https://jagruklokmatsamachar.blogspot.com/

Nitin Chavan, Pune (2026)

18/02/2026

पुरंदरच्या प्रांत अधिकारी वर्षा लांडगे यांच्या कार्यप्रणालीविरोधात रिपाइंचे निषेध आंदोलन – विष्णुदादा भोसले

प्रतिनिधी : कालिदास उबाळे
पुरंदर :
पुरंदर तालुक्यातील आंबोडी गावातील अनुसूचित जाती प्रवर्गातील महारवतन धारक शेतकऱ्यांच्या शेतजमिनीतून कायद्याचा गैरवापर करून १२ फुटी रस्ता मंजूर करण्यात आल्याचा गंभीर आरोप पुरंदरचे तहसिलदार विक्रम राजपूत यांच्यावर करण्यात आला आहे. आर्थिक तडजोडीतून मूळ गावचा रहिवासी नसलेल्या एका उद्योजकास बेकायदेशीर लाभ देत महारवतन वर्ग २ जमिनीतून रस्ता काढण्यात आला असून त्यामुळे संबंधित शेतकऱ्यांचे कधीही भरून न निघणारे नुकसान झाले असल्याचा आरोप आहे.

विभागीय आयुक्त साहेब पुणे विभाग यांनी जिल्हाधिकारी यांना पत्र देऊन, कारवाई करुन अहवाल सादर करा असे पत्र दिले आहे, तसेच जिल्हाधिकारी साहेब यांनी पुरंदरच्या प्रांत यांना कारवाई करुन अहवाल सादर करा असे लेखी पत्र दिले आहे. तरीही पुरंदरच्या प्रांत आंदोलनाकडे दुर्लक्ष करुन पळ काढीत आहेत. त्यामुळे सर्व सामान्य माणसाला न्याय मिळणे कठीण झाले आहे.

मात्र, पुरंदरच्या प्रांत अधिकारी वर्षा लांडगे या संपूर्ण प्रकरणाकडे जाणीवपूर्वक दुर्लक्ष करत असून आंदोलनापासून पळ काढत असल्याचा आरोप आंदोलकांनी केला आहे.
पुरंदरच्या प्रांत कार्यालयात व तहसिलदार कार्यालयात प्रशासनाचा गोंधळ उडाल्याचे चित्र असून जनतेचे सेवक मालकाप्रमाणे वागत आहेत, तर रखवालदार चोराच्या भूमिकेत असल्याची टीकाही करण्यात आली आहे. याच प्रकरणात सासवडचे मंडलाधिकारी सुहास कांबळे यांनी आर्थिक तडजोडीतून खोटा स्थळ पाहणी अहवाल सादर करून अर्जदारास मदत केल्याचा आरोपही करण्यात आला आहे. या दोन्ही अधिकाऱ्यांवर तात्काळ कारवाई करून फौजदारी गुन्हे दाखल करण्याची मागणी करण्यात येत आहे.
या मागणीसाठी अनुसूचित जाती प्रवर्गातील महारवतन धारक शेतकरी गेल्या ३१ दिवसांपासून पुरंदरच्या प्रांत कार्यालयासमोर शांततेच्या मार्गाने आंदोलन करत आहेत.

या पार्श्वभूमीवर सर्वसामान्य नागरिकांना न्याय मिळणे कठीण झाले असल्याची भावना व्यक्त करण्यात येत आहे. त्यामुळे पुरंदरचे तहसिलदार विक्रम राजपूत व प्रांत अधिकारी वर्षा लांडगे यांनी महसुली प्रकरणांत दिलेल्या सर्व निर्णयांची चौकशी करून कारवाई करण्यात यावी, तसेच तहसिलदार विक्रम राजपूत व मंडलाधिकारी सुहास कांबळे यांच्यावर तात्काळ कारवाई करण्यात यावी, अशी जोरदार मागणी करण्यात आली आहे.

या सर्व मागण्यांसाठी आणि पुरंदरच्या प्रांत अधिकारी वर्षा लांडगे यांच्या कार्यप्रणालीचा जाहीर निषेध करण्यासाठी रिपब्लिकन पक्षाचे राष्ट्रीय अध्यक्ष व केंद्रीय सामाजिक न्याय राज्यमंत्री रामदास आठवले यांच्या नेतृत्वाखाली वरिष्ठ अधिकाऱ्यांना निवेदन देऊन पुरंदर प्रशासकीय इमारत, सासवड येथे रिपब्लिकन श्रमिक ब्रिगेडच्या वतीने निषेध आंदोलन करण्यात येणार असल्याचा इशारा रिपब्लिकन पार्टी ऑफ इंडिया (आठवले गट) श्रमिक ब्रिगेडचे प्रदेश सरचिटणीस विष्णुदादा भोसले यांनी दिला आहे.👨‍⚖️
Devendra Fadnavis
Vijay Shivtare
Sanjay Jagtap
विजय जाधव
Kalidas Ubale
News Loknayak

28/01/2026

बारामती (पुणे) — आज सकाळी महाराष्ट्र उपमुख्यमंत्री आणि राष्ट्रवादी काँग्रेस नेते अजित पवार यांच्या विमानाला बारामती विमानतळावर लँडिंग दरम्यान अपघात झाला. अपघातात विमान तुटले आणि जळून खाक झाल्याचे दृश्य दिसले.

22/01/2026

सासवड येथे पुरंदर उपविभागीय अधिकारी श्रीमती वर्षा लांडगे मॅडम पुरंदर तहसीलदार विक्रम राजपूत नायब तहसीलदार संदीप पाटील मंडल अधिकारी सुहास कांबळे व जय भैरवनाथ सामाजिक सेवाभावी संस्था व भैरव क्रांती सेना संस्थापक अध्यक्ष मा. विजय जाधव यांच्या नेतृत्वाखाली भटक्या-विमुक्त समाजासाठी जात प्रमाणपत्र व शिधापत्रिका अर्ज भरण्याचा उपक्रम संपन्न

जय भैरवनाथ सामाजिक सेवाभावी संस्था व भैरव क्रांती सेना यांच्या संयुक्त विद्यमाने संस्थापक अध्यक्ष मा. विजय जाधव यांच्या नेतृत्वाखाली व पुरंदर उपविभागीय अधिकारी मा वर्षा लांडगे मॅडम पुरंदर तहसीलदार विक्रम राजपूत माहित तहसीलदार संदीप पाटील सासवड मंडल अधिकारी सुहास कांबळे सासवड तलाठी श्री फरांदे यांच्या मार्गदर्शनाखाली सासवड येथील डॉ. बाबासाहेब आंबेडकर भवन येथे भटक्या-विमुक्त समाजातील नागरिकांसाठी जात प्रमाणपत्र व शिधापत्रिका (रेशन कार्ड) या विषयावर सविस्तर चर्चा तसेच अर्ज भरण्याचा उपक्रम यशस्वीरीत्या संपन्न झाला.
या उपक्रमामध्ये भटक्या-विमुक्त समाजातील १९ जातींच्या नागरिकांना जात प्रमाणपत्र व शिधापत्रिका मिळविण्याची प्रक्रिया, आवश्यक कागदपत्रे तसेच शासकीय नियमांची सविस्तर माहिती देण्यात आली. नागरिकांचे प्रत्यक्ष अर्ज भरून घेण्यात आले.

या कार्यक्रमास मंडल अधिकारी तसेच सासवड येथील तलाठी उपस्थित होते. त्यांनी उपस्थित नागरिकांच्या अडचणी जाणून घेत योग्य मार्गदर्शन केले व शासकीय पातळीवर आवश्यक सहकार्य करण्याचे आश्वासन दिले.

जय भैरवनाथ सामाजिक सेवाभावी संस्था व भैरव क्रांती सेना यांच्या वतीने राबविण्यात आलेल्या या उपक्रमामुळे भटक्या-विमुक्त समाजातील नागरिकांना शासकीय दाखले व विविध योजनांचा लाभ मिळण्यास मोठी मदत होणार असून उपस्थित नागरिकांनी या उपक्रमाचे स्वागत केले.

भटक्या-विमुक्त व वंचित समाजाच्या हक्कांसाठी व न्यायासाठी भविष्यातही अशा प्रकारचे लोकहिताचे उपक्रम सातत्याने राबविण्यात येतील, असे मत यावेळी संस्थापक अध्यक्ष मा. विजय जाधव यांनी व्यक्त केले.

यावेळी भैरव क्रांती सेनेचे राज्याचे प्रवक्ते नितीन चव्हाण प्रदेश सरचिटणीस गंगाराम शेगर दत्ता शिंदे संघटक मोहन शिंदे नंदीवाला समाजाचे नेते राणू शिंदे तात्या जाधव काशी कापडी समाजाचे नेते किशोर शिंदे जोशी समाजाचे नेते संजय गोंडे ज्येष्ठ मार्गदर्शक शिवाजी चव्हाण कार्यालय सचिव दिनेश गवळी बहुरूपी समाजाचे इरेश भारत आदी मान्यवर पदाधिकारी उपस्थित होते.

सहसंपादक - मोहन भीमराव शिंदे
भैरव क्रांती सेना
विजय जाधव

14/01/2026

महापालिका रणधुमाळीत थेट आणि ठाम आवाज राज ठाकरे 💥

11/01/2026

येवलेवाडीतील भव्य कलाकर प्रमाणपत्र व समाजभूषण पुरस्कार वितरण ✅

जय भैरवनाथ सामाजिक सेवाभावी संस्था व भैरव क्रांती सेना यांच्या संयुक्त विद्यमाने, माननीय राष्ट्रीय अध्यक्ष भैरव क्रांती सेना श्री. विजय जाधव साहेब यांच्या दूरदृष्टीपूर्ण व प्रेरणादायी नेतृत्वाखाली कलाकार प्रमाणपत्र वाटपाचा भव्य व ऐतिहासिक कार्यक्रम येवलेवाडी येथे अत्यंत यशस्वीरीत्या पार पडला.

या कार्यक्रमास विधान परिषद आमदार मा. योगेश टिळेकर साहेब यांची प्रमुख उपस्थिती लाभली. त्यांच्या हस्ते व प्रमुख पाहुणे म्हणून उपस्थितीत कलाकार प्रमाणपत्रे लाभार्थ्यांना वितरित करण्यात आली. तसेच, कार्यक्रमात समाजभूषण पुरस्कार व कलाकर प्रमाणपत्र देखील वितरण करण्यात आले. आमदार टिळेकर साहेबांनी या उपक्रमाचे विशेष कौतुक करत, समाजहितासाठी राबविण्यात येणाऱ्या अशा उपक्रमांना पाठिंबा दर्शविला.

हा कार्यक्रम केवळ एक प्रशासकीय उपक्रम न राहता, समाजातील वंचित व दुर्लक्षित घटकांना न्याय, हक्क व आत्मसन्मान देणारे प्रेरणादायी व परिवर्तनकारी पाऊल ठरला. या उपक्रमामुळे लाभार्थ्यांच्या चेहऱ्यावर समाधान व आत्मविश्वास दिसून आला.

भैरव क्रांती सेनेच्या सर्व पदाधिकारी, कार्यकर्ते व सहकाऱ्यांच्या एकजुटीमुळे, निष्ठेमुळे व अथक परिश्रमांमुळे हा उपक्रम यशस्वी ठरला असून, जनमानसात या कार्याची मोठ्या आदराने नोंद घेतली जात आहे.
भैरव क्रांती सेनेचे हे कार्य समाजात परिवर्तनाची नवी ज्योत पेटवणारे असून, अशीच जनहितकारी सेवा भविष्यातही अखंडपणे सुरू राहो, हीच अपेक्षा.

भैरव क्रांती सेना
News Loknayak
Kavita Abnave
विजय जाधव

12/12/2025

पुरंदर तालुक्यातील वनपुरी–पंचक्रोशी परिसरात बिबट्याचे दर्शन🐆

प्रतिनिधि -
पुरंदर तालुक्यातील वनपुरी व पंचक्रोशी परिसरात बिबट्याचे दर्शन झाल्याची माहिती मिळाली आहे. विशेष म्हणजे लंकेश महामुनी यांचे वडील सकाळी शेतात गहू भिजवण्यासाठी गेले असताना त्यांना बिबट्याचे प्रत्यक्ष दर्शन झाले, अशी माहिती समोर आली आहे.

अचानक बिबट्या समोर आल्याने त्यांनी तत्काळ गावात ही माहिती दिली. यामुळे परिसरात दक्षता वाढवण्यात आली आहे.

घटनेनंतर वनविभागाच्या पथकाने तत्काळ घटनास्थळी धाव घेत परिसरात पिंजरे लावणे, हालचालींचा मागोवा घेणे आणि तपासणी करण्याचे काम सुरू केले आहे. कुंभारवळण हद्दीतही बिबट्याचे दर्शन झाल्याचे नागरिकांनी सांगितले आहे.

शेतकरी वर्गात खबरदारीचे वातावरण असून दिवसा शेतीला पाणी देण्यासाठी वीजपुरवठा सुरू करावा, अशी मागणीही नागरिकांकडून केली जात आहे.

वनविभागाकडून बिबट्याचा शोध सुरू असून हालचाल दिसताच तातडीने कळवण्याचे आवाहन नागरिकांना करण्यात आले आहे.

प्रतिनिधी : कालिदास उबाळे
Kalidas Ubale News Loknayak Sagar Davari

04/12/2025

भैरव क्रांती सेनेच्या प्रदेश कार्यकारिणीत मान्यवर पदाधिकाऱ्यांचा प्रवेश

प्रतिनिधि :
भैरव क्रांती सेनेच्या प्रदेश कार्यकारिणीमध्ये नवीन पदाधिकाऱ्यांची नियुक्ती राष्ट्रीय अध्यक्ष विजय जाधव यांच्या उपस्थितीत करण्यात आली.

प्रदेश महिला सरचिटणीस म्हणून श्रीमती हौसा चव्हाण, तर पुरुष सरचिटणीसपदी गंगाराम शेगर यांची निवड झाली आहे. तसेच सहसंघटक रावसाहेब पवार आणि प्रदेश कलाकार समन्वयक शिवाजी चव्हाण यांनाही जबाबदाऱ्या सोपविण्यात आल्या.

ही निवड भैरव क्रांती सेनेच्या मुख्यालयात झालेल्या बैठकीत जाहीर करण्यात आली. या प्रसंगी भैरव क्रांती सेनेचे प्रदेश उपाध्यक्ष शंकर जाधव, महाराष्ट्र प्रदेश जनरल सेक्रेटरी दीपक पकाले, संघटक बापूराव शेगर, सहसंघटक कारले व सचिव दिनेश गवळी यांसह अनेक मान्यवर उपस्थित होते.

News Loknayak
विजय जाधव

03/12/2025

कालिदास उबाळे यांची पुरंदर तालुका प्रतिनिधीपदी नियुक्ती

सासवड : जागरूक लोकमत समाचार व मीडिया संस्थेच्या निवड समितीने घेतलेल्या निर्णयानुसार श्री. कालिदास उबाळे यांची पुरंदर तालुका प्रतिनिधी म्हणून निवड करण्यात आली आहे. 29 नोव्हेंबर 2025 रोजी झालेल्या समितीच्या बैठकीत हा निर्णय सर्वानुमते घेण्यात आला.

स्थानिक घडामोडींवरील त्यांचे ज्ञान, वस्तुनिष्ठ शैली आणि सामाजिक प्रश्नांवरील जाण याचा विचार करून ही जबाबदारी त्यांच्याकडे सोपविण्यात आली आहे.

नियुक्तीच्या अनुषंगाने त्यांना पुरंदर तालुक्यातील सामाजिक, शैक्षणिक व विकासात्मक घटनांचे संकलन आणि निष्पक्ष वृत करण्याची प्रमुख जबाबदारी देण्यात आली आहे.

संस्थेने त्यांच्या नियुक्तीबद्दल अभिनंदन व्यक्त करत त्यांच्या कार्यावर विश्वास दर्शवला आहे.

Kalidas Ubale
Amol Chaugule

03/12/2025

स्थानिक स्वराज्य निवडणुका: मतमोजणी ३ डिसेंबरला नाही; आता २१ डिसेंबरला – उच्च न्यायालयाचा आदेश.

नागपूर खंडपीठाने मोठा निर्णय देत महाराष्ट्रातील नगरपरिषद व नगरपंचायतींच्या निवडणुकांची मतमोजणी ३ डिसेंबरऐवजी २१ डिसेंबरला घेण्याचे आदेश दिले आहेत.

शनिवारी राज्य निवडणूक आयोगाने काही अनियमितता दाखवत २४ नगरपरिषदांच्या निवडणुका २० डिसेंबरपर्यंत पुढे ढकलल्या. त्यामुळे मॉडेल कोड ऑफ कंडक्ट (आचारसंहिता) २० डिसेंबरपर्यंत लागू राहणार आहे.
तसेच एक्झिट पोलवरही २० डिसेंबरपर्यंत बंदी राहील.

Sagar Davari
Kalidas Ubale
Facebook

28/11/2025

जेजुरी येथे संविधान दिन मोठ्या उत्साहात साजरा

भव्य भीमरत्न पुरस्कार वितरण सोहळ्यात मान्यवरांचा सन्मान

जेजुरी :
येथील संविधान दिन अत्यंत उत्साहात आणि गौरवपूर्ण वातावरणात साजरा करण्यात आला. या निमित्ताने विविध क्षेत्रातील उल्लेखनीय कार्य करणाऱ्या मान्यवरांना संविधान व भीमरत्न पुरस्कार देऊन सन्मानित करण्यात आले.

हा भव्य पुरस्कार वितरण सोहळा 2025 व 76 वा संविधान दिन वर्धापन दिनानिमित्त आयोजित करण्यात आला होता. पुरस्कार वितरणाचा मान डॉ. यल्लप्पा साहेब जाधव (वैद्यकीय अधीक्षक, ससून रुग्णालय, पुणे) यांच्या हस्ते पार पडला.

कार्यक्रमास प्रमुख पाहुणे म्हणून डॉ. नारायण टाकसर आणि मुनीमजी शर्मा (संपादक, दैनिक भास्कर) उपस्थित होते. कार्यक्रमाचे अध्यक्ष राष्ट्रपती पुरस्कार विजेते प्राचार्य नंदकुमार सागर होते.

भीमरत्न विचारमंच यांच्या वतीने आयोजित या सोहळ्यास मार्गदर्शक म्हणून गौतमशेठ भीमराव भालेराव यांनी मार्गदर्शन केले.

कार्यकरणी अध्यक्ष आयु. कुलदीप जाधव, संस्थापक/सचिव आयु. पंढरीनाथ बा. जाधव, उपाध्यक्ष आयु. चक्रधर सोनवणे, शशिकांत भालेराव (खजिनदार), पंचशिला खैरे, बबन भोसले, नागनाथ झगडे, बळीराम सोनवणे (तालुकाध्यक्ष, रिपब्लिकन पार्टी ऑफ इंडिया (आठवले), पुरंदर) आणि कालिदास उबाळे (कार्याध्यक्ष, रिपाइं आठवले, पुरंदर) आदी सदस्य उपस्थित होते.

कार्यक्रमाच्या यशस्वी आयोजनाबद्दल उपस्थित सर्व मान्यवरांचे गौतमशेठ भीमराव भालेराव यांच्या वतीने आभार मानण्यात आले.

प्रतिनिधी : कालिदास उबाळे

News Loknayak
Kalidas Ubale
Uday Bagav

21/11/2025

मालेगाव चिमुरडी अत्याचार व हत्या प्रकरणी आरोपीला ७ दिवसांची पोलीस कोठडी

मालेगाव (नाशिक) | प्रतिनिधी :
मालेगाव येथे ३ वर्षीय चिमुरडीवर झालेल्या अमानुष अत्याचार व हत्या प्रकरणात न्यायालयीन कारवाईला वेग आला आहे. या प्रकरणातील आरोपी विजय खैरनार याला आज मालेगावच्या अप्पर जिल्हा व सत्र न्यायालयात मोठ्या पोलीस बंदोबस्तात हजर करण्यात आले.

आरोपीला कोर्टात हजर केले जाणार असल्याची माहिती मिळताच संतप्त नागरिकांनी न्यायालय परिसरात मोठी गर्दी केली होती. संभाव्य कायदा व सुव्यवस्थेचा प्रश्न लक्षात घेता पोलिसांनी प्रशासनाच्या मदतीने कडेकोट बंदोबस्त ठेवला होता.

न्यायालयाने प्राथमिक चौकशीअंती आरोपी विजय खैरनार याला ७ दिवसांची पोलीस कोठडी सुनावली आहे. तपास यंत्रणेला पुढील चौकशीसाठी ही मुदत महत्त्वाची ठरणार असल्याचे सांगण्यात आले.

दरम्यान, या घटनेच्या निषेधार्थ मालेगाव शहरात सलग चौथ्या दिवशीही व्यापाऱ्यांनी व नागरिकांनी स्वयंस्फूर्त बंद पुकारला होता. आरोपीवर कठोरात कठोर शिक्षा व्हावी, अशी जोरदार मागणी विविध संघटनांकडून केली जात आहे.

प्रकरणाची चौकशी वेगात सुरू असून दोषींना कठोर शिक्षा होणार असल्याचा विश्वास प्रशासनाने व्यक्त केला आहे

Kalidas Ubale
Sagar Davari
Kavita Abnave
Dipak Shegar
विजय जाधव
News Loknayak

Nitin Chavan

18/02/2026

28/01/2026

22/01/2026

14/01/2026

11/01/2026

12/12/2025

04/12/2025

03/12/2025

03/12/2025

28/11/2025

21/11/2025

Address

Website

Alerts

Shortcuts

Share