03/12/2025
*ആത്മീയ സംഗമത്തിലേക്ക് ആദരപൂർവ്വം ക്ഷണിക്കുന്നു*.*
ദ്വിജക്ഷേമം ഫൗണ്ടേഷൻ്റെ നേതൃത്വത്തിൽ ഡിസംബർ 6 ന് നടക്കുന്ന പരശുരാമജയന്തി തൃശ്ശൂർ തെക്കെമഠത്തിൽ വച്ചു വിവിധ ചടങ്ങുകളിലൂടെ നടത്തുന്നതായി അറിഞ്ഞിരിക്കുമല്ലോ. ഇതിലെ പ്രധാനപ്പെട്ട ചടങ്ങുകളിലൊന്നാണ് സവിതൃഗായത്രി സഹസ്രാവർത്തി ജപം.
ഋഗ്വേദം, യജുർവേദം, സാമവേദം എന്നീ വേദഗ്രന്ഥങ്ങളിൽ പ്രതിപാദിച്ചിട്ടുള്ള വൈദിക മന്ത്രമാണ് ഗായത്രി മന്ത്രം.
ലോകത്തിന് മുഴുവൻ പ്രകാശം നൽകുന്ന സൂര്യഭഗവാൻ (സവിതാവ്) നമ്മുടെ ബുദ്ധിയെയും പ്രകാശിപ്പിക്കട്ടെ, നേർവഴിയിലേക്ക് നയിക്കട്ടെ എന്നാണ് ഈ മന്ത്രത്തിലെ പ്രധാന പ്രാർത്ഥന. വിവേകബുദ്ധി, പ്രായോഗിക ബുദ്ധി, ഏകാഗ്രത എന്നിവ വർദ്ധിപ്പിക്കാൻ ഇത് സഹായിക്കുമെന്ന് വിശ്വസിക്കപ്പെടുന്നു.
ഒരുമിച്ചിരുന്ന് ഗായത്രി മന്ത്രം ജപിക്കുമ്പോൾ അതിൻ്റെ ശക്തി അനേകമടങ്ങ് വർധിക്കുന്നു.
ഒരേ ലക്ഷ്യത്തോടെ ഒരുമിച്ചിരുന്ന് ജപിക്കുമ്പോൾ അവിടെ ഉണ്ടാകുന്ന പോസിറ്റീവ് ഊർജ്ജത്തിൻ്റെ പ്രവാഹം സമൂഹത്തിൽ ഐക്യവും സൗഹാർദ്ദവും വളർത്തുന്നു.
ലോകക്ഷേമത്തിനായി നടത്തുന്ന ഈ സങ്കല്പം അതിവേഗം ഫലപ്രാപ്തിയിലെത്താൻ സഹായിക്കും.
നമ്മുടെ ആചാരങ്ങളുടെയും അനുഷ്ഠാനങ്ങളുടെയും പവിത്രതയും പ്രാധാന്യവും പുതിയ തലമുറയിലേക്ക് കൈമാറാൻ ഈ കൂട്ടായ്മ സഹായിക്കും.
അതുകൊണ്ട്, എല്ലാവിധ തിരക്കുകളും മാറ്റിവെച്ച്, പരശുരാമജയന്തി ദിനത്തിൽ നടക്കുന്ന ആത്മീയ സംഗമത്തിൽ പങ്കെടുത്ത് സഹസ്രാവർത്തി ജപം ഉൾപ്പെടെയുള്ള കാര്യക്രമങ്ങളിൽ ഭാഗഭാക്കാകണമെന്ന് അഭ്യർത്ഥിക്കുന്നു.
*ഓരോ ഉപസഭയിൽ നിന്നും ചുരുങ്ങിയത് 3 പേരെങ്കിലും സഹസ്രാവർത്തിക്ക് തയ്യാറായി വരണമെന്ന് പ്രത്യേകം അഭ്യർത്ഥിക്കുന്നു*.
ഒരു ദിവസം ഒത്തൊരുമിച്ച് സമുദായത്തിനും, സമൂഹത്തിനും വേണ്ടി പ്രാർത്ഥിക്കാം.
നിങ്ങളുടെ ആത്മീയ സാന്നിധ്യം ഈ ചടങ്ങിന് പൂർണ്ണത നൽകും.
സ്നേഹപൂർവ്വം,
ദ്വിജക്ഷേമം ഫൗണ്ടേഷനു വേണ്ടി
അഴകം ഉണ്ണികൃഷ്ണൻ നമ്പൂതിരി
(ചെയർമാൻ)
ജയകൃഷ്ണൻ കാർക്കോട്ടിരി
(സെക്രട്ടറി)
