12/08/2026
ରେଳୱେ ଷ୍ଟେସନ୍ରେ ନିର୍ମାଣ କରାଯାଇଥିବା ସେଡ୍ ଭାଙ୍ଗି ଏକ କାର୍ ଉପରେ ପଡ଼ିଯିବା ଫଳରେ ଅନେକ ଲୋକ ଆହତ ହୋଇଥିବା ଖବର ପାଇ ମାନ୍ୟବର ବିଧାୟକ ମହୋଦୟ ଘଟଣାସ୍ଥଳରେ ପହଞ୍ଚି ଆବଶ୍ୟକତା ଥିବା ଲୋକମାନଙ୍କୁ ସହଯୋଗ କରିବା ପାଇଁ ପ୍ରୟାସ କରିଥିଲେ। ଏହାସହ ରେଳୱେ ଅଧିକାରୀମାନଙ୍କୁ ଘଟଣା ପାଇଁ ଦାୟିତ୍ୱହୀନତା ନେଇ ନିନ୍ଦା କରିଥିଲେ ଏବଂ ନିର୍ମାଣ କାମ ଠିକ୍ ଭାବରେ ହୋଇନଥିବା ନେଇ ଅସନ୍ତୋଷ ପ୍ରକାଶ କରିଥିଲେ।
ମାନ୍ୟବର ବିଧାୟକ ମହୋଦୟ କହିଥିଲେ ଯେ, “ଆଜି ଯେତିକି କ୍ଷତି ହୋଇଛି, ତାଠାରୁ ଅଧିକ ହୋଇଥାନ୍ତା ତେବେ ଅନେକ ଲୋକଙ୍କ ଜୀବନ ଚାଲିଯାଇପାରିଥାନ୍ତା। ଏଭଳି ଗୁରୁତର ଘଟଣା ପାଇଁ ଦାୟୀ କିଏ ଏବଂ ନିର୍ମାଣ କାମ କେଉଁ ମାନଦଣ୍ଡରେ କରାଯାଇଥିଲା, ତାହାର ତଦନ୍ତ ହେବା ଆବଶ୍ୟକ। କେଉଁ ପ୍ରକାରର ମାଟେରିଆଲ୍ ବ୍ୟବହାର କରାଯାଇଥିଲା ଏବଂ ତାହାର ଗୁଣବତ୍ତା କାହିଁକି ଯାଞ୍ଚ କରାଯାଇନଥିଲା, ସେନେଇ ମଧ୍ୟ ତଦନ୍ତ ହେବା ଦରକାର।”
ଏଭଳି ଘଟଣାର ପୁନରାବୃତ୍ତି ଯେପରି ନହୁଏ, ସେଥିପାଇଁ ଦାୟୀ ଅଧିକାରୀ ଓ ଠିକାଦାରଙ୍କ ଦାୟିତ୍ୱ ନିର୍ଦ୍ଧାରଣ କରି ଉଚିତ ପଦକ୍ଷେପ ନେବାକୁ ମାନ୍ୟବର ବିଧାୟକ ମହୋଦୟ ଦାବି କରିଥିଲେ।
