Marathi Media

Marathi Media Marathi movie celebrate dasing webserver
(1)

महाराष्ट्र लोकसेवा आयोगाच्या विद्यार्थी आंदोलनाच्या मुद्द्यावरून भाजप आमदार गोपीचंद पडळकर यांनी राष्ट्रवादी काँग्रेस शरद...
09/09/2026

महाराष्ट्र लोकसेवा आयोगाच्या विद्यार्थी आंदोलनाच्या मुद्द्यावरून भाजप आमदार गोपीचंद पडळकर यांनी राष्ट्रवादी काँग्रेस शरदचंद्र पवार पक्षाचे आमदार रोहित पवार यांच्यावर जोरदार निशाणा साधला आहे. "रोहित पवार गेल्या चार वर्षांपासून एमपीएससीच्या विद्यार्थ्यांचे नेतृत्व करण्याचा प्रयत्न करत आहेत. एमपीएससीचे विद्यार्थी हुशार आणि बुद्धिमान आहेत, त्यांच्यासाठी काहीतरी करतोय हे दाखवून तळागाळापर्यंत पोहोचण्याचा त्यांचा हा राजकीय खटाटोप आहे," अशी टीका पडळकर यांनी सांगलीत माध्यमांशी बोलताना केली.

राज्यातील स्त्रीभ्रूणहत्या आणि बेकायदेशीर गर्भपात रोखण्यासाठी तसेच जन्मावेळच्या लिंग गुणोत्तरात सुधारणा करण्यासाठी महारा...
09/09/2026

राज्यातील स्त्रीभ्रूणहत्या आणि बेकायदेशीर गर्भपात रोखण्यासाठी तसेच जन्मावेळच्या लिंग गुणोत्तरात सुधारणा करण्यासाठी महाराष्ट्र शासनाने राज्यस्तरीय कृती दलाची स्थापना केली आहे. या कृती दलाच्या अध्यक्षपदी विधानपरिषद सदस्या डॉ. नीलम गो-हे यांची नियुक्ती करण्यात आली आहे. सार्वजनिक आरोग्य विभागाने याबाबत शासन निर्णय जारी केला आहे.
राज्यात गर्भधारणापूर्व व प्रसूतीपूर्व निदान तंत्रे अधिनियम अर्थात PCPNDT Act आणि वैद्यकीय गर्भपात अधिनियम अर्थात MTP Act मधील तरतुदींचे उल्लंघन झाल्याची काही प्रकरणे निदर्शनास आली आहेत. या पार्श्वभूमीवर सोनोग्राफी केंद्रे, तत्सम निदान केंद्रे आणि वैद्यकीय गर्भपात केंद्रांवर प्रभावी देखरेख ठेवून विविध शासकीय विभागांमध्ये समन्वय साधण्यासाठी हे कृती दल स्थापन करण्यात आले आहे.

UDISE+ २०२५-२६ अहवालानुसार भारतातील शालेय शिक्षणात लक्षणीय आणि सकारात्मक बदल दिसून येत आहेत. मुलांच्या पटसंख्येतील वाढ, ...
09/09/2026

UDISE+ २०२५-२६ अहवालानुसार भारतातील शालेय शिक्षणात लक्षणीय आणि सकारात्मक बदल दिसून येत आहेत. मुलांच्या पटसंख्येतील वाढ, आधुनिक सुविधा आणि दर्जेदार शिक्षण यामुळे देशातील शाळांचे रूप पालटले आहे. हा केवळ एका अहवालाचा भाग नसून देशाच्या भविष्याला नवी दिशा देणारा ऐतिहासिक टप्पा आहे. चला, या शैक्षणिक बदलाचे स्वागत करूया.

मराठा आरक्षणासंदर्भातील प्रलंबित मागण्यांसाठी उपोषणास बसलेल्या मनोज जरांगे यांनी मंगळवारी मंत्री व मराठा आरक्षणविषयक उपस...
09/09/2026

मराठा आरक्षणासंदर्भातील प्रलंबित मागण्यांसाठी उपोषणास बसलेल्या मनोज जरांगे यांनी मंगळवारी मंत्री व मराठा आरक्षणविषयक उपसमितीचे अध्यक्ष राधाकृष्ण विखे पाटील यांच्यावर टीका केली. ‘‘विखे पाटील पळपुटे असून त्यांनी मुख्यमंत्री देवेंद्र फडणवीस यांचे ऐकून मराठा समाजाचे वाटोळे केले. त्यांनी गोड बोलून आमचे एक वर्ष वाया घालवले. हैदराबाद व सातारा गॅझेटियरनुसार प्रमाणपत्र देण्याचे आश्वासन देऊनही त्याची अंमलबजावणी केली नाही. त्यामुळे मराठा समाजाचे नुकसान झाले, ’’ असा आरोप त्यांनी केला.

पुणे जिल्ह्यातील ​कुकडी पाटबंधारे प्रकल्पाच्या डिंभे-माणिकडोह जोडबोगद्याच्या कामाला अखेर स्थगिती देण्यात आली. राष्ट्रवाद...
09/09/2026

पुणे जिल्ह्यातील ​कुकडी पाटबंधारे प्रकल्पाच्या डिंभे-माणिकडोह जोडबोगद्याच्या कामाला अखेर स्थगिती देण्यात आली. राष्ट्रवादी काँग्रेसचे ज्येष्ठ नेते दिलीप वळसे-पाटील यांनी या प्रस्तावाला विरोध केला होता. नगर आणि पुणे जिल्हातील नेत्यांसाठी हा महत्वाचा मुद्दा बनला होता
-

महाराष्ट्राचे उपमुख्यमंत्री एकनाथ शिंदे यांच्या कार्याची दखल आता आंतरराष्ट्रीय पातळीवरून घेण्यात आली असून, मुख्यमंत्री आ...
09/09/2026

महाराष्ट्राचे उपमुख्यमंत्री एकनाथ शिंदे यांच्या कार्याची दखल आता आंतरराष्ट्रीय पातळीवरून घेण्यात आली असून, मुख्यमंत्री आणि उपमुख्यमंत्री म्हणून काम पाहत असताना राबवलेल्या लोककेंद्री, पारदर्शक आणि नाविन्यपूर्ण प्रशासनपद्धतीसाठी एकनाथ शिंदे यांना ब्रिटनच्या संसदेमध्ये तीन विविध पुरस्कार देऊन सन्मानित करण्यात येणार आहे.

ज्येष्ठ समाजसेवक अण्णा हजारे हे गेल्या काही दिवसांपासून प्रकृती अस्वास्थ्यामुळे मुंबईतील बॉम्बे हॉस्पिटलमध्ये उपचार घेत ...
09/09/2026

ज्येष्ठ समाजसेवक अण्णा हजारे हे गेल्या काही दिवसांपासून प्रकृती अस्वास्थ्यामुळे मुंबईतील बॉम्बे हॉस्पिटलमध्ये उपचार घेत आहेत. अण्णा हजारे यांच्या प्रकृतीत सुधारणा होत असून, एक ते दोन दिवसांत त्यांना रुग्णालयातून घरी सोडले जाऊ शकते, असे डॉक्टरांचे म्हणणे आहे. मुख्यमंत्री देवेंद्र फडणवीस यांच्यानंतर आता उपमुख्यमंत्री एकनाथ शिंदे यांनी रुग्णालयात जाऊन अण्णा हजारे यांची भेट घेतली आणि तब्येतीची विचारपूस केली. एकनाथ शिंदे यांनी याबाबत सोशल मीडियावर पोस्ट करून माहिती दिली. अण्णा हजारे यांच्यावर उपचार करणारे डॉ. गौतम भन्साळी यांच्याकडून त्यांच्यावर सुरू असलेल्या उपचारांची माहिती एकनाथ शिंदे यांनी करून घेतली. अण्णांच्या विचारांची आणि मार्गदर्शनाची समाजाला नितांत गरज असून, त्यांनी लवकरच पूर्ण बरे होऊन पुन्हा एकदा समाजकार्यात सहभागी व्हावे असे सांगत त्यांना शुभेच्छा दिल्या.

राज्याची अंतर्गत सुरक्षा आणि कायदा-सुव्यवस्था अधिक मजबूत करण्यासाठी ऐतिहासिक पावले! गुन्हेगारी आणि बेकायदेशीर प्रकारांना...
08/09/2026

राज्याची अंतर्गत सुरक्षा आणि कायदा-सुव्यवस्था अधिक मजबूत करण्यासाठी ऐतिहासिक पावले! गुन्हेगारी आणि बेकायदेशीर प्रकारांना सक्तीने पायबंद घालत, प्रत्येक नागरिकाला सुरक्षित वातावरण देणारे आपले कर्तव्यदक्ष सरकार.

गुजरात मधील वडोदरा येथे आयोजित 'नमो फॉर विकसित भारत' कार्यक्रमात पंतप्रधान नरेंद्र मोदी यांनी तब्बल ३५,००० कोटी रुपयांपे...
08/09/2026

गुजरात मधील वडोदरा येथे आयोजित 'नमो फॉर विकसित भारत' कार्यक्रमात पंतप्रधान नरेंद्र मोदी यांनी तब्बल ३५,००० कोटी रुपयांपेक्षाही अधिकच्या विकास कामांचे उद्घाटन आणि पायाभरणी केली. यावेळी त्यांनी २८०० किलोमीटर लांबीच्या 'डेडिकेटेड फ्रेट कॉरिडोर'चे काम पूर्ण झाल्याची ऐतिहासिक घोषणा केली. तसेच Gen-Z ना संबोधित करत विरोधकांवर थेट हल्ला चढवला.

विरोधी पक्षांवर निशाणा साधताना पंतप्रधान मोदी म्हणाले, "तरुणांनो ऐका, २०१४ पूर्वीच्या ७-८ वर्षांत १ किलोमीटर फ्रेट कॉरिडोरचे कामही पूर्ण होऊ शकले नाही. त्यांच्या हिशोबाने देश चालवला असता तर तुमच्या पुढील ३-४ पिढ्या आल्या असत्या, तरीही हे काम झाले नसते. आता ते नाराज फूफाजी पुन्हा ओरडतील, ट्रकवाल्यांचे काय होणार? ट्रक कुठे जाणार? मात्र आता फूफाजींना काम मिळाले. आता मोठ्या प्रमाणावर माल देशाच्या एका टोकापासून दुसऱ्या टोकापर्यंत वेगाने पोहोचू शकेल."

डोमेस्टिक इन्शुरन्स आणि डिजिटल लेंडिंग क्षेत्रात महाराष्ट्राने आपले वर्चस्व पुन्हा एकदा सिद्ध केले आहे! बँकिंग आणि आर्थि...
08/09/2026

डोमेस्टिक इन्शुरन्स आणि डिजिटल लेंडिंग क्षेत्रात महाराष्ट्राने आपले वर्चस्व पुन्हा एकदा सिद्ध केले आहे! बँकिंग आणि आर्थिक व्यवहारांना नवी दिशा देण्यासाठी राज्य शासनाने विशेष धोरण आखले असून, फिनटेक क्षेत्रातील महाराष्ट्राचे हे नेतृत्व अधिक भक्कम केले जात आहे. उद्योजकांना आणि नव्या कल्पनांना हक्काचे बळ देणारे आपले उद्योगस्नेही सरकार!

Address

Pune

Telephone

+918208329298

Website

Alerts

Be the first to know and let us send you an email when Marathi Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category