23/04/2026
حاجی فضل طاہرکسانہ کی وفات، پونچھ سمیت جموں و کشمیر میں گہرے رنج و غم کی لہر
پونچھ:
پونچھ کے معروف سماجی و عوامی شخصیت حاجی فضل طاہر کسانہ کے اچانک انتقال نے نہ صرف ضلع پونچھ بلکہ پورے جموں و کشمیر میں افسوس کی فضا قائم کر دی ہے۔ اطلاعات کے مطابق حاجی فضل طاہر کسانہ کا انتقال دل کا دورہ پڑنے سے ہوا، جس کے بعد ہر آنکھ اشکبار اور ہر دل غمزدہ دکھائی دے رہا ہے۔
حاجی فضل طاہر کو ایک خوش اخلاق، مخلص اور غریبوں کے حقیقی ہمدرد کے طور پر جانا جاتا تھا۔ وہ ہمیشہ دکھی اور ضرورت مند افراد کی مدد کے لیے پیش پیش رہتے تھے اور اپنی سماجی خدمات کے ذریعے عوام کے دلوں میں ایک خاص مقام رکھتے تھے۔
انہوں نے ہلکا کا سربھ ناش آپریشن کی شروعات کر کے علاقے میں مثبت تبدیلی لانے کی کوشش کی، جسے عوام نے خوب سراہا۔ ان کی قیادت اور خدمات کو ہمیشہ یاد رکھا جائے گا۔
فضل طاہر کی وفات کو ایک ایسا نقصان قرار دیا جا رہا ہے جس کا ازالہ ممکن نہیں۔ پونچھ بھر میں سوگ کا ماحول ہے اور مختلف طبقہ ہائے فکر سے تعلق رکھنے والے افراد ان کی وفات پر گہرے دکھ اور افسوس کا اظہار کر رہے ہیں۔
اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل دے۔ آمین۔
