SS News Tamil

24/10/2025

நக்சலைட் பகுதிக்கு மாற்றிவிடுவேன்" என மிரட்டி, எஸ்.ஐ. மனைவியிடம் பாலியல் தொல்லை கொடுத்த ஐ.பி.எஸ். அதிகாரி?

22/10/2025

வுதி அரேபியாவின் புதிய சட்டம்: 1.3 கோடி தொழிலாளர்களுக்கு உரிமைகள், கொத்தடிமை முறைக்கு முற்றுப்புள்ளி.

பல தசாப்தங்களாகப் பெரும் சர்ச்சைகளுக்கும் விமர்சனங்களுக்கும் உள்ளாகி வந்த கஃபாலா (Kafala) ஆதரவு அமைப்பை சவுதி அரேபியா அதிகாரப்பூர்வமாக நீக்கியுள்ளது. இந்த வரலாற்றுச் சிறப்புமிக்க தொழிலாளர் சீர்திருத்தம், நாட்டில் பணிபுரியும் சுமார் 1.3 கோடி வெளிநாட்டுத் தொழிலாளர்களுக்கு, குறிப்பாக 23 லட்சம் இந்தியர்களுக்கு, மிகுந்த பயனை அளிக்கும் என்று எதிர்பார்க்கப்படுகிறது.

கஃபாலா முறையின் பிடியில் தொழிலாளர்கள்:

சுமார் 50 ஆண்டுகளுக்கு முன்பு அறிமுகப்படுத்தப்பட்ட கஃபாலா முறை, புலம்பெயர்ந்த தொழிலாளர்களின் மீது முதலாளிகளுக்கு கிட்டத்தட்ட முழுமையான கட்டுப்பாட்டை அளித்து வந்தது. இந்த முறையில் தொழிலாளர்கள் ஒரு உள்ளூர் ஸ்பான்சர் அல்லது கஃபீலுடன் கட்டாயமாகப் பிணைக்கப்பட்டிருந்தனர். இதன் காரணமாக, முதலாளியின் அனுமதி இல்லாமல், தொழிலாளர்கள் வேலையை மாற்றவோ, நாட்டை விட்டு வெளியேறவோ அல்லது சட்ட உதவியை நாடவோ இயலாத நிலை இருந்தது. காலப்போக்கில், இந்த அமைப்பு வெளிநாட்டுத் தொழிலாளர்களின் உரிமைகளை மீறும் ஒரு கொத்தடிமை முறை போலச் செயல்பட்டதாக மனித உரிமை அமைப்புகள் குற்றம் சாட்டின.

விஷன் 2030-ன் கீழ் புதிய விடுதலை:

சவுதி பட்டத்து இளவரசர் முகமது பின் சல்மானின் ‘விஷன் 2030’ என்ற தொலைநோக்குத் திட்டத்தின் ஒரு பகுதியாக இந்த முக்கிய முடிவு எடுக்கப்பட்டுள்ளது. தொழிலாளர் சந்தையை மேம்படுத்துதல், வெளிநாட்டு முதலீடுகளை ஈர்க்குதல் மற்றும் மனித வள மேம்பாட்டை உறுதி செய்தல் ஆகிய நோக்கங்களுடன் இந்த கஃபாலா முறை நீக்கப்பட்டுள்ளது.

இந்தச் சீர்திருத்தத்தின் மூலம், கோடிக்கணக்கான தொழிலாளர்கள் முன்பு இருந்த கடுமையான கட்டுப்பாடுகளில் இருந்து விடுபட்டு, சிறந்த வேலைவாய்ப்பு மற்றும் சட்டப்பூர்வ பாதுகாப்பைப் பெறுவார்கள் என்று சவுதி அரசு நம்பிக்கை தெரிவித்துள்ளது. தொழிலாளர் உரிமைகளை மேம்படுத்துவதில் இது ஒரு முக்கிய மைல்கல்லாகப் பார்க்கப்படுகிறது.

22/10/2025

21/10/2025

கனமழை எச்சரிக்கை: நீலகிரி மாவட்ட ஆட்சியரின் முக்கிய அறிவிப்பு!

நீலகிரி மாவட்டத்தில் ஏதேனும் அவசர நிலை ஏற்பட்டால், பொதுமக்கள் உடனடியாகத் தொடர்பு கொண்டு தகவல் தெரிவிக்க கீழ்க்கண்ட எண்கள் அறிவிக்கப்பட்டுள்ளன.

அவசரகால கட்டுப்பாட்டு மையத்தின் கட்டணமில்லா எண்: 1077

கட்டுப்பாட்டு மையத்தின் பிற எண்கள்: 04232450034, 2450035

வாட்ஸ்-அப் மூலம் தகவல் அளிக்க: 9488700588

பொதுமக்கள் இந்த எண்களைப் பயன்படுத்தி, அவசர காலங்களில் மாவட்ட நிர்வாகத்திற்கு ஒத்துழைப்பு அளிக்குமாறு நீலகிரி மாவட்ட ஆட்சியர் கேட்டுக் கொண்டுள்ளார்.

அம் மாவட்ட மக்களுக்கு கொண்டு சேரும் வரை இந்த தகவலை ஷேர் செய்யவும்...

21/10/2025

உங்க பாஸ்போர்ட் சைஸ் போட்டோ அல்லது செல்பிய இந்த மாதிரி மாத்தலாம்... கமெண்ட் ல "Prompt " னு type பண்ணி அனுப்புங்க... உங்க inbox க்கு அனுப்பி வைக்கப்படும்....
இன்னும் இதே மாதிரி வேற Prompt வேணும்னா "More " னு type பண்ணுங்க....

20/10/2025

விமான நிலையத்தில் ₹2.37 கோடி மதிப்பிலான தங்கம் பறிமுதல்: குவைத் பயணியின் சாமர்த்தியமான கடத்தல் முயற்சி முறியடிப்பு!

ஹைதராபாத்: குவைத்திலிருந்து வந்த ஒரு பயணியிடம் இருந்து சுமார் ரூபாய் 2.37 கோடி மதிப்புள்ள தங்கம் பறிமுதல் செய்யப்பட்டுள்ளது. ஹைதராபாத்தில் உள்ள ராஜீவ் காந்தி சர்வதேச விமான நிலையத்தில் (RGIA) இந்தச் சம்பவம் நடந்துள்ளது. மத்திய வருவாய் புலனாய்வு இயக்குநரகத்தின் (DRI) அதிகாரிகள் சாமர்த்தியமாக மறைத்து வைக்கப்பட்டிருந்த தங்கத்தைக் கைப்பற்றியதோடு, கடத்தல்காரரையும் கைது செய்தனர்.

தகவலின் பேரில் நடவடிக்கை
சம்பவம் நடந்த அன்று, குறிப்பிட்ட ரகசியத் தகவலின் அடிப்படையில் DRI-யின் ஹைதராபாத் மண்டலப் பிரிவு அதிகாரிகள் சுறுசுறுப்புடன் செயல்பட்டனர். குவைத்திலிருந்து ஷார்ஜா வழியாக ஹைதராபாத் வந்த அந்தப் பயணியை அவர்கள் இடைமறித்தனர்.

அதிகாரிகள் அந்தப் பயணியின் சோதனை செய்யப்பட்ட உடைமைகளை (checked-in baggage) மிகவும் நுணுக்கமாக ஆய்வு செய்தனர். இந்த விரிவான ஆய்வின் முடிவில், மொத்தம் 1,798 கிராம் (சுமார் 1.8 கிலோ) எடையுள்ள தங்கம் கண்டுபிடிக்கப்பட்டது. இந்தத் தங்கத்தின் சந்தை மதிப்பு சுமார் ₹2,37,00,000 (இரண்டு கோடியே முப்பத்தேழு லட்சம்) என மதிப்பிடப்பட்டுள்ளது.

தங்கம் மறைக்கப்பட்ட விதம்
கடத்தல்காரர் தங்கத்தைக் கண்டுபிடிக்க முடியாத வகையில் மறைக்கக் கையாண்ட விதம் அதிகாரிகளை வியப்படையச் செய்தது.

ஐந்து 24 காரட் தங்கக் கட்டிகள், அந்தப் பயணியின் உடைமையில் இருந்த உலோகப் பூட்டிற்குள் (metallic lock) மிகவும் திறமையாக மறைக்கப்பட்டிருந்தன.

மேலும், இரண்டு துண்டுகளாக வெட்டப்பட்ட தங்கம், சூரியகாந்தி விதைகள் நிரப்பப்பட்ட ஒரு பிளாஸ்டிக் பை உள்ளே மறைத்து வைக்கப்பட்டிருந்தது.

இத்தகைய சிக்கலான மற்றும் நுண்ணிய மறைப்பு முறைகள் மூலம்தான் விமான நிலையச் சோதனையிலிருந்து தப்ப கடத்தல்காரர்கள் முயன்றுள்ளனர். எனினும், DRI அதிகாரிகளின் சிறப்புக் கண்காணிப்பும் விழிப்புணர்வும் இந்தச் சட்டவிரோதக் கடத்தல் முயற்சியை முறியடித்தது.

கைது மற்றும் மேலதிக விசாரணை
மீட்கப்பட்ட வெளிநாட்டுத் தங்கம் மற்றும் அதற்கான மறைப்புக் கருவிகள் அனைத்தும் சுங்கச் சட்டம், 1962-இன் கீழ் பறிமுதல் செய்யப்பட்டன. இந்தச் சட்டத்தின் விதிகளின்படி, அந்தப் பயணி உடனடியாக கைது செய்யப்பட்டார்.

இந்தத் தங்கம் யாருக்காகக் கடத்தப்பட்டது, இதன் இறுதி இலக்கு எது, இந்தப் பெரிய கடத்தல் சங்கிலியில் வேறு யாருக்கெல்லாம் தொடர்பு உள்ளது என்பது குறித்து DRI அதிகாரிகள் தீவிர விசாரணை மேற்கொண்டு வருகின்றனர். சட்டவிரோதத் தங்கக் கடத்தல் நடவடிக்கைகளில் ஈடுபடுவோர் மீது தொடர்ந்து கடுமையான நடவடிக்கை எடுக்கப்படும் என்றும் அதிகாரிகள் எச்சரிக்கை விடுத்துள்ளனர்.

20/10/2025

தீபாவளி வின்னர் யார்?

19/10/2025

மருத்துவக் கல்லூரி மாணவர் நீரில் மூழ்கி பலி? - 😔 கொடைக்கானல் ஐந்து வீடு அருவியில் துயரம்

திண்டுக்கல் மாவட்டம் கொடைக்கானல் அருகே உள்ள ஐந்து வீடு அருவியில், பொள்ளாச்சியைச் சேர்ந்த மருத்துவக் கல்லூரி மாணவர் நந்தகுமார் (21) நீரில் மூழ்கி காணாமல் போனதாக தகவல் வெளியாகியுள்ளது.

📍 நேற்று மாலை, பொள்ளாச்சியில் இருந்து வந்த 11 நண்பர்கள் குழுவாக அருவிக்கு சென்றுள்ளனர். குளிக்கும் போது நந்தகுமார் திடீரென நீரில் மூழ்கியதாக கூறப்படுகிறது.
நண்பர்கள் உடனே கிராம மக்கள் மற்றும் தீயணைப்புத் துறைக்கு தகவல் தெரிவித்தனர்.

🚒 தீயணைப்புத் துறையினர் விரைந்து வந்து தேடுதல் பணியில் ஈடுபட்டனர். ஆனால் இரவு நேரம் மற்றும் நீர் அதிகம் இருப்பதால் தேடுதல் நிறுத்தப்பட்டது.
இன்று காலை மீண்டும் தீவிரமாக தேடுதல் பணிகள் நடைபெற்று வருகின்றன.

⚠️ குறிப்பிடத்தக்க விஷயம் என்னவெனில் — இதே ஐந்து வீடு அருவியில் இதுவரை 11 பேர் உயிரிழந்திருக்கிறார்கள்!
முந்தைய சம்பவங்களுக்குப் பிறகும் பாதுகாப்பு கம்பிகள் அமைக்கப்படாததால், மக்கள் உயிரிழப்புகள் தொடர்கின்றன என்ற குற்றச்சாட்டு எழுந்துள்ளது.

19/10/2025

நீதிமன்ற அவதூறு வழக்கு: சீமான் மீது 2 பிரிவுகளில் வழக்குப்பதிவு.

நீதித்துறையை அவமதிக்கும் வகையில் பேசியதாக குற்றச்சாட்டு எழுந்துள்ளதால், நாம் தமிழர் கட்சி ஒருங்கிணைப்பாளர் சீமான் மீது போலீசார் 2 பிரிவுகளின் கீழ் வழக்குப்பதிவு செய்துள்ளனர்.

வழக்கறிஞர் சார்லஸ் அலெக்சாண்டர், கடந்த 2024 ஆம் ஆண்டு சீமான் அளித்த யூடியூப் பேட்டியில், நீதிமன்றம் மற்றும் நீதித்துறையை ஆபாச வார்த்தைகளில் விமர்சித்ததாக கூறி, போலீசில் புகார் அளித்திருந்தார்.

அந்த புகாருக்கு போலீசார் எந்த நடவடிக்கையும் எடுக்காததால், அவர் எழும்பூர் நீதிமன்றத்தில் வழக்கு தொடர்ந்தார். எனினும், அந்த மனுவை எழும்பூர் நீதிமன்றம் தள்ளுபடி செய்தது.

இதையடுத்து, வழக்கறிஞர் சார்ல்ஸ் அலெக்சாண்டர், சென்னை உயர்நீதிமன்றத்தில் மேல் முறையீடு செய்தார். அந்த மனுவை விசாரித்த நீதிபதி ஜி.கே. இளந்திரையன், போலீசுக்கு புகார் அடிப்படையில் வழக்குப்பதிவு செய்து, சட்டப்படி நடவடிக்கை எடுக்க உத்தரவிட்டார்.

அந்த நீதிமன்ற உத்தரவின் அடிப்படையில், இன்று (அக்டோபர் 19) போலீசார் சீமான் மீது 2 பிரிவுகளில் வழக்குப்பதிவு செய்து விசாரணை நடத்தி வருகின்றனர்.

19/10/2025

அப்பா அம்மாவை நேசிப்பீங்கனு தெரியும்.... அப்படியே கமெண்ட் ல சொல்லிட்டு போங்க அன்பு மக்களே....அப்படியே நம்ம பக்கத்த follow - ஷேர் - like பண்ணிட்டு போங்க 🥰🙏

18/10/2025

இரவு பெய்த கனமழை ஒரு குடும்பத்தின் வாழ்வையே சிதைத்தது…
ராஜபாளையம் அருகே சுவர் இடிந்து விழுந்ததில் 100-க்கும் மேற்பட்ட ஆடுகள் உயிரிழந்த துயரச்சம்பவம் 😢

விருதுநகர் மாவட்டம் ராஜபாளையம் அருகே இளந்திரை கொண்டான் ஊராட்சியின் அம்மையப்பபுரம் கிராமத்தைச் சேர்ந்த முருகன், மூன்று தலைமுறைகளாக ஆடு மேய்ப்பை தொழிலாக செய்து வருகிறார்.

மழைக்காலம் என்பதால், அவர் ஊருக்குள் உள்ள தனது சொந்த நிலத்தில் கிடை அமைத்து ஆடுகளை பராமரித்து வந்தார். இதற்கிடையில், நேற்று இரவு தொடர் கனமழை பெய்தது.

அந்த மழையின் தாக்கத்தால், அருகிலிருந்த அரிசி ஆலையின் மதில் சுவர் இடிந்து ஆடுகள் மேல் விழுந்தது. இதனால் சுமார் ரூ.30 லட்சம் மதிப்பிலான நூற்றுக்கும் மேற்பட்ட ஆடுகள் சுவரின் கீழ் சிக்கி பரிதாபமாக உயிரிழந்தன.

தகவல் அறிந்த தளவாய்புரம் காவல்துறை சம்பவ இடத்திற்கு வந்து, வழக்குப்பதிவு செய்து விசாரணை மேற்கொண்டு வருகிறது.