21/05/2026
प्रेक्षकांची लाडकी मालिका ‘सावळ्याची जणू सावली’मध्ये सध्या एक अतिशय रंजक वळण पाहायला मिळत आहे. गेल्या काही दिवसांपूर्वीच मालिकेने एक मोठा लीप घेतला आहे. पण, आता खरी लढत सुरू होणार आहे, कारण अनेक वर्षांनंतर सावली आणि तिलोत्तमा आमनेसामने येणार आहेत!गरोदर असताना कोणतीही चूक नसताना तिलोत्तमाने सावलीचा अपमान करून तिला घराबाहेर काढलं होतं. घरापासून दूर गेल्यावर सावलीला जुळी मुलं झाली, पण राजकुमारच्या कारस्थानामुळे तिची लेक तिच्यापासून दुरावली.सावली सध्या एकटीच आपल्या मुलाचा म्हणजेच अबीरचा सांभाळ करतेय. दुसरीकडे, तिच्या मुलीचा म्हणजेच ओवीचा सांभाळ सारंग करत आहे, पण ओवी हीच त्याची मुलगी आहे या सत्यापासून तो अजूनही अनभिज्ञ आहे.संकट काळात आपल्या बायकोची ठामपणे बाजू घेऊ न शकल्याची टोचणी आजही सारंगच्या मनात कायम आहे.आता सावली मेहेंदळे कुटुंबासमोर आणि पर्यायाने तिलोत्तमाच्या समोर उभी ठाकणार आहे. सावली सध्या एका गुरुकुलमध्ये लहान मुलांना गाणं शिकवते. पण, नियतीचा खेळ बघा... हीच 'स्वर सावली' संगीत गुरुकुलाची जागा हडपण्याचा डाव तिलोत्तमाने आखला आहे!
जेव्हा तिलोत्तमा या जागेसाठी जगन्नाथकडे जाते, तेव्हा जगन्नाथ तिला सावध करतो:
"तुझा सामना ज्या व्यक्तीशी आहे… ती व्यक्ती मी नाहीये! ती व्यक्ती तिथे उभीये..."
आणि तिथे एन्ट्री होते सावलीची! अत्यंत स्वाभिमानाने आणि ठामपणे सावली आपल्या सासूला ठणकावून सांगते:“ही सावली तुम्हाला या गुरूकुलाची वीट सुद्धा हलवू देणार नाही!”
तुम्हाला काय वाटतं, सावली तिलोत्तमाचा डाव उधळून लावेल का? कमेंट करून नक्की सांगा! 👇
