K.Jayadevan

15/10/2025

ആദ്യത്തെയാൾ രണ്ടാമത്തെ ദിവസം(ഇന്ത്യയിൽ) തിരുത്തി. രണ്ടാമത്തെയാൾ ....

13/10/2025

താഴെയുള്ള വാർത്ത വായിച്ചപ്പോൾ, പഴയ ചില പ്രേം നസീർ - ജയൻ കൂട്ടുകെട്ടിലുണ്ടായ സിനിമകളാണ് ഓർമ്മ വന്നത്. വിധിവശാൽ കുട്ടിക്കാലത്ത് പിരിഞ്ഞു പോയവരാണ് അവർ. എങ്ങിനെയോ എതിർചേരിയിലുമായിപ്പോയി.

ഏട്ടൻ്റെ പേര് രാജൻ എന്നാവും. അനിയൻ കണിശമായും ബാബുവും. വർഷങ്ങൾക്ക് ശേഷം ഇരുവരും സംഘട്ടനത്തിൽ ഏർപ്പെടുന്ന ഉദ്യോഗജനകമായ ഒരു രംഗമുണ്ടാകും. സ്റ്റണ്ട് മാസ്റ്റർ ത്യാഗരാജനാകും. അടി ഒരു ഘട്ടം പിന്നിടുമ്പോൾ മഴ പെയ്യാൻ തുടങ്ങും. അതുവരെ ആര് ജയിച്ചെനോ ആര് തോറ്റെന്നോ ആർക്കും പറയാനാവില്ല. കട്ടക്ക് കട്ട. ഒരു പൊടിക്ക് രാജനാണോ മേലെ എന്ന് നാം കാണികൾക്ക് ചെറിയൊരു സംശയം തോന്നാം. ആ സമയത്ത് ബാബു ഒന്ന് വീഴും. പക്ഷേ പരിഭ്രമിക്കാനൊന്നുമില്ല. ഉടനെത്തന്നെ അയാൾ എണീക്കാൻ നോക്കും. മലർന്ന്, കൈകൾ പിറകിലേക്ക് കുത്തി ബാബു എഴുന്നേൽക്കാൻ ശ്രമിക്കുമ്പോഴാണ് രാജന് കുട്ടിക്കാലത്തെ എന്തെങ്കിലും ഓർമ്മ വരിക....

ആ സീനാണ് സീൻ ! നമ്മുടെ രോമാഞ്ചം കൊണ്ട് അടുത്തിരിക്കുന്ന ആളുടെ രോമം വരെ എണീറ്റു നിൽക്കും.

അപ്പോൾ മഴവെള്ളം ഇരുവരുടേയും മുഖത്ത് ഒലിച്ചിറങ്ങുന്നുണ്ടാകും.
നസീർ ,അല്ല രാജൻ കരുണാർദ്രമായി വിളിക്കും -" അനിയാ..."
ആ സമയത്ത് ബാബുവിനും കാര്യം തിരിയും. "ഏട്ടാ..." എന്ന് അയാളും കരുണ ഒട്ടും ചോരാതെ നിലവിളിക്കും.
ഹോ... ഓർക്കുമ്പോൾ തന്നെ കുളിരു കോരുന്നു.

അല്ല ... സിൽമാക്കഥ അവിടെ ഇരിക്കട്ടെ. ഇവിടെ ആരാണിപ്പോൾ രാജൻ..?അത്രേയുള്ളൂ സംശയം.

കെ. ജയദേവൻ.

10/10/2025

"നിങ്ങൾക്കവിടെ ഹനുമാൻ സേനയും ശ്രീരാമ സേനയും ഒക്കെ ഉള്ളതുപോലെ ഞങ്ങൾക്കിവിടെ ഉള്ളത് മറ്റൊരു സേനയാണ് - ഹരിതകർമ്മസേന. "
കേരളത്തിൻ്റെ cleanliness ൽ അത്ഭുതം കൂറിയ ഉത്തരേന്ത്യയിൽ നിന്ന് വന്ന RSS നേതാവിനോടും കുടുംബത്തോടും, അങ്ങേയറ്റം ക്ലാരിറ്റിയോടെ കേരളത്തെപ്പറ്റി വിശദീകരിച്ച ഒരു ഡ്രൈവറുടെ കുറിപ്പാണ് ഇന്ന് വായിച്ച ഗംഭീര എഴുത്ത്.
(കമൻ്റ് ബോക്സ് നോക്കുക.)

10/10/2025

താലിബാന് പരവതാനി വിരിച്ച് മോദി സർക്കാർ. എല്ലാ
മത മൗലികവാദികളും ഒരമ്മ പെറ്റ മക്കൾ

07/10/2025

ഇന്നലെ മനോരമ സ്തോഭജനകമായ ഒരു വാർത്ത പ്രസിദ്ധീകരിച്ചു. സ്ത്രീകൾക്ക് സുരക്ഷിതമായി യാത്ര ചെയ്യാൻ പറ്റിയ നാടേ അല്ല കേരളം ! വാർത്ത കണ്ടപ്പോൾ നമ്മളെല്ലാം ഒന്നു ഞെട്ടി. ഏ... ഇത്ര മോശമോ നമ്മുടെ നാട്. എന്നാൽ കേരളാ ഹേറ്റേഴ്സിന് സന്തോഷമായി. മഞ്ഞപ്പത്രം നൽകിയ കൽക്കണ്ടത്തുണ്ട് അവർ ആവും വിധം വാരിവിതറി. അത് കൊത്തിത്തിന്ന് കേരള വിരുദ്ധർ അർമാദിച്ചു.

ഇനി എന്താണ് വാർത്തയിലെ വസ്തുത?

മനോരമ വാർത്തക്കാധാരം ഒരു പഠന റിപ്പോർട്ടാണ്. NARI (National Anual report and index on women Safety) നടത്തിയ ഒരു പഠനത്തിൻ്റെ റിപ്പോർട്ട്. ഇന്ത്യയിലെ 31 നഗരങ്ങളിലാണ് അവർ പഠനം നടത്തിയത്. ആ 31 ൽ കേരളം( ഇവിടുത്തെ ഏതെങ്കിലുമൊരു നഗരം) ഇല്ലേയില്ല. പിന്നെയെങ്ങനെ റിപ്പോർട്ടിൽ കേരളം ഇടം പിടിക്കും.

സഞ്ചാരികൾക്ക് അത്രമേൽ പ്രിയപ്പെട്ട നമ്മുടെ 'ദൈവത്തിൻ്റ സ്വന്തം നാട്' എന്തുകൊണ്ടാണ്, പഠനം നടത്തിയ ആ 31 നഗരങ്ങളിൽ ഇടം പിടിച്ചില്ല എന്നല്ലേ മനോരമ ചോദിക്കേണ്ടിയിരുന്നത്? അതെ.
പക്ഷേ, അവരത് ചോദിച്ചോ? ഇല്ല.
ഇനിയെങ്ങാനും ചോദിക്കുമോ? ഇല്ല.
എന്തുകൊണ്ട്?
അതിൻ്റെ പേര് മനോരമ എന്നതായതുകൊണ്ട്.

ഇജ്ജാതി കേരളവിരുദ്ധരെക്കൂടി മറികടന്നു വേണം നമ്മുടെ നാടിന് മുന്നോട്ടു പോകാൻ. മലയാളികൾ മനസ്സിലാക്കിയാൽ നന്ന്.

കെ. ജയദേവൻ
7.10.25

06/10/2025

ദലിതനാണെങ്കിൽ ചീഫ് ജസ്റ്റിസിനെപ്പോലും ചെരുപ്പറിയാം എന്ന് തോന്നുന്നതിനെയാണ് സനാതന ധർമ്മം എന്നു പറയുന്നത്.

06/10/2025

മാത്യു കുഴൽനാടന് കേരള ഹൈക്കോടതിയിൽ നിന്നും സുപ്രീം കോടതിയിൽ നിന്നും പ്രഹരം കിട്ടിയ ആ കേസിനെപ്പറ്റി ഏതാനും മാസം മുൻപ് പറഞ്ഞത്.

06/10/2025

അങ്ങ് ഡൽഹിയിൽ സ്വന്തമായി ഒരു വക്കീലാപ്പീസൊക്കെയുള്ള ശ്രീമാൻ കുഴൽനാടിനെ സുപ്രീം കോടതി വീണ്ടും കുട്ടയിലേക്ക് എടുത്തിട്ടിട്ടുണ്ട്.

കുഴൽനാടനോട് സുപ്രീം കോടതി ചീഫ് ജസ്റ്റിസ് :

"ഹൈക്കോടതി തള്ളിയ റിവിഷൻ ഹർജിയിൽ ഇടപെടാനില്ല,നിങ്ങളുടെ രാഷ്ട്രീയ പകപോക്കലിനു സുപ്രീം കോടതിയെ ആയുധമാക്കരുത്,
താങ്കൾക്ക് ഒരു പത്തു ലക്ഷം രൂപ പിഴ തരട്ടെ..?"

പാവം കുഴൽനാടൻ. ഇങ്ങനെയൊന്നും ആരോടും ചെയ്യരുത്. പാപം കിട്ടും.

05/10/2025

ഇസ്രായേൽ എന്ന രാഷ്ട്രം വേണ്ട എന്നല്ല; പലസ്തീൻ എന്ന രാഷ്ട്രം കൂടി വേണം എന്നാണ് ഞങ്ങൾ പറയുന്നത്. എന്നാൽ, പലസ്തീനും , അവിടെയുള്ള ജനങ്ങളും ഭൂമിയിലേ വേണ്ട എന്നാണ് സയണിസ്റ്റുകളും, സംഘികളും മാത്രമല്ല, ക്രിസംഘികളും ആക്രോശിച്ചുകൊണ്ടിരിക്കുന്നത്. അവരുടെ കൊലവിളികൾക്കിടയിൽ മാർപാപ്പ പലസ്തീനൊപ്പം നിൽക്കുന്നു. വേദനകൾക്കിടയിലും എന്തൊരു മനുഷ്യത്വം നിറഞ്ഞ കാഴ്ച്ച.

04/10/2025