05/11/2025
സീബ്രാ ലൈനിന് പുല്ലുവില !
24 വാഹനങ്ങൾക്കെതിരെ നടപടിയെടുത്ത് മോട്ടോർ വാഹന വകുപ്പ്
പരിശോധന തുടരും
നിരത്തിൽ കാൽ നടക്കാർക്ക് സുരക്ഷിതമായ റോഡ് മുറിച്ചു കടക്കൽ ഉറപ്പുവരുത്തുന്ന
സീബ്രാലൈൻ അവഗണിച്ച് വാഹനം ഓടിച്ചവർക്കെതിരെ മോട്ടോർ വാഹന വകുപ്പ് നടപടി എടുത്തു.
റോഡ് അപകടങ്ങളിൽ കാൽനടയാത്രക്കാർക്ക് മരണവും പരിക്കും കൂടുതലായി സംഭവിക്കുന്നതിനാൽ കാൽനട യാത്രക്കാർക്ക് ആവശ്യമായ സുരക്ഷയും ഡ്രൈവർമാർക്ക് ആവശ്യമുള്ള ബോധവൽക്കരണവും നൽകുന്നതിന്റെ ഭാഗമായിട്ടാണ് മോട്ടോർ വാഹന വകുപ്പ് പാലക്കാട് നഗരത്തിൽ പ്രത്യേക പരിശോധന നടത്തി 24 വാഹനങ്ങൾക്കെതിരെ കേസെടുത്തത്. ഒരാൾ മഫ്തിയിൽ സീബ്രാ ക്രോസിംഗ് ന് അടുത്ത് നിന്ന് ദൃശ്യങ്ങൾ പകർത്തുകയും നിയമലംഘനം നടത്തിയ വാഹനങ്ങൾക്കെതിരെ കുറച്ച് അപ്പുറത്തുള്ള സ്ക്വാഡ് നടപടി എടുക്കുകയുമാണ് അവലംബിച്ച രീതി.
പരിശോധന വരും ദിവസങ്ങളിലും തുടരും.
തുടർച്ചയായി നിയമലംഘനത്തിൽ ഉൾപ്പെടുന്ന ഡ്രൈവർമാരുടെ ലൈസൻസ് സസ്പെൻഡ് ചെയ്യുമെന്ന് പാലക്കാട് ആർടിഒ സി യു മുജീബ് അറിയിച്ചു. പരിശോധനയിൽ മോട്ടോർ വെഹിക്കിൾസ് ഇൻസ്പെക്ടർമാരായ പ്രവീൺകുമാർ, അൻസാർ, സജിത്ത്, അസിസ്റ്റൻറ് മോട്ടോർ വെഹിക്കിൾസ് ഇൻസ്പെക്ടർമാരായ സജീവ്, ദിലീപ്, അനിൽകുമാർ, റിയാസ് വൈശാഖ് എന്നിവർ പങ്കെടുത്തു.
