14/02/2026
প্ৰখ্যাত বড়ো সাহিত্যিক আৰু কবি তাৰেন চন্দ্ৰ বড়োৱে আজি শেষ নিশ্বাস ত্যাগ কৰে। তেওঁ ১৪ খনৰো অধিক গ্ৰন্থ ৰচনা কৰিছিল, যাৰ ভিতৰত নাটক, চুটি গল্প, উপন্যাস আৰু কবিতা অন্তৰ্ভুক্ত আছিল। বিভিন্ন অনুষ্ঠান-প্ৰতিষ্ঠানে তেওঁক বহু সন্মানেৰে সন্মানিত কৰিছিল। তেওঁৰ জন্ম ১ নৱেম্বৰ, ১৯৫৫ চনত হৈছিল। তেওঁ সাহিত্য অকাডেমীৰ বড়ো পৰামৰ্শদাতা পৰিষদৰ আহ্বায়ক হিচাপে দায়িত্ব পালন কৰিছিল। তেওঁৰ মৃত্যুত টংলা প্ৰেছ ক্লাৱ তৰফৰ পৰা গভীৰ শোক প্ৰকাশ কৰি শোকসন্তপ্ত পৰিয়ালবৰ্গলৈ আন্তৰিক সমবেদনা জ্ঞাপন কৰিলোঁ। তেখেতৰ বিদেহ আত্মাক চিৰশান্তি কামনা কৰিলোঁ।
১৪/০২/২০২৬
