05/09/2026
प्रती,
मायबाप वाचक...
सस्नेह नमस्कार 🙏🏻
आजकाल जगात सगळंच कसं 'स्मार्ट' झालंय बघा... फोन स्मार्ट झाला, टीव्ही स्मार्ट झाला, गाड्या स्मार्ट झाल्या. पण या सगळ्या धावपळीत आपली माणसं मात्र कुठेतरी हरवत चाललीत. पूर्वी घरातल्या तुळशी वृंदावनापाशी एक वेगळी शांतता असायची, आता तिथं पण मोबाईलची रिंग वाजते. पण या सगळ्या झगमगाटात आपण एका माणसाला मात्र सोयीस्करपणे विसरलोय... ती म्हणजे आपल्या घरातली स्त्री..!
ती आई असू दे, बहीण असू दे, बायको असू दे किंवा काळजाचा तुकडा असलेली लेक असू दे. ती पहाटे उठल्यापासून रात्री सगळे झोपेपर्यंत नुसती राबत असते. जुन्या काळातल्या जात्यासारखी ती स्वतःला रोज संसारासाठी भरडून घेत असते, पण तिच्या कष्टाचा आवाज कधी घराबाहेर येत नाही. तिलाही काहीतरी दुखत असेल, खुपत असेल, याचा विचार करायला आजकाल कुणाकडे वेळच उरला नाहीये.
आजकाल पोरगी वयात आली की तिला अनेक प्रश्न सतावतात. धावपळीचं जगणं आणि खाण्यापिण्याच्या बदललेल्या सवयी, यामुळे 'PCOD' आणि 'PMOS' नावाच्या आजारांनी आपल्या पोरी-बाळींचं जगणंच मुश्कील करून ठेवलंय. पण आपल्याकडे कसंय, बायकांचं दुखणं एकतर अंगावर तरी काढलं जातं, नाहीतर त्याच्याविषयी कुणाशी उघडपणे बोललं जात नाही. लेकीला त्रास होतोय हे पाहून आईला रडू येतं आणि बापाला काय करावं ते सुचत नाही.
नेमकं हेच ओळखून, या दुखण्यावर मायेची फुंकर मारावी म्हणून आम्ही एक छोटासा प्रयत्न केलाय. 'समाजबंध'च्या माध्यमातून मी आणि तृप्ती आवताडे ताईंनी मिळून 'PMOS आणि योग - ईलाज आपल्या हाती' नावाचं एक पुस्तक लिहिलंय.
या पुस्तकात कुठली महागडी औषधं नाहीत, की भल्यामोठ्या दवाखान्यांची फी नाही. आपली जुनी जीवनशैली, थोडासा पारंपरिक आहार आणि दोन घटका स्वतःसाठी वेळ काढून केलेला 'योग'... बस! एवढं जरी केलं, तरी तिच्या आयुष्यातला ताण कमी होईल. अलीकडेच पोराला पाटीवरची मुळाक्षरे गिरवायला शिकवता शिकवता एक गोष्ट जाणवली... आज खऱ्या अर्थाने आपल्या लेकी-सुनांना आणि घरातील पुरुषांनाही महिलांच्या 'आरोग्याची बाराखडी' नव्याने शिकवणं काळाची गरज झालीय.
तुम्हाला जर खरंच वाटत असेल की आपल्या घरातल्या लक्ष्मीच्या चेहऱ्यावर कायम हसू असावं, तर हे पुस्तक तुम्ही नक्की वाचा. यंदा सणावाराला किंवा वाढदिवसाला आपल्या लेकीला, बहिणीला एखादा ड्रेस किंवा साडी देण्यापेक्षा हे पुस्तक भेट देऊन बघा. कारण कपडे जुने होतील, पण यातून मिळालेलं निरोगी आयुष्य तिला जन्मभर पुरेल.
बाकी सगळं ठीक आहे. पाऊस-पाणी वेळेवर पडू दे, तुमच्या घरातल्या माणसांच्या चेहऱ्यावरचं हसू कायम राहू दे आणि तुमची वाचनाची भूक अशीच वाढत राहू दे, हीच सदिच्छा!
लोभ असावा,
तुमचाच,
— ©रा हु ल ...✍️
PMOS & योग हस्तपुस्तिका
*निर्मिती मूल्य = विक्री मूल्य = 25/- रुपये फक्त*
*250/- रुपयात 10 प्रती*
हस्तपुस्तिका मागविण्यासाठी संपर्क
राहुल 9673814058
सचिन 7709488286
ता. क.- अतिरिक्त टपालखर्च लागेल.
