We Support All Aap Candidates

21/10/2025

ਦੇਸ਼-ਵਿਦੇਸ਼ ਵੱਸਦੇ ਸਮੂਹ ਸੱਜਣਾ-ਮਿੱਤਰਾਂ ਅਤੇ ਦੇਸ਼ ਵਾਸੀਆਂ ਨੂੰ ਬੰਦੀ ਛੋੜ ਦਿਵਸ ਅਤੇ ਦਿਵਾਲੀ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ ਜੀ। ਅਕਾਲ ਪੁਰਖ ਸਭ ਨੂੰ ਖੁਸ਼ੀਆਂ, ਤੰਦਰੁਸਤੀਆਂ ਅਤੇ ਤਰੱਕੀਆਂ ਬਖਸ਼ਣ।
ਸੰਤੋਖ ਸਿੰਘ ਸਲਾਣਾ।

16/10/2025

16/10/2025

ਅੱਜ ਝਾਂਡੀ ਗਰੁੱਪ ਸਟੂਡੈਂਟ ਯੂਨੀਅਨ, ਫਤਿਹਗੜ੍ਹ ਸਾਹਿਬ ਦੀ ਚੋਣ ਹਰਮਨ ਝਾਂਡੀ ਯੂ.ਐਸ .ਏ .ਦੀ ਰਹਿਨੁਮਾਈ ਹੇਠ ਹੋਈ ।ਜਿਸ ਵਿੱਚ ਮੈਨੂੰ ,ਐਡ. ਤੇਜਿੰਦਰ ਸਿੰਘ ਧਿਮਾਨ ਅਤੇ ਮੇਜਰ ਸਿੰਘ ਨਾਲ ਸ਼ਾਮਿਲ ਹੋਣ ਦਾ ਸੁਭਾਗ ਪ੍ਰਾਪਤ ਹੋਇਆ। ਜਿਸ ਵਿੱਚ ਰਮਨ ਝਾਂਡੀ ਨੂੰ ਫਤਿਹਗੜ੍ਹ ਸਾਹਿਬ ਦੇ ਸਾਰੇ ਕਾਲਜਾਂ ਦਾ ਪ੍ਰਧਾਨ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਰਲਡ ਸਿੱਖ ਯੁਨੀਵਰਸਿਟੀ ਦਾ ਪ੍ਰਧਾਨ ਮਨਜੋਤ ਔਜਲਾ, ਵਾਈਸ ਪ੍ਰਧਾਨ ਸਹਿਜ ਬਾਠ, ਚੇਅਰਮੈਨ ਸਹਿਜ ਝਾਂਡੀ, ਬਾਬਾ ਬੰਦਾ ਸਿੰਘ ਬਹਾਦਰ ਇੰਜੀਨੀਅਰਿੰਗ ਕਾਲਜ ਦਾ ਪ੍ਰਧਾਨ ਅਜੀਤ ਠੀਕਰੀਵਾਲ, ਵਾਈਸ ਪ੍ਰਧਾਨ ਗੁਰਦੀਪ ਫਰੌਰ ,ਚੇਅਰਮੈਨ ਕਰਨ ਝਾਂਡੀ, ਮਾਤਾ ਗੁਜਰੀ ਕਾਲਜ ਦਾ ਪ੍ਰਧਾਨ ਜੱਸਾ ਭੰਗੂ, ਵਾਈਸ ਪ੍ਰਧਾਨ ਰੌਬਿਨ ਬੈਨੀਪਾਲ ਅਤੇ ਚੇਅਰਮੈਨ ਸਾਹਿਬ ਚਾਹਲ ਨੂੰ ਲਗਾਇਆ ਗਿਆ। ਇਸ ਸਮੇਂ ਗੁਰੀ ਗੁਰਮ,ਮਹਿਕ ਝਾਂਡੀ ,ਬਿੱਟੂ ਖਰੜ, ਗੁਰਤੇਜ, ਸੁੱਖੀ ਬਦੇਸ਼ਾ,ਜੁਗਰਾਜ ਮਾਵੀ, ਬਲਜੋਤ ਭੰਗੂ ਅਤੇ ਗੁਰਜਾਪ ਸਿੱਧੂ ਸਮੇਤ ਸੈਂਕੜੇ ਵਿਦਿਆਰਥੀਆ ਨੇ ਭਾਗ ਲਿਆ। ਆਸ ਕਰਦਾ ਹਾਂ ਕਿ ਨਵੇਂ ਚੁਣੇ ਵਿਦਿਆਰਥੀ ਆਗੂ ਵਿਦਿਆਰਥੀਆਂ ਦੀਆਂ ਸਮੱਸਿਆਵਾਂ ਦਾ ਹੱਲ ਪਹਿਲ ਦੇ ਆਧਾਰ ਤੇ ਕਰਵਾਉਣਗੇ ਅਤੇ ਵਿਦਿਆਰਥੀਆਂ ਦੀਆਂ ਆਸਾਂ ਤੇ ਖਰੇ ਉਤਰਨਗੇ। ਸ਼ੁਭ ਇੱਛਾਵਾਂ ਸਹਿਤ।
ਸੰਤੋਖ ਸਿੰਘ ਸਲਾਣਾ।

15/10/2025

ਸੋਚਣ ਵਾਲੀ ਗੱਲ ?
ਪਹਿਲਾਂ ਲੈ- ਦੇ ਕੇ ਦਸਤਖਤ ਕੀਤੇ ਹੋਣ, ਹੁਣ ਪੋਲ ਖੁੱਲ੍ਹਣ ਤੇ ਮੁਕਰਦੇ ਹੋਣ ?ਇਸ ਪਹਿਲੂ ਤੇ ਵੀ ਗੌਰ ਕਰੋ ਸਰਕਾਰ ਜੀ।

12/10/2025

ADGP ਵਾਈ ਪੂਰਨ ਕੁਮਾਰ IPS ਜੋ ਜਾਤੀ ਵਿਤਕਰੇ ਕਾਰਨ ਪਿਛਲੇ ਦਿਨੀਂ ਆਤਮਹੱਤਿਆ ਕਰਨ ਲਈ ਮਜਬੂਰ ਹੋਏ। ਉਨ੍ਹਾਂ ਦੇ ਪਰਿਵਾਰ ਨੂੰ ਇਨਸਾਫ ਦਿਵਾਉਣ ਲਈ ਚੰਡੀਗੜ੍ਹ ਵਿਖੇ ਸੱਦੀ ਮਹਾਂਪੰਚਾਇਤ ਵਿੱਚ ਸ਼ਾਮਲ ਹੋਏ ਤਾਂ ਕਿ ਆਉਣ ਵਾਲੇ ਸਮੇਂ ਕਿਸੇ ਹੋਰ ਨੂੰ ਜਾਤੀ ਵਿਤਕਰੇ ਦਾ ਸ਼ਿਕਾਰ ਨਾ ਹੋਣਾ ਪਵੇ। ਸੰਘਰਸ਼ ਕਮੇਟੀ ਨੇ ਮਹਾਂਪੰਚਾਇਤ ਦੌਰਾਨ ਹਰਿਆਣਾ ਸਰਕਾਰ ਨੂੰ ਅਤੇ ਚੰਡੀਗੜ੍ਹ ਪ੍ਰਸ਼ਾਸਨ ਨੂੰ ਦੋਸ਼ੀਆਂ ਖਿਲਾਫ ਕਾਰਵਾਈ ਕਰਨ, DGP ਹਰਿਆਣਾ ਨੂੰ ਅਹੁਦੇ ਤੋਂ ਹਟਾਉਣ ਦਾ 48 ਘੰਟੇ ਦਾ ਅਲਟੀਮੇਟਮ ਦਿੱਤਾ। ਜੇ ਦੋਸ਼ੀਆਂ ਖਿਲਾਫ ਹਰਿਆਣਾ ਸਰਕਾਰ 48 ਘੰਟੇ ਵਿੱਚ ਕਾਰਵਾਈ ਨਹੀਂ ਕਰਦੀ ਤਾਂ ਸੰਘਰਸ਼ ਕਮੇਟੀ ਤਿੱਖਾ ਸੰਘਰਸ਼ ਵਿੱਢਣ ਲਈ ਮਜਬੂਰ ਹੋਵੇਗੀ। ਇਸ ਸਭ ਲਈ ਹਰਿਆਣਾ ਸਰਕਾਰ ਜਿੰਮੇਵਾਰ ਹੋਵੇਗੀ।
ਸੰਤੋਖ ਸਿੰਘ ਸਲਾਣਾ।

11/10/2025

ਪੰਜਾਬ ਵਿੱਚ ਵੀ ਹੋ ਰਿਹਾ ਦਲਿਤ ਅਫਸਰਾਂ/ਮੁਲਾਜ਼ਮਾਂ ਨਾਲ ਜਾਤੀ ਵਿਤਕਰਾ। ਜਿਸ ਤਰਾਂ ਪਿਛਲੇ ਦਿਨੀ ਭਾਰਤੀ ਸੁਪਰੀਮ ਕੋਰਟ ਦੇ ਮੁੱਖ ਜੱਜ ਭੂਸ਼ਨ ਰਾਮਕਰਿਸ਼ਨਾ ਗਵਈ ਤੇ ਕੋਰਟ ਰੂਮ ਵਿੱਚ ਜੁੱਤੀ ਸੁੱਟਣਾ,ਹਰਿਆਣਾ ਦੇ IPS(ADGP) ਵਾਈ ਪੂਰਨ ਕੁਮਾਰ ਦੁਆਰਾ ਜਾਤੀ ਵਿਤਕਰੇ ਕਾਰਨ ਆਤਮਹੱਤਿਆ ਕਰਨ ਲਈ ਮਜਬੂਰ ਹੋਣਾ। ਇਸ ਤਰਾਂ ਹੀ ਪੰਜਾਬ ਅਨੈਰਜ਼ੀ ਵਿਕਾਸ ਏਜੰਸੀ (ਪੇਡਾ) ਦੇ ਵਧੀਕ ਨਿਰਦੇਸ਼ਕ (additional Director) ਨਾਲ ਵੀ ਹੋ ਰਿਹਾ ਲੱਗਭਗ ਪਿਛਲੇ ਇੱਕ ਸਾਲ ਜਾਤੀ ਵਿਤਕਰਾ।ਪੇਡਾ ਦੇ ਨਿਰਦੇਸ਼ਕ ਦਾ ਅਹੁਦਾ ਪਿਛਲੇ ਸਾਲ 30/09/2024 ਨੂੰ ਪਹਿਲੇ ਨਿਰਦੇਸ਼ਕ ਦੇ ਸੇਵਾਮੁਕਤ ਹੋਣ ਤੇ ਖਾਲੀ ਹੋਇਆ ਸੀ। ਜਿਸ ਤੋਂ ਬਾਅਦ ਵਧੀਕ ਨਿਰਦੇਸ਼ਕ ਸ. ਜਸਪਾਲ ਸਿੰਘ ਮਹਿਕਮੇ ਦਾ ਸਭ ਤੋ ਸੀਨੀਅਰ ਅਧਿਕਾਰੀ ਸੀ। ਤਰੱਕੀ ਲੈ ਕੇ ਨਿਰਦੇਸ਼ਕ ਬਣਨਾ ਉਸਦਾ ਹੱਕ ਸੀ। ਪਰ ਜਸਪਾਲ ਸਿੰਘ ਨੂੰ ਤਰੱਕੀ ਦੇਣ ਦੀ ਥਾਂ ਪਹਿਲੇ ਨਿਰਦੇਸ਼ਕ ਨੂੰ ਸੇਵਾਮੁਕਤੀ ਤੋਂ ਬਾਅਦ ਇੱਕ ਸਾਲ ਦਾ ਵਾਧਾ ਦੇ ਕੇ ਦੁਆਰਾ ਪੇਡਾ ਦਾ ਨਿਰਦੇਸ਼ਕ ਲਾ ਦਿੱਤਾ ਗਿਆ। ਮਜ਼ਬੂਰ ਹੋ ਕੇ ਜਸਪਾਲ ਸਿੰਘ ਨੂੰ ਪੰਜਾਬ ਹਰਿਆਣਾ ਹਾਈਕੋਰਟ ਦੀ ਸ਼ਰਨ ਵਿੱਚ ਜਾਣਾ ਪਿਆ। ਲੱਗਭੱਗ ਇੱਕ ਸਾਲ ਕੋਰਟ ਕੇਸ ਲੜਨ ਤੋਂ ਬਾਅਦ ਫੈਸਲਾ ਸ. ਜਸਪਾਲ ਸਿੰਘ ਦੇ ਹੱਕ ਵਿੱਚ ਆਇਆ ਤਾਂ ਸਰਕਾਰ ਨੇ ਹਾਈਕੋਰਟ ਦੇ ਹੁਕਮ ਅਨੁਸਾਰ ਕਾਰਜਕਾਲ ਵਿੱਚ ਇੱਕ ਸਾਲ ਦਾ ਵਾਧਾ ਦੇ ਕੇ ਬਣਾਏ ਨਿਰਦੇਸ਼ਕ ਨੂੰ ਤਾਂ ਅਹੁਦੇ ਤੋਂ ਫਾਰਗ ਕਰ ਦਿੱਤਾ ਪਰ ਸ. ਜਸਪਾਲ ਸਿੰਘ ਨੂੰ ਫਿਰ ਵੀ ਨਿਰਦੇਸ਼ਕ ਦੇ ਅਹੁਦੇ ਤੇ ਤਾਇਨਾਤ ਨਹੀਂ ਕੀਤਾ। ਹਾਈਕੋਰਟ ਦੇ ਹੁਕਮ ਦੇ ਬਾਵਜੂਦ ਸ. ਜਸਪਾਲ ਸਿੰਘ ਨਿਰਦੇਸ਼ਕ ਬਣਨ ਲਈ ਅਫਸਰਾਂ ਅਤੇ ਪੰਜਾਬ ਸਰਕਾਰ ਦੀ ਚੱਕੀ ਵਿੱਚ ਪਿਸ ਰਿਹਾ ਹੈ। ਇਥੇ ਇੱਕ ਹੋਰ ਗੱਲ ਜਿਕਰਯੋਗ ਹੈ ਕਿ ਜਦੋਂ ਦਾ ਪੰਜਾਬ ਅਨੈਰਜੀ ਵਿਕਾਸ ਏਜੰਸੀ (ਪੇਡਾ) ਹੋਂਦ ਵਿੱਚ ਆਈ ਹੈ ਉਦੋਂ ਤੋਂ ਪਹਿਲੀ ਵਾਰ 2024 ਵਿੱਚ ਕਿਸੇ ਅਨੁਸੂਚਿਤ ਜਾਤੀ ਦੇ ਵਿਅਕਤੀ ਨੇ ਨਿਰਦੇਸ਼ਕ ਬਣਨਾ ਸੀ ਪਰ ਅਫਸੋਸ ਹਾਈਕੋਰਟ ਦੇ ਹੁਕਮ ਦੇ ਬਾਵਜੂਦ ਵੀ ਅੱਜ ਤੱਕ ਅਨੁਸੂਚਿਤ ਜਾਤੀ ਨਾਲ ਸੰਬੰਧ ਰੱਖਣ ਵਾਲੇ ਸ. ਜਸਪਾਲ ਸਿੰਘ ਨੂੰ ਵਧੀਕ ਨਿਰਦੇਸ਼ਕ ਤੋਂ ਨਿਰਦੇਸ਼ਕ ਦੇ ਅਹੁਦੇ ਤੇ ਤਾਇਨਾਤ ਨਹੀਂ ਕੀਤਾ ਗਿਆ। ਸਰਕਾਰਾਂ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦਾ ਇਸ ਤਰਾਂ ਦਾ ਪੱਖਪਾਤ ਵਾਲਾ ਵਿਵਹਾਰ ਅਨੁਸੂਚਿਤ ਜਾਤੀ ਦੇ ਅਧਿਕਾਰੀਆਂ ਨੂੰ IPS ਵਾਈ ਪੂਰਨ ਕੁਮਾਰ ਵਾਂਗ ਆਤਮਹੱਤਿਆ ਅਤੇ ਮੇਰੇ ਵਰਗਿਆਂ ਨੂੰ ਸਰਵਜਨਕ ਤੌਰ ਤੇ ਲਿਖਣ ਲਈ ਮਜਬੂਰ ਕਰਦਾ। ਸ. ਜਸਪਾਲ ਸਿੰਘ ਨੇ ਲੱਗ ਭੱਗ ਡੇਢ ਸਾਲ ਨਿਰਦੇਸ਼ਕ ਦੇ ਅਹੁਦੇ ਰਹਿਣਾ ਸੀ ,ਪਰ ਸਰਕਾਰ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦੀ ਬੇਰੁਖੀ ਦੇ ਕਾਰਨ ਉਨ੍ਹਾਂ ਦੀ ਸੇਵਾਮੁਕਤੀ ਹੋਣ 'ਚ ਸਿਰਫ ਢਾਈ ਕੁ ਮਹੀਨੇ ਰਹਿ ਗਏ ਹਨ। ਇਹ ਪੰਜਾਬ ਵਿੱਚ ਪਹਿਲੀ ਵਾਰ ਨਹੀਂ ਹੋਇਆ, ਲਗਭਗ 15/16 ਪਹਿਲਾਂ ਵੀ ਪ੍ਰਿੰਸੀਪਲ ਡਾ. ਕਰਨੈਲ ਸਿੰਘ ਨੇ DPI ਕਾਲਜ ਲੱਗਣਾ ਸੀ ਪਰ ਅਨੂਸੂਚਿਤ ਜਾਤੀ ਨਾਲ ਸੰਬੰਧਤ ਹੋਣ ਕਾਰਨ ਉਹਨਾਂ ਦੀ ਤਰੱਕੀ ਨੂੰ ਰੋਕਿਆ ਗਿਆ ਸੀ । ਜਿਸ ਕਾਰਨ ਉਹ ਪੰਜਾਬ ਹਰਿਆਣਾ ਹਾਈਕੋਰਟ ਦਾ ਸਹਾਰਾ ਲੈ ਕੇ ਆਪਣਾ ਬਣਦਾ ਹੱਕ ਲੈਣ ਵਿੱਚ ਕਾਮਯਾਬ ਹੋਏ ਸੀ।ਮੈਂ ਆਸ ਕਰਦਾ ਕਿ ਪੰਜਾਬ ਸਰਕਾਰ ਸ.ਜਸਪਾਲ ਸਿੰਘ ਨੂੰ ਉਹਨਾਂ ਦਾ ਬਣਦਾ ਹੱਕ ਦੇ ਕੇ ਤੁਰੰਤ ਨਿਰਦੇਸ਼ਕ ਦੇ ਅਹੁਦੇ ਦਾ ਕਾਰਜਭਾਰ ਸੌਂਪ ਦੇਵੇਗੀ।
ਸੰਤੋਖ ਸਿੰਘ ਸਲਾਣਾ।

09/10/2025

ਖੇਡ ਮੈਦਾਨ ਐ,ਆਹ ਮੇਰੇ ਪਿੰਡ ਸਲਾਣੇ ਦਾ।ਇਹ ਸੰਤ ਬਾਬਾ ਮਾੜੂ ਦਾਸ ਜੀ ਸਟੇਡੀਅਮ, ਸਲਾਣਾ ਹੈ। ਮਰਹੂਮ ਕੈਪਟਨ ਕੰਵਲਜੀਤ ਸਿੰਘ ਜੀ ਵਿੱਤ ਮੰਤਰੀ, ਪੰਜਾਬ ਨੇ ਇਸ ਦੀ ਸ਼ੁਰੂਆਤ ਕੀਤੀ ਸੀ। ਉਹ ਸਾਡੇ ਪਿੰਡ ਦੇ ਜੰਮਪਲ ਸਨ। ਉਨ੍ਹਾਂ ਤੋਂ ਬਾਅਦ ਸ ਮਨਪ੍ਰੀਤ ਸਿੰਘ ਬਾਦਲ, ਵਿੱਤ ਮੰਤਰੀ, ਪੰਜਾਬ ਨੇ ਇਸ ਨੂੰ ਹੋਰ ਵਧੀਆ ਬਣਾਉਣ ਲਈ ਗ੍ਰਾਂਟ ਦਿੱਤੀ। ਪਿੰਡ ਦੇ ਬੱਚੇ ਅਤੇ ਨੌਜਵਾਨ ਲੰਬੇ ਸਮੇਂ ਇੱਥੇ ਵੱਖ-ਵੱਖ ਖੇਡਾਂ ਦੀ ਤਿਆਰੀ ਵੀ ਕਰਦੇ ਹਨ। ਸਾਡੇ ਪਿੰਡ ਦਾ ਕੁਸ਼ਤੀ ਦੰਗਲ ਵੀ ਬਹੁਤ ਸਾਲਾਂ ਤੋਂ ਇਸ ਸਟੇਡੀਅਮ ਵਿੱਚ ਹੀ ਹੁੰਦਾ ਹੈ। ਪੋਸਟ ਪਾਉਣ ਦਾ ਮਕਸਦ ਇਹ ਸਟੇਡੀਅਮ ਬਹੁਤ ਪਹਿਲਾਂ ਦਾ ਬਣਿਆ ਹੈ। ਜਿਸ ਤਰਾਂ ਇਨਕਲਾਬੀ ਬਦਲਾਅ ਵਾਲੇ ਪਹਿਲਾਂ ਬਣੇ ਬਾਥਰੂਮਾਂ, ਸਕੂਲਾਂ ਅਤੇ ਪਹਿਲਾਂ ਲੱਗੇ ਟਰਾਸਫਾਰਮਾਂ ਦੇ ਬਿਨਾਂ ਬ੍ਰੇਕ ਉਦਘਾਟਨ ਕਰ ਰਹੇ ਹਨ ।ਮੈਂ ਸੋਚਿਆ ਕਿਤੇ ਸਾਡੇ ਪਿੰਡ ਸਲਾਣੇ ਪਹਿਲਾਂ ਹੀ ਬਣੇ ਸਟੇਡੀਅਮ ਦਾ ਉਦਘਾਟਨ ਨਾ ਕਰਨ ਆ ਜਾਣ,ਸੋ ਪਹਿਲਾਂ ਹੀ ਪੰਜਾਬ ਵਾਸੀਆਂ ਨੂੰ ਦੱਸ ਦਈਏ। ਬਾਈ ਇਨਕਲਾਬੀ ਨੇ ਬਦਲਾਅ ਵਾਲੇ ਕੁਝ ਵੀ ਕਰ ਸਕਦੇ ਨੇ।
ਸੰਤੋਖ ਸਿੰਘ ਸਲਾਣਾ।

09/10/2025

ਬਹੁਜਨਾਂ ਦੇ ਮਸੀਹਾ,ਬੇ- ਜ਼ੁਬਾਨਿਆਂ ਨੂੰ ਜ਼ੁਬਾਨ ਦੇਣ ਵਾਲੇ, ਬਾਮਸੇਫ, ਡੀ. ਐਸ. 4 ਅਤੇ ਬਹੁਜਨ ਸਮਾਜ ਪਾਰਟੀ ਦੇ ਸੰਸਥਾਪਕ, ਨਿਧੜਕ ਪੰਜਾਬੀ ਸਾਹਿਬ ਸ੍ਰੀ ਕਾਂਸ਼ੀਰਾਮ ਜੀ ਦੇ ਪ੍ਰੀਨਿਰਮਾਣ ਦਿਵਸ ਤੇ ਉਨ੍ਹਾਂ ਨੂੰ ਯਾਦ ਕਰਦਿਆਂ ਦਿਲ ਦੀਆਂ ਗਹਿਰਾਈਆਂ ਚੋਂ ਸਰਧਾ ਦੇ ਫੁੱਲ ਭੇਟ ਕਰਦੇ ਹਾਂ।
ਸੰਤੋਖ ਸਿੰਘ ਸਲਾਣਾ।

08/10/2025

ਅਲਵਿਦਾ ਸੱਜਣਾ। ਸਾਫ ਸੁਥਰੀ ਗਾਇਕੀ ਗਾਉਣ ਵਾਲਾ ਰਾਜਵੀਰ ਜਵੰਦਾ ਕਹਿ ਗਿਆ ਦੁਨੀਆਂ ਨੂੰ ਅਲਵਿਦਾ।
ਸੰਤੋਖ ਸਿੰਘ ਸਲਾਣਾ।

08/10/2025

ਚੌਥੀ ਪਾਤਸ਼ਾਹੀ ਧੰਨ ਧੰਨ ਸ੍ਰੀ ਗੁਰੂ ਰਾਮਦਾਸ ਜੀ ਦੇ ਪ੍ਰਕਾਸ਼ ਪੁਰਬ ਦੀਆਂ ਨਾਨਕ ਨਾਮ ਲੇਵਾ ਸਮੂਹ ਸੰਗਤਾਂ ਨੂੰ ਬਹੁਤ-ਬਹੁਤ ਮੁਬਾਰਕਾਂ ਹੋਣ ਜੀ।
ਸੰਤੋਖ ਸਿੰਘ ਸਲਾਣਾ।

07/10/2025

ਭਾਰਤੀ ਸੁਪਰੀਮ ਕੋਰਟ ਦੇ ਮੁੱਖ ਜੱਜ (chief Justice of india) ਤੇ ਜੁੱਤੀ ਸੁੱਟਣਾ ਮੰਨੂਵਾਦੀ ਮਾਨਸਿਕਤਾ ਦੀ ਨਿਸ਼ਾਨੀ।ਇਸ ਦੀ ਜਿੰਨੀ ਨਿੰਦਿਆ ਕੀਤੀ ਜਾਵੇ ਥੋੜੀ ਹੈ । ਇੱਕ ਦਲਿਤ ਭੂਸ਼ਨ ਰਾਮਕਰਿਸ਼ਨਾ ਗਵਈ ਦਾ ਭਾਰਤੀ ਸੁਪਰੀਮ ਕੋਰਟ ਦਾ ਮੁੱਖ ਜੱਜ ਬਣਨਾ ਮੰਨੂਵਾਦੀਆਂ ਨੂੰ ਨਹੀਂ ਆ ਰਿਹਾ ਹਜ਼ਮ।ਇਹ ਹਮਲਾ ਇਕੱਲੇ ਮੁੱਖ ਜੱਜ ਤੇ ਨਹੀਂ। ਦੇਸ਼ ਦੀ ਆਤਮਾ ਤੇ ਸਮੁੱਚੇ ਦਲਿਤ ਸਮਾਜ ਅਤੇ ਭਾਰਤੀ ਸੰਵਿਧਾਨ ਤੇ ਹੈ।
ਸੰਤੋਖ ਸਿੰਘ ਸਲਾਣਾ।

07/10/2025

ਮਹਾਂਰਿਸ਼ੀ ਵਾਲਮੀਕ ਜੀ ਦੇ ਪ੍ਰਗਟ ਦਿਵਸ ਤੇ ਸਮੂਹ ਸੰਗਤਾਂ ਨੂੰ ਬਹੁਤ-ਬਹੁਤ ਮੁਬਾਰਕਬਾਦ ਜੀ।