22/08/2026
डहाणूतील न्यू लक्ष्मी ज्वेलर्समधील ९० लाखांच्या दरोडा प्रकरणी ३ आरोपींना अटक; ५१ लाख रुपयांचे सोने जप्त!
🚨 पालघर पोलिसांची मोठी कारवाई! डहाणूतील गाजलेला दरोडा गुन्हा उघडकीस, ३ आरोपींना बेड्या 🚨
डहाणू येथील 'न्यू लक्ष्मी ज्वेलर्स' दुकानात शस्त्राचा धाक दाखवून व गोळीबार करून तब्बल ९० लाख रुपयांच्या सोन्याच्या दागिन्यांची घरफोडी करणाऱ्या टोळीचा पालघर पोलिसांनी पर्दाफाश केला आहे. या प्रकरणात पोलिसांनी ३ आरोपींना अटक केली असून त्यांच्याकडून सुमारे ५१.५१ लाख रुपयांचे सोने जप्त करण्यात यश मिळवले आहे.
📍 घटनेची पार्श्वभूमी:
२० जुलै २०२६ रोजी डहाणूतील ईराणी रोडवरील न्यू लक्ष्मी ज्वेलर्समध्ये तोंडाला मास्क लावून आलेल्या ३ दरोडेखोरांनी दुकानात घुसून दागिने लांबवण्याचा प्रयत्न केला. दुकान मालक श्री. विनय सोनी यांनी प्रतिकार केला असता दरोडेखोरांनी त्यांच्यावर बंदुकीने गोळीबार केला आणि सुऱ्याने दुकानाची तोडफोड करत ७०० ग्रॅम सोन्याचे दागिने घेऊन पळ काढला होता. याप्रकरणी डहाणू पोलीस ठाण्यात गुन्हा दाखल करण्यात आला होता.
🔍 तपास व अटक:
गुन्ह्याचे गांभीर्य ओळखून विशेष पोलीस महानिरीक्षक श्री. चंद्रकिशोर मिना, पोलीस अधीक्षक श्री. यतिश देशमुख, अपर पोलीस अधीक्षक श्री. विनायक नरळे व उपविभागीय पोलीस अधिकारी श्रीमती निशा जाधव यांच्या मार्गदर्शनाखाली स्थानिक गुन्हे शाखा (LCB) व डहाणू पोलिसांची विशेष पथके तयार करण्यात आली.
गुप्त माहिती आणि तांत्रिक विश्लेषणाच्या आधारे पोलिसांनी खालील आरोपींना बेड्या ठोकल्या:
१) यशवंत सदु चौधरी (वय ४०, रा. पटेलपाडा, डहाणू)
२) दिपेश यशवंत गवळी (वय २२, रा. दाभोण, डहाणू)
३) विशाल धाक्या चौरे (वय २३, रा. दाभोण, डहाणू)
💎 जप्त मुद्देमाल:
आरोपींकडून ४२८.०५० ग्रॅम वजनाचे एकूण ५१,५१,१५०/- रुपये किमतीचे सोन्याचे दागिने पोलिसांनी हस्तगत केले आहेत. या प्रकरणात भारतीय न्याय संहितेची वाढीव कलमे लावून पुढील तपास सपोनि अंकुर शेलार करत आहेत.
स्थानिक गुन्हे शाखा व सायबर पोलीस ठाण्याच्या संपूर्ण पथकाने अत्यंत कौशल्याने कामगिरी बजावून हा गुन्हा उघडकीस आणला.
