https://www.facebook.com/305431335976387/

Pahi Gohain, Tinsukia (2025)

06/06/2025

13/01/2025

05/08/2024

শাওন মাহৰ তৃতীয়টো সোমবাৰ,তিনিচুকীয়া টিলিঙা মন্দিৰ দৰ্শন কৰিলোঁ,har har har Mahadev om namah shivay 🕉️🙏🔱📿❤️

04/06/2024

ঐতিহ্যমণ্ডিত ডিব্ৰুগড় লোকসভা সমষ্টিৰ জনতাৰ ৰায়ৰ প্ৰতি মই সন্মান জনাইছোঁ৷ মোৰ চিন্তা-আদৰ্শ, অসম তথা ডিব্ৰুগড় লোকসভা সমষ্টিবাসীৰ স্বাভিমান, জাতীয়তাবাদী চেতনা, জাতি আৰু অসমক কৰা অন্যায়ৰ বিৰুদ্ধে চলাই নিয়া সংগ্ৰামখনৰ প্ৰতি সমৰ্থন জনাই যিসকল সন্মানীয় ভোটাৰে মোৰ ওপৰত অত্যন্ত আস্থা ৰাখি ভোটদান কৰিলে, তেখেতসকললৈ গভীৰ শ্ৰদ্ধা আৰু কৃতজ্ঞতা জ্ঞাপন কৰিছোঁ৷ আপোনালোকৰ এই সঁহাৰি আহিবলগীয়া দিনসমূহত মোৰ বাবে সাহস, শক্তি আৰু প্ৰেৰণাৰ প্ৰতীক হৈ ৰ’ব৷ মোৰ বিৰুদ্ধে প্ৰতিদ্বন্দ্বিতা কৰি জয়লাভ কৰা অসমৰ প্ৰাক্তন মুখ্যমন্ত্ৰী, কেন্দ্ৰীয় মন্ত্ৰী সৰ্বানন্দ সোণোৱাল ডাঙৰীয়াক আন্তৰিক অভিনন্দন আৰু শুভেচ্ছা জনাইছোঁ৷

নিৰ্বাচনত জয়-পৰাজয় আছে আৰু থাকিব৷ এয়া অৱশ্যম্ভাৱী আৰু স্বাভাৱিক৷ কিন্তু আজিৰ এই পৰাজয়ে যি লক্ষ্য আৰু উদ্দেশ্য লৈ মই ৰাজনীতিলৈ আহিছোঁ, সেই লক্ষ্য আৰু উদ্দেশ্যৰ পৰা মোক এচুলিমানো বিচলিত কৰিব নোৱাৰে৷ যেতিয়ালৈকে অসমীয়া মানুহৰ স্বাভিমান প্ৰতিষ্ঠা নহয়, যেতিয়ালৈকে অসমৰ মাটিত জাতীয়তাবাদৰ সৌধ নিৰ্মাণ নহয়, অসমীয়া মানুহৰ জাতীয় চেতনা আৰু জাতীয় স্বাভিমানৰ বিজয় নিচান যেতিয়ালৈকে নীলিম আকাশত নুৰে, তেতিয়ালৈকে মোৰ এই সংগ্ৰাম অব্যাহত থাকিব৷

যি ধাৰা, যি লক্ষ্য, যি চিন্তা আৰু আদৰ্শ-দৰ্শনেৰে আমি কাম-কাজ কৰি আহিছিলোঁ, পুনৰ সেই একেই উদ্যম, একেই চিন্তাৰে কাইলৈৰ পৰা কাম-কাজ অব্যাহত ৰাখিম৷ অসম জাতীয় পৰিষদৰ সকলো বিষয়ববীয়া, কৰ্মকৰ্তাক মই আহ্বান জনাইছোঁ যি লক্ষ্য-উদ্দেশ্যৰে আপোনালোকে কাম-কাজ কৰি আহিছিল, সেই একেই লক্ষ্য-উদ্দেশ্যৰে সকলোৱে যাতে ২০২৬ৰ বিধানসভা নিৰ্বাচনৰ বাবে আত্মনিয়োগ কৰে৷
এই সুবাদতে সমগ্ৰ নিৰ্বাচনী প্ৰক্ৰিয়াটোত আমাক সহায়-সহযোগিতা আগবঢ়োৱা বিৰোধী ঐক্যমঞ্চ, অসমৰ সহযোগী প্ৰতিটো ৰাজনৈতিক দলৰ সন্মানীয় নেতৃবৰ্গ আৰু কৰ্মী-সহযোদ্ধাক আন্তৰিক কৃতজ্ঞতা জ্ঞাপন কৰিছোঁ৷

আশা কৰিছোঁ - নৱনিৰ্বাচিত প্ৰতিগৰাকী সাংসদে জাতিটোৰ আৰু অসমখনৰ ভাল ভৱিষ্যতৰ বাবে কাম কৰি যাব। নিৰ্বাচনত গৰিষ্ঠসংখ্যক জনতাৰেই আস্থা জিনিব নোৱাৰিলেও এতিয়াৰে পৰা আমাক ভোটদান কৰা বা নকৰা প্ৰতিগৰাকী জনতাৰ কাষতেই লুৰীণজ্যোতি গগৈ প্ৰতিপল থাকিব। জনতাই আঙুলিয়াই দিয়া ভুল-ত্ৰুটিসমূহ শুধৰাই আপোচবিহীন জাতীয়তাবাদ প্ৰতিষ্ঠাৰ এই সংগ্ৰামখন আগুৱাই নিয়াৰ বাবে আমি দায়বদ্ধ হৈ থাকিম। অসমৰ জাতীয় জীৱনলৈ অহা প্ৰতিটো সংকটৰ সময়ত জাতিৰ কাষত থাকিম সদায় আৰু চিৰদিন।

|| জয় আই অসম ||
|| অসম প্ৰথম : সদায় আৰু চিৰদিন ||