Nattuvarthakal, Thodupuzha, Thodupuzha (2025)

30/09/2025

നവരാത്രി ആശംസകൾ

30/09/2025

ഒന്നേകാല്‍ വർഷം മുൻപത്തെ വാഹനാപകടം: അപകടമുണ്ടാക്കിയ അജ്ഞാത വാഹനം കുറവിലങ്ങാട്‌ പോലീസ് കണ്ടെത്തി

കോട്ടയം : കുറവിലങ്ങാട് പോലീസ് സ്റ്റേഷൻ പരിധിയിൽ 29-06-2024 തിയതി കൂത്താട്ടുകുളം ഭാഗത്തേക്ക് പോവുകയായിരുന്ന കാറിന്‍റെ പിന്നിൽ ,പുറകിൽ വന്ന ഒരു ഇന്നോവ കാർ ഇടിച്ചതിനെ തുടര്‍ന്ന് കാർ ഓടിച്ചിരുന്നയാൾ അന്നേ ദിവസം മരണപ്പെട്ടിരുന്നു.കുറവിലങ്ങാട്‌ സ്റ്റേഷനില്‍ കേസ് രജിസ്റ്റർ ചെയ്തു അന്വേഷണം ആരംഭിച്ചിരുന്നെങ്കിലും പുറകിൽ ഇടിച്ച വാഹനത്തെ കുറിച്ച് യാതൊരു വിവരവും ലഭിച്ചിരുന്നില്ല തുടർന്ന് ഇതിലേക്ക് ,വാഹന പരിശോധനകൾ ,കാർ ഷോറുമുകൾ , പരിസരവാസികൾ , CCTV ക്യാമറകൾ, കാർ വർക്ഷോപ്പുകൾ എന്നിവ കേന്ദ്രീകരിച്ചു അന്വേഷണം നടത്തി വരവെ , ഇതുമായി ബന്ധപ്പെട്ടു നടത്തിയ വാഹനപരിശോധനയിൽ കൂത്താട്ടുകുളം ഭാഗത്തേക്ക് പോയ ഒരു ഇന്നോവ കാറിനു, അപകടത്തിന് കാരണമായ ഇന്നോവ കാറുമായി സാദൃശ്യം തോന്നുകയും , തുടര്‍ അന്വേഷണത്തില്‍ ഈ കാറിന്‍റെ രജിസ്‌ട്രേഷൻ നമ്പർ കണ്ടെത്തുകയും ചെയ്തു. വാഹനം ഇടുക്കി സ്വദേശിയുടേത് ആണെന്നും, ഇയാൾ ഇത് മൂവാറ്റുപുഴയിലുള്ള USED CAR ഷോറൂമിൽ വിറ്റിട്ടുള്ളതാണെന്നും കണ്ടെത്തി. കാർ ഉപയോഗിക്കുന്നയാളെ കണ്ടെത്തുകയും ചോദ്യം ചെയ്തതില്‍ 29-06-2024 തിയതി തന്‍റെ വാഹനം അപകടമുണ്ടാക്കിയ വിവരം സമ്മതിക്കുകയുമായിരുന്നു. SHO അജീബ് ഇ , SI വിനോദ്‌കുമാർ ജി , SCPO - മാരായ ,സിജാസ് ഇബ്രാഹിം , സെബാസ്റ്റ്യൻ ജോർജ് , റെൻസൺ കെ വി , CPO - മാരായ , പ്രേംകുമാർ , ദിപിൻ കെ സി എന്നിവരുള്‍പ്പെട്ട അന്വേഷണ സംഘമാണ് വാഹനം കണ്ടെത്തിയത്.

kottayam

30/09/2025

ഇന്നത്തെ സ്വർണ്ണവില : ഗ്രാമിന് 175 രൂപ കൂടി

ഒരു ഗ്രാം : ₹10845
ഒരു പവൻ : ₹86760

🌟 ആലപ്പാട്ട് ഗോൾഡ് 🌟

*⚠️നിങ്ങളുടെ പഴയ സ്വർണ്ണാഭരണങ്ങൾ ലേലത്തിൽ നഷ്ടപ്പെടുമെന്ന വിഷമത്തിൽ ആണോ ??*

*എങ്കിൽ ബാങ്ക്, ധനകാര്യ സ്ഥാപനങ്ങൾ തുടങ്ങിയവയിൽ പണയത്തിൽ ഇരിക്കുന്ന നിങ്ങളുടെ സ്വർണ്ണാഭരണങ്ങൾ എടുത്ത് വിൽക്കുവാൻ ഞങ്ങൾ സഹായിക്കാം‼️*

*അതും വിപണിയിലെ ഏറ്റവും മികച്ച വിലയിൽ💯... ഉടൻ പണം💸*

*കൂടുതൽ വിവരങ്ങൾക്കായി വിളിക്കൂ...📲*

*8606100015 | 8606800015*
⬅️https://alappattugold.com

29/09/2025

അങ്കണവാടികളിൽ നടത്തുന്ന പോഷൺ അഭിയാൻ പദ്ധതിയുടെ ഭാഗമായുള്ള ‘പോഷൺ മാ 2025' സംഘടിപ്പിച്ചു

കൊച്ചി : വനിതാ ശിശുവികസന വകുപ്പിനു കീഴിലുള്ള അങ്കണവാടികളിൽ നടത്തുന്ന പോഷൺ അഭിയാൻ പദ്ധതിയുടെ ഭാഗമായുള്ള ‘പോഷൺ മാ’ പള്ളുരുത്തി ബ്ലോക്ക് പഞ്ചായത്തിൻ്റെയും പള്ളുരുത്തി ഐസിഡിഎസ് ഓഫീസിൻ്റെയും സംയുക്താഭിമുഖ്യത്തിൽ സംഘടിപ്പിച്ചു. പോഷകാഹാര പ്രദർശനം, വിവിധ പോഷകാഹാരങ്ങളെക്കുറിച്ചും ന്യൂട്രിഗാർഡനെകുറിച്ചുമുള്ള ബോധവത്ക്കരണ ക്ലാസുകൾ എന്നിവ പരിപാടിയുടെ ഭാഗമായി നടന്നു.

പള്ളുരുത്തി ബ്ലോക്ക് പഞ്ചായത്ത് പ്രസിഡൻ്റ് ബേബി തമ്പി ഉദ്ഘാടനം നിർവഹിച്ചു.ക്ഷേമകാര്യ സ്ഥിരം സമിതി അധ്യക്ഷൻ സാബു തോമസ് അധ്യക്ഷനായി.വൈസ് പ്രസിഡൻ്റ് ജോബി പനക്കൽ, സ്ഥിരം സമിതി ചെയർമാൻമാരായ മെറ്റിൽഡ മൈക്കിൾ, കെ.കെ സെൽവരാജൻ, കൗൺസിലർ സോന പ്രസാദ്, കൃഷി അസിസ്റ്റന്റ് ഓഫീസർ വി.വി രജനി, ശിശു വികസന പദ്ധതി ഓഫീസർ എ. പി രേണുക, ഡോ. ടി.പി അമൃത, സെക്രട്ടറി ഡി അജിത് കുമാരി, ഐ സി ഡി എസ് ഉദ്യോഗസ്ഥരായ വി. എം രമ്യ, സി. വി വിനില, എയ്ഞ്ചൽ ജിൻസി, സോന പ്രസാദ്, എന്നിവർ സംസാരിച്ചു.

29/09/2025

പൊതുവിദ്യാലയങ്ങളില്‍ എല്ലാ കുട്ടികള്‍ക്കും 'സൗജന്യ യൂണിഫോം’ ആധാറില്ലെങ്കിലും പേടിക്കേണ്ടെന്ന് സഭയില്‍ വിദ്യാഭ്യാസ മന്ത്രിയുടെ ഉറപ്പ്

പൊതുവിദ്യാലയങ്ങളിലെ വിദ്യാര്‍ഥികളുടെ ആധാര്‍ അധിഷ്ഠിത തസ്തിക നിര്‍ണയ പ്രതിസന്ധി പരിഹരിക്കുമെന്ന് വിദ്യാഭ്യാസമന്ത്രി വി ശിവന്‍കുട്ടി. എല്ലാ വിദ്യാര്‍ത്ഥികള്‍ക്ക് സൗജന്യ യൂണിഫോം ഉറപ്പാക്കുമെന്നും മന്ത്രി വി ശിവന്‍കുട്ടി നിയമസഭയില്‍ പറഞ്ഞു. ഒരു അധ്യാപകര്‍ക്കും ജോലി നഷ്ടപ്പെടാന്‍ പാടില്ലെന്നും വിദ്യാഭ്യാസ മന്ത്രി അറിയിച്ചു. സംസ്ഥാനത്തെ പൊതുവിദ്യാലയങ്ങളില്‍ 57130 വിദ്യാര്‍ഥികള്‍ക്ക് ആധാര്‍ ഇല്ലെന്നാണ് കണക്ക്. ഈ കുട്ടികള്‍ക്ക് സൗജന്യ യൂണിഫോം ലഭിക്കില്ലെന്നും, 4090 അധ്യാപക സൃഷ്ടികള്‍ ഇല്ലാതാകുമെന്നുമായിരുന്നു റിപ്പോര്‍ട്ട്. പിന്നാലെ വിഷയം വര്‍ക്കല എംഎല്‍എ വി ജോയി സബ്മിഷനായി സഭയില്‍ അവതരിപ്പിച്ചു. ഗുരുതര പ്രശ്‌നമാണെന്ന് സമ്മതിച്ച വിദ്യാഭ്യാസ മന്ത്രി കുട്ടികളുടെയും അധ്യാപകരുടെയും അവകാശ സംരക്ഷിക്കുമെന്ന് അറിയിച്ചു. എല്ലാവര്‍ക്കും യൂണിഫോം നല്‍കുമെന്നും മന്ത്രി ഉറപ്പ് നല്‍കി.അധ്യാപക നിയമനത്തിലെ ഭിന്നശേഷി സംവരണ വിധിയെ തുടര്‍ന്ന് എയ്ഡഡ് സ്‌കൂള്‍ മാനേജ്‌മെന്റുകള്‍ക്ക് കീഴില്‍ ജോലി നേടിയ അധ്യാപകരുടെ ജോലി അസ്ഥിരപ്പെടുന്ന പ്രശ്‌നം മോന്‍സ് ജോസഫ് എം എന്‍ എ ശ്രദ്ധ ക്ഷണിക്കലിലില്‍ സഭയില്‍ ഉന്നയിച്ചു. എന്നാല്‍ വിഷയം അവതരിപ്പിക്കുന്നതിനിടെ മന്ത്രിയ്ക്ക് സാമാന്യ ബോധം ഇല്ലെന്ന പരാമര്‍ശം തര്‍ക്കത്തിന് ഇടയാക്കി. എംഎല്‍എ ആവേശത്തില്‍ പറഞ്ഞതാകാമെന്നും പ്രശ്‌നം ഇവിടെ അവസാനിപ്പിക്കാമെന്നും മന്ത്രി വി ശിവന്‍കുട്ടി നിലപാട് എടുത്തതോടെയാണ് തര്‍ക്കം അവസാനിച്ചത്.

29/09/2025

പെരുമ്പാവൂരിൽ വൻ ഹെറോയിൻ വേട്ട; പ്രതി 52 വയസുള്ള സലീന അലിയാർ

പെരുമ്പാവൂർ :കുന്നത്തുനാട് എക്സൈസും എൻ സി ബിയും ചേർന്നു നടത്തിയ പരിശോധനയിൽ കുന്നത്തുനാട് താലൂക്ക് വെങ്ങോല വില്ലേജ് കണ്ടന്തറ ബംഗാൾ കോളനിയിൽ നിന്നും 66.300 ഗ്രാം ഹെറോയിൻ കൈവശം വെച്ച കുറ്റത്തിന് ബംഗാൾ കോളനിയിൽ താമസിക്കുന്ന കാരോത്തുകുടി വീട്ടിൽ സലീന അലിയാറെ (52) എൻഡിപിഎസ് വകുപ്പു പ്രകാരം അറസ്റ്റ് ചെയ്തു.

വീടിനുള്ളിൽ ഹെറോയിൻ ചെറു ഡപ്പകളിൽ നിറക്കുന്ന സമയത്തായിരുന്നു പ്രതി അറസ്റ്റിൽ ആയത്. അതിഥി തൊഴിലാളികളെ വച്ചുകൊണ്ട് അസാമിൽ നിന്നും ബോക്സ് കണക്കിന് ഹെറോയിൻ പെരുമ്പാവൂർ ഉള്ള തന്റെ വീട്ടിലെത്തിച്ച് ചെറു ഡപ്പകളിൽ ആക്കി അതിഥി തൊഴിലാളികളെ കൊണ്ട് തന്നെ വിൽപ്പന നടത്തിച്ച് വരികയായിരുന്നു പ്രതി.

പോലീസിനും എക്സൈസും വിവരം കൊടുക്കുന്ന ആള് എന്ന് തെറ്റിദ്ധരിപ്പിച്ചാണ് അതിഥി തൊഴിലാളിക്ക് ഇടയിൽ സലീന കച്ചവടം നടത്തി വന്നിരുന്നത്. ഹെറോയിൻ വില്പന നടത്തി കിട്ടിയ 9,33,400 രൂപയും രണ്ട് മൊബൈൽ ഫോണും നോട്ടെണ്ണുന്ന മെഷീനും പ്രതിയുടെ പക്കൽ നിന്നും പിടിച്ചെടുത്തു.

തുടർനടപടികൾക്കായി പ്രതിയെ കോടതി കോടതിയിൽ ഹാജരാക്കും. കുന്നത്ത്നാട് എക്സൈസ് സർക്കിൾ ഓഫീസും കൂടാതെ പെരുമ്പാവൂർ റേഞ്ച്, മാമല റെയിഞ്ച്, എൻ സി ബി എന്നിവറുടെ നേതൃത്വത്തിലായിരുന്നു
പരിശോധന നടന്നത്.

29/09/2025

നിയന്ത്രണം നഷ്ട്ടപ്പെട്ട് ലോറി മറിഞ്ഞു ; റോഡ് സൈഡിൽ നിന്ന ട്രാൻസ്ഫോർമർ പോസ്റ്റ് തകർത്താണ് അപകടം

അടിമാലി : ഇന്ന് വെളുപ്പിന് കുഞ്ചിത്തണ്ണി പവർ ഹൗസ്, വള്ളക്കടവ്, ബ്രോഡ് ബീൻ റിസോർട്ടിന് മുൻവശത്തായി നിയന്ത്രണം നഷ്ട്ടപ്പെട്ട് ലോറി മറിഞ്ഞാണ് അപകടം ഉണ്ടായത്. റോഡിന്റെ അശാസ്ത്രീയ നിർമ്മാണമാണ് അപകടത്തിന് കാരണമെന്ന് പ്രദേശവാസികൾ പറയുന്നു. റോഡ് സൈഡിൽ നിന്ന ട്രാൻസ്ഫോർമർ പോസ്റ്റ് തകർത്താണ് ലോറി മറിഞ്ഞത്. ലോറിയിൽ ലോഡ് ഉണ്ടായിരുന്നു, ലോറിക്ക് കാര്യമായ കേടുപാടുകൾ സംഭവിച്ചു,

29/09/2025

ഇന്നത്തെ സ്വർണ്ണവില : ഗ്രാമിന് 85 രൂപ കൂടി

ഒരു ഗ്രാം : ₹10670
ഒരു പവൻ : ₹85360

🌟 ആലപ്പാട്ട് ഗോൾഡ് 🌟

*⚠️നിങ്ങളുടെ പഴയ സ്വർണ്ണാഭരണങ്ങൾ ലേലത്തിൽ നഷ്ടപ്പെടുമെന്ന വിഷമത്തിൽ ആണോ ??*

*എങ്കിൽ ബാങ്ക്, ധനകാര്യ സ്ഥാപനങ്ങൾ തുടങ്ങിയവയിൽ പണയത്തിൽ ഇരിക്കുന്ന നിങ്ങളുടെ സ്വർണ്ണാഭരണങ്ങൾ എടുത്ത് വിൽക്കുവാൻ ഞങ്ങൾ സഹായിക്കാം‼️*

*അതും വിപണിയിലെ ഏറ്റവും മികച്ച വിലയിൽ💯... ഉടൻ പണം💸*

*കൂടുതൽ വിവരങ്ങൾക്കായി വിളിക്കൂ...📲*

*8606100015 | 8606800015*
⬅️https://alappattugold.com

28/09/2025

മൂവാറ്റുപുഴ നഗരസഭ 23-ാം വാർഡിൽ നവീകരിച്ച ആമ്പറ്റക്കുളം നഗരസഭ ചെയർപേഴ്സൺ പി.പി. എൽദോസ് നാടിനു സമർപ്പിച്ചു

മൂവാറ്റുപുഴ: മൂവാറ്റുപുഴ നഗരസഭ 23-ാം വാർഡിൽ നവീകരിച്ച ആമ്പറ്റക്കുളം നഗരസഭ ചെയർപേഴ്സൺ പി.പി. എൽദോസ് നാടിനു സമർപ്പിച്ചു. അമൃത് പദ്ധതിയിൽ ഉൾപ്പെടുത്തി 34 ലക്ഷം രൂപ ചെലവഴിച്ചാണ് കുളത്തിന്റെ നവീകരണ പ്രവർത്തനങ്ങൾ പൂർത്തീകരിച്ചത്.

വർഷങ്ങളായി ഉപയോഗ ശൂന്യമായിരുന്ന കുളം മാലിന്യ നിക്ഷേപ കേന്ദ്രമായതോടെ തദ്ദേശ വാസികൾ ദുരിതത്തിലായിരുന്നു. നവീകരണ പ്രവർത്തനങ്ങളുടെ ഭാഗമായി കുളത്തിലെ ചെളിയും ചപ്പുചവറുകളും നീക്കം ചെയ്ത് ആഴം കൂട്ടുകയും നാലു വശവും സംരക്ഷണ ഭിത്തിയും ചുറ്റുമതിലും നിർമിക്കുകയും ചെയ്തു. ഇതോടെ കുളം ജല സമൃദ്ധമായി മാറി. ഇപ്പോൾ കുളിക്കുന്നതിനും കാർഷിക ആവശ്യങ്ങൾക്കും കുളത്തിലെ ജലം ഉപയോഗിക്കാം.

ചടങ്ങിൽ കുളത്തിൻ്റെ നവീകരണ പ്രവർത്തനങ്ങൾ സമയബന്ധിതമായി പൂർത്തികരിച്ച കരാറുകാരൻ പി. പി. അലിയെ ആദരിച്ചു

യോഗത്തിൽ വാർഡ് കൗൺസിലർ ബിന്ദു സുരേഷ്കുമാർ അധ്യക്ഷയായി. നഗരസഭാ സെക്രട്ടറി സിനി ബിജു, സ്ഥിരം സമിതി അധ്യക്ഷരായ നിസ അഷറഫ്, പി.എം അബ്ദുൽ സലാം, ജോസ് കുര്യാക്കോസ് , കൗൺസിലർമാരായ പി.എം സലിം, ജോളി മണ്ണൂർ, അമൽ ബാബു, ആശ അനിൽ, സുധ രഘുനാഥ്, നേജില ഷാജി, ഫൗസിയ അലി, തുടങ്ങിയവർ പങ്കെടുത്തു.

28/09/2025

ഭക്തിയുടെ മറവിൽ തട്ടിപ്പ്:കൃപാസനത്തിന്റെ പേര് പറഞ്ഞ് തട്ടിയെടുത്തത് 5പവൻ സ്വർണം;പ്രതികൾ പിടിയിൽ

തൊടുപുഴ : ഭക്തിയുടെ മറവിൽ തട്ടിപ്പ്, കൃപാസനത്തിൽ സ്വർണ്ണം കൊണ്ടു പോയി പ്രാർത്ഥിച്ചാൽ ഐശ്വര്യം വർദ്ധിക്കും എന്ന് പറഞ്ഞ് അഞ്ച് പവനോളം സ്വർണം തട്ടിയെടുത്ത സംഘം പിടിയിൽ.
കൃപാസനത്തിൻ്റെ പേര് പറഞ്ഞു സ്വർണം അപഹരിച്ച സംഘത്തെ കരിമണ്ണൂർ പോലീസ് അറസ്റ്റ് ചെയ്തു.തൊടപുഴ കോലാനി പാറക്കടവ്‌ സ്വദേശികളായ ചാരുവിള പുത്തൻവീട്ടിൽ വിജീഷ്‌ (34), അത്തിവീട്ടിൽ സുലോചന (44), ഇവരുടെ മകൾ താഴ്‌ചയിൽ അഞ്‌ജു (29), അഞ്ചപ്ര ഷാജിത (30) എന്നിവരാണ്‌ പിടിയിലായത്‌.

കരിമണ്ണൂർ കുറുമ്പുപാടം ഭാഗത്ത്‌ ഒറ്റയ്ക്ക്‌ താമസിക്കുന്ന സ്‌ത്രീയുടെ വീടുമായി വിജീഷിന്‌ എട്ടുവർഷത്തെ പരിചയമുണ്ട്‌. ഭക്തയായ ഇവരുടെ പക്കൽനിന്ന്‌ ചാരിറ്റി പ്രവർത്തനത്തിനെന്നുപറഞ്ഞ്‌ വസ്‌ത്രങ്ങളും പണവും ഇയാൾ പറ്റാറുള്ളതായി പറയുന്നു. സ്വർണാഭരണങ്ങൾ കൃപാസനം പള്ളിയിൽ എത്തിച്ച്‌ പ്രാർഥന കഴിഞ്ഞ്‌ തിരികെഎത്തിച്ചാൽ വീടിന്‌ ഐശ്വര്യം വർധിക്കുമെന്ന്‌ പറഞ്ഞാണ്‌ അഞ്ചുപവനോളം തൂക്കമുള്ള സ്വർണമാല സംഘം കൈക്കലാക്കിയത്‌. വിജീഷ്‌ പറഞ്ഞത്‌ വിശ്വാസിപ്പിക്കാനാണ്‌ സത്രീകളെ കൂടെ കൂട്ടിയത്‌. പറഞ്ഞ സമയം കഴിഞ്ഞിട്ടും ആഭരണം തിരികെ ലഭിക്കാതായതോടെയാണ്‌ ചതിയിൽപ്പെട്ടത്‌ മനസിലാത്‌. ഇതോടെ കരിമണ്ണൂർ പൊലീസിൽ പാരാതി നൽകുകയായിരുന്നു. ഇവിരൽ സ്‌ത്രീകൾ കോട്ടയത്ത്‌ സമാന കേസിൽ പ്രതികളാണ്‌. കരിമണ്ണൂർ പ്രദേശത്ത്‌ മറ്റുചിലരും തട്ടിപ്പിന്‌ ഇരയായതായി പറയുന്നു. പ്രതികളെ കോടതി റിമാൻഡ്‌ ചെയതു.

28/09/2025

വണ്ടിപ്പെരിയാറിൽ ജീപ്പും ബസ്സും കൂട്ടിയിടിച്ച് അപകടം

ഇടുക്കി : വണ്ടിപ്പെരിയാർ 63 ആം മൈലിനു സമീപം ജീപ്പും ബസ്സും കൂട്ടിയിടിച്ചാണ് അപകടമുണ്ടായത്, 3 പേർക്ക് പരിക്കേറ്റു. തൃശ്ശൂർ ചാലക്കുടി സ്വാദേശികളായ റോസി ( 61),സൗമ്യ (39), റോസ് (9) എന്നിവർക്കാണ് പരിക്കേറ്റത്. ഗുരുതരമായി പരിക്കേറ്റ റോസിയെയും റോസിനേയും വിദഗ്ധ ചികിത്സയ്ക്കായി പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു. സൗമ്യ കുമളിയിലെ സ്വകാര്യ ആശുപത്രിയിൽ ചികിത്സയിലാണ്.

28/09/2025

കാറും ബൈക്കും കൂട്ടിയിടിച്ച് അപകടം

മൂവാറ്റുപുഴ: മൂവാറ്റുപുഴ തേനി ഹൈവേ റൂട്ടിൽ കല്ലൂർക്കാട് എസ്.എൻ.ഡി.പി ഗുരു മന്ദിരത്തിന് സമീപം ഇന്നലെ വൈകിട്ട് 6: 55 നാണ് സംഭവം.വലരി കൊച്ചാപ്പു റൂട്ടിൽ നിന്നും ഹൈവേയിലേക്ക് കടന്ന കല്ലൂർക്കാട് സ്വദേശിയുടെ കാറും, കല്ലൂർക്കാട് നിന്നും മൂവാറ്റുപുഴ ഭാഗത്തേക്ക് സഞ്ചരിച്ച ആലുവ എസി മെക്കാനിക്ക് കമ്പനിയിൽ ജോലി ചെയ്യുന്ന പാലക്കാട് സ്വദേശികളുടെ ബൈക്കും തമ്മിലാണ് കൂട്ടിയിടിച്ചാണ് അപകടം. പരിക്കേറ്റ ബൈക്ക് യാത്രികരെ കല്ലൂർക്കാട് ഫയർഫോഴ്സ് എത്തി മൂവാറ്റുപുഴ സ്വകാര്യ ആശുപത്രി പ്രവേശിപ്പിച്ചു. ഈ മേഖലയിൽ നിരന്തര അപകടം ചൂണ്ടിക്കാണിച്ച് ജനകീയ പരാതി നൽകിയിരുന്നു .ഇതിന് മറുപടി ലഭിക്കും മുമ്പാണ് അപകടം .ഇനിയെങ്കിലും അധികൃതർ ഉണർന്നു പ്രവർത്തിക്കണം എന്നതാണ് ജനങ്ങളുടെ ആവശ്യം.

Nattuvarthakal

30/09/2025

30/09/2025

30/09/2025

29/09/2025

29/09/2025

29/09/2025

29/09/2025

29/09/2025

28/09/2025

28/09/2025

28/09/2025

28/09/2025

Address

Telephone

Website

Alerts

Contact The Business

Shortcuts

Share

Category