Marathi Dastak

09/03/2026

अतुलनीय, ऐतिहासिक आणि अभूतपूर्व विजय! 🇮🇳🏆

अहमदाबादच्या नरेंद्र मोदी स्टेडियमवर आज भारतीय क्रिकेट संघाने इतिहासाच्या पानांवर सुवर्णाक्षरांनी नोंद होईल असा पराक्रम केला! न्यूझीलंडचा तब्बल ९६ धावांनी पराभव करत भारताने तिसऱ्यांदा ‘टी-२० विश्वचषक’ आपल्या नावावर केला. संपूर्ण देशासाठी हा क्षण अभिमानाचा, आनंदाचा आणि जल्लोषाचा आहे.

संजू सॅमसन, अभिषेक शर्मा आणि इशान किशन यांच्या आक्रमक व दमदार फलंदाजीने भारतीय डावाला भक्कम पाया मिळवून दिला. तर जसप्रीत बुमराह आणि अक्षर पटेल यांच्या अचूक व भेदक गोलंदाजीने न्यूझीलंडच्या फलंदाजीचा कणा मोडला. मैदानावर प्रत्येक खेळाडूने दाखवलेली जिद्द, एकजूट आणि देशासाठी खेळण्याची भावना हीच या विजयामागची खरी ताकद ठरली.

कर्णधार सूर्यकुमार यादव यांच्या नेतृत्वाखाली भारतीय संघाने आत्मविश्वास, धैर्य आणि उत्कृष्ट खेळाचे दर्शन घडवत हा विश्वचषक जिंकून १४० कोटी भारतीयांच्या हृदयात अभिमानाचा झेंडा फडकवला आहे. घरच्या मैदानावर मिळवलेला हा विजय भारतीय क्रिकेटच्या इतिहासातील एक अविस्मरणीय पर्व ठरेल.

हा केवळ एक सामना जिंकण्याचा क्षण नाही, तर संपूर्ण भारताच्या एकतेचा, अभिमानाचा आणि क्रिकेटप्रेमाचा उत्सव आहे. प्रत्येक भारतीयाच्या हृदयात आज आनंदाचा जल्लोष आहे.

भारतीय संघाचे मनःपूर्वक अभिनंदन! 🇮🇳
असा विजयाचा जल्लोष कायम सुरू राहो!

जय भारत! 🇮🇳

08/03/2026

टेंभुर्णी ग्रामपंचायत विरोधात जागतिक महिला दिन सरला शशिकांत गायकवाड यांचे प्राणांतिक उपोषण.

05/03/2026

उद्योजक विनोद चोपडे यांच्या मातोश्री सुनंदा सुग्रीव चोपडे यांचे दुःखद निधन.

व्होळे प्रतिनिधी / संतोष भोरे होळे (खुर्द) येथील उद्योजक विनोद चोपडे यांच्या मातोश्री सुनंदा सुग्रीव चोपडे (वय ६५) ...

01/03/2026

हिप्नोथेरपी कशी कार्य करते? मनोविज्ञान आणि संशोधनाधारित दृष्टिकोन | डॉ. राजवर्धन लोंढे

28/02/2026

कन्हेरगावच्या कार्तिकी चव्हाणचे एन.एम.एम.एस परीक्षेत यश.

 टेंभुर्णी प्रतिनिधी-  महाराष्ट्र राज्य परीक्षा परिषद यांच्या वतीने डिसेंबर २०२५ मध्ये घेण्यात आलेल्या राष्ट्.....

28/02/2026

मनावरील उपचाराचं रहस्य with Hypnotherapy? Treat Ur Mind? | With क्रांतीदीप लोंढे | Marathi Podcast.
लवकरच संपूर्ण येईल.

28/02/2026

बससेवा तातडीने सुरू करण्यासाठी शिवसेना संपर्कप्रमुख संजय कोकाटे यांची थेट परिवहन मंत्र्यांकडे मागणी.

टेंभुर्णी प्रतिनिधी :
माढा तालुक्यातील कोंढार भागातील तब्बल १५ गावांना आजपर्यंत दळणवळणाची कोणतीही सक्षम सार्वजनिक व्यवस्था उपलब्ध नसल्याने ग्रामस्थांना प्रचंड हालअपेष्टा सहन कराव्या लागत आहेत. या पार्श्वभूमीवर शिवसेना संपर्कप्रमुख संजय (बाबा) कोकाटे यांनी राज्याचे परिवहन मंत्री प्रतापजी सरनाईक यांची प्रत्यक्ष भेट घेऊन देवाची रांजणी–आलेगाव मार्गे टेंभुर्णी–अकलूज बससेवा तातडीने सुरू करण्याची ठाम मागणी केली आहे.
कोकाटे यांनी सादर केलेल्या निवेदनात नमूद केले आहे की, कोंढार भागातील १५ गावांतील नागरिकांना टेंभुर्णी किंवा अकलूज येथे जाण्यासाठी कोणतीही नियमित एस.टी. बस उपलब्ध नाही. परिणामी विद्यार्थ्यांचे शैक्षणिक नुकसान होत असून, शेतकऱ्यांना बाजारपेठेत जाण्यास अडचणी येतात. रुग्णांना उपचारासाठी वेळेत पोहोचणेही कठीण होत आहे. खासगी वाहनांवर अवलंबून राहणे सर्वसामान्यांना परवडणारे नाही.
प्रस्तावित मार्गानुसार, टेंभुर्णी येथून सकाळी, दुपारी आणि संध्याकाळी अशा दिवसातून तीन वेळा बस सुटून देवाची रांजणी–आलेगाव बुद्रुक–रुई–आलेगाव खुर्द–गार–अकोले मार्गे बावडा–अकलूज येथे जावी आणि त्याच मार्गाने परतीचा प्रवास करावा, अशी मागणी करण्यात आली आहे. ही सेवा सुरू झाल्यास ग्रामीण भागातील नागरिकांसाठी ती खऱ्या अर्थाने जीवनवाहिनी ठरेल, असा विश्वास स्थानिकांनी व्यक्त केला आहे.
तसेच परिवहन व्यवस्थापक सोलापूर व कुर्डूवाडी डेपोप्रमुख यांना तातडीने आदेश देऊन वरील बससेवा सुरू करण्याबाबत कार्यवाही करावी, अशी विनंती कोकाटे यांनी मंत्र्यांकडे केली आहे.
कोंढार भागातील जनतेच्या मूलभूत दळणवळणाच्या प्रश्नावर शासन किती वेगाने निर्णय घेते, याकडे आता सर्वांचे लक्ष लागले असून, ग्रामस्थांकडून लवकरात लवकर सकारात्मक निर्णयाची अपेक्षा व्यक्त होत आहे.

27/02/2026

टेंभुर्णी जिल्हा परिषद व पंचायत समिती गटात "बोबडे" गटाचे वर्चस्व.

टेंभुर्णी प्रतिनिधी-
नुकत्याच पार पडलेल्या जिल्हा परिषद व पंचायत समिती निवडणुकीत माढा तालुक्यातील महत्वाचा मानल्या जाणाऱ्या टेंभुर्णी जिल्हा परिषद गटात भाजपचे तालुकाध्यक्ष योगेश बोबडे व सरपंच सुरजा बोबडे यांनी आपल्या गटाचा जिल्हा परिषद सदस्य व पंचायत समिती सदस्य निवडून आणत टेंभुर्णी गटामध्ये बोबडे गटाचे चालते हे दाखवून दिले आहे.
टेंभुर्णी जिल्हा परिषद गटामध्ये ॲड. अमृता वाघे व टेंभुर्णी पंचायत समिती गणातून परमेश्वर खरात यांच्या पत्नी निवडून आल्याने टेंभुर्णी जिल्हा परिषद गटात भाजपचे तालुकाध्यक्ष योगेश बोबडे यांनी आपल्या गटाचे वर्चस्व सिद्ध करून दाखवले आहे. टेंभुर्णी तालुका माढा येथील जिल्हा परिषद निवडणुकीमध्ये राष्ट्रवादी युवक काँग्रेसचे जिल्हाध्यक्ष सुरजभैय्या देशमुख व राष्ट्रवादीचे नेते रावसाहेब नाना देशमुख तसेच टेंभुर्णी चे माजी सरपंच प्रमोद कुटे व राष्ट्रवादी काँग्रेस पक्षाचे माजी तालुकाध्यक्ष औदुंबर भाऊ महाडिक देशमुख यांच्या उमेदवाराला पराभूत करून बोबडे यांनी आपले वर्चस्व सिद्ध केले आहे.
टेंभुर्णी जिल्हा परिषद गटामध्ये तालुक्यातील सर्वात मोठी ग्रामपंचायत टेंभुर्णी ग्रामपंचायत आहे. त्यावर भाजपचे तालुकाध्यक्ष योगेश बोबडे यांची सत्ता असून सरपंच त्यांच्या पत्नी सुरजा बोबडे या आहेत. टेंभुर्णी शहराच्या विकासामध्ये पालकमंत्री जयकुमार गोरे व माजी खासदार रणजितसिंह नाईक निंबाळकर यांनी टेंभुर्णी ग्रामपंचायतीला मोठ्या प्रमाणात विकास निधी प्राप्त करून दिला. माजी आमदार बबनदादा शिंदे , माजी आमदार संजयमामा शिंदे व जिल्हा दुध संघचे अध्यक्ष रणजितसिंह शिंदे यांनीही टेंभुर्णीच्या विकासासाठी प्रयत्न केले आहेत याची चांगली साथ या निवडणुकीत मिळाल्याचे दिसून येत आहे.
यामुळे नुकत्याच झालेल्या जिल्हा परिषद व पंचायत समिती निवडणुकीत टेंभुर्णी जि.पा. गटातून नवख्या समजल्या जाणाऱ्या भाजपाच्या उमेदवार ॲड .अमृता नागनाथ वाघे यांनी खासदार धैर्यशील मोहिते-पाटील व आमदार अभिजित पाटील यांच्या राष्ट्रवादी काँग्रेस पार्टीच्या व कोंढार भागातील मोठे नाव असेल्या विद्यमान जिल्हा परिषद सदस्या अंजनादेवी शिवाजी पाटील या अनुभवी उमेदवाराचा पराभव केला. त्यांनी शिंदे गटाकडून शेवटच्या क्षणी ऐनवेळी मोहिते पाटील गटाकडे जाऊन उमेदवारी मिळवली होती. परंतु त्याचा फायदा त्यांना झाला नाही. तसेच टेंभुर्णी पंचायत समिती गणातून भाजपच्या वतीने टेंभुर्णीच्या माजी सरपंच प्रतिभा परमेश्वर खरात यांनी पंचरंगी लढतीत विजय संपादन केला. या उमेदवारांना निवडून आणण्यात भाजपचे तालुकाध्यक्ष योगेश बोबडे व त्यांच्या पत्नी टेंभुर्णीच्या विद्यमान सरपंच सुरजा बोबडे यांचा सिंहाचा वाटा आहे. त्याचे कारण टेंभुर्णी परिसरातील दिवंगत नेते ॲड . कृष्णात दादा बोबडे यांना मानणारा मोठा वर्ग आहे. त्यांच्या पावलावर पाऊल टाकत सरपंच सुरजा बोबडे, योगेश बोबडे यांनी आपले कार्य चालू ठेवले आहे .

24/02/2026

बबनदादा शिंदे गटाविरुद्ध विजय; पण संजय कोकाटे विकासात्मक कामे करणार का...?

टेंभूर्णी प्रतिनिधी-माढा तालुक्यातील राजकारणात सध्या खासदार-आमदारांपेक्षा संजय कोकाटे यांच्याच नावाची जोरदार...

23/02/2026

संत निरंकारी मंडळ शाखा टेंभुर्णी अंतर्गत ‘स्वच्छ जल, स्वच्छ मन’ अभियान राबविण्यात आले.

 टेंभुर्णी प्रतिनिधी-“भक्ती ही केवळ शब्दांत नव्हे, तर आचरणातून प्रकट व्हावी” असा संदेश देत संत निरंकारी मिशन तर्....

22/02/2026

लाचखोरी प्रकरणी सरकार निशाण्यावर! विरोधकांच्या चहापान बहिष्कारानंतर मुख्यमंत्र्यांची पत्रकार परिषद लाइव्ह