https://www.facebook.com/361635380579716/

Adurnews, Adoor, Pathanamthitta (2026)

08/06/2026

#പത്തനംതിട്ട_ജില്ലയിലെ_മൂന്ന്_ഫയർ_ഉദ്യോഗസ്ഥർക്ക് ' #ബാഡ്ജ്_ഓഫ്_ഓണർ' #പുരസ്കാരം*

#പത്തനംതിട്ട : ദുരന്ത മുഖങ്ങളിൽ സ്തുത്യർഹവും സാഹസികവുമായ രക്ഷാപ്രവർത്തനങ്ങളിലേർപ്പെട്ട് വിലപ്പെട്ട മനുഷ്യജീവനുകളും സ്വത്തുക്കളും സംരക്ഷിക്കുന്നതിലൂടെ അഗ്നിരക്ഷാ വകുപ്പിന്റെ യശസ്സും പ്രശസ്തിയും സമൂഹത്തിൽ ഉയർത്തുന്നതിന് മുഖ്യപങ്ക് വഹിക്കുന്ന വിവിധ വിഭാഗത്തിൽ നിന്നും തിരഞ്ഞെടുക്കപ്പെട്ട ജീവനക്കാർക്കു നൽകിവരുന്ന _"ബാഡ്ജ് ഓഫ് ഓണർ"_ പുരസ്കാരത്തിന് ഇത്തവണ പത്തനംതിട്ട ജില്ലയിൽ നിന്ന് മൂന്ന് ഉദ്യോഗസ്ഥർ അർഹരായി.

പത്തനംതിട്ട ഫയർ സ്റ്റേഷൻ ഓഫീസർ വി. വിനോദ് കുമാർ, റാന്നി അഗ്നിരക്ഷാ നിലയത്തിലെ സീനിയർ ഫയർ ആൻഡ് റെസ്ക്യൂ ഓഫീസർ പ്രേംകുമാർ, റാന്നി നിലയത്തിലെ ഫയർ ആൻഡ് റെസ്ക്യൂ ഓഫീസർ (ഡ്രൈവർ) വിപിൻ കുമാർ എന്നിവർക്കാണ് 2026-ലെ ബാഡ്ജ് ഓഫ് ഓണർ പുരസ്കാരം ലഭിച്ചിട്ടുള്ളത്.

എല്ലാ വർഷവും ഫയർ സർവ്വീസ് ദിനാചരണത്തിന്റെ ഭാഗമായി ഡയറക്ടർ ജനറലാണ് പുരസ്കാരം നൽകുന്നത്.

08/06/2026

#ഓപ്പറേഷൻ_തൂഫാൻ: #പത്തനംതിട്ട_ജില്ലയിൽ_ഇതുവരെ_102_പേർ_അറസ്റ്റിൽ

#പത്തനംതിട്ട :
ഓപ്പറേഷൻ തൂഫാൻ ആരംഭിച്ചതിനു ശേഷം ശക്തമായ പരിശോധനകളും കർശന നടപടികളുമായി പത്തനംതിട്ട ജില്ലാ പോലീസ് മുന്നോട്ടു പോകുന്നു എന്ന് ജില്ലാ പോലീസ് മേധാവി R ആനന്ദ് അറിയിച്ചു. ലഹരി മരുന്ന് വിൽപ്പനയും ഉപയോഗവുമായി ബന്ധപ്പെട്ട് 230 ലധികം റെയ്ഡുകൾ നടത്തി. ഞായറാഴ്ച മാത്രം ജില്ലയിൽ 14 കേസുകൾ രജിസ്റ്റർ ചെയ്യുകയും 15 പേർ അറസ്റ്റിൽ ആവുകയും ചെയ്തു. ഇതോടെ പദ്ധതി ആരംഭിച്ചതിനുശേഷം ജില്ലയിൽ അറസ്റ്റിലായരുടെ എണ്ണം 102 ആയി. ലഹരി വിപത്തിനെതിരെയുള്ള നടപടികൾ കൂടുതൽ കർശനമായി തന്നെ തുടരുമെന്ന് ജില്ലാ പോലീസ് മേധാവി പറഞ്ഞു .

08/06/2026

#കാറും_സ്‌കൂട്ടറും_കൂട്ടിയിടിച്ചു; #സ്‌കൂട്ടർ_യാത്രികൻ_മരിച്ചു

#അടൂർ: കൊടുമണിൽ കാറും സ്‌കൂട്ടറും കൂട്ടിയിടിച്ചു. കാർ നിയന്ത്രണം തെറ്റി പോസ്റ്റ് ഇടിച്ചു. സ്‌കൂട്ടർ യാത്രികൻ മരിച്ചു. കൊടുമൺ സ്റ്റാന്റിലെ ടെമ്പോ വാൻ ഡ്രൈവർ മോഹനൻ ആണ് മരിച്ചത്.
വാഴവിള പാലത്തിനും ഇടത്തിട്ട സ്കൂളിനും ഇടയിലായിരുന്നു അപകടം.

08/06/2026

#ഗുരുദേവന്റെ_ജാതിയില്ലാവിളംബരം_മനുഷ്യമനസുകളെ_വെളിച്ചത്തിലേക്ക്_നയിച്ചു - #ചിറ്റയം_ഗോപകുമാർ

#അടൂർ:
വർഗ്ഗീയത മനുഷ്യ മനസുകളെ മലീമസമാക്കുമെന്നും ഗുരുദേവന്റെ ജാതിയില്ലാ വിളംബരം മനുഷ്യനെ മുന്നോട്ടു നയിക്കുവാനുള്ള വെളിച്ചമായിരുന്നെന്നുംബി.കെ എം യു.( കേരളാ സ്റ്റേറ്റ് കർഷക തൊഴിലാളി ഫെഡറേഷൻ) സംസ്ഥാന പ്രസിഡന്റ് ചിറ്റയം ഗോപകുമാർ പറഞ്ഞു. ഒരു കാലഘട്ടത്തിൽ ഇരുണ്ട യുഗമായിരുന്ന നമ്മുടെ നാടിനെ മാറ്റിമറിച്ചത് നമോത്ഥാന നായകയായിരുന്നു. ശ്രീനാരായണ ഗുരുവും മഹാത്മ അയ്യൻകാളിയും ജീവിചിരുന്ന കാലഘട്ടത്തിൽ വർഗ്ഗിയതയെക്കാരെഅവർ നടത്തിയിട്ടുള്ള പോരാട്ടങ്ങൾ വിസ്മരിക്കുവാൻ കഴിയുന്നതല്ല. പൊതു നിരത്തിൽ സഞ്ചരിക്കുവാനും വിദ്യാഭ്യാസ അവകാശത്തിനും ക്ഷേത്രത്തിൽ തൊഴാനുള്ള സ്വാതന്ത്യത്തിനും കേരളത്തിലും രാജ്യത്താകെ തന്നെയും വലിയ പ്രക്ഷോഭങ്ങൾ ആണ് നടത്തിയിട്ടുള്ളത്. ഒരു ജാതി, ഒരു മതം ഒരു ദൈവം മനുഷ്യനെന്ന് പറഞ്ഞ ഗുരുദേവൻ കണ്ടത് മനുഷ്യന്റെ ഐക്യമാണ്. പിന്നിട് അദ്ദേഹം മതം ഏതായാലും മനുഷ്യൻ നന്നായാൽ മതിയെന്നും പറഞ്ഞു. മനുഷ്യന്റെ നന്മയാണ് ഗുരുലക്ഷ്യം വച്ചത്. എന്നാൽ ഇന്ന് നമ്മുടെ രാജ്യത്തെ പഴയകാലത്തിലേക്ക് കൊണ്ടുപോകാനുള്ള ശ്രമത്തിലാണ് വർഗ്ഗീയ ഫാസിസ്റ്റുകൾ ശ്രമിക്കുന്നത്. അതുകൊണ്ട് തന്നെ ഈ കാലഘട്ടത്തിൽ ശ്രീ നാരായണ ഗുരുദേവന്റെ ജാതിയില്ലാ വിളംബരത്തിന് പ്രസക്തിഉണ്ടെന്ന് ചിറ്റയം ഗോപകുമാർ അഭിപ്രായപ്പെട്ടു. മുമ്പെങ്ങുമില്ലാത്ത വിധം വളർന്ന് വരുന്ന ജാതീയതയ്ക്കെതിരെ ബി.കെ.എം.യു സംസ്ഥാന വ്യാപകമായി നടത്തിവരുന്ന ക്യാമ്പയിന്റെ ഭാഗമായി പത്തനംതിട്ടജില്ലാ കമ്മിറ്റി അടൂരിൽ സംഘടിപ്പിച്ച ഗുരുദേവന്റ ജാതിയില്ലാ വിളംബരത്തിന്റെ നൂറ്റി പത്താം വാർഷികത്തിന്റെ ഭാഗമായുള്ള ബഹുജനസദസ് ഉദ്ഘാടനം ചിറ്റയം ഗോപകുമാർ നിർവ്വഹിച്ചു. ജില്ലാ ജോ: സെകട്ടറി ഷാജി തോമസ് അധ്യക്ഷത വഹിച്ചു. ബി. കെ എം യു- സി.പി.ഐ നേതാക്കളായ പ്രൊഫ: കെ.ആർ.ശങ്കരനാരായണൻ ,ഐക്കാട് ഉദയകുമാർ , പി.എസ്. റെജി, സുമതി നരേന്ദ്രൻ ,പി.ടി.തങ്കൻ, ജോർജ്ജ് ശാമുവൽ , കെ.കൃഷ്ണൻ കുട്ടി, അഡ്വ.എസ്.അച്ചുതൻ , ബിനു വെള്ളച്ചിറ, ഇ.കെ.സുരേഷ്, പ്രേംജിത് , എസ്.രാധാകൃഷ്ണൻ എന്നിവർ സംസാരിച്ചു.

08/06/2026

#പത്തുവയസ്സുകാരിയെ_പീഡിപ്പിച്ചയാൾ_അറസ്റ്റിൽ

#കോന്നി :
10 വയസ്സ് മാത്രം പ്രായമുള്ള പെൺകുട്ടിയെ പീഡിപ്പിച്ചയാളെ കോന്നി പോലീസ് അറസ്റ്റ് ചെയ്തു. അരുവാപ്പുലം കൊക്കാത്തോട് എന്ന സ്ഥലത്ത് കൊന്നമൂട്ടിൽ വീട്ടിൽ രതീഷ് (43) ആണ് കോന്നി പോലീസിന്റെ പിടിയിലായത്. 2024 മുതൽ 2026 വരെയുള്ള കാലയളവിൽ പല തവണയാണ് ഇയാൾ പെൺകുട്ടിയെ പീഡനത്തിന് ഇരയാക്കിയത്. കേസെടുത്ത കോന്നി പൊലീസ് ഇൻസ്പെക്ടർ SHO രതീഷ് SCPO ലുലു CPO മാരായ നഹാസ് സുനിൽ , സുധീഷ് എന്നിവരുടെ സംഘമാണ് പ്രതിയെ അറസ്റ്റ് ചെയ്തത് കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.

08/06/2026

#ലഫ്റ്റനൻ്റ്_കേണലിന്_ജന്മനാട്_സ്വീകരണം_നൽകി

#പന്തളം : ഇന്ത്യൻ ആർമിയിൽ നിന്ന് 37 വർഷത്തെ സ്തുത്യർഹസേവനത്തിനു ശേഷം വിരമിച്ചു ജന്മനാടായ പന്തളത്ത് മടങ്ങിയെത്തിയ ലെഫ്. കേണൽ കെ. മധുവിന് ജന്മനാട്ടിൽ പൗരാവലിയുടെടെയും സുഹൃത്തുക്കളുടെയും നേതൃത്വത്തിൽ സ്വീകരണവും ആദരവും നൽകി.
'ദ ഹിസ്റ്ററി മാൻ ഓഫ് ഇന്ത്യ ' ബഹുമതി ജേതാവ് അഡ്വ. ജിതേഷ്ജി യുടെ അദ്ധ്യക്ഷതയിൽ ചേർന്ന സ്വീകരണയോഗം ഇന്ത്യൻ ആർമി ബ്രിഗേഡിയർ ജി. സുരേഷ് ഉദ്ഘാടനം ചെയ്തു. അടൂർ എം എൽ എ അഡ്വ. സി. വി. ശാന്തകുമാർ, ഉടുമ്പുഞ്ചോല എം. എൽ. എ യും മുൻ സൈനികനുമായ അഡ്വ: സേനാപതി വേണു എന്നിവർ ചേർന്ന് ലഫ്. കേണൽ കെ.മധുവിനെ പൊന്നാടയണിയിച്ച് ആദരിച്ചു. കേണൽ യു. കെ. നായർ ഇ. കെ, കേണൽ എസ്. സുരേഷ്, എസ്. എൻ. ഡി. പി യോഗം നേതാവ് ഡോ.എ. വി. ആനന്ദരാജ്, കെ. പി. സി. സി സെക്രട്ടറി എം എൻ. ഗോപി, പോലീസ് ഓഫീസർസ് അസോസിയേഷൻ മുൻ സംസ്ഥാന പ്രസിഡന്റ് സി. ആർ. ബിജു,
കുളനട
ഗ്രാമപഞ്ചായത്ത് അംഗം ജി. രഘുനാഥ്, തുമ്പമൺ ഗ്രാമപഞ്ചായത്ത് അംഗം സഖറിയ വർഗീസ്, ഡോ. അമൃത, സുജി മധു, അർജുൻ തുടങ്ങിയവർ നേതൃത്വം നൽകി.

08/06/2026

#കനത്ത_മഴ: #വിവിധ_ജില്ലകളിൽ_നാളെ_വിദ്യാഭ്യാസ_സ്ഥാപനങ്ങൾക്ക്_അവധി

#തിരുവനന്തപുരം: കനത്ത മഴ നിലനില്‍ക്കുന്ന കോഴിക്കോട്,കണ്ണൂർ, കാസർകോട് ജില്ലകളില്‍ കേന്ദ്ര കാലാവസ്ഥാ വകുപ്പ് റെഡ് അലേർട്ട് പ്രഖ്യാപിച്ചിട്ടുളള സാഹചര്യത്തിലും കനത്ത മഴയെ തുടർന്ന് പല സ്ഥലങ്ങളിലും വെളളക്കെട്ട് രൂപപ്പെട്ടതിനെ തുടർന്നും അടുത്ത ദിവസങ്ങളിലും ശക്തമായ കാറ്റും മഴയും ഉണ്ടാകുമെന്ന മുന്നറിയിപ്പിനെ തുടർന്നും അപകടങ്ങളും ദുരന്തങ്ങളും ഒഴിവാക്കാനായി സ്കൂളുകള്‍ , മദ്രസകൾ,ട്യൂഷൻ സെന്‍ററുകള്‍ ,പ്രൊഫെഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ( 09.06.2026) (ചൊവ്വ) അവധി പ്രഖ്യാപിച്ച് ബന്ധപ്പെട്ട ജില്ലാ കലക്ടര്‍മാര്‍ ഉത്തരവിട്ടു .

യൂണിവേഴ് സിറ്റി പരീക്ഷകൾ, പി.എസ്.സി പരീക്ഷകൾ എന്നിവ മുൻ കൂട്ടി നിശ്ചയിച്ച പ്രകാരം മാറ്റമില്ലാതെ നടക്കുന്നതാണ്. അങ്കണവാടികൾക്കും ഈ അവധി ബാധകമാണ്.

08/06/2026

#വസ്‌തു_വാങ്ങി_നൽകി; #ഇനി_വീട്_വേണം

08/06/2026

#കാർഷികവിളകൾ_സംരക്ഷിക്കണം - #കേരള_കർഷക_സംഘം

#പന്തളംഃ വന്യജീവി അക്രമണങ്ങളിൽ നിന്നും കാർഷിക വിളകൾ സംരക്ഷിക്കുവാനും നടപടികൾ സ്വീകരിക്കണമെന്ന് കേരള കർഷക സംഘം പന്തളം ഏരിയ സമ്മേളനം ആവശ്യപ്പെട്ടു .കരിങ്ങാലി പാടശേഖരത്തിലെ നെൽകൃഷിക്ക് സംസ്ഥാന സർക്കാരിൻ്റെ ബഡ്ജറ്റിൽ കാർഷിക പാക്കേജ് പ്രഖ്യാപിക്കണമെന്നും സമ്മേളനം ആവശ്യപ്പെട്ടു .ഏരിയ സമ്മേളനം കേരള കർഷക സംഘം പത്തനംതിട്ട ജില്ലാ സെക്രട്ടറി ആർ തുളസീധരൻ പിള്ള ഉദ്ഘാടനം ചെയ്തു .ഏരിയ കമ്മിറ്റി പ്രസിഡണ്ട് മുണ്ടക്കൽ മനോജ് അദ്ധ്യക്ഷനായിരുന്നു .മുതിർന്ന നേതാവ് പി കെ വാസുപിള്ള പതാക ഉയർത്തി .കർഷക സംഘം പന്തളം ഏരിയ കമ്മിറ്റി അംഗങ്ങളായ കെ എച്ച് ഷിജു രക്തസാക്ഷി പ്രമേയവും ടി ശിവൻ കുട്ടി അനുശോചന പ്രമേയവും അവതരിപ്പിച്ചു .കർഷക സംഘം പന്തളം ഏരിയ കമ്മിറ്റി സെക്രട്ടറി സി കെ രവിശങ്കർ പ്രവർത്തന റിപ്പോർട്ടും സംസ്ഥാന കമ്മിറ്റി അംഗം ബി സതി കുമാരി സംഘടന റിപ്പോർട്ടും അവതരിപ്പിച്ചു .
കർഷക സംഘം പത്തനംതിട്ട ജില്ലാ കമ്മിറ്റി അംഗങ്ങളായ കെ ജി വാസുദേവൻ,ആർ അനിൽ കുമാർ
സി പി ഐ എം പത്തനംതിട്ട ജില്ലാ കമ്മിറ്റി അംഗം ലസിത ടീച്ചർ ,പന്തളം ഏരിയ കമ്മിറ്റി സെക്രട്ടറി ആർ ജ്യോതികുമാർ ,ഏരിയ കമ്മിറ്റി അംഗങ്ങളായ സി രാഗേഷ് ,ബി പ്രദീപ് ,എൻ സി അഭീഷ് എന്നിവർ സംസാരിച്ചു.സ്വാഗത സംഘം ചെയർമാൻ റോയ് വർഗ്ഗീസ് സ്വാഗതവും കർഷക സംഘം പന്തളം ഏരിയ കമ്മിറ്റി വെെസ് പ്രസിഡണ്ട് എം ടി സുധ നന്ദിയും പറഞു .മനോജ് മുണ്ടക്കൽ ,പി കെ വാസുപിള്ള,ബി പ്രദീപ് ,എം ടി സുധ (പ്രസീഡിയം) കെ എച്ച് ഷിജു ,കെ ഹരി ലാൽ,വി പി രാജീവ്(മിനിട്സ്) പ്രിയ ജ്യോതികുമാർ ,ബി ബിനു ,ടി ശിവൻ കുട്ടി (പ്രമേയം) എന്നിവരടങ്ങിയ സബ്ബ് കമ്മിറ്റികൾ സമ്മേളനത്തിൽ പ്രവർത്തിച്ചു.കേരള കർഷക സംഘം പന്തളം ഏരിയ കമ്മിറ്റി ഭാരവാഹികളായി ബി പ്രദീപ് ( പ്രസിഡണ്ട് ) ഫിലിപ്പോസ് വർഗ്ഗീസ് ,എം ടി സുധ (വെെസ് പ്രസിഡണ്ടന്മാർ)സി കെ രവിശങ്കർ (സെക്രട്ടറി) ബാബു വർഗ്ഗീസ് ബി ബിനു (ജോയിൻ സെക്രട്ടറിമാർ) മുണ്ടക്കൽ മനോജ് (ട്രഷറർ )എന്നിവരെ തിരഞെടുത്തു .

08/06/2026

' #പ്രതീക്ഷ' #യേകി ' #നിറപൊലിമ'

#പന്തളം: ഓണ വിപണി ലക്ഷ്യമാക്കി കുടുംബശ്രീ മിഷനും പഞ്ചായത്തും കൃഷി ഭവനും ചേർന്ന് ചെയ്യുന്ന നിറപ്പൊലിമ പദ്ധതിയിലൂടെ കുളനട പ്രതീക്ഷ ബഡ്‌സ് സ്കൂളിലും ബന്തി കൃഷി ചെയ്തു. ഗ്രാമപഞ്ചായത്ത്‌ പ്രസിഡന്റ്‌ പോൾ രാജൻ തൈകൾ കൈമാറി. കാർഷിക റിസോഴ്‌സ് പേഴ്സൺ വരലക്ഷ്മി ക്ലാസെടുത്തു അദ്ധ്യാപകർ, അനധ്യാപകർ, രക്ഷകർത്താവ് മോളി വർഗീസ്, കുട്ടികൾ തുടങ്ങിയവർ തൈകൾ നട്ടു.

Adurnews

08/06/2026

08/06/2026

08/06/2026

08/06/2026

08/06/2026

08/06/2026

08/06/2026

08/06/2026

08/06/2026

08/06/2026

Address

Telephone

Website

Alerts

Contact The Business

Shortcuts

Share

Category