ਸੰਗਰੂਰ ਖ਼ਬਰਸਾਰ Sangrur Khabarsaar

21/12/2024

ਹਾਸੋਹੀਣਾ ਵਾਪਰਿਆਂ ਕਾਂਡ

21/12/2024

ਵਾਹਿਗੁਰੂ ਨੇ ਆਪ ਸੇਵਾ ਲਈ......

ਸਮਾਂ ਹੋਣਾ ਕੋਈ ਸ਼ਾਮ ਸਾਢੇ ਕੁ ਚਾਰ ਵਜੇ ਦਾ ਕਿ ਭਵਾਨੀਗੜ੍ਹ ਵਾਲੇ ਡਾ. ਸਿੰਦਰਪਾਲ ਸਿੰਘ (ਅੱਕੂ ਭਵਾਨੀਗੜ੍ਹ) ਦਾ ਫੋਨ ਆਇਆ ਕਿ ਅਵਤਾਰ ਜੀ , ਤੁਹਾਡੇ ਪਿੰਡ ਅਕਬਰਪੁਰ ਨਹਿਰ ਕਿਨਾਰੇ ਇੱਕ ਰੋਝ (ਨੀਲ ਗਾਂ) ਦਾ ਬੱਚਾ ਨਹਿਰ ਦੀ ਪਟੜੀ ਉੱਤੇ ਖੜ੍ਹਾ ਤੜਫ ਰਿਹਾ ਹੈ ਜਿਸਦੀ ਇੱਕ ਲੱਤ ਵੱਢੀ ਹੋਈ ਹੈ ਜੋ ਕਿ ਨਾਲ ਲਟਕ ਰਹੀ ਹੈ। ਮੈਂ ਸਾਡੀ ਟੀਮ ਜਿੰਨ੍ਹਾਂ ਵਿੱਚ ਬਲਜਿੰਦਰ ਸਿੰਘ, ਸੁਖਵਿੰਦਰ ਸਿੰਘ ਅਤੇ ਸਤਨਾਮ ਸਿੰਘ ਨੰਬਰਦਾਰ ਹੁਰਾਂ ਨਾਲ ਮੌਕੇ ਉੱਤੇ ਪੁੱਜਿਆ ਤਾਂ ਉਹ ਸਾਡੇ ਜਾਂਦਿਆਂ ਨੂੰ ਨਹਿਰ ਵਿੱਚ ਡਿੱਗ ਚੁੱਕਾ ਸੀ। ਲਾਚਾਰ, ਬੇਸ਼ਹਾਰਾ ਅਤੇ ਬੇਜੁਬਾਨ ਜਾਨਵਰ ਵਿਚਾਰਾ ਠੰਡੇਂ ਪਾਣੀ ਅਤੇ ਉੱਪਰੋਂ ਲੱਤ ਵੱਢੀ ਦਾ ਦਰਦ ਨਾਲ ਕੁਰਲਾ ਰਿਹਾ ਸੀ, ਮੌਕੇ ਉੱਤੇ ਮੇਰੇ ਪਿੰਡ ਦੇ ਦਰਸ਼ਨ ਸਿੰਘ, ਲਖਵੀਰ ਸਿੰਘ, ਗੁਰਜੰਟ ਸਿੰਘ, ਸੁਖਵਿੰਦਰ ਸਿੰਘ ਮੈਂਬਰ, ਗੁਰਪਿਆਰ ਸਿੰਘ ਸਮੇਤ ਕਾਫੀ ਜਣਿਆਂ ਨੇ ਹੰਭਲਾ ਮਾਰਿਆ ਕਿ ਅਸੀਂ ਉਹਨੂੰ ਲਗਭਗ ਅੱਧੇ ਘੰਟੇਂ ਦੀ ਲੰਮੀਂ ਜੱਦੋ-ਜਹਿਦ ਤੋਂ ਬਾਅਦ ਹੌਲੀ ਹੌਲੀ ਨਹਿਰ ਵਿੱਚੋਂ ਬਾਹਰ ਕੱਢ ਲਿਆ। ਉਸਦੀ ਹਾਲਤ ਕਾਫੀ ਜਿਆਦਾ ਨਾਜੁਕ ਸੀ।
ਰੱਬ ਦੇ ਜੀਅ ਨੂੰ ਵੇਂਹਦਿਆਂ ਸੱਚੀ ਮਨ ਭਰ ਆਇਆ। ਉਹਦਾ ਦਰਦ ਮੈਨੂੰ ਵੀ ਮਹਿਸੂਸ ਹੋ ਰਿਹਾ ਸੀ। ਮੁੰਡਿਆਂ ਨੇ ਬਹੁਤ ਕੰਮ ਕੀਤਾ ਤੇ ਆਖੀਰ ਅਸੀਂ ਰਾਜੂ ਸਿੱਧੂ ਤੇ ਗਾਲੀ ਸਿੱਧੂ ਹੁਰਾਂ ਨਾਲ ਮਿਲਕੇ ਗੁਰੂਧਾਮ, ਉੱਭਾਵਾਲ ਰੋਡ ਸੰਗਰੂਰ ਲੈਕੇ ਉਸਨੂੰ ਪੁੱਜੇ ਜਿੱਥੇ ਉਨ੍ਹਾਂ ਨੇ ਉਹ ਰੋਝ (ਨੀਲ ਗਾਂ) ਰੱਖ ਲਿਆ ਅਤੇ ਉਸਦਾ ਇਲਾਜ ਸ਼ੁਰੂ ਕਰ ਦਿੱਤਾ। ਉਸ ਰੱਬ ਦੇ ਜੀਅ ਨੂੰ ਨਹਿਰ ਵਿੱਚੋਂ ਕੱਢਣ ਤੋਂ ਲੈਕੇ ਉਸਨੂੰ ਗੁਰੂਧਾਮ ਤੱਕ ਛੱਡਣ ਤੱਕ ਜੋ ਮਨ ਨੂੰ ਖੁਸ਼ੀ ਹੋਈ ਅੱਜ ਉਹ ਤੁਹਾਡੇ ਸਾਹਮੇਂ ਸ਼ਬਦਾਂ ਵਿੱਚ ਨਹੀਂ ਰੱਖ ਸਕਦਾ। ਵਾਹਿਗੁਰੂ ਦਾ ਲੱਖ-ਲੱਖ ਸ਼ੁਕਰਾਨਾ ਕਿ ਉਸ ਰੱਬ ਦੇ ਜੀਅ ਦੀ ਸੇਵਾ ਸਾਡੇ ਹਿੱਸੇ ਪਾਈ।।।।

ਅਵਤਾਰ ਅਕਬਰਪੁਰ, ਸੰਗਰੂਰ

18/12/2024

ਸੜਕ ਹਾਦਸੇ ਵਿੱਚ ਤਿੰਨ ਨੌਜਵਾਨਾਂ ਦੀ ਮੌਤ, ਇੱਕ ਜਖ਼ਮੀ

ਬੀਤੀ ਰਾਤ ਧੂਰੀ –ਸੰਗਰੂਰ ਰੋਡ ਤੇ ਪਿੰਡ ਲੱਡਾ ਨੇੜੇ ਵਾਪਰੇ ਇੱਕ ਹਾਦਸੇ ਵਿੱਚ ਕਾਰ ਸਵਾਰ ਤਿੰਨ ਨੌਜਵਾਨਾਂ (ਪਿੰਡ ਕਾਂਝਲਾ ਦੇ ਨੋਜਵਾਨ ਅਮਨਜੋਤ ਸਿੰਘ ਤੇ ਸਤਿਗੁਰ ਸਿੰਘ ਅਤੇ ਪਿੰਡ ਹਸਨਪੁਰ ਦੇ ਨੋਜਵਾਨ ਜਗਸੀਰ ਸਿੰਘ) ਦੀ ਮੌਤ ਹੋ ਗਈ, ਜਦੋਂਕਿ ਇੱਕ ਨੌਜਵਾਨ ਦੇ ਗੰਭੀਰ ਜਖ਼ਮੀ ਹੋਣ ਦੀ ਖ਼ਬਰ ਮਿਲੀ ਹੈ।

11/12/2024

ਪੰਜਾਬ ਸਰਕਾਰ ਨੇ 2025 ਦੀਆਂ ਗਜ਼ਟਿਡ ਅਤੇ ਰਾਖਵੀਆਂ ਛੁੱਟੀਆਂ ਦੀ ਲਿਸਟ ਕੀਤੀ ਜਾਰੀ।

ਅਵਤਾਰ ਅਕਬਰਪੁਰ ਸੰਗਰੂਰ

11/12/2024

ਇਹ ਸਖਸ਼ ਐਮ.ਸੀ ਨਹੀਂ, ਸੰਗਰੂਰ ਨਗਰ ਕੌਂਸਲ ਦਾ ਪ੍ਰਧਾਨ ਹੋਣਾ ਚਾਹੀਦੈ...... (ਅਵਤਾਰ ਅਕਬਰਪੁਰ, ਸੰਗਰੂਰ)

ਅਵਤਾਰ ਤਾਰਾ, ਮੇਰਾ ਨਾਮਾ ਰਾਸ਼ੀ ਐ। ਸੰਗਰੂਰ ਚ ਇਹਨੂੰ ਲੋਕ ਡੰਮਰੂ ਆਲੇ ਤਾਰੇ ਵਜੋਂ ਵੀ ਜਾਣਦੇ ਨੇ। ਲਗਭਗ ਦਹਾਕੇ ਤੋਂ ਇਹ ਸੰਗਰੂਰ ਦੇ ਮੁੱਦੇ ਆਪਣੇ ਅੰਦਾਜ ਨਾਲ ਹੀ ਚੁੱਕਦਾ ਆ ਰਿਹੈ, ਕਦੇ ਮੀਂਹ ਵਾਲੇ ਪਾਣੀ ਚ ਕਿਸਦੀ ਰੋੜਦੈ, ਕਦੇ ਗਲ ਚ ਟਮਾਟਰਾਂ ਤੇ ਪਿਆਜਾਂ ਦੇ ਹਾਰ ਪਾਕੇ ਵਧੀ ਮਹਿੰਗਾਈਂ ਦੀ ਦੁਹਾਈ ਦਿੰਦੈ ਤੇ ਕਦੇ ਸੜਕਾਂ ਦੇ ਟੋਇਆਂ ਵਿੱਚ ਡਿੱਗਕੇ ਟੁੱਟੀਆਂ ਸੜਕਾਂ ਪ੍ਰਸਾਸ਼ਨ ਦੇ ਧਿਆਨ ਚ ਲਿਆਉਂਦੈ।
ਇਹਦੇ ਦੇਸੀ ਜਿਹੇ ਅੰਦਾਜ ਵਿੱਚ ਸੰਗਰੂਰ ਦੇ ਮੁੱਦੇ ਵੱਡੇ ਪੱਧਰ ਉੱਤੇ ਉੱਭਰੇ। ਸਰਕਾਰੇ ਦਰਬਾਰੇ ਚਰਚੇ ਹੋਏ, ਨਤੀਜਤਨ ਕਈ ਥਾਵਾਂ ਉੱਤੇ ਇਹਦੀ ਵਲੋਂ ਉਠਾਏ ਮੁੱਦਿਆਂ ਦਾ ਹੱਲ ਵੀ ਨਿਕਲਿਆ। ਨਾ ਕੋਈ ਆਰਥਿਕ ਪੱਖੋਂ ਸੁਖਾਵਾਂ, ਨਾ ਪਰਿਵਾਰ ਪੱਖੋਂ ਸੁਖਾਵਾਂ, ਨਾ ਰਾਜਨੀਤਿਕ ਪਿਛੋਕੜ, ਗਰੀਬੜ੍ਹੇ ਜਿਹੇ ਘਰ ਦਾ ਜਾਇਆ, ਬਸ ਇੱਕ ਜਜਬੇ ਨਾਲ ਹੀ ਸੰਗਰੂਰ ਚ ਮੁੱਦਿਆਂ ਦਾ ਡੰਮਰੂ ਚੁੱਕੀ ਫਿਰਦੈ। ਮੈਂ ਆਮ ਵੇਖਦੈ ਕਿ ਲੋਕ ਆਪਣੇ ਮਨਾਂ ਚ ਐਮ.ਸੀ ਜਾਂ ਸਰਪੰਚੀ ਪੰਚੀਂ ਦੀ ਚੋਣ ਦੌਰਾਨ ਰਾਜ ਬਰਾੜ ਦੇ ਗੀਤ ਦੇ ਬੋਲਾ ਵਾਲਾ ਹਾਲ ਹੀ ਹੁੰਦੈਂ ‘ਲੈ-ਲੈ ਵੇ ਸਰਪੰਚੀਂ, ਹਾਏ ਸਰਕਾਰੀ ਪੈਸਾ ਖਾਵਾਂਗੇ’
ਪਰ ਉਲਟ ਅਵਤਾਰ ਤਾਰਾ ਮੁੱਦਿਆ ਨਾਲ ਚੋਣ ਲੜ ਰਿਹੈ। ਉਹਦੇ ਕਾਲਜੇ ਧੂਹ ਪੈਂਦੀ ਐ ਕਿ ਸੰਗਰੂਰ ਚ ਆਹ-ਆਹ ਮਾੜੀਆਂ ਅਲਾਮਤਾਂ ਨੇ ਦੂਰ ਕਰਾਂ। ਮੇਰੀ ਹੱਥ ਬੰਨ੍ਹਕੇ ਸੰਗਰੂਰ ਦੇ ਹਰੇਕ ਜੀਅ ਨੂੰ ਅਪੀਲ ਐ ਕਿ ਇਹੋ ਜਿਹੇ ਬੰਦੇਂ ਜਿਹੜੇ ਬਿਨ੍ਹਾਂ ਪੈਸੇ, ਬਿਨ੍ਹਾਂ ਕਿਸੇ ਪਾਰਟੀ ਦੀ ਸਪੋਰਟ ਤੋਂ ਐਮ.ਸੀ ਦੀ ਚੋਣ ਲੜ੍ਹ ਰਹੇ ਨੇ, ਦਾ ਸਾਥ ਦੇਵੋ।
ਸੰਗਰੂਰ ਦੇ ਅਜੀਤ ਨਗਰ (22 ਨੰਬਰ ਵਾਰਡ) ਚੋਂ ਚੋਣ ਲੜ ਰਿਹੈ ਤਾਰਾ, ਸਾਥ ਦੀ ਅਪੀਲ।

ਧੰਨਵਾਦ
ਅਵਤਾਰ ਅਕਬਰਪੁਰ, ਸੰਗਰੂਰ

09/12/2024

ਸਮੂਹ ਸਰਕਾਰੀ ਸਕੂਲਾਂ ਵਿੱਚ ਸਰਦੀ ਦੀਆਂ ਛੁੱਟੀਆਂ-ਪੰਜਾਬ ਸਰਕਾਰ ਵਲੋਂ ਜਾਰੀ ਹੁਕਮ।

ਅਵਤਾਰ ਅਕਬਰਪੁਰ ਸੰਗਰੂਰ

03/12/2024

ਕੈਬਨਿਟ ਮੰਤਰੀ ਹਰਦੀਪ ਸਿੰਘ ਮੁੰਡੀਆ ਅਤੇ ਬਰਿੰਦਰ ਗੋਇਲ ਵੱਲੋਂ ਜ਼ਿਲਾ ਸੰਗਰੂਰ ਵਿੱਚ ਚੱਲ ਰਹੇ ਵਿਕਾਸ ਕਾਰਜਾਂ ਦੀ ਪ੍ਰਗਤੀ ਦਾ ਜਾਇਜ਼ਾ

ਅਧਿਕਾਰੀਆਂ ਨੂੰ ਵਿਕਾਸ ਕਾਰਜ ਨਿਰਧਾਰਿਤ ਸਮੇਂ ਅੰਦਰ ਮੁਕੰਮਲ ਕਰਨ ਦੀ ਹਦਾਇਤ

ਨਾਗਰਿਕਾਂ ਨੂੰ ਸਰਵੋਤਮ ਪ੍ਰਸ਼ਾਸਨਿਕ ਸੇਵਾਵਾਂ ਉਪਲਬਧ ਕਰਵਾਉਣ ਵਿੱਚ ਲਾਪਰਵਾਹੀ ਬਰਦਾਸ਼ਤ ਨਹੀਂ ਹੋਵੇਗੀ

ਵਿਧਾਇਕ ਨਰਿੰਦਰ ਕੌਰ ਭਰਾਜ ਵੀ ਹੋਏ ਸ਼ਾਮਿਲ

ਸੰਗਰੂਰ, 3 ਦਸੰਬਰ -

ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਜਿਲਾ ਸੰਗਰੂਰ ਦੇ ਨਾਗਰਿਕਾਂ ਨੂੰ ਸਮਾਂਬਧ, ਸਾਫ ਸੁਥਰੀਆਂ ਅਤੇ ਸਰਵੋਤਮ ਪ੍ਰਸ਼ਾਸਨਿਕ ਸੁਵਿਧਾਵਾਂ ਮੁਹਈਆ ਕਰਵਾਉਣ ਵਿੱਚ ਕਿਸੇ ਪੱਧਰ ਦੀ ਅਣਗਹਿਲੀ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਇਹ ਪ੍ਰਗਟਾਵਾ ਅੱਜ ਪੰਜਾਬ ਦੇ ਮਾਲ, ਮਕਾਨ ਉਸਾਰੀ ਤੇ ਸ਼ਹਿਰੀ ਵਿਕਾਸ ਅਤੇ ਜਲ ਸਪਲਾਈ ਤੇ ਸੈਨੀਟੇਸ਼ਨ ਮੰਤਰੀ ਹਰਦੀਪ ਸਿੰਘ ਮੁੰਡੀਆ ਨੇ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨਾਲ ਵਿਕਾਸ ਕਾਰਜਾਂ ਦੀ ਪ੍ਰਗਤੀ ਦਾ ਜਾਇਜ਼ਾ ਲੈਂਦਿਆਂ ਕੀਤਾ। ਇਸ ਮੀਟਿੰਗ ਵਿੱਚ ਮੌਜੂਦ ਪੰਜਾਬ ਦੇ ਭੂਮੀ ਤੇ ਜਲ ਸੰਭਾਲ, ਜਲ ਸਰੋਤ ਅਤੇ ਖਣਨ ਤੇ ਭੂ ਵਿਗਿਆਨ ਮੰਤਰੀ ਬਰਿੰਦਰ ਗੋਇਲ ਨੇ ਕਿਹਾ ਕਿ ਵਿਕਾਸ ਕਾਰਜਾਂ ਨੂੰ ਤਰਜੀਹ ਦੇ ਆਧਾਰ 'ਤੇ ਪੂਰਾ ਕੀਤਾ ਜਾਵੇ ਅਤੇ ਵਿਕਾਸ ਕੰਮਾਂ ਲਈ ਸਰਕਾਰ ਕੋਲ ਫੰਡਾਂ ਦੀ ਕੋਈ ਕਮੀ ਨਹੀਂ ਹੈ। ਉਹਨਾਂ ਨੇ ਕਿਹਾ ਕਿ ਅਧਿਕਾਰੀ ਅਤੇ ਕਰਮਚਾਰੀ ਇਸ ਗੱਲ ਨੂੰ ਯਕੀਨੀ ਬਣਾਉਣ ਕਿ ਨਾਗਰਿਕਾਂ ਨੂੰ ਬਿਨਾਂ ਕਿਸੇ ਖਾਸ ਜਰੂਰਤ ਤੋਂ ਸਰਕਾਰੀ ਦਫਤਰਾਂ ਦੇ ਚੱਕਰ ਨਾ ਕੱਟਣੇ ਪੈਣ ਅਤੇ ਉਹਨਾਂ ਦੇ ਕੰਮ ਨਿਰਧਾਰਤ ਸਮੇਂ ਅੰਦਰ ਪੂਰੇ ਕੀਤੇ ਜਾਣ।

ਮੀਟਿੰਗ ਦੌਰਾਨ ਵਿਧਾਇਕ ਸ੍ਰੀਮਤੀ ਨਰਿੰਦਰ ਕੌਰ ਭਰਾਜ ਨੇ ਦੱਸਿਆ ਕਿ ਵਿਧਾਨ ਸਭਾ ਹਲਕਾ ਸੰਗਰੂਰ ਅਧੀਨ ਆਉਂਦੀਆਂ ਦੋਵੇਂ ਸਬ ਡਵੀਜ਼ਨਾਂ ਸੰਗਰੂਰ ਅਤੇ ਭਵਾਨੀਗੜ੍ਹ ਦੇ ਸ਼ਹਿਰੀ ਅਤੇ ਦਿਹਾਤੀ ਖੇਤਰਾਂ ਦਾ ਕਾਇਆਕਲਪ ਕਰਨ ਲਈ ਵੱਡੇ ਪੱਧਰ ਤੇ ਵਿਕਾਸ ਲਹਿਰ ਚੱਲ ਰਹੀ ਹੈ। ਉਹਨਾਂ ਨੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਪੰਜਾਬ ਸਰਕਾਰ ਵੱਲੋਂ ਵੱਖ-ਵੱਖ ਭਲਾਈ ਯੋਜਨਾਵਾਂ ਨੂੰ ਲਾਗੂ ਕਰਨ ਲਈ ਦਿੱਤੇ ਜਾਂਦੇ ਆਦੇਸ਼ਾਂ ਦੀ ਇੰਨ ਬਿੰਨ ਪਾਲਣਾ ਨੂੰ ਯਕੀਨੀ ਬਣਾਇਆ ਜਾਵੇ।

ਇਸ ਦੌਰਾਨ ਡਿਪਟੀ ਕਮਿਸ਼ਨਰ ਸੰਦੀਪ ਰਿਸ਼ੀ ਨੇ ਸ਼ਹਿਰੀ ਅਤੇ ਦਿਹਾਤੀ ਖੇਤਰਾਂ ਵਿੱਚ ਨਿਯਮਤ ਸਾਫ ਸਫਾਈ, ਲੋਕਾਂ ਲਈ ਪੀਣ ਵਾਲੇ ਸਾਫ ਪਾਣੀ ਦੀ ਉਪਲਬਧਤਾ, ਸਟਰੀਟ ਲਾਈਟਾਂ, ਸੜਕਾਂ ਦੀ ਮੁਰੰਮਤ ਅਤੇ ਨਿਰਮਾਣ, ਸੀਵਰੇਜ ਦੀ ਸਫਾਈ, ਪਾਰਕਾਂ ਅਤੇ ਖੇਡ ਮੈਦਾਨਾਂ ਦੇ ਨਿਰਮਾਣ ਸਮੇਤ ਹੋਰ ਬੁਨਿਆਦੀ ਲੋੜਾਂ ਲਈ ਪ੍ਰਸ਼ਾਸਨਿਕ ਪੱਧਰ ਤੇ ਕੀਤੇ ਜਾ ਰਹੇ ਉਪਰਾਲਿਆਂ ਬਾਰੇ ਜਾਇਜ਼ਾ ਲੈਂਦਿਆਂ ਵਿਭਾਗੀ ਅਧਿਕਾਰੀਆਂ ਨੂੰ ਲੋੜੀਂਦੇ ਦਿਸ਼ਾ ਨਿਰਦੇਸ਼ ਦਿੱਤੇ।

ਮੀਟਿੰਗ ਦੌਰਾਨ ਹੋਰਨਾਂ ਤੋਂ ਇਲਾਵਾ ਐਸ.ਐਸ.ਪੀ ਸਰਤਾਜ ਸਿੰਘ ਚਾਹਲ, ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਸੁਖਚੈਨ ਸਿੰਘ ਪਾਪੜਾ, ਸਹਾਇਕ ਕਮਿਸ਼ਨਰ ਡਾ. ਆਦਿਤਯ ਸ਼ਰਮਾ, ਐਸਡੀਐਮ ਸੰਗਰੂਰ ਚਰਨਜੋਤ ਸਿੰਘ ਵਾਲੀਆ, ਐਸਡੀਐਮ ਸੁਨਾਮ ਪ੍ਰਮੋਦ ਸਿੰਗਲਾ, ਐਸਡੀਐਮ ਧੂਰੀ ਵਿਕਾਸ ਹੀਰਾ, ਐਸਡੀਐਮ ਦਿੜਬਾ ਰਾਜੇਸ਼ ਸ਼ਰਮਾ, ਐਸਡੀਐਮ ਲਹਿਰਾ ਸੂਬਾ ਸਿੰਘ, ਸਹਾਇਕ ਕਮਿਸ਼ਨਰ ਉਪਿੰਦਰਜੀਤ ਕੌਰ ਬਰਾੜ ਸਮੇਤ ਹੋਰ ਪ੍ਰਸ਼ਾਸਨਿਕ ਤੇ ਪੁਲਿਸ ਅਧਿਕਾਰੀ ਹਾਜ਼ਰ ਸਨ।
...

O/o District Public Relations Officer, Sangrur

Cabinet Minister Hardeep Singh Mundia and Barinder Goyal review the progress of development works at Sangrur

Officers asked to complete the development works within stipulated time

Sangrur, December 3 -
As per the commitment of good governance of Punjab Chief Minister Bhagwant Singh Mann, no laxity at any level will be tolerated in providing basic amenities to the citizens of district, said Punjab Revenue, Housing and Urban Development and Water Supply and Sanitation Minister Hardeep Singh Mundia while reviewing the progress of development works with administrative officers at the District Administrative Complex, today evening.
Punjab Soil and Water Conservation, Water Resources and Mining and Geology Minister Barinder Goyal, who was also present in the meeting, said that the development works should be completed on priority basis and the state government has no paucity of funds for development works. He said that the officers and employees should ensure that the citizens do not have to make rounds of the government offices without any specific need and services should be given within the stipulated time frame.

During the meeting, MLA Mrs Narinder Kaur Bharaj said that a massive development wave is underway to transform the urban and rural areas of both the sub-divisions Sangrur and Bhawanigarh falling under the Vidhan Sabha constituency Sangrur. She directed the officers to ensure strict compliance of the orders given by the Punjab Government led by Chief Minister Bhagwant Singh Mann for implementing various welfare schemes.

Deputy Commissioner Sandeep Rishi apprised the efforts being made at the administrative level for regular cleanliness in urban and rural areas, availability of clean drinking water for the people, street lights, repair and construction of roads, cleaning of sewage, construction of parks and playgrounds and other basic needs and gave necessary guidelines to the departmental officers.

SSP Sartaj Singh Chahal, Additional Deputy Commissioner (Development) Sukhchain Singh Papda, Assistant Commissioner Dr. Aditya Sharma, SDM Sangrur Charanjot Singh Walia, SDM Sunam Pramod Singla, SDM Dhuri Vikas Hira, SDM Dirba Rajesh Sharma, SDM Lehra Suba Singh, Assistant Commissioner Upinderjit Kaur Brar and other administrative and police officers were also present in the meeting.

03/12/2024

ਸੁਖਦੇਵ ਸਿੰਘ ਢੀਡਸਾ

01/12/2024

ਭਵਾਨੀਗੜ੍ਹ ਦੇ ਪਿੰਡ ਫਤਿਹਗੜ੍ਹ ਭਾਦਸੋਂ ਵਿਖੇ ਜੰਗਲੀ ਸੂਰ ਨੇ ਘਰ ਵਿੱਚ ਦਾਖਲ ਹੋ ਕੇ ਪਤੀ ਪਤਨੀ ਅਤੇ ਪੁੱਤਰ ਨੂੰ ਗੰਭੀਰ ਜ਼ਖ਼ਮੀ ਕੀਤਾ। ਛਡਾਉਣ ਆਏ 7 ਹੋਰ ਵਿਅਕਤੀਆਂ ਨੂੰ ਵੀ ਜ਼ਖ਼ਮੀ ਕੀਤਾ।
ਰਿਪੋਰਟ
ਮੇਜਰ ਸਿੰਘ ਮੱਟਰਾਂ

21/11/2024

ਮਿੱਠੂ ਸਿੰਘ s/o ਅਜਮੇਰ ਸਿੰਘ ਪਿੰਡ ਕਪਿਆਲ ਜਿਲਾ ਸੰਗਰੂਰ ਉਮਰ 48 ਸਾਲ ਕੱਦ 6 ਫੁੱਟ ਰੱਗ ਸਾਵਲਾ ਕੱਲ ਰਾਤ ਤੋ ਲਾਪਤਾ ਹੈ ਜੇ ਕਿਸੇ ਨੂੰ ਆ ਵਿਅਕਤੀ ਦਿਖਾਈ ਦਿੰਦਾ ਹੈ ਤਾ ਆ ਨੰਬਰ ਤੇ ਕਾਲ ਕਿਤੀ ਜਾਵੇ । 7814880633/8437767956
ਮਿਤੀ 20/11/2024 ਤੋ ਲਾਪਤਾ ਹੈ ਜੀ

20/11/2024

ਸੰਗਰੂਰ ਜਿਲੇ ਦੇ ਨੌਜਵਾਨ ਦੀ ਡੌਂਕੀ ਦੌਰਾਨ ਹੋਈ ਮੌਤ।

ਕਰੋ ਵੀਡੀਓ ਸ਼ੇਅਰ

19/11/2024

CM ਭਗਵੰਤ ਸਿੰਘ ਮਾਨ ਨੇ ਸੰਗਰੂਰ ਦੇ ਪਿੰਡ ਲੱਡਾ ਕੋਠੀ ਵਿਖੇ ਨਵੇਂ ਚੁਣੇ ਗਏ ਪੰਚਾਂ ਦੇ ਸਹੁੰ ਚੁੱਕ ਸਮਾਗਮ ‘ਚ ਕੀਤੀ ਸ਼ਿਰਕਤI

ਅਵਤਾਰ ਅਕਬਰਪੁਰ ਸੰਗਰੂਰ

14/11/2024

ਸੰਗਰੂਰ ਦੇ ਸਾਰੇ ਨਵੇਂ ਪੰਚਾਂ (ਮੈਂਬਰ ਪੰਚਾਇਤ) ਨੂੰ ਮੁੱਖ ਮੰਤਰੀਂ ਭਗਵੰਤ ਸਿੰਘ ਮਾਨ ਚਕਾਉਣਗੇ ਸਹੁੰਂ।

ਬਾਕੀ ਜਿਲਿਆਂ ਦੀ ਵੀ ਸੂਚੀ ਜਾਰੀ

ਅਵਤਾਰ ਅਕਬਰਪੁਰ ਸੰਗਰੂਰ

13/11/2024

13/11/2024

ਸਰਪੰਚਾਂ ਤੋਂ ਬਾਅਦ ਪੰਚ (ਮੈਂਬਰ ਪੰਚਾਇਤ) 19 ਨਵੰਬਰ ਨੂੰ ਜਿਲਾ ਪੱਧਰੀ ਸਮਾਗਮਾਂ ਰਾਹੀਂ ਚੁੱਕਣਗੇ ਸੌਂਹ।

ਅਵਤਾਰ ਅਕਬਰਪੁਰ ਸੰਗਰੂਰ

08/11/2024

ਦੋ ਸਕੇ ਭਰਾਵਾਂ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ

ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਕਣਕਵਾਲ ਭੰਗੂਆਂ ਚ ਦੋ ਸਕੇ ਭਰਾਵਾਂ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ। ਇੱਕ ਦੇ ਪਹਿਲਾ ਦੌਰਾ ਪੈ ਗਿਆ ਜਦੋਂ ਕਿ ਥੋੜੇ ਸਮੇਂ ਬਾਅਦ ਦੂਜਾ ਭਰਾ ਵੀ ਦਿਲ ਦੇ ਦੌਰੇ ਦਾ ਸ਼ਿਕਾਰ ਹੋ ਗਿਆ।।।।।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਰਾਮ ਲਾਲ (66 ਸਾਲ) ਅਤੇ ਮੋਹਨ ਦਾਸ (60 ਸਾਲ) ਨੂੰ ਥੋੜੇ ਕੁ ਸਮੇਂ ਦੇ ਫਰਕ ਨਾਲ ਅਚਨਚੇਤ ਦਿਲ ਦਾ ਦੌਰਾ ਪਿਆ, ਜਿਸ ਨਾਲ ਦੋਵੇ ਹੀ ਭਰਾਵਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਰਾਮ ਲਾਲ ਰਾਜ ਮਿਸਤਰੀ ਦਾ ਕੰਮ ਕਰਦੇ ਸਨ ਅਤੇ ਮੋਹਨ ਦਾਸ ਇਲੈਕਟ੍ਰੀਸ਼ਨ ਸਨ ਅਤੇ ਪਹਿਲਾ ਵੱਡੇ ਭਰਾ ਰਾਮ ਲਾਲ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਕੁੱਝ ਘੰਟਿਆਂ ਬਾਅਦ ਛੋਟੇ ਭਰਾ ਮੋਹਨ ਦਾਸ ਵੀ ਦਿਲ ਦਾ ਦੌਰਾ ਪੈਣ ਨਾਲ ਚੱਲ ਵਸੇ ।

ਅਵਤਾਰ ਅਕਬਰਪੁੁਰ, ਸੰਗਰੂਰ