https://www.facebook.com/983066274893470/

PATAN LOCAL News, Patan (2026)

13/07/2026

- પાટણ : આદિવાસી સમાજના મસીહા ચૈતર વસાવા પર 'ષડયંત્ર'નો આરોપ!

- સત્તાના જોરે અવાજ દબાવવાની કોશિશ? ચૈતર વસાવા અને સાથીઓને 7 વર્ષની જેલ!

- ગુજરાતભરમાં આદિવાસી સમાજનો આક્રોશ : 'જળ, જંગલ અને જમીન'ના હક માટે મોટું આંદોલન!

- 2027નું ગણિત અને રાજકીય કિન્નાખોરી : ચૈતર વસાવાના સમર્થકોની સરકારને ખુલ્લી ચેતવણી!

- આદિવાસી સમાજનું જન આંદોલન.

હાલમાં ગુજરાતનું રાજકીય તાપમાન ગરમાયું છે, અને તેનું મુખ્ય કારણ છે ડેડિયાપાડાના લોકપ્રિય ધારાસભ્ય ચૈતરભાઈ વસાવાને સરકારી તંત્ર દ્વારા અપાયેલી જેલની સજા. આદિવાસી સમાજમાં આ સજાને લઈને ભારે રોષ જોવા મળી રહ્યો છે. આજે પાટણ જિલ્લા કલેક્ટર કચેરી ખાતે ચૈતર વસાવાના સમર્થનમાં હજારોની સંખ્યામાં આદિવાસી સમાજના આગેવાનો અને લોકો એકત્રિત થયા હતા અને આવેદનપત્ર આપી ન્યાયની માંગ કરી હતી.

આદિવાસી આગેવાનો અને સમર્થકોનો સીધો આક્ષેપ છે કે, ચૈતરભાઈ વસાવા હંમેશા સમાજના હિતમાં, ખાસ કરીને જળ, જંગલ અને જમીનના હક માટે સરકાર સામે અવાજ ઉઠાવતા આવ્યા છે. આદિવાસીઓના હક અને અધિકાર માટે લડતા આ નેતાનો અવાજ દબાવવા માટે ભાજપ સરકાર રાજકીય કિન્નાખોરી રાખી રહી છે. સમર્થકોનું કહેવું છે કે, આદિવાસીઓના મસીહા ગણાતા ચૈતર વસાવાને ખોટા કેસોમાં ફસાવીને તેમને જેલના સળિયા પાછળ ધકેલી દેવામાં આવ્યા છે, જેથી આદિવાસી સમાજમાં અન્યાયનો અહેસાસ થઈ રહ્યો છે.

- સમગ્ર ગુજરાતમાં ચૈતર વસાવાના સમર્થનમાં જંગ.

માત્ર પાટણ જ નહીં, પરંતુ સમગ્ર ગુજરાત, મધ્યપ્રદેશ અને રાજસ્થાનમાંથી આદિવાસી સમાજના લોકો એકત્રિત થયા છે. પાટણમાં એક લાખથી વધુ લોકોએ એકઠા થઈને ચૈતર વસાવાના સમર્થનમાં અવાજ બુલંદ કર્યો છે. આ માત્ર એક વ્યક્તિની લડત નથી, પરંતુ હજારો વંચિત લોકોના હકની લડાઈ છે. સમર્થકોએ હવે નક્કી કર્યું છે કે, દરેક જિલ્લા અને તાલુકામાં આ લડતને વેગ આપવામાં આવશે.

આંદોલનકારીઓએ રાજ્ય સરકારને ચીમકી આપી છે કે, જો ચૈતર વસાવાને ન્યાય નહીં મળે, તો તેનો જવાબ સરકારને 2027ની વિધાનસભા ચૂંટણીમાં ભોગવવો પડશે. તેઓએ આ મામલે તપાસની માંગ કરી છે જેથી સત્ય સામે આવી શકે અને દોષિતો સામે કાયદાકીય કાર્યવાહી થાય. આદિવાસી ભીલ સમાજ હવે એક થઈને પોતાની તાકાત બતાવવા તૈયાર છે અને જ્યાં સુધી તેમના નેતાને ન્યાય નહીં મળે ત્યાં સુધી આ આંદોલન અટકવાનું નથી.
આમ, ચૈતર વસાવાની ધરપકડ હવે માત્ર એક કાયદાકીય મુદ્દો ના રહેતા, આદિવાસી સમાજ માટે પોતાની અસ્મિતા અને અસ્તિત્વની લડાઈ બની ગઈ છે. હવે જોવું એ રહ્યું કે સરકાર આ આક્રોશ સામે શું વલણ અપનાવે છે.......!

12/07/2026

- પાટણમાં નકલી દારૂ બનાવતી ફેક્ટરીનો થયો પર્દાફાશ.

- પાટણ જિલ્લા પોલીસની સક્રિયતાથી મોટું કૌભાંડ ઝડપાયું.

- સનસનીખેજ ખુલાસો : 700 બોટલો સાથે કેમિકલયુક્ત ઝેરી દારૂનો જથ્થો પોલીસે કર્યો જપ્ત, મુખ્ય આરોપી ફરાર.

ગુજરાતમાં આગામી રથયાત્રાના પવિત્ર પર્વને શાંતિપૂર્ણ રીતે સંપન્ન કરાવવા અને કાયદો-વ્યવસ્થાની સ્થિતિ સુદ્રઢ રાખવા પાટણ પોલીસ સંપૂર્ણપણે સતર્ક બની છે. જિલ્લા પોલીસ અધિક્ષક અને ઉચ્ચ અધિકારીઓના સીધા માર્ગદર્શન હેઠળ પોલીસે ગુનેગારો પર સકંજો કસવાનું શરૂ કર્યું છે. આ કવાયત દરમિયાન પાટણ એલસીબીની ટીમને એક સનસનીખેજ બાતમી મળી હતી કે હારીજ પોલીસ સ્ટેશન વિસ્તારના ઝાસ્કા ગામે કેટલાક શખ્સો ગેરકાયદેસર પ્રવૃત્તિમાં સંકળાયેલા છે.
બાતમીને ગંભીરતાથી લઈને એલસીબીની ટીમે ઝાસ્કા ગામે દરોડા પાડ્યા હતા. ત્યાં પહોંચતા જ પોલીસ ચોંકી ઉઠી હતી. સ્થળ પરથી પોલીસને જાણીતી 'બ્લેન્ડર્સ પ્રાઈડ' કંપનીની ખાલી બોટલો, મોટી માત્રામાં ઈન્ડિયન મેડ ફોરેન લિકર (IMFL), અને આ દારૂની બોટલો તૈયાર કરવા માટેના સ્ટીકર્સ મળી આવ્યા હતા. અંદાજે 77,100 રૂપિયાના મુદ્દામાલ સાથે પોલીસે અહીં નકલી દારૂ બનાવવાનું કારખાનું ચલાવતા ભરતસિંહ રાઠોડ, ચાપરાજભાઈ કાઠી અને કુવરસિંહ ઝાલાને ઝડપી લીધા હતા.
પોલીસની પ્રાથમિક તપાસમાં ચોંકાવનારી વિગતો સામે આવી છે. આ આરોપીઓ સસ્તી ગુણવત્તાનો દારૂ લાવી, તેને આ બોટલોમાં ભરી, તેમાં હાનિકારક કેમિકલ ભેળવી સીલ કરી દેતા હતા અને ત્યારબાદ આ બનાવટી દારૂને મોંઘી બ્રાન્ડના નામે બજારમાં વેચતા હતા. અત્યાર સુધીમાં અહીંથી 700 જેટલી બોટલોનો મોટો જથ્થો મળી આવ્યો છે.
આ આખા કૌભાંડનો મુખ્ય સૂત્રધાર શિવરાજ મારવાડી હોવાનું સામે આવ્યું છે, જે હાલ રાજસ્થાનના જોધપુરનો રહેવાસી છે. પાટણ પોલીસે મુખ્ય આરોપીને પકડવા માટે ચક્રો ગતિમાન કર્યા છે. પોલીસની સતર્કતાને કારણે લોકોના સ્વાસ્થ્ય સાથે ચેડા કરતું આ ભયાનક કૌભાંડ સમયસર ઝડપાઈ ગયું છે.

03/07/2026

બ્રેકીંગ ન્યૂઝ :

પાટણમાં રાત્રે વરસાદની ધમાકેદાર એન્ટ્રી.

02/07/2026

- ગુજરાતમાં 'ચોર' ગેંગનો આતંક.

- પાટણ પોલીસના સકંજામાં આયોજિત ચોરીનો માસ્ટરમાઇન્ડ.

- પાટણથી વડોદરા સુધી ચોરીની મોડેસ ઓપરેન્ડી : બાઈક ચોરી પછી દુકાનોના તાળા તોડતી ગેંગનો પર્દાફાશ.

- ગુનાખોરીનો ચક્રવ્યૂહ : અનેક જિલ્લાઓમાં વોન્ટેડ બજાણીયા ગેંગનો સાગરીત આખરે પાટણ પોલીસે દબોચ્યો.

- પોલીસની મોટી કાર્યવાહી : ૯૫ હજારના મુદ્દામાલ સાથે ઝડપાયો આરોપી, અનેક ગુનાઓના રહસ્યો ખુલ્યા.

- ગુનાહિત ઈતિહાસ વાંચી પોલીસ પણ ચોંકી : ગુજરાતભરમાં ચોરી કરનાર ગેંગનો ખતરનાક ચહેરો સામે આવ્યો.

ગુજરાતમાં મિલકત સંબંધિત ગુનાઓ આચરતી એક ખતરનાક ગેંગનો પાટણ પોલીસે પર્દાફાશ કર્યો છે. પાટણ એલ.સી.બી. (LCB) ટીમે બાતમીના આધારે બજાણીયા ગેંગના સાગરીત મેહુલ લક્ષ્મણભાઈ બજાણીયાને પાટણ સિદ્ધપુર ચાર રસ્તા પાસેથી ઝડપી પાડ્યો છે. આરોપી પાસેથી ૪૫,૦૦૦ રૂપિયાની રોકડ રકમ અને ૫૦,૦૦૦ રૂપિયાની કિંમતનું બજાજ પલ્સર મોટરસાયકલ મળી આવ્યું છે, જે ચોરીના ગુનામાં વપરાતું હતું.

આરોપીની પૂછપરછમાં ચોંકાવનારી વિગતો સામે આવી છે. આ ગેંગ ખૂબ જ વ્યવસ્થિત રીતે ગુનાખોરીને અંજામ આપતી હતી. સૌ પ્રથમ તેઓ અલગ-અલગ શહેરોમાંથી મોટરસાયકલની ચોરી કરતા અને ત્યારબાદ તે જ વાહન પર ફરીને માર્કેટયાર્ડ તથા દુકાનોના તાળા તોડી રોકડ રકમ અને સોના-ચાંદીના દાગીનાઓ લૂંટતા હતા. આરોપી મેહુલ બજાણીયા માત્ર પાટણમાં જ નહીં, પરંતુ ગાંધીનગર, હિંમતનગર, વિસનગર, હારીજ, સરસ્વતી, પેથાપુર અને ચિલોડા સહિત રાજ્યના અનેક પોલીસ મથકોમાં વિવિધ ગુનાઓમાં વોન્ટેડ છે.

આ ગેંગના અન્ય સાગરીતો જેમાં અનીલ ઉર્ફે અર્જુન બજાણીયા, જીતુભાઈ બજાણીયા, શંકરભાઈ બજાણીયા અને કરણ દેવીપૂજક હાલ ફરાર છે, જેમના શોધખોળના પોલીસે ચક્રોગતિમાન કર્યા છે. પોલીસની આ તપાસથી પાટણ, અમદાવાદ ગ્રામ્ય, ગાંધીનગર, આણંદ અને વડોદરા જિલ્લામાં નોંધાયેલા ૬ મોટા ઘરફોડ ચોરીના ગુનાઓનો ભેદ ઉકેલાયો છે. આરોપીના લાંબા ગુનાહિત ઈતિહાસને જોતા તે ગુજરાત પોલીસ માટે લાંબા સમયથી માથાનો દુખાવો બન્યો હતો, પરંતુ પાટણ એલ.સી.બી.ની આ ત્વરિત કાર્યવાહીએ ગુનાખોરીના આ નેટવર્કને મોટો ફટકો આપ્યો છે........!

29/06/2026

- આદિવાસી નેતા ચૈતર વસાવાના સમર્થનમાં આમ આદમી પાર્ટી રસ્તા પર!

- ચૈતર વસાવાની ધરપકડ સામે આદિવાસી સમાજનો ઉગ્ર વિરોધ!

- કોર્ટના ચૂકાદા સામે ઉઠ્યા સવાલ : શું આદિવાસી નેતાને ખોટી રીતે ફસાવાયા છે?

- સત્તાધારી પક્ષ પર આદિવાસીઓના અવાજને દબાવવાનો આરોપ!

ગુજરાતના રાજકારણમાં હાલના સમયે એક મોટો વિવાદ વકર્યો છે. આમ આદમી પાર્ટીના નેતા ચૈતર વસાવાની પોલીસ ધરપકડ અને પોલીસ કસ્ટડીને લઈને રાજકીય વાતાવરણ ગરમાયું છે. ચૈતર વસાવાના સમર્થનમાં પાટણ જિલ્લા આમ આદમી પાર્ટીના કાર્યકર્તાઓ અને હોદ્દેદારો તેમજ ભીલ આદિવાસી સમાજના લોકો રસ્તા પર ઉતરી આવ્યા છે અને સરકાર વિરુદ્ધ ભારે નારેબાજી કરી રહ્યા છે.
આ પ્રદર્શન દરમિયાન એક પ્રદર્શનકારીએ આક્ષેપ કર્યો કે, "ચૈતર વસાવા આદિવાસી સમાજના મસીહા છે, જે પોતાના સમાજના હક અને અધિકાર માટે લડી રહ્યા છે. તેમના પર જે કેસ કરવામાં આવ્યો છે તે ખોટી રીતે કરવામાં આવ્યો છે. તેમણે કોઈનું મર્ડર નથી કર્યું, પરંતુ સરકાર આદિવાસીઓના હક છીનવી લેવા માંગે છે. જે જમીન આદિવાસીઓની છે તેના માટે લડાઈ લડવા બદલ તેમને જેલમાં પૂરી દેવાયા છે.

તેમણે વધુમાં ઉમેર્યું કે, "સરકારે આ કાવતરું રચીને ચૈતર વસાવાને ફસાવ્યા છે અને ખોટી રીતે કેસ ચલાવી રહ્યા છે. એક સામાન્ય માણસ કે જે આદિવાસીઓના અવાજને વાચા આપે છે, તેનો અવાજ દબાવવા માટે આ એક સુનિયોજિત કાવતરું છે. પરંતુ સમગ્ર ગુજરાત અને ભારતનો આદિવાસી સમાજ ચૈતર વસાવાની સાથે છે."
બીજી તરફ, આમ આદમી પાર્ટીના અન્ય એક નેતા અલ્પેશ પટેલે આ મુદ્દાને સરકારની દમનકારી નીતિ ગણાવી છે. તેમણે કહ્યું કે, "ચૈતરભાઈ વસાવાને ખોટા પુરાવાઓ ઉભા કરીને જેલમાં ધકેલી દેવામાં આવ્યા છે. ભાજપની સરકાર આદિવાસીઓના અવાજને દબાવવાનો પ્રયાસ કરી રહી છે અને વહીવટી તંત્રનો દુરુપયોગ કરી રહી છે."
આમ આદમી પાર્ટીએ ચેતવણી આપી છે કે, જો ચૈતર વસાવાને તાત્કાલિક મુક્ત કરવામાં નહીં આવે, તો આગામી દિવસોમાં આંદોલન વધુ ઉગ્ર બનાવવામાં આવશે. તેમણે પાટણમાં મોટી રેલી કાઢવાની અને રોડ જામ કરવા સુધીની ચીમકી ઉચ્ચારી છે. આ સમગ્ર ઘટનાને પગલે આગામી સમયમાં ભાજપ અને આમ આદમી પાર્ટી વચ્ચેનો સંઘર્ષ વધુ તેજ બનવાના એંધાણ દેખાઈ રહ્યા છે.......!

28/06/2026

- પારિવારિક એકતાનો મંત્ર.

- ધારપુરમાં કડવા પાટીદાર ૮૪ સમાજના ચોથા અધિવેશનમાં ઉમટ્યું જનમેદનીનું ઘોડાપુર!

- યુવા પેઢીને વ્યસનમુક્તિ અને સમાજસેવાનો સંકલ્પ.

- ૮૪ સમાજનું શક્તિ પ્રદર્શન, સંગઠનને મજબૂત બનાવવા પર ભાર.

- સેવાની સુવાસ: સમાજ ઉત્થાનના કાર્યમાં દાતાશ્રી હરિભાઈ પટેલના સહયોગથી ભોજન સમારંભનું ભવ્ય આયોજન.

પાટણ તાલુકાના ધારપુર ખાતે કડવા પાટીદાર ૮૪ સમાજ માટે એક યાદગાર અને ઉત્સાહવર્ધક બની રહ્યો હતો. સમાજના ચોથા અધિવેશનનું ભવ્ય આયોજન કરવામાં આવ્યું હતું, જેમાં સમાજના અગ્રણીઓ, કાર્યકારી સભ્યો અને મોટી સંખ્યામાં ભાઈઓ-બહેનોએ હાજરી આપીને એકતાનો અદભૂત નજારો રજૂ કર્યો હતો.

- સમાજના ઉત્થાન માટે મહત્વના નિર્ણયો.

આ અધિવેશનનો મુખ્ય હેતુ માત્ર મળવાનો નહોતો, પરંતુ સમાજની સમસ્યાઓને જડમૂળથી ઉકેલવાનો હતો. ખાસ કરીને પારિવારિક સમસ્યાઓનું નિવારણ લાવવા અને યુવાનોને વ્યસનમુક્ત બનાવીને તેમને યોગ્ય દિશા આપવા અંગે સવિશેષ ચર્ચા કરવામાં આવી હતી. સમાજના દરેક સભ્યમાં એકબીજા પ્રત્યે સહાનુભૂતિ વધે અને સંગઠન વધુ મજબૂત બને તેવા મંત્રો આપવામાં આવ્યા હતા.

- યુવા પેઢીની ભાગીદારી અને જવાબદારી.

કાર્યક્રમમાં સમૂહ લગ્ન તેમજ સમાજની વિવિધ પ્રવૃત્તિઓમાં યુવા પેઢીની સક્રિય ભાગીદારી પર વિશેષ ભાર મૂકવામાં આવ્યો હતો. યુવા ટીમના સંગઠનને વેગ આપવા માટે વડીલોએ યુવાનો અને યુવતીઓને આહવાન કર્યું હતું કે, તેઓ પોતાની શક્તિનો ઉપયોગ સમાજને ઉપયોગી થવામાં અને દેશના નિર્માણમાં કરે.

- દાતાના સહયોગથી સરાહનીય કાર્ય.

આ ભવ્ય આયોજનમાં ભોજન સમારંભના દાતા તરીકે હરિભાઈ પટેલ (કનૈયા ટ્યુબવેલ) એ ઉમદા ભૂમિકા ભજવી હતી. તેમના દ્વારા કરવામાં આવેલ આ સહયોગને સૌએ બિરદાવ્યો હતો. એકંદરે, આ આખો કાર્યક્રમ ખૂબ જ સુખદ અને પ્રેરણાદાયી રહ્યો, જે સમાજમાં એકતા અને પ્રગતિનો નવો સંચાર કરી ગયો છે.

27/06/2026

- સંગઠનને ધાર, રાષ્ટ્રસેવાને ગતિ!

- સિદ્ધપુરમાં ગુંજ્યું 'દીનદયાળ' મંત્ર : ૧૯-મંડળના કાર્યકર્તાઓને મળ્યું વૈચારિક ભાથું

- ધારાસભ્ય બલવંતસિંહ રાજપૂતના માર્ગદર્શનમાં સજ્જ થયું કાર્યકર્તા સૈન્ય : 'અંતિમ વ્યક્તિ સુધી પહોંચાડવો છે વિકાસ'

પંડિત દીનદયાળ ઉપાધ્યાય પ્રશિક્ષણ મહાઅભિયાન-૨૦૨૬ અંતર્ગત ગોકુલ ગ્લોબલ યુનિવર્સિટી ખાતે આજે એક વિશેષ આયોજન કરવામાં આવ્યું હતું. ૧૯-સિદ્ધપુર મંડળના પ્રશિક્ષણ વર્ગનો શુભારંભ થયો, જેમાં કાર્યકર્તાઓમાં એક નવી ઉર્જા અને ઉત્સાહ જોવા મળ્યો હતો.
વૈચારિક મંથનથી સજ્જ થયા કાર્યકર્તાઓ
આ કાર્યક્રમમાં વક્તા તરીકે ઉપસ્થિત રહેલા પાટણ જિલ્લા ભાજપ પ્રમુખ રમેશભાઈ સિંધવે 'વૈચારિક અધિષ્ઠાન' વિષય પર માર્ગદર્શન આપ્યું હતું. તેમણે સંગઠનની વિચારધારા, કાર્યપદ્ધતિ અને રાષ્ટ્રસેવાના મૂલ્યો પર પ્રકાશ પાડતા કાર્યકર્તાઓને સમજાવ્યું કે, એક મજબૂત સંગઠન જ રાષ્ટ્રના નિર્માણમાં પાયાની ભૂમિકા ભજવે છે. તેમના વક્તવ્યથી કાર્યકર્તાઓ રાષ્ટ્રસેવાના સંકલ્પ સાથે નવી ચેતનાથી ભરાઈ ગયા હતા.ધારાસભ્ય બલવંતસિંહ રાજપૂતના સંવાદે વધાર્યો જોશ કાર્યક્રમના અધ્યક્ષ સ્થાનેથી ધારાસભ્ય બલવંતસિંહ રાજપૂતે કાર્યકર્તાઓ સાથે સંવાદ સાધ્યો હતો. તેમણે સ્પષ્ટ શબ્દોમાં જણાવ્યું હતું કે, "સંગઠનને વધુ સશક્ત બનાવવું એ સમયની માંગ છે, જેથી સરકારની વિકાસ યોજનાઓનો લાભ અંતિમ વ્યક્તિ સુધી પહોંચાડી શકાય." ધારાસભ્યના આહવાનને કાર્યકર્તાઓએ ભારે ઉત્સાહ સાથે વધાવી લીધું હતું. દિગ્ગજોની ઉપસ્થિતિથી શોભાયમાન થયો કાર્યક્રમ આ પ્રશિક્ષણ વર્ગમાં જિલ્લા પ્રભારી સત્યેન્દ્રભાઇ ફૂલબાકરજી અને જિલ્લા મહામંત્રી સંજય પટેલ સહિતના વરિષ્ઠ આગેવાનોએ પોતાની ઉપસ્થિતિ દ્વારા કાર્યકર્તાઓનું મનોબળ વધાર્યું હતું. આ ઉપરાંત બાબુજી ઠાકોર,લાલજીભાઈ દેસાઈ, નિલેશ રાજગોર, દિલીપભાઈ જોશી, મિલન પટેલ, કિશન દેસાઈ અને નગરપાલિકા પ્રમુખ રણજીતભાઈ, મિહિરભાઈ, કૌશલ જોશી, જસુભાઈ પટેલ તથા વિષ્ણુભાઈ પટેલ સહિતના અગ્રણીઓ ઉપસ્થિત રહ્યા હતા.
સેવા અને સમર્પણના ભાવ સાથે સંપન્ન થયેલા આ પ્રશિક્ષણ વર્ગે સિદ્ધપુર મંડળના કાર્યકર્તાઓમાં એક નવી દિશા અને રાષ્ટ્રસેવાનો સંકલ્પ સિંચ્યો છે....!

26/06/2026

- ચૈતર વસાવા કેસમાં રાજકીય ભૂકંપ : "તંત્રએ ખોટી સાક્ષીઓ ઊભી કરી ધારાસભ્યને ફસાવ્યા", બાબુજી ઠાકોરનો ગંભીર આક્ષેપ!

- ગુજરાતની રાજનીતિમાં ગરમાવો : ચૈતર વસાવાને મળેલી સજા સામે 'આપ' રસ્તા પર, પાટણમાં વિરોધનો જ્વાળામુખી ફાટ્યો!

- "આ લોકશાહીની હત્યા છે!": ચૈતર વસાવાને સાત વર્ષની સજા મુદ્દે પાટણના આપ નેતાનો સરકાર પર પ્રહાર!

- સરકારની સામે 'આપ'નું રણશિંગું: જ્યાં સુધી ચૈતર વસાવાને ન્યાય નહીં મળે, ત્યાં સુધી આંદોલન યથાવત રહેશે!

- પાટણના રસ્તાઓ પર 'આપ'નો શક્તિ પ્રદર્શન: ધારાસભ્યની સજા સામે વિરોધમાં જોડાયું જનસેલાબ!

- ચૈતર વસાવાને મળેલી સજા સામે 'આપ' આક્રમક, પાટણમાં દેખાવો સાથે સરકાર પર લગાવ્યા ગંભીર આક્ષેપ.

પાટણ: આમ આદમી પાર્ટીના લોકપ્રિય ધારાસભ્ય ચૈતર વસાવાને કોર્ટ દ્વારા સાત વર્ષની સજા ફટકારવામાં આવતા પાટણ જિલ્લામાં 'આપ' દ્વારા ભારે વિરોધ પ્રદર્શન કરવામાં આવ્યું છે. આ મામલે આમ આદમી પાર્ટી પાટણ જિલ્લા પ્રમુખ બાબુજી ઠાકોરે સરકાર પર આકરા પ્રહારો કર્યા હતા.
બાબુજી ઠાકોરે આક્ષેપ કર્યો હતો કે, સરકારી તંત્ર દ્વારા ચૈતર વસાવા વિરુદ્ધ પૂર્વ આયોજિત કાવતરું ઘડીને ખોટી સાક્ષીઓ ઊભી કરી તેમને ફસાવવામાં આવ્યા છે. તેમણે વધુમાં જણાવ્યું હતું કે, જે પ્રકારે તેમની સામે કાર્યવાહી કરવામાં આવી છે તે અન્યાયી છે. બાબુજી ઠાકોરે આ ઘટનાને લોકશાહીની હત્યા સમાન ગણાવી હતી.
તેમણે સરકારને ચેતવણી આપતા કહ્યું હતું કે, જ્યાં સુધી ચૈતર વસાવાને ન્યાય નહીં મળે ત્યાં સુધી આમ આદમી પાર્ટીના કાર્યકરો, યુવાનો અને શોષિતો તેમના સમર્થનમાં આંદોલન ચાલુ રાખશે. પાટણમાં યોજાયેલી આ રેલીમાં મોટી સંખ્યામાં કાર્યકરો જોડાયા હતા અને આગામી સમયમાં દરેક વિધાનસભા ક્ષેત્રમાં આવી રીતે કાર્યક્રમો આપવાની ચીમકી ઉચ્ચારી હતી.....!

25/06/2026

- પાટણના ઝવેરી બજારમાં વીજ વાયરના તણખાથી મચી અફરાતફરી!

- ક્ષણિક વિલંબ અને સર્જાઈ શકત હોનારત, JEB ના વાયરમેનો બન્યા 'રિયલ હીરો'

- ગીચ બજાર વચ્ચે લાગી આગ : JEB ની ટીમની ત્વરિત કામગીરીએ બચાવ્યા કરોડોના માલસામાન.

- વાયર બદલીને ટાળ્યું મોટું જોખમ, વેપારીઓએ માન્યો આભાર.

પાટણના હૃદય સમાન પાટણ શહેરના ઝવેરી બજારમાં આજે એક સમયે મોતનો ડર ફેલાયો હતો. પાટણ શહેરના સૌથી વ્યસ્ત અને ગીચ ગણાતા આ પાટણ ઝવેરી બજારમાં વીજ વાયરમાંથી અચાનક આગની જ્વાળાઓ નીકળવા લાગી હતી. પાટણ ઝવેરી બજાર હોવાથી અહીં લાખો અને કરોડોનો માલસામાન હોઈ જો આગ પ્રસરે તો મોટી ખાનાખરાબી થવાની ભીતિ હતી.
પરંતુ, ગભરાટના આ માહોલમાં એક ટીમ એવી હતી જેણે હિંમત હારી નહીં. સ્થાનિક વેપારીઓના ફોન બાદ પાટણ JEB (વીજ કંપની) ના વાયરમેનો અને તેમની ટીમ ગણતરીની મિનિટોમાં ઘટનાસ્થળે દોડી આવી હતી. સ્થિતિની ગંભીરતાને પારખીને વીજ કર્મચારીઓએ ત્વરિત ધોરણે વીજ પુરવઠો કાપી નાખ્યો હતો અને તેજ ગતિએ ક્ષતિગ્રસ્ત વાયર બદલવાનું કામ શરૂ કર્યું હતું.
જાણે કે યુદ્ધના ધોરણે કામ ચાલતું હોય તેમ, વીજ કર્મચારીઓએ જોખમ ખેડીને પણ આ કામ પૂર્ણ કર્યું અને થોડી જ વારમાં આગ પર સંપૂર્ણ કાબૂ મેળવી લીધો. પરિસ્થિતિ થાળે પડતા જ વેપારીઓએ રાહતનો શ્વાસ લીધો હતો.
પાટણ ઝવેરી બજારના વેપારીઓએ જણાવ્યું હતું કે, "જો આજે આ ટીમે સમયસર કામ ના કર્યું હોત, તો મોટી દુર્ઘટના સર્જાઈ હોત." લોકોએ વીજ કંપનીની આ ત્વરિત કામગીરી અને કર્મચારીઓની સતર્કતાને બિરદાવી છે. આ ઘટનાએ સાબિત કરી દીધું કે યોગ્ય સમયે લેવાયેલું પગલું મોટી આફતોને કેવી રીતે ટાળી શકે છે.....!

23/06/2026

- પાટણમાં શિક્ષણનો 'મહા-ઉત્સવ'.

- પાટણની બી.ડી. સાર્વજનિક વિદ્યાલયમાં ૫૦૧ તેજસ્વી વિદ્યાર્થીઓનું ભવ્ય સ્વાગત!

- શિક્ષણની સાથે રમતગમત અને કળાનું સન્માન : રાજ્યકક્ષાની વિજેતા બાસ્કેટબોલ ટીમનું વિશેષ સન્માન!

- ઉચ્ચ લક્ષ્ય, સફળ જીવન' : ગાંધીનગરના અધિક સચિવે પાટણના વિદ્યાર્થીઓને આપ્યો સફળતાનો મંત્ર!

પાટણની શૈક્ષણિક ધરા પર આજે એક અનોખો ઉત્સાહ જોવા મળ્યો. પ્રસંગ હતો શ્રી પાટણ જૈન મંડળ સંચાલિત શ્રી બી.ડી. સાર્વજનિક વિદ્યાલયનો પ્રવેશોત્સવ. ગુજરાત સરકારના શિક્ષણ વિભાગના માર્ગદર્શન હેઠળ યોજાયેલા આ ભવ્ય કાર્યક્રમમાં શિક્ષણની સાથે સંસ્કાર અને સફળતાનો સંગમ જોવા મળ્યો.

આ કાર્યક્રમના મુખ્ય મહેમાન તરીકે ગાંધીનગરના અધિક સચિવ મનીષભાઈ ડી. શાહ ખાસ ઉપસ્થિત રહ્યા હતા. કાર્યક્રમની શરૂઆત ડૉ. બી. આર. દેસાઈ દ્વારા મહેમાનોના શાબ્દિક સ્વાગત સાથે કરવામાં આવી. પ્રવેશોત્સવમાં આંગણવાડીના ૬ ભૂલકાઓથી લઈને ધોરણ ૯ અને ૧૧ના મળીને કુલ ૫૦૧ વિદ્યાર્થીઓએ શાળામાં નવી કેડી કંડારી. દરેક વિદ્યાર્થીના હાથમાં શૈક્ષણિક કિટ જોઈને તેમના ચહેરા પરનો ઉત્સાહ સાફ વર્તાતો હતો.

ડી.એલ.એસ.એસ. રાજ્યકક્ષાએ બાસ્કેટબોલમાં ડંકો વગાડનારી ટીમ હોય, સંગીતના સૂર રેલાવનાર મોદી વિધિશા હોય, કે પછી દોડમાં મેદાન મારનાર જયદ્રથ રાઠોડ - દરેક વિદ્યાર્થીની સિદ્ધિ પાટણ માટે ગર્વનો વિષય બની. કન્યા કેળવણી પર શેખ હુમાબાનુના પ્રેરણાદાયી વક્તવ્યે તો ઉપસ્થિત સૌ કોઈને મંત્રમુગ્ધ કરી દીધા હતા.

મુખ્ય મહેમાન મનીષભાઈ ડી. શાહ અને બાળ વિકાસ અધિકારી રંજનબેન શ્રીમાળીએ વિદ્યાર્થીઓને સફળતાના ગુપ્ત મંત્ર આપ્યા. તેમણે કહ્યું કે, "શિક્ષણ માત્ર ડિગ્રી મેળવવા માટે નથી, પણ જીવનમાં મોટા લક્ષ્યાંકો નક્કી કરીને તેને પ્રાપ્ત કરવા માટે છે."
શિક્ષકો, વાલીઓ અને વિદ્યાર્થીઓના સહિયારા પ્રયાસોથી યોજાયેલો આ કાર્યક્રમ ખરેખર પાટણના શિક્ષણ જગતમાં નવી ચેતના ભરી ગયો. અંતમાં પી. આર. દેસાઈ દ્વારા આભારવિધિ સાથે આ સફળ કાર્યક્રમનું સમાપન થયું હતું.......!

PATAN LOCAL News

13/07/2026

12/07/2026

03/07/2026

02/07/2026

29/06/2026

28/06/2026

27/06/2026

26/06/2026

25/06/2026

23/06/2026

Address

Website

Alerts

Shortcuts

Share

Category

Listing takedown request