01/12/2024
GAMMANG SAKHI TENI NUPA.
Gamsa lah a hin Sakhi Jong hi mihem te toh ki naicha a umkhom jing chu ahi ahiuve.Lhumlam GAMMANG Tia kiminsah Gam gimneitah khat nahin Sakhi teni NUPA ana Cheng lhonne.Gammang ahijeh in neh ding atammin,tuilheng,sohlhu,vaopah kiti hohi aphat chachan agajin,Amanin Jong kivah nan anei honnin akumlhun pi ji lhonne.Hiche GAMMANG sung hi gim Jong agim neijin sadang in Jong neh kihol nan anei jiuvin ahi.Siphung lentah khat Jong aummin gamsa ten tuidon nan amang jiuve..Hiche siphung chu anei aumme tin Jong akiseijin ahi.Mihem te Jong gavah lut khalou ahijeh un Sakhi teni NUPA leh gamsa dang hojong lungmong sellin acheng khom uve,phat le nikho achal+ lin nikhat hi mipa khat themma bol ding ting holla achinan hiche GAMMANG sung chu agavahlut khatan ahileh sanung alen aneo tampi amun aman Jong hibang gamsa hah ta'a hoilang hilai GAMMANG sung nga hi sanung tampi um ahithei dem tin alungdong lheh tai.Mi pan Jong themma dia ahol ting Jong akimutan,nilhang Kai,injot phatma ahung hitan,amajong Inlang jon din ahung kipat doh in,GAMMANG sung nga sanung amu hochu alung theh lheh tai..Alangkhat nah Sakhi teni NUPA Jong mihem pa ahung valut chu ahehontan,alung gel hon anomtapoi.nikhat le hin hilai GAMMANG sung nga hi Gamleng nga mihem hungtei intin lhamong in kium jou taponte tia lunggel anei jing honlai tah in ajing nikhon mihem te husa ahinja pan lhontan Amani Jong lunggim tah in HinKho chu amang pan hontai.SAKHI TE NI NUPA HUNG GENTHEI. Nidang laitoh-bang talou vin, Sakhi teni nupa Jong mihemte ahung valut phat nun aum nalhon Lhumlam GAMMANG sung chu Sakhi teni nupa ding ngin lunggimna GAMMANG asohdoh tai.Hiti chun ama nidia neh le chah hol ahung hahsa tan,kiging jing pummin HinKho chu amang lhonnin oivan Jong neh le chah ahol thei hon tapoi.Gammang sung dalhah’a munchom ma kichon ding ati honjong Leh mundang nga neh le chah ahah jeh in adalha jou honpon,umden dila nikhat leh Gamleng sakap hon ahin holdoh honna meithal la Ahin kAP diu ahehon tan,achainan Amani Jong akihoulim honnin thulhuh nakhat akisem hontai..SAKHI TENI NUPAN SIPHUNG NEITE KOMMA PANPINA AGATHUM LHON.Aum nalhon Lhumlam gammang sung Jong lungmon na ahi Lou phat nin,... Adang chah teng leu tuidon na munna anei u.Siphung ngin nikhat hi achi lhonnin hiti hin panpina agathum hontai.Vo,GAMMANG sung nga um siphung NEITE ka umna lhon GAMMANG hila mihem ten aninin gamsa athat taovin,phat khat leh Keini NUPA Jong eihin tha diu kaki gingmo lhontan nang siphung neite nahi jeh in ipiti lungthim neigel peh lhonna neiven doh hon ding hitam tin lungthim nommo tah in panpina agathum hon tan ahileh Siphung neipan Jong GAMMANG sung nga gamsa kilungtoh tah a khosa NUPA ahi honjeh in alungset nin hiti hin donbutna ahin neitai.Velhon tan, mihemte Jong nelou chalouva,... umtheilou ahijeh un aboldiu lom chu abol u ahitan kin kakham thei poi,hinlah nang ni kiven nading thukhat vang naseipeh hon nang nge tin siphung neipan Sakhi teni nupa chu athuhil tai….Nagil hon akella an naki holkom honteng nanung nama lhon vejing honnin Lang ijem Tia mihem ten nakhonung lhon amuva nahi jui teng leu keikom lam jonnin hunglhai hon lechun siphung nahin phah honteng kin nasel mang hon tang nge tin Sakhi teni nupa chu aseipeh tai.Chu in Sakhi teni nupa Jong siphung neipan aseipeh hon bang ngin HinKho chu amang hontan genthei tah in neh leh cha kihollin nidang lai bang louvin aphat lhon chu mihemte akonna kiven doh thei nadin limgeh chan amang ji lhontai.Nikhat hi an nomtah a akihol jing lai honnin mihem ten hiche GAMMANG sung chu Chang ahinvai taovin ahileh sakhi teni nupa Jong ahin hoptha taovin, Amanin Jong thi le thi hinle hin tin siphung Lang chu ahindal jeng hontan ahileh Siphung neipan ahet phatnin akitep nabang ngin sakhi teni nupa chu asel mang tai.Anung hinjui mihem ten sakhi teni khonung chu siphung gei ahin jui doh un siphung nga pat akhonung lhon aman phatnin amaho Jong lungdong tah in akihoulim un Ajing nikho a hung kit din aki thulhuh taove.Alangkhat nah…akihou lim nao chu siphung neipan ajan sakhi teni nupa kommin aseipeh in Ajing nikho geijin amakom min aumden sahtai.SIPHUNG NEIPA LEH MIHEM TE HUNG KITHAM DAN..Mihem ten Jong sadang hochu athat thei un,ahin, sakhi teni nupa atha theilou jeh un athangtom taovin tha teidin aninin mihem atam nathei pennin ahung Gamleng un sakhi teni nupa chu ahol+ jing taovin ahileh sakhi teni nupa chu amu jiuvin,adal jileu siphung alhun hon teng siphung neipan asel jijeh in amu jou ji tapouve,amaho Jong athangtom cheh cheh taovin hiti hin kihou lhahna khat anei taove.,Siphung hi janteng Chan ding tin kihou lhah na anei un hiche nikho adin amaho Jong ahung kile taove.Ajing nilhah in Pasal mi nga in siphung vel chu achang pan taovin,khovah hella achan vang uvin ima cha achangdoh ta pouve.Jing kho Jong ahung vahtan, amaho Jong inlam ahung kile vin nidang teng chikit din thulhuh nachu asem kit taove. Siphung NEIPA Jong siphung gei achan phat uvin alunghang tan mihem hohi aki engbol Lou leh keigei eitoh khah diuvin aumtan ,ahung kit niniu leh ki engbol hen tin lunggel aneitan tai.SIPHUNG NEIPAN MIHEMTE AHIN ENGBOL PAN ...Mihemte Jong nilhah dang bang ngin siphung nga sakhi teni changdin ahung kit taovin,hiti chun siphung vellah achun kal akidouvin sachu ahin Chang pankit taovin ahi.Jan Jong ahungsot tan,amaho jong atou ngai bang uvin thipchet nin sachu ahin chang pankit taovin ahileh,anoilang uvin husan lenthim tahkhat ahin jaovin amahon Jong Tunilhah vang sa akikap tai tin kinem tah in husan chu angaijun,kiging sadem in aum taovin ahileh akom u ahin phah donnin hiche husa chu amanghel jengtan ahi.Alah uva mikhat chu olchan kalchung nga konnin akumlhan akhonung aga ven ahileh imacha khonung Jong amu kit tapoi.Siphung neipan engbolna ahin neipat chu amahon ahepouvin,kinem tah in hungkit ding ahe tin angah+kit taovin ahileh imacha mulou vin jingkho vah in alap kit Taove.MIKHAT MANG NGA SIPHUNG NEIPA KIPHON.Alah uva mikhat in janmang aneijin amang chu hiti hi ahi..Tukal ka in maijin gam hung leng tahih un,nhung len kit leu vangsetna nato diu thina changei nalhun diu ahe tin aseipeh tai..Aman Jong aloiho kom in amang chu aseison nin ahileh aloihon Kate gamlah a IPI umda ding hm tin anuisat nun totnop nan alah peh gam taove.Ahinla,aloipao mang chu mangpi ahijong HEPHA louvin aloipao chu adai un Jong mimeisan tipou vin ahouse gam taove.Hinlah,aloipao in vang amang chu agellin ahileh nom asa hih bet jeng nge.Amajong lung sa ih pum in aloiho nung chu ajui kittan,nilhah dang bang ngin siphung noilah’a kal kidosa HO'A chun atou un sakhi teni nupa chu AChang kit taovin ahi.Nomtah a sa achan jing lai un alah uva mikhat touna chu ahung kihot pantan,chuphat nin ama Jong akindot jeng ngin Hui nun jeh hi ding ham atile la chuti tah in hui ahat kit pon alungel chu aboilheh tan ahi.Khatvei komleh alu in ahbom te ahin phaji tai.Alangkhat nah aloipao,mang neipan atouna noi donnin mikhat lhase ta’a kinuh dot+na kap ahin Japan tan aman Jong torch light gangchel lin aden aven ahileh mi tabang sa tabang khat mangjap in akho doh in epi ham tijong ahetchen loujeh in tijat nakhat ahin nei pantai. Uh poh ngam louvin thip beh in aumtan ahileh amang athah beh in ahin geldoh in tijat nan alodim tai.Alunggel noplou phat nin aloiho akou khom in gol teho kile Tao Hite,Injo leh um+leuhen boina jatjat ito diu ahin hilai hin avellin chikit tapoute tin aloiho kom min aseitan ahi.Alah uva mi nin vang nang meisan man nin kichi dapnte,nhung nomlou Jong leh khoh tah nhipoi tin aloipao chu ahouse kit hontai.Alangkhat nah Sakhi teni nupa Jong genthei tah in Gamleng ho in akile teng leu an neh ding kihollin GAMMANG noilah a chun avah leji honnin hiti chun Amani din HinKho nopna chu hiche GAMMANG sung nga chun aumthei tapoi.Golcha mini,seingai Lou teni chu Gamleng din avai kondoh kit hontan aloi dang hovang achi ngam aum tapouve.Amani Jong kal kisemsa ho a chun toudin akigong hontan ahileh,Phut lot louvin… Siphung lailung don-tah a konnin Keipi bahkai khat ahung Chom doh in Golcha teni chu melse tah in athat lih hontai.AJing nikho geija in akile honlou phat nin khosung mite alunggim lheh taovin,Pasal misom tobang in Siphung Lang chu aga veuvin ahileh gamleng nichong nga angai to u golcha teni chu melse tah a kithat chu agamu Taove.,amahon Jong along hon chu chomkhat setpi nai ngamlou vin agal vettho jeng uvin,ahileh …mimeisan Tia ahouset jing pao,aloi pao vin Agol teni thilong chu ajonlut nin tham ding agahtin ahileh aloi teni LAH'A khatpa chu ahung haijin lukeh dehduh in aloipa chu ahinven,amajong akichat val jeh in salam min Aman nin chat theilou vin AUM jengtai.Chuphat nin aloi dang ho kichatna Jong akibe jeng ngin,sunlai ahivang ngin koima cha uhpoh ngam AUM tapouve.Tijat val jeh a salam min amat aloipao Jong atahsa ajut peh uva tui asunkhum+ leu kho ahin hen,aloi ho chu avegol lin loi teho chiloi+ute,ium sotleu boina ito bebe diu ahin khojin kah in hahsa lheh Jong leh thilong teni hi Lang khat sem utin pokhom Tao hite atiphat nin aloihon Jong ahi ngot+ne,umsot+ leuhen khojin nin eilap tabah diu ahin asoh+ ichi leu ahijeng nge atiuvin aloi teni thilong chu tija tah in ahinpo taovin ahi.Thise ahi honjeh in lampi in jong aloi agol ho a engbol lhonnin tija tah in lampi ahinjot khom taovin ahi.Chomkhat jou in khopam ahin pha taovin.Khosung nga Haosa upa hon Thise ahi lhon jeh in insung mite toh kihou toh in khopam in avuidoh pai+ taove.Papset/Du am behset Jong MIHEM madin kipal Nan apang theije.Gol chate nin jong aloipao thusei ana ngai honleh thi nachan gei got nahi Chang honlou ding ahin,Amani thubou thu’a agel khah hon jeh’a aloi apai chengtoh kikhen lo ahi hontai.Lhumlam gammang sung nga gamleng thise AUM tah jeh in koima achi ngam tapon,Sakhi teni nupa Jong Siphung neipan mihemte akonnin ahuhdoh lhontan lungmong sellin lhunglam Gammang sung in akhosa kit lhon Tai...THUSIM ABAN ANA NGAH KIT TAO HITE.
![Frontline [KUKILAND]](https://img5.medioq.com/632/149/122147023676321499.jpg)
