03/07/2024
ডিজিটেল ঠাগবাজিৰ নতুন কৌশল। 5.57 মিনিটত এটা অচিনাকী নম্বৰৰ পৰা ফোন আহিল। নম্বৰটো-9045436889, ট্ৰ কলাৰে দেখুৱালে কোনোবা অশোক জি বুলি। কামৰ ব্যৱস্থাৰ মাজতে ফোনটো ৰিচিপ কৰাত সিটো মুৰৰ পৰা কলে তপন দা চিনি পাইচেনে।মই নাই পোৱা বুলি কোৱাত খুব আত্মিয়তাৰে কথা পাতি আক্ষেপ কৰি কলে যে, সদায় লগ পোৱা মানুহ জন আপুনি পাহৰি গল। অশোকক আপোনাৰ মনত নাই। মই কলো কোন অশোক .. অশোক ঠাকুৰ নেকি। কলে- হয়, অশোক ঠাকুৰ । অশোক ঠাকুৰৰ ভাও লোৱা জনে কলে যে তেওঁ বৰ বিপদত পৰিছে, তিনিচুকীয়া লাইফ লাইনত আছে। তেওঁলৈ কোনোবাই 20000 হেজাৰ টকা পঠাব আৰু মোৰ একাউণ্টত পইচা দিব, মই তেওঁ পঠোৱা নিৰ্দিষ্ট নম্বৰত ফোন পে কৰিব লাগিব। মই আমাৰ কাকপথাৰৰ অশোক ভাবি হব বুলি কৈ দিলো। ইতিমধ্যে মোৰ মবাইলত এটা মেচেজ আহিল 20000 টকা ক্ৰেডিত হোৱা। কিন্তু মই বাৰে বাৰে মানুহ জনক কৈ আছো যে, কেছ হে দিব পাৰিম, মোৰ মবাইল বেয়া হল, গতিকে ফোন পে, গুগুল পে একো নাই। কিন্তু তেওঁ নশুনে কৰবাৰ পৰা হলেও পঠাব লাগে। শেষত কলো যে, মই কামত আছো, গতিকে কোনোবা চিনাকী পঠাই দিয়ক, মই কেচ পইচা দিম। কথা পাতি থকাৰ ফাকে ফাকে মই মেচেজটো পঢি় চালো। পইচা প্ৰকৃততে আহিছেনে নাই। কিন্ত দেখা পালো যে মেচেজ 9045436889 এই নম্বৰটোৰ পৰাই আহিছে, আৰু এডিট কৰি মোৰ মোবাইল নম্বৰৰ পিছত সংযোগ কৰি দিছে। যিটো ফোন পেৰ UPI link হয়। মোৰ ফোন পেত এইটো নম্বৰ লিংক কৰাই নাই। আন এটা নম্বৰ হে আছে। তেতিয়া মই কলো - অশোক, মোক যিটো পেমেণ্ট কৰা হল 20000 হেজাৰ তাৰ স্ক্ৰিন শ্বট এটা পঠাচোন। কোন একাউণ্টত সোমাল চাই লও। লগে লগে ফোন কাট। (কালিলৈ অশোকক এবাৰ লগ কৰিব লাগিব। )
