السوداني كلو حافظها.
وما محتاجة ورقة.
المهم..
الموقف التالت .. لو أنت لو (زول) طه سليمان ، لما تحصل ليك مناسبة (فرح ولا ترح) ، طه عندو (خروفين) بجيبهم ليك هدية.
بختار أكبر (خروفين) في الزريبة وبجيبهم ليك.
لو المناسبة عرس بجيب ليك (خروفين) .
ولو المناسبة سماية برضو (خروفين) .
ولو عزاء برضو (خروفين) .
ودي حاجة أنا عايشتها بنفسي ما في زول قالها لي.
دا موقف بيثبت (أصالة طه وحُسن العشرة والكرم العريض).
الموقف الرابع .. عمل الخير.
طه في المبادرات ما بتلحق.
إشتغل شغل مع أطفال السرطان لو حاولت أحكي عنو الناس ح تطلعنا كذابين.
شغل بعيد عن الأضواء مع أطفال السرطان و(التوحد) وغيرهم.
ولطه أكثر من أسرة فقيرة في بحري وأم درمان هو مسؤول من مصاريفهم كل (خميس) بسلمهم (ظرف) معتبر.
لو جينا لموضوع الحفلات ، من طرفي أنا في ناس طلبوا طه يشتغل ليهم في مناسباتهم وما كان عندهم قروش كافية.
وطه جاهم بقدر القروش العندهم.
بل مرة عندنا زميلنا بحب طه جداً وقال لي بس خليهو يجي يغني في عرسي إن شاء الله أغنية واحدة.
ويوم عرسو طه طلع شغال حفلة بالليل.
قال لي ما مشكلة أرح نمشي ليهو في (الحِنة) بعد صلاة المغرب.
وفعلاً مشينا وغنى ليهو تلاتة أغنيات.
ولا قرش ولا تعريفة.
يمكن أخونا بابكر مدير أعمال طه يشهد إني كنت معذبهم في حفلات المجاملات.
وما حصل شفت طه زعلان من حفلات المجاملة أو متضايق.
ومرات كتيرة بشتغل (مجاملة) وبدفع للعازفين من جيبو.
وفي مناسبات طه غنى فيها و(دفع في الكشف) .
طه سليمان مننا وفينا.
زول طلع من البيوت السودانية الكريمة عشان كدا محبوب وناجح.
أنا حكيت المواقف دي عشان أأكد حاجات معينة.
طه بتميز بتلاتة حاجات أساسية :
الطموح
النية
الجرأة
الناس البعرفوا طه عارفنو ما زول حنكوش ولا زول ضعيف ولا بخيل.
زول راجل ومواقفو مشهودة من قبل الحرب.
أخو أخوان وبتلقاهو في كل الأحوال.
نجاح حفل طه في مصر سببو النية البيضاء والطموح وحب العمل.
والتخطيط والجرأة.
بالإضافة لأنو طه قدم (السبت) للناس ولقي (الأحد).
ومع ذلك للآن طه ما إتكلم عن الحرب ولا قال أنا قعدت وأنا عملت وأنا سويت.
وعلى فكرة طه كان عندو القدرة إنو من أول يوم في الحرب يطلع.
لكن قعد يأكل في (البليلة) سنتين إلا.
وح أحكي إن شاء الله الحصل مع طه في بحري مع الدعامة.
أو هو بنفسو قريباً ح يحكي التفاصيل دي (صورة وصوت) .
ربما علاقتي بطه بتخلي شهادتي فيهو مجروحة.
وأصلاً أنا ما قاعد أكتب عنو كتير ، ولا هو بحب إني أكتب عنو.
عشان الموضوع ما يكون كسير تلج.
لكن هذا للأمانة والتاريخ.
ودي أربعة مواقف من ألف موقف.
محبتنا لطه كإنسان وفنان وود بلد تظل محبة كبيرة .
ومنتظرين منو الكثير.
هو شبه النجاح والنجاح بشبهو.
إن شاء الله يا ضرس نجاح يسلم نجاح ونشوفك في العالي طوالي.
وربنا يكتب ليك الخير ويديم عليك نعمة القبول والسعادة.
و......
والليهو في الأفراح نصيب بجي يوم ويأخد قسمتو ♥️🌹

12/07/2025

#عاجل
عطل في محطة كهرباء سد مروي يؤدي الي انقطاع التيار عدد من الولايات هي الشمالية والجزيرة ونهر النيل والبحر الأحمر

Address

Delhi

Website

Alerts

Be the first to know and let us send you an email when ام درمان الالكترونية posts news and promotions. Your email address will not be used for any other purpose, and you can unsubscribe at any time.

Shortcuts

Share