23/05/2025
DEAREST-ONI CARELESS
BIA KAGIMIN MANDERANGNA GOLPO MINGSA
Umang salsa gronggrikjahaon ba mikkang nikgrikjahaon walo tunapgija walgimik phone-o golporongachim. Uamang sakgnian man•e cha•begipa nokdangoni ong•ani gimin neng•nikanikode changsamangba cha•grongen nikjachim. Uamangni ma•a paa uamangko dal•gipa-chugipa ong•atna s**e namgipa skulon poraiatpaachim, indiba uamang 12th class-ko matchotgijan kimgrike dongaiaha. Uamangni kimgrike dongani ja•manosa neng•nikanide sokbaskaaha.
"Na•a angna skangde inditan ka•saachim, salantian DEAR, DEAR insimaiachim, indiba da•o na•ara BEAR-sajok. Salsaba ka•saani kattakon na•ara aganjajok salantin MAKBIL gitasa ransimaijok" ine Denia aganaha.
"Naaba angkoara skangode salantian DEAREST, DEAREST ine okamsimaiachim, indiba da•ora CARELESS-sajok. Bachiniba kam ka•e nenge sokbaoba salsaba ka•sae mitin-chitine on•nan dongja. 'Mikode table-o dona an•tang ra•e cha•aibojok angade neng•enga ina dakaiaha. Aiao! Careless bebe!!!' ine Rikdimba aganskaha.
Skie Raani:
Ka•saanide bia ka•na skangnasan ong•ja indiba janggi tanga gimiknasa. Uni gimin ka•saani maming saloba tipna nangjawana indiba Chibasal gita jokkamna nanga. Sia sijana kingkingde ka•sagen ine ku•rachakako maming saloba gualna nangjawana.
Ki•tap kingsaniko golpo nikesa seatjole roaia☺️😁
