Anunaad Prakashan

29/06/2023

विदर्भ साहित्य संघाचे वाङ् मयीन नियतकालिक ‘युगवाणी’- जुलै-ऑगस्ट-सप्टेंबर-२०२२ च्या चित्रकार प्रभाकर कोलते विशेषांकातील श्री.जयंत भीमसेन जोशी यांनी लिहिलेल्या ‘अंतःप्रेरणेचे शाहीर’ या चिंतनात्मक लेखामधील हा अंश-
--------
‘आत्मप्रचितीची रूपबिंबे’ (२)
---------
“स्वतःच्या चित्रांबद्दल सर फारसे बोलत नाहीत. मग आपणच आडाखे बांधायचे. मला असं वाटत, तीस-चाळीस वर्षांपूर्वी कधीतरी सरांना कलेचे मर्म दाखवणारा खूप व्यापक आणि परिपूर्ण दृष्टांत झालेला आहे आणि त्या दृष्टांताच्या वेगवेगळ्या रूपछटांचे गुणवर्णन ते पेंटीग्जद्वारा करत असतात. जणू त्या साक्षात्काराची जिवंत स्मृती त्यांच्या मनात आहे आणि खूप सहजतेने सरांच्या हातातून कॅनव्हासवर उमटते आहे. प्रयोगशीलतेतल्या सातत्यामुळे तसेच ऑरगॅनिक आणि स्ट्रक्चरल यांच्या संतुलित मिलाफामुळे या कलाकृतींना आस्तित्वभान लाभले आहे आणि त्यांचे भवतालाशी नाते निश्चित झाले आहे. पाहणाऱ्यांचे त्या कलाकृतीबरोबर धागे जुळू लागतात. इतक्या साऱ्या वर्षांच्या रियाजामुळे हे सारे काही सहज होऊन जाते. आविष्कारातली ही सारी सहजता/अकृत्रिमता कलाकृतीला लोभस बनवते, जिवंत करते. रसिक, कलाप्रेमी, कलेचे विद्यार्थी या किमयेचे रहस्य शोधू लागतील तेव्हा तिथे दडलेले खूप मोठे विचारधन त्यांना दिसू शकेल. दृश्यकलेतल्या सनातन समीकरणांचे नवे अर्थ कळतील. ही कोलते सरांची खास परिभाषा आहे. सौम्य, आत्ममग्न, तृप्त आणि न खुपणारी. परमेश्वराचे रूपवर्णन, गुणवर्णन करताना संत थकत नाहीत. कितीही बोलले, सांगितले तरी सांगण्यासारखे काहीतरी राहिलेलेच असते. अगदी तसेच कोलते सरांना झालेल्या मूळ साक्षात्काराबद्दल म्हणता येईल. सततच्या ध्यासामुळे आणि कामात निमग्न राहिल्यामुळे त्या आनंदमय रूपब्रह्माच्या साक्षात्काराची नवनवी अधिष्ठाने त्यांना दिसत रहातात आणि किती किती, किती तऱ्हेनी हे ऋणानुबंध सांगावेत असे होत असावे.”

(आभार - प्रफुल्ल शिलेदार । ‘युगवाणी’ अंकासाठी संपर्क - श्रीमती सना पंडित - 7709047933)
——-
प्रभाकर कोलते
लिखित
‘दृक् चिंतन’
हे चित्रविश्वातील पाश्चात्त्य व भारतीय चित्रकारांच्या
योगदानाचा परामर्श घेणारे आणि आपले ‘दृक् संचित समृद्ध करणारे’
पुस्तक विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.
UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +919422322644 | [email protected]
#दृक्_चिंतन

27/06/2023

27/06/2023

विदर्भ साहित्य संघाचे वाङ्मयीन नियतकालिक ‘युगवाणी’- जुलै-ऑगस्ट-सप्टेंबर-२०२२ च्या चित्रकार प्रभाकर कोलते विशेषांकातील श्री. जयंत भीमसेन जोशी यांनी लिहिलेल्या ‘अंतःप्रेरणेचे शाहीर’ या चिंतनात्मक लेखामधील हा अंश-
——-
‘आत्मप्रचितीची रूपबिंबे’ (१)
——-
“लय, विलय, स्थिती, उत्क्रांती या चक्रातून जाताना ज्ञान साठवले जाते ते संपूर्ण नसते; पण जे मिळालेले ज्ञान आहे तोच जगण्याचा आधार आहे. या आधारावर, या सापडलेल्या पायऱ्यांवर उभे राहून भविष्यातली गृहीतके मांडली जातात. कलेची अनेकविध रूपे याच गृहीतकांवर बसून, याच आराखड्यांच्या साहाय्याने जगासमोर येतात. ज्ञानाला रूप नाही, आकार नाही. भावनेचेही तसेच आहे. बघणाऱ्यालाही दृश्यरूप नाही. आकाशाला रूप आहे. त्यातल्या हालचाली दिसतात; परंतु सारा विस्तार नजरेत मावत नाही. आकाशाला शिखर नाही, तळही नाही; पण आकाशातल्या हालचालींना नाद असतो, त्यांचा कंप जाणवतो. सृष्टी अफाट आहे. कल्पनासृष्टी अथांग आहे. विषय आणि निर्विषय यांचे अनेकविध मेळ सतत घडत असतात. प्रत्येक क्षणी काही नाहीसे होते, काही नवे जन्मते. भौतिक आणि आधिभौतिकाच्या सीमेवर उभा असलेला तरल, तलम, आध्यात्मिक प्रदेश हा कोलतेसरांच्या प्रेरणेचा स्रोत असावा. ओळखीचे आकार, ओळखीच्या छटा यांच्या कैवल्याच्या पातळीवरच्या मनोज्ञ हालचाली, कोलतेसर त्यांच्या एका विशेष मचाणावरून टिपतात. त्यांची अंतःप्रेरणेने नोंद करतात. ही नोंद करण्याची प्रक्रिया म्हणजेच सरांचे पेंटिंग आणि ही प्रक्रिया पेंटींगशिवाय इतर कुठल्याच माध्यमातून प्रकट होऊ शकत नाही. कला आणि शास्त्रविचार इथे एकमेकांमध्ये आनंदाने लोप पावले आहेत असे वाटते. या प्रतिमासृष्टीतले आकार, रंग, रेषा, प्रकाश, अंधार यांचे एकमेकांमधले व्यवहार आणि नाती, प्रत्येक प्रतिमेमध्ये, प्रत्येक चित्रात रूप पालटतात. पात्रे तीच : आकार, रंग, रेषा, प्रकाश, अंधार; पण जादू होते आणि पाहता पाहता संदर्भ बदलू लागतात. रुढार्थाला किंचित धक्का बसतो; पण नीट परिशीलन केल्यास लगेच त्या त्या प्रतिमेचे अस्तित्वभान मन उजळू लागते. प्रत्येक पेंटिंगमधले दृश्य-नाट्य आणि दृश्य-काव्य स्वतंत्र असते. कोलते सरांचे चिंतन, त्यांनी अनुभवलेले साक्षात्कार ते दृश्यरूपाने साकारतात. या चिंतनातून घडलेल्या सरांच्या पेंटीग्जमध्ये तारुण्याचा जोश आहे, भावनांची धीरगंभीरता आहे. रसपरिपोष आहे, विरक्तीमधली तृप्ती आहे. अभिव्यक्तीतली संपूर्णता आहे. कार्यकुशलतेतल्या सातत्याची शक्ती आहे.”

(आभार - प्रफुल्ल शिलेदार । ‘युगवाणी’ अंकासाठी संपर्क - श्रीमती सना पंडित - 7709047933)
——-
प्रभाकर कोलते
लिखित
‘दृक् चिंतन’
हे चित्रविश्वातील पाश्चात्त्य व भारतीय चित्रकारांच्या
योगदानाचा परामर्श घेणारे आणि आपले ‘दृक् संचित समृद्ध करणारे’
पुस्तक विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.
UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +919422322644 | [email protected]

Jayant B. Joshi Gajoo Tayde Satish Tambe Nandita Wagle Atul Kulkarni Nilesh Kinkale Sirjjschoolofart Mumbai Priyadarshini Karve Pushkar Sohoni Anant Joshi Nitin Arun Kulkarni Ganesh Visputay Geetanjali Kulkarni Ravi Joshi Kundan Vilas Ruikar Archana Apte Yugwani Ank

#दृक्_चिंतन

02/09/2022

वासुदेव संतू गायतोंडे
“जन्मजात चित्रकलेचे वरदान आणि त्यासोबत अंतर्मुखतेची दुस्तर कळा घेऊन आलेल्या वासुदेव संतू गायतोंडे यांनी स्वत:च्या अंत:प्रेरणेला स्मरून केवळ चित्रकलेचा घेतलेला ध्यास, त्याला वडिलांच्या विरोधाचे लागलेले गालबोट, शिवाय चित्रकलेला प्रतिकूल असलेला त्या वेळचा काळ, अशा साऱ्याच गोष्टी गायतोंडे यांची सत्त्वपरीक्षा घ्यायला पुरेशा होत्या.
विशेष म्हणजे, त्याच सुमारास चित्रकला विषयाचे अभिजात गांभीर्य त्यांच्या लक्षात येऊ लागले होते. त्यामुळेच चित्रकलेवरील त्यांची निष्ठा दृढ होऊन आत्मविश्वास अधिक भक्कम झाला. त्यांच्या विचारांना वेगळी गती व वळण मिळून इतरांपासून निराळे होण्याच्या त्यांच्या प्रक्रियेला तिथेच सुरुवात झाली.
गायतोंडे यांना त्यांच्या एकटेपणाचा झालेला महत्त्वाचा लाभ म्हणजे त्यांना चतुरस्र वाचनाची गोडी लागली. विशेषत: अविकल्प कल्पनेला द्रष्टेपणाची जोड देणारे भारतीय तत्त्वज्ञान तसेच बौद्ध, सुफी तथा झेन विचारसरणीतील मर्म विशद करणाऱ्या साहित्याविषयी त्यांना एक खास लगाव निर्माण झाला. साहजिकच, व्यक्तिगत परिपूर्णतेकडे नेणारे हे ज्ञान-विषय, कळत-नकळत त्यांच्या व्यक्तिमत्त्वातून तसेच चित्रांकनातून डोकावू लागले. त्यामुळेच त्यांनी उत्तरोत्तर त्यांच्या स्वभावाला आणि अंत:करणात जे उपजते आहे त्या ज्ञानाला मानवणारे वातावरण स्वत:भोवती जाणीवपूर्वक निर्माण केले असावे. त्या वातावरणाचा परीघ हळूहळू विस्तारत गेला, इतका की, त्याने त्यांना इतरांपासून कमालीचे वेगळे केले-एखाद्या अनाघ्रात बेटासारखे...!”
-प्रभाकर कोलते

कोलते सरांच्या नजरेतून पाहिले तर आपल्यालाही थोडे भान येईल? त्यासाठी ‘दृक् संचित समृद्ध करणारे’ हे पुस्तक तुमच्या संग्रहात असायलाच हवे असे तुम्हाला वाटते? मग आपल्यासाठी ‘दृक् चिंतन’ विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
BooKGanga:
https://www.bookganga.com/R/8HVTG
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +91 9422322644 | [email protected]
#दृक्_चिंतन

02/09/2022

फ्रान्सिस न्यूटन सूझा
“सूझाचे जीवन म्हणजे एक चक्रीवादळच होते. त्यांचा जन्म होऊन तीन महिनेही लोटले नव्हते तोच त्याच्या तरुण वडिलांचा मृत्यू झाला. त्याच्या पुढच्याच वर्षी त्याची एकुलती एक बहीण मरण पावली. त्या शोकाकुल परिस्थितीतही नातेवाईक म्हणत होते की, ‘इतक्या सुंदर, गुणी आणि प्रेमळ मुलीला देवानं नेण्यापेक्षा ह्या शेंबड्या, अशक्त मुलाला (सूझाला) नेलं असतं तर बरं झालं असतं.' यावर मोठेपणी सूझा म्हणतो की, ‘तसं झालं असतं तर खरच बरं झालं असतं. निदान पुढल्या आयुष्यातल्या हालअपेष्टा वाचल्या असत्या.’
सूझाची आई मात्र जिद्दी होती. ती लहानग्या सूझाला घेऊन गोव्याहून मुंबईला आली. सुरुवातीला स्टेनोग्राफर म्हणून स्थिरावलेल्या तिने, ती नोकरी सोडून टेलरिंग व स्त्रियांसाठी ड्रेस-डिझायनिंग, ह्या आपल्या आवडत्या कला-व्यवसायात लक्ष घातले आणि स्वतःचे कसब आणि कलात्मकता जोपासली. आईकडूनच सूझाला केवळ जिद्दीपणाचेच बाळकडू नव्हे तर कलेचाही वारसा मिळाला असावा.
मुंबईला सेंट झेवियर्स हायस्कूलमध्ये शिकत असल्यापासून सूझाचे रेखाटनावर चांगलेच प्रभुत्व होते. त्यामुळे तो शाळेत चित्र काढणारा म्हणूनच सर्वांच्या परिचयाचा होता. शाळेतल्या मुतारीत अश्लील चित्रे तोच काढतो असा त्याच्यावर आरोप ठेवून त्याला शाळेतून काढून टाकण्यात आले. त्यावर सूझाचे स्पष्टीकरण असे होते की, “इतरांनी काढलेल्या त्या चित्रांचं आरेखन इतकं वाईट असे की ते दुरुस्त केल्याशिवाय मला चैन पडत नसे.” त्याच्या ह्या उत्तरात सफाईदार बचावापेक्षा चित्रकलेबद्दलचा निकोप दृष्टिकोनच अधिक प्रतिबिंबित झालेला दिसतो. हाच निकोपपणा पुढे चित्रकलेविषयीच्या पारदर्शक धाडसीपणात आणि वचनबद्धतेत रूपांतरित झालेला आढळतो.”
-प्रभाकर कोलते
कोलते सरांच्या नजरेतून पाहिले तर आपल्यालाही थोडे भान येईल? त्यासाठी ‘दृक् संचित समृद्ध करणारे’ हे पुस्तक तुमच्या संग्रहात असायलाच हवे असे तुम्हाला वाटते? मग आपल्यासाठी ‘दृक् चिंतन’ विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
BooKGanga:
https://www.bookganga.com/R/8HVTG
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +91 9422322644 | [email protected]
#दृक्_चिंतन

15/07/2022

ए. रामचंद्रन
“ ‘मी बोलत नाही, माझी चित्रे बोलतात’ असे ठासून सांगणाऱ्या पिढीचे ए. रामचंद्रन हे अध्वर्यू आहेत. बांधेसूद चित्रप्रतिमा आणि दाक्षिणात्य स्वभावाच्या रंगसंगतीत श्रीमंत झालेल्या त्यांच्या चित्रशैलीत आशयाला परिमाणकारक दृश्यरूप देण्याची अजोड ताकद आहे. आशय-रूपाचा लपंडाव कल्पकतेने मांडण्याची त्यांची चित्रवृत्ती मूलत:च त्यांच्या अंतस्थ भावसमाधीला वेढून असल्यामुळे त्यांची चित्रे प्रकर्षाने अधोरेखित करीत असतात ते हे भावलावण्यच! संबंधित चित्राचा मर्मबंधही तेच आहे.”
-प्रभाकर कोलते
कोलते सरांच्या नजरेतून पाहिले तर आपल्यालाही थोडे भान येईल? त्यासाठी ‘दृक् संचित समृद्ध करणारे’ हे पुस्तक तुमच्या संग्रहात असायलाच हवे असे तुम्हाला वाटते? मग आपल्यासाठी ‘दृक् चिंतन’ विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
BooKGanga:
https://www.bookganga.com/R/8HVTG
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +91 9422322644 | [email protected]
#दृक्_चिंतन

04/07/2022

कृष्णा रेड्डी
“वृत्तीने शांत आणि स्वभावाने लाघवी व्यक्तिमत्त्व असलेले रेड्डी सर उद्बोधक व्याख्याते म्हणून लोकप्रिय होते. त्यांना ऐकणे म्हणजे त्यांच्यातल्या प्रकांड शिक्षकाचे श्रवण आणि दृक् माध्यमाद्वारे एकवटलेले दर्शन घेण्यासारखेच होते. त्यांच्या स्वभावात बेमालूमपणे प्रतिबिंबित होणारा भारतीय तत्त्वज्ञानाचा मूलगामी प्रभाव आणि पाश्चात्त्यांची संशोधक चिवट वृत्ती यामुळेच त्यांनी स्वत:मधल्या शिल्पकाराला धातूच्या पत्र्यावर विविध प्रयोग करायला लावून प्रिंटमेकिंगच्या क्षेत्रात एक अद्भुत चमत्कार घडवून आणला.
त्यांच्या ह्या प्रयोगापूर्वी बहुरंगी उठाव-चित्र निर्माण करायचे असेल तेव्हा, प्रत्येक रंगासाठी प्रिंटमेकर स्वतंत्र पत्रा वापरत आणि असे अनेक पत्रे वापरून बहुरंगी चित्र निर्माण करत. परंतु रेड्डींच्या संशोधनामुळे एकाच पत्र्याचा वापर करून अनेकरंगी चित्र-प्रतिमा मिळविण्याची किमया साधणे शक्य झाले. रेड्डी स्वत:च एक उत्कृष्ट शिल्पकार असल्यामुळे त्यांनी कोरलेले पत्रेसुद्धा त्यांच्यातल्या शिल्पकाराचे विस्मयकारक कौशल्य ठळकपणे दर्शवितात. तो घडीव पत्रा एकप्रकारे स्वतंत्र शिल्पच असल्याचा प्रत्यय आपल्याला येतो.”
-प्रभाकर कोलते
कोलते सरांच्या नजरेतून पाहिले तर आपल्यालाही थोडे भान येईल? त्यासाठी ‘दृक् संचित समृद्ध करणारे’ हे पुस्तक तुमच्या संग्रहात असायलाच हवे असे तुम्हाला वाटते? मग आपल्यासाठी ‘दृक् चिंतन’ विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
BooKGanga:
https://www.bookganga.com/R/8HVTG
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +91 9422322644 | [email protected]
#दृक्_चिंतन

17/06/2022

दत्तात्रय गुंडो कुलकर्णी
“ ‘डीझी’ रंग हळुवारपणे हाताळतात. चित्रनिर्मितीच्या प्रवासात, सान्निध्यात येणाऱ्या रंगांवर स्वतःचे अगदी ठेवणीतले संस्कार केल्याशिवाय त्यांना चैन पडत नसावे असे वाटते. रंग, रंगांच्या विविध छटा, रंग-समुदायातील परस्परसंबंध आणि त्यांचे वैशिष्ट्यपूर्ण रंगलेपन पाहाता असे वाटते की, ‘डीझी’ अनामिक भावजाणिवांचे दृश्य-पदर उलगडण्याच्या कामात जास्त व्यग्र असावेत. कारण त्यांच्या चित्रांतून मुक्तपणे वावरणारे रंगाचे फटकारे आपल्याला दिसत नाहीत, तर मुक्तपणाचा अनुभव पचवलेले शांत गंभीर रंगवृत्तीचे संयमी नाट्य आढळते.
त्यांच्या चित्रांचा एकूणच स्थायीभाव रूपवादाचा पाठपुरावा करणारा वाटतो. किंबहुना, म्हणूनच त्यांच्या चित्रांतून रचनातत्त्वाला विशेष प्राधान्य दिल्याचे जाणवते. अशाच प्रकारचा स्थायीभाव त्यांनी निर्मिलेल्या कलाकृतीमधून आपल्यात प्रदर्शित होताना आढळतो. सोप्या परंतु भक्कम बाह्याकाराला नटविणारे रेखन करून ते त्याला म्हणजेच पर्यायाने आपल्याच अनुभवाला परिपूर्ण करण्याचा प्रयत्न करतात आणि ते जिथे यशस्वी होतात तिथे, कठीण दगडसुद्धा गोंदवलेल्या त्वचेसारखा सचेतन होतो. सूक्ष्म स्पंदन जपणाऱ्या त्वचेसारखे जिवंत प्रतिमेचे दर्शन देतो.”
-प्रभाकर कोलते

कोलते सरांच्या नजरेतून पाहिले तर आपल्यालाही थोडे भान येईल? त्यासाठी ‘दृक् संचित समृद्ध करणारे’ हे पुस्तक तुमच्या संग्रहात असायलाच हवे असे तुम्हाला वाटते? मग आपल्यासाठी ‘दृक् चिंतन’ विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
BooKGanga:
https://www.bookganga.com/R/8HVTG
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +91 9422322644 | [email protected]
#दृक्_चिंतन

19/05/2022

मोहन सामंत
“त्यांच्यातील आवेशच त्यांच्या सर्वंकष व्यक्तिमत्त्वाची जागृत साक्ष होता. त्यांच्या मतानुसार, चित्र-निर्मितीच्या प्रक्रियेत दोन गोष्टी वृद्धी झाल्याने समृद्ध होता; एक म्हणजे तंत्राबाबतचे अचूक भान आणि दुसरे म्हणजे व्यक्त होण्याची आंतरिक जीवघेणी तळमळ. ही सर्जनावस्था लैंगिक-समागमाशी समांतर असते. आवाक्यात असूनही अतर्क्य; जमून आली तर साक्षात्कार अन्यथा फसली तर अध:पतन. सामंत यांचे निर्मितीबाबतचे हे सूत्र असे कामसूत्राला कलात्मक वळसा घालून पुढे जाणारे होते. त्यात लैंगिक-वासनेचा उथळपणा नव्हता. मानवी जीवनाच्या मुळाशीच अमृत-सिंचन करणाऱ्या हा आदिम समागमतेविषयीचा पारदर्शक निकष, त्यांची चित्र-निर्मिती जिवंत ठेवणारा प्राणवायू होता जो ते मुक्तपणे घेत राहिले, बेडर बंडखोराप्रमाणे. जीवनाने त्यांचा पाठलाग केला. ते मरण ओलांडून पुढे गेले. जीवन मागे फिरले, त्यांच्या कलाकृतीतून श्वास घेत, घड्याळ्यातल्या लंबकासारखे आदि-अंत स्पर्शत राहिले.”
-प्रभाकर कोलते
चित्रविश्वातील पाश्चात्त्य व भारतीय चित्रकारांच्या योगदानाचा परामर्श घेणारे आणि ‘दृक् संचित समृद्ध करणारे’ हे पुस्तक तुमच्या संग्रहात असायलाच हवे असे तुम्हाला वाटते आहे ?मग आपल्यासाठी ‘दृक् चिंतन’ विशेष सवलतीच्या किंमतीत उपलब्ध आहे.
Anunaad Prakashan:
https://anunaadprakashan.com/drukchintan/
BooKGanga:
https://www.bookganga.com/R/8HVTG
Amazon:
https://www.amazon.in/dp/8195459609?ref=myi_title_dp
Google Pay, PhonePay इत्यादी वरून +919422322644 या क्रमांकावर UPI Payment करू शकता.UPI Payment केल्यानंतर खाली दिलेल्या लिंक वरून तुमची माहिती भरणे आवश्यक आहे म्हणजे आपली प्रत घरपोच पाठविणे सोयीचे होईल.
https://forms.gle/25PajTmrHQ8W5ndHA
---
अधिक माहितीसाठी संपर्क : अनुनाद प्रकाशन, पुणे
WhatsApp +91 9422322644 | [email protected]
#दृक्_चिंतन