30/05/2026
സൗമ്യമായ ഇടപെടൽ. ശാന്തമായ പെരുമാറ്റം. ഏത് പ്രതിസന്ധിയിലും തളരാത്ത പോരാട്ട വീര്യം. അടിയുറച്ച കോൺഗ്രസുകാരൻ. ഇതായിരുന്നു കെ.പി ധനപാലൻ. ഒരു വാക്ക് കൊണ്ട് പോലും പാർട്ടിയെ വേദനിപ്പിക്കാത്ത രാഷ്ട്രീയ വ്യക്തിത്വമായിരുന്നു കെ.പി.
എറണാകുളം ജില്ലയിൽ കോൺഗ്രസിന്റെ പ്രധാന മുഖമായിരുന്നു കെ.പി. എപ്പോഴും എന്താവശ്യത്തിനും ഞങ്ങൾക്ക് കെ.പിയെ സമീപിക്കാം. ഏത് പ്രശ്നത്തിനും പരിഹാരം ഉണ്ടായിരിക്കും. ആറുവർഷം എറണാകുളം ജില്ലാ കോൺഗ്രസ് കമ്മിറ്റിയുടെ അധ്യക്ഷനായിരുന്നപ്പോഴും സാധാരണ പ്രവർത്തകരുടെ വികാരങ്ങൾ ഉൾക്കൊണ്ടാണ് കെ.പി ധനപാലൻ പ്രവർത്തിച്ചത്. പാർലമെൻ്ററി രാഷ്ട്രീയത്തിലും കെ.പി ധനപാലൻ വ്യക്തിമുദ്ര പതിപ്പിച്ചു.
കെ.പി ധനപാലൻ്റെ വിയോഗം വ്യക്തിപരമായി എനിക്ക് വലിയ നഷ്ടമാണ്. ജ്യേഷ്ഠ സഹോദരനെയാണ് നഷ്ടപ്പെട്ടത്. പ്രതിസന്ധി ഘട്ടങ്ങളിലെല്ലാം കരുത്തായി എനിക്കൊപ്പം കെ.പി ധനപാലൻ ഉണ്ടായിരുന്നു. പ്രിയപ്പെട്ട കെ.പിക്ക് വിട.
